رواية دار الايتام الفصل الثاني بقلم احمد محمود محمد
2️⃣
فتحت باب الحمام علشان اتفاجئ بميس هناء
مدبـ ـوحـ ـه فى واحد من المشاهد المُروعـ ـه ومرميه جوه الحمام والـ ـدم مغرق المكان
وبتبدأ التحقيقات من اداره الدار عن الجـ ـ ـريمه اللى حصلت دى والغريبه ان مفيش حد بلغ الشرطه..!
لحد ما فجأه وصل ظابط ومعاه اتنين عساكر ف الاول اى حد صغير يشوف ان تلاته بس جايين يحققوا ف جـ ـ ـريمه قـ ـتل يعرف ان ده فيلم تمثيلى هابط بتنين جنيه اخراج
استنتجت ان الدار جايبه حد يتقمص دور ظابط شرطه علشان يخفوا أى اثر للجࢪ يمه طاب لى؟
تعامُل الظابط مع الجُثه اكدلى انه شخص تبع حد من اداره الدار مفيش طب شرعى ولا معمل جـ ـنائـ ـى ولا تحقيق
الحكايه وما فيها شالوا الجُـ ـثه على ترولى ومشيوا وقالوا هنتصرف وبس كده فيلم هابط زى ما قُلنا
تانى يوم بعد اللى حصل بنتجمع فى اجتماع فى وجود المُديره بس ومكنش فيه حد من مجلس الاداره وده غريب.
وبتتكلم المديره وبتقول " طبعا كُلنا شوفنا اللى حصل ومنعرفش مين عمل كده والامن شغال على القضـ ـيه
- امن ايه ده حضرتك انا مشوفتش امن. خالص
» يااستاذ مازن انا مقدرش ادخل المعمل الجـ ـنائى والطب الشـ ـرعى على الاولاد
- حضرتك ده مش مبرر وبعدين من امتا الطب الشرعى بيشتغل قدام اطفال ولا قدام ناس اصلا دى كلها حاجات سريه تبع شغلهم
» لو سمحت يااستاذ مازن متقاطعنـ ـيش
ايناس: اللى حصل حضرتك ده شيئ مروع ولازم نعرف مين عمل كده عشان ياخد جزاته..
» واحنا شغالين يا ميس ايناس ومش مقضرين بس الموضوع عاوز شويه وقت مش اكتر
وطبعا كُلنا عارفين ان ميس هناء مكنش ليها اهل ولا اقارب ولا ليها حد فى الدنيا دى كُلها لأنها كانت معانا فى الدار هنا من فتره يعنى متربيه هنا..
مازن- ده معناه ان حقها ضاع؟
» مين قال كده يااستاذ مازن انا بقولك عاوزين شويه وقت بس مش اكتر وانا كُل اللى طلباه منكم انكم تنسوا كُل اللى حصل ده وتمارسوا شغلكم على اكمل وجه ولا كأن فيه اى حاجه حصلت وسيب الامن يحقق فى القضـ ـيه دى
- ممكن اسأل حضرتك سؤال؟
» اتفضل ياامازن
- لى مفيش حد من مجلس الاداره حضر الاجتماع ده
» ها.... اصل يعنى. بص دول رجال اعمال كُبار فى البلد وديما مشغولين فا اكيد عندهم شغل اهم من الدار دى ويلا اتفضلوا كل واحد على شغله
لما خرجنا
ايناس قالت: انا مش مقتنعه بأى كلمه من كلام الست دى
- ولا انا.. لاحظتى انها اتوترت لما سألتها عن مجلس الاداره
اه لاحظت بس تفتكر فيه ايه؟
- الحكايه فيها لغز واللغز عند الاولاد ولازم نعرفوا
قصدك ايه؟
- قصدى ان لو موت هناء ليه علاقه بشكل الاولاد اللى ديما مساهمين بالشكل ده ومش بيتكلموا
ده معناه ان ممكن يكون فيه حد تانى هيموت
احنا؟!!
- معرفش بس احنا لازم نعرف ايه اللى بيحصل ولى هناء اتقتـ ـلت ومين قتـ ـلها !؟
وبتكون المديره واقفه فى شباك مكتبها وشيفاهم بيتكلموا ونظـ ـرات عينيها متطمنش ابدا..
تانى يوم بعد وجبه الفطار للأولاد روحت علشان ابدأ اعلمهم دروس الموسيقى.. بدأت العزف على الجيتار
مكنش فيه حد بيبصلى ولا مركز معايا.. محدش كان حاسس بوجودى اصلا.. ولا حد كان بيرد عليا ولا حد بيضحك ولا اى حاجه خالص
عباره عن تماثيل قاعده قدامى حتى لما زعقت فيهم علشان حد يركز معايا محدش خاف ولا حد بصلى اساسا
امرتهم يروحوا على اوضهم.. لاكن فيه بنت كانت لسه قاعده وبصالى جدا مركزه معايا
قومى يا حبيبتى على اوضتك زى اصحابك
يلا يبنتى ماتقومى
وهيا لسه باصه ومساهمه وساكته بصراحه ردت فعلها اللى مش مفهومه عصبتنى فا زعقت فيها
قامت ويادوب مشيت خطوتين ولقيتها وقعت على الارض مغمى عليها..
