روايه الجنيه شريهان الفصل الثاني بقلم احمد المنسي
(الجنيه شريهان)
(الفصل الثاني)
(ساحر لعين)
إزاي أكون طائعآ
وأنت مين اصلآ ودخلتي ازاي
أنا مش فاهم حاجه
ردت بثقه وقوه
أنا الاميره شريهان بنت الملك قوي أمين
الموكل لجن المقابر
رديت بسرعه وقلتلها بقوه دون خوف
يعني جنيه واسمك شريهان بنت الملك قوي أمين
فتبسمت
فاكملت وحياه أمك
أنت فاكره لما تقوليلي كدا هحلك
انت ديتك طلقه يابت انت
في لمح البصر رأيت نفسي مقلوب في الهواء
وهيا تقترب مني كلما اقتربت يقل جمالها وزاد قبحها
ولم تتكلم بل دفعتني في الحائط واختفت
قعدت أولول زي النسوان
وأعيط من شده الخبطه
مراتي صحيت مفزوعه من صوت نواحي والهبده
وقالتلي هو يوم اسود من أوله
منا قولتلك حد شربك حاجه من غير ماتشوف
فأشرت بيدي علي فمي أن تخرصي
وتكلمت الموضوع اكبر من الأستربس يا روحي وتبسمت
قومي نامي وربك هيحلها
فسكتت قليلاً وأجابت لأ لازم أعرف في أيه
وايه الي بيحصلك
قومت من مكاني بوست دماغها
وقولتها أفهم وأفهمك
اشطا ياحبي
فضحكت وردت بوسه الرأس
وقالتلي أنا خايفه عليك من صحبه السوء اللي معاك
فاسكتها بكلماتي
وهيا
ماتخافيش أنا مش صغير
وياما لفيت وصعت
فا مش هتاكل بسرعه
اشطا
هزت دماغها بنعم
وقامت ودخلت اوضه الاولاد
وأنا سارح في الحوار ده
بقول لنفسي ليكون حد عاملي عمل
علشان الحاله معايا رايقه
ولا أيه القصه
شكلي أتلبست لما دخلت الترب
بس أنا طول عمري فيها إيه الجديد
هنام واصحي براحتي
وبكره كدا كدا مريح من محلي
فهشوف الدنيا هتقول ايه
ربنا يسترها وأعرف انام
قعدت شربت شويه سجائر من كتر التفكير
وياتري وياهل تري
ومش واثق أحدد أنا فيا ايه
قومت من مكاني
ودخلت نمت علي طول
والحمد لله مافيش احلام
صحيت علي المغرب
فطرت ونزلت اشوف نفسي في يوم الاجازه بتاعي
فلفيت ع زمايلي في محلاتهم واقعد مع كل واحد شويه
اشرب اي مشروب وامشي من غير مااحكي
ألا واحد بس
وهو جاسر
ميكانيكي ومكانه ورشته أمام الترب من المدخل الخلفي ليها
طلبلي قهوه
وقعد معايا وحكيتله
بالتفاصيل
قعد يكركر من الضحك
فاتنرفزت عليه واقولتله هيا ناقصه ضحك
فسكت بابتسامته وقالي ماهو كلام مش منطقي ياصاحبي
قولتله منا عارف علشان كده بقولك نشوف حد من الشيوخ او الروحانيين احكيله ويفسرلي اللي أنا فيه
سهم شويه وقالي هعمل تلفون وافتكر هنروح لمين
عقبال مالصنايعيه يلمه ويقفله وأشوف ربك يسهل
خلصنا قفل الورشه
وخدنا المكنه وطلعنا علي المساكن المشبوهة
اللي فيها كل انواع الممنوعات
فبقوله الشيخ هنا فضحك
واحنا بنركب المكنه بتاعتي
وقالي عم زغلول أبو بربور
بقي شيخ
فرديت بعصبيه مش لاقي الا ده ياجاسر
دا شيطان يابا
سفلي شغال
نجاسه شغال
دبح عيال قربان شغال
إيه ياعم جاسر دا مش ناقص أن احكيله يلبسني هو
فضحك وقالي أنا بعرف أتعامل معها هنحكي ويفهمنا
ونقلب بعد من استفهم ومافيهاش خساره
قولتله طيب
يلا نطلع هو لسا قاعد في الرابع
هز دماغه بنعم
طلعنا وخبطنا ولاقينه عيل صغير بيفتح
