رواية قمر ياسين الفصل الثاني 2 بقلم كيان محمد
كانت قاعده في الجنينه مغمضه عيوني فتحت بخضه اول ما حسيت بوسه علي رقبتي
قمر: ياسين
لف وقعد جنبي وفرد دراعه علي الكرسي ورا راسي
: انت مش صايمه اهو
بصتله بضيق: اقولك يا ياسين مش هرد عليك
حرك أيده علي راسي بحنيه
: أنتي كويسه يا قمر حاسه بتعب
أبتسمت له بهدوء
: والله كويسه يا ياسين وماشيه علي العلاج
فرد أديه وعنيه كلها حنيه
: تعالي يا قمر
عضيت علي شفايفي بخجل... وترميت في حضنه
باس راسها بحب
: ربنا يخليكي ليا
شوية وبعت عنه
: عامله كنافه هتعجبك اوي
ياسين غمز: حضريلي طبق محترم وحطيه في اوضتي وانا هعمل مكالمة وجاي
........
كنت واقفه في المطبخ بحماس بجهز ليه الكنافه زي ما طلب
دخلت مرات عمي
: اه ياسين بيه نقفله في المطبخ وعلي قلبنا زي العسل
ابتسمت بخجل
: انتي عارفه اني عماله ليه الكنافه دي مخصوص هو بيحبها
مرات عمي قربة مني والحنان باين في عنيها
: انا شفته وهو حاضنك من شويه ياسين بيعزك اوي يا قمر بس حاولي خلي في حدود بينكم
اتنهدت بحزن: بس انا بحبه يا مرات عمي
مرات عمها: عارفه يا حبيبتي وطول ما انتي مدلوقه عليه كدا هيفضل طول عمره مش شايفك
هزيت راسي وبتسمت
......
بليل وفي وقت متاخر
كان نايم علي السرير لابس بنطلون بس تلفونها رن رد بنوم ومن غير ما يشوف الاسم
: الو
قمر بتعب: ياسين انا تعبانه اوي
ياسين قام من مكانه بلهفه وجري علي اوضتها لقيها نايمه علي السرير وماسكه بطنها جامد
قعد جنبها بقلق
: في ايه مالك
قمر بوجع: مش قادره يا ياسين
ياسين بخوف وقلق
: اهدى وخدي نفس يا حبيبتي ختي العلاج
قمر: ايوه
ياسين: طيب اهدي ودلوقتي مفعول العلاج ببدأ
ياسين فضل قاعد جنبها وبيحرك ايده علي شعرها وهي ماسكه في أيده جامد لحد ما نامت وهو جنبها ووو...