كلمت ايناس بسرعه عشان اسألها فين الدكتور اللى هنا.. ولما جات ليا قولت ليها اللى حصل
طلبت منها اعرف فين الدكتور اللى هنا مانا لسه جديد برضوا
فقالت بلاش الدكتور انا صاحبتى هنا مُشرفه معانا بس تبع المطبخ واشتغلت فتره فى التمريض تعرف تعالجها
اخدناها على صاحبتها واللى اسمها " سماح " ولما شافت البنت استغربت من شكلها
وقالت ان البنت دى مش طبيعيه خالص البنت دى واخده حاجه مخلياها كده فوقتها والبنت فاقت
حاولنا نكلمها بس مكنتش بترد.. ومن هنا جاتلى الفكره وقررت انى مش هرجع البنت اوضتها لحد مااعرف اخليها تتكلم..
- ايه رأيك يا ايناس احنا نحاول نغطى على غياب البنت دى لحد ما نعرف هيا واخده ايه؟
اه بس الحكايه دى صعبه شويه
- مش صعبه ولا حاجه كده كده مفيش حد فيهم بيتكلم اصلا يعنى لو البنت اختفت محدش هيهتم من الاولاد واحنا اللى بنشرف عليهم كل يوم قبل النوم يعنى امان
اه بس انا خايفه
- لأ طلاما قررتى تعرفى الحقيقه معايا يبقا مفيش خوف خالص..
رجعنا لسماح وطلبنا منها انها تهتم بالبنت يومين كده لحد ما نعرف ايه هيحصل
فعلا عدا تقريبا 24 ساعه والبنت ملامحها بدأت تتغير للأحسن وبقا فيه تحسن فى حالتها وبدأت تتكلم
كلمتنى سماح وانا روحت للبنت بدأت اتكلم معاها.. وسألتها فى الاول انتى لى مكنتيش بتتكلمى من الاول
انا مش عارفه كنت مركزه معاك وكان فيه حاجه تمنعنى اتكلم
ايناس- مازن انا شاكه فى حاجه احنا لازم نعمل تحاليل للبنت دى..
- ازاى وفين..؟
دكتور سعيد اللى تحت بيعمل تحاليل.. احنا بس هنخلى سماح تسحب عينه دم من البنت ونحللها على اساس انها دم اى حد فينا
- واخدنا العينه ونزلنا لسعيد.. فى الاول سألنا مين اللى سحب العينه من المريض..
رديت عليه انا لأنى كُنت شغال فى مجال التمريض قبل كده وبعرف اعمل كده كويس..
» طاب كويس هحللها حالا استنوا هنا
دخل لجوه وبعدها بنص ساعه تقريبا لقيته بيتكلم فى التليفون
بقول لسيادتك دى عينه دم من طفل من اطفال الدار يعنى لو عرفوا اللى فيها هنروح كلنا فى داهيه
حاضر يا فندم هتصرف حاضر..
انا سمعته دخلت ضربته وسيطرنا عليه انا وايناس وسألته.. قولى بقا فيه ايه؟
انتا عاوز ايه بالظبط.
- عاوز اعرف كُل حاجه ايه اللى فى العينه
معرفش..
- كويس خليك كده متعرفش جبت قصافه وبدأت اشد فى ضوافره واحد ورا واحد.
وكان بيصرخ جامد.. اتكلم وانا هسيبك
يا غبى افهم انا عاوز اعرف الحقيقه متخلنيش اموتك
مانا لو قولت ليك برضوا هموت..
_ حلو خالص يبقا تموت على ايديا احسن ماتموت على ايديهم
خلاص خلاص هتكلم..
اتكلم..
الدار دى ملك لرجال اعمال من الطبقه العاليه جدا الناس دى بتلاقى مُتـ ـعتها فى تعـ ـذيب الاطفال
وفى الاعتـ ـداء على البنات بيكبروهم ويستغلوهم لمصلحتهم.. واللى بيموت بياخدوا اعضـ ـائه كتجاره وبيهربوا فى جسمـ ـه الرقيق الابيض " اللى هوه الهرويـ ـن "
ومفيش حاجه مخسره معاهم..
ايناس- وايه اللى مخلى كُل الاطفال مساهمه كده ومش ببتتكلم ولا بتتحرك..
العصير اللى بيشربوه كُل يوم قبل النوم ده بيكون فيه ماده مُهدئه ولو زادت على مستوى معين ممكن تموت الطفل
الماده دى بتخليه ديما ناسى كُل حاجه وديما مكتئب ولا بيضحك ولا بيتكلم.. وكمان عشان مفيش اى ولد او بنت يفتكر اللى بيحصل فيه
- مين من الدار يعرف الكلام ده..
مفيش غير المديره هيا اللى بتعمل كل ده والطباخه سماح بتساعدها
ايه.. !؟ سماح !!!!
يتبع الجزء الاخير
#رعب_احمد_محمود
لسه حكابتنا مخلصتش لسه مكملين فى اخر جزء
متابعتكم تشرفنى