وبيقول شغل ولا معرفه
رد جاسر وقاله معرفه يا عسل
بص لجاسر بصه نار وغيظ
فجاسر انخطف من البصه وقاله بتبصلي كدا ليه يابن الناشفه
فتح الباب ودخلنا اوضه الشغل وهو متغاظ مننا وشويه جه زغلول دخل سلم علينا بحراره
وقولتله عامل إيه ياعم ابو بربور
رد وقالي ماشيه وكمل كلامه
ايه رماك عليا شكلك لبست يامعلم
فقولتله ماعرفش لحد دلوقتي
فرد بثقه بس أنا عارف اتفاجأت من رده
وقولتله عرفت ازاي منا لسا كنت هحكيلك
رد عليا باستهزاء
وقالي هو انابتاع حلويات ياض ياعادل
إيه ياجاسر أنت ماقولتش لصاحبك قدراتي ولا ايه
رد جاسر وقاله منا معرفه أنك قضتلي كام مصلحه كنت فارس فيهم
قولتله خلاص ياعم انت بتستعرض عضلاتك عليا خليني في المهم
إيه الحوار اللي أنا فيه
سكت شويه وقال عارف ياعادل أنت مرصود من يجي عشر سنين
فبلمت وأكمل
وهيا مش هتحلك
فتلعثمت وقولتله يعني اللي شوفته صح
هز رأسه وقالي يابختك يابن المحظوظه أميره وبنت ملك ومش اي ملك دا ملك موكل كمان
يعني كل الكنوز الي في المدينه في جيبك يابطل
ومتنساناش لما تزغلل معاك وتريش
رديت عليه بغلظه وقولتله
إلهي تزغلل عينك مدي الحياه وتبقي أحول
أنت أهبل ياجدع بخت إيه وبمب ايه
يلا ياجاسر نروح لشيخ فاهم
كشر وقالي هترجعلي تاني بالسلامه
وخد الباب في أيديكم وانت نازلين
نزلنا واحنا بنركب المكنه
قولت لجاسر شكل الحوار كبير ياصاحبي
رد بثق وقالي ياعم هنخلص منه
الملبوس واللي معمله عمل بيبقي تايه ومش مركز
إنما أنت حلو اهو ومافكش حاجه
سكت وماردتش
ولاقيته واخد طريق المخزن بتاع صاحبنا علي
اللي بنصطبح فيه
دخلنا المكنه جوا ولاقينا اربعه قاعدين بيلعبو دومنه
رمينا السلام وشدينا كراسي وقعدنا
وانا في الطريق فهمت جاسر
أنه مايفتحش الموضوع ده مع اي حد
ولا صحابنا اللي رايحينلهم.
قعدت ولفيت كام سيجاره وقعدت اشرب
ولعبت شويه دومنه ومليت
أو بمعني أصح دماغي مشغوله
قعدت لوحدي أتفرج عليهم وبفكر في نفس الوقت
سمعت اللي بتقولي
ماحدش هيعرف ياخدك مني
أنت ليا برضاك وغصب عنك
ماهو قالك من عشر سنين يعني مش هيروحه علي الفاضي
فتعقل و احسبها صح أنا لسا بخيرك
وهجيلك باليل نتفق علي حياتنا هتمشي ازاي.
واهم حاجه تفهم لا اعتراض علي أمري واختفت
توهت من كلامها
وحسيت ان الموضوع شكله كبير من بعد كلام زغلول الساحر
قومت استاذنت وقلت لجاسر جاي قالي أنا قاعد شويه
ركبت مكنتي وروحت وطلعت شقتي وفتحت وأنا متوتر
من اللي مستنيني
ندهت علي مراتي بصوت واطي علشان لو نايمه ماتصحاش
أصل مش عايزها تفهم حاجه من الموضوع ده
خايف عليها يحصلها حاجه
قعدت في الصالون وظبط قعدتي
وقعدت احسبها صح وافكر في كلام أبو بربور
دهب وأثار
يانهار فلوس
بس المشكله في انها جنيه
واميره كمان ومستقويه بأبوها
وعايزاني أبقي خدامها
بس ابقي خدامها في ايه
وهل اقدر اقاوم ولا أستسلم
بما أن قوتهم تكمن في عدم رؤيتهم
فطبيعي رد فعلي معاها هيبقي ضعيف
ربنا يستر من اللي جاي.
يتبع......
#بياع_الحواديت
