رواية قرين عاشق الفصل الثانى2 بقلم محمود الامين

#قرين_عاشق

الجزء الثاني 

اول ما دخلت الاوضه  اتصدمت لان كان فيه حد نايم علي السرير ومتغطي..... صرخت حسين قالي مالك في ايه... قولتله وانا بترعش من الخوف في حد نايم علي السرير يا حسين..... حسين دخل الاوضه وولع النور ملقاش حد..... قلي الاوضه فاضيه مفهاش حد اهدي بس انتي اكيد تعبانه من الفرح.... قولتله اه ممكن... حاول حسيت يقرب مني.. حسيت اني بتخنق ها ها وفقدت الوعي....... لما فوقت كان حسين جمبي وبيسألني مالك في اي..... مش عارفه انا كنت بتخنق سبني براحتي يا حسين بعد اذنك..... قالي حاضر ونمنا صحيت علي صوت حسين بيكلم نفسه وماسك رقبته وبيخنق نفسه.. ابعد عني ابعد عني كان الصوت بيخرج منه بحشرجه...... فضلت افوق فيه لحد ما فاق الحمدلله وفضل يكح جامد وقلي هو في اي...... قولتله علي كان بيعمله... قلي كابوس مفيش حاجه انا كويس.... تاني يوم الصبح لقيت اهلي جايين يزورونا وكان جاي معاهم الشيخ محسن وده جارنا من زمان وامام المسجد كان جاي يباركلنا...... الراجل اول ما دخل البيت لقيته بيقول اعوذ بالله من الشيطان الرجيم وبدأ يتلفت حواليه ويبص على الحيطان والسقف ويبرق...... اتكلم بابا وقاله هو فيه اي يا شيخنا..... الشيخ  محسن اتكلم وقال البيت ده في شر كبير انا حسيت بوجودهم و شميت ريحتهم القذره..... بابا اتكلم وقاله طيب والعمل اي يا شيخنا..... رد الشيخ وقال انا هاجي بكره وباذن الله الموضوع بسيط... مشي الشيخ محسن وحاله من الصمت عمت المكان... لحد ما والدي كسر الصمت وقال الف مبروك يا ولاد وعاوزين نسمع اخبار حلوه قريب ان شاءلله.... وقاموا اهلي ومشيوا... حسين سألني عن الشيخ محسن قولتله ده راجل طيب وبتاع ربنا لكن حسين قلي انا مش بصدق في الحاجات دي قولي لابوكي الراجل ده ميجيش هنا انا مش عايز شغل نصب... كانت دي اول مره حسين يتعصب عليا فيها..... في الليله دي نمت وفتحت عينيا على صوت غريب معايا في الاوضه... بصيت حواليا واتفزعت اتشليت في مكاني تقدروا تقولوا اقل وصف ان الي كان معايا في الاوضه قرود ايوه قرود صغيره وكانوا كلهم واقفين حوالين السرير عاوزه اقري قرأن عاوزه افتكر دماغي اتشوشت قدرت افتح بوقي وصرخت ولقيت باب الاوضه بيتفتح ودخل المفروض ان الي دخل حسين لكن الي دخل كان شخص عجوز اسود حالك ايديه ورجليه عباره عن حوافر.... قولتله وانا بترعش انت اي.. انت اي.... لقيته بيقرب مني قولتله ابعد عني اعوذ بالله من الشيطان الرجيم... رجع لورا وخرج وباب الاوضه اترزع.... لا لا الي بيحصل ده مش طبيعي اخدت قرار اني هروح الصبح وازور اهلي واحكيلهم علي الي بيحصل..... تاني يوم الصبح قولت لحسين اني عاوزه ازور اهلي قلي ماشي تحبي اجي معاكي.... قولتله لا انا هروح لوحدي..... وفعلا روحت وصلت البلد علي الظهر لاحظت حركه غريبه في البلد وبتوتر.... فسألت واحده من اهل البلد هو فيه اي.... قلتلي الشيخ محسن اختفي ومحدش لاقيه ولقيوا جوه بيته دم علي الارض والبلد كلها بتدور عليه...... البلد كانت مقلوبه حرفيا....... دخلت لاهلي البيت وطلبت من بابا وعمي اني عاوزه اتكلم معاهم.... وبدأت احكيلهم علي كل حاجه...... بابا كان ساكت مبيعلقش اما عمي اتكلم وقال الي حصل للشيخ محسن ليه علاقه بيكي يا صابرين.... الشيخ محسن طلب يشوفنا قبل اختفاؤه ولما رحناله الراجل كان متوتر جدا.. وقال ان الموضوع صعب وليه علاقه بحاجه اسمها تخاطر ارواح بس محدش فاهم مننا يعني اي..... رديت عليه وقولتله ولا انا فاهمه حاجه.. اي تخاطر ارواح ده..... بصولي وسكتوا قررت ارجع البيت وزي ما رحت زي ما جيت مستفتش اي حاجه..... رجعت البيت تعبانه حاسه بان راسي هتنفجر ونمت من التعب وحلمت اني واقفه في المقابر قدام قبر كبير وواقف جمبي الشيخ محسن لكنه مش شايفني نزل جوه القبر ده وبدأ يرسم علي الارض حروف وارقام لاحظت ان ايد الشيخ محسن متعوره وبدأ يعمل حاجه غريبه بدأ يطوف جوه القبر وفي ايده شمعه لكن فجأه ظهر من العدم مسخ دميم مشوه عينيه بيضه ايديه نحيفه وطويله جدا ضرب الشيخ محسن في وشه.... ووقع الشيخ محسن علي الارض جثه هامده.... صحيت من النوم وانا مش فاهمه حاجه خالص يعني ايه... اتصلت ببابا وحكتله الي حصل..... وروحت لحسين وطلبت منه اني لازم هروح البلد عشان والدي تعبان جدا وعاوزه اشوفه..... وافق نزلت بسرعه ورحت البلد بابا وعمي واهل البلد كانوا في المقابر وللاسف لقيوا جثه الشيخ محسن جوه قبر وعلي ملامحه اشد ملامح الرعب والفزع... كان محدش فاهم حاجه غيري انا وبابا وعمي الي عارفين ان موته ده بسببي او بسبب انه عرف حاجه وللاسف ملحقش يقولها.... اتنصب صوان عزا كبير وروحت عزيت مرات الشيخ محسن وبعدها روحت المقابر عشان ازور قبر ماما الله يرحمها... تليفوني رن الو ايوه يا حسين انا في المقابر  بزور ماما الله يرحمها.. هخلص وجايه علي طول.... قريت الفاتحه كعادتي وقعدت شويه وبعدها قررت اني همشي.. وانا ماشيه لاحظت ان في حاجه متكومه كده قدام قبر... قربت بحذر وانا خايفه لكن فضولي هو المتحكم فيا.. كانت جثه.. جثه متكفنه.. معرفش ليه حاجه جوايا بتقولي قربي واكشفي وش الجثه معرفش جبت الجراءه  دي منين وكشفت وشها....... اتصدمت ورجعت لورا دي جثه.. جثه دي جثه حسين 😱

اومال الي عايش معايا ده يبقي مين...... يتبع الجزء الثالث والاخير 

........ 

استتنوني في الجزء الثالث من قصه قرين عاشق واحداث مرعبه وحقايق غريبه 

#محمودالأمين