 |
رواية ملاكي الفصل الثاني 2 بقلم رحمه باسمقاطع كلامنا صوت رقيه .... = مراد لف ليها و هو مبتسم .... - عيوني ابتسمت و هي بترد ... = تسلملي ، اسر عايزك جوه - حاضر هدخله دخل مراد و رقيه جت مسكت ايدي و هي مبتسمه .... - أنا مش عارفه اشكرك ازاي بجد أنا لو اطول افديكي بروحي هعمل كده بجد رديت بابتسامه .... = على فكره دا واجبي و اكيد مش هشوفه قدامي تعبان و مش هعمل حاجه حضنتني جاامد و هي عامله تشكر طبطبت على ضهرها و بعدها خرجت من حضني و هي مبتسمه و مدمعه في نفس الوقت .... - اسالك سؤال = اتفضلي - لي الدموع الا ظهرت مره واحده دي ردت عليا و هي بتمسح دموعها .... = دموع الفرح اسر دا روحي أنا و مراد و منقدرش نعيش من غيره هو الحاجه الوحيده الا تقدر تهز مراد رديت بابتسامه .... - ربنا يخليه ليكم يارب = يارب قاطع كلامنا صوت الممرضه .... - دكتوره نورين = نعم - في حاله مستنيه حضرتك = حاضر جايه لفيت ل رقيه لقيتها مبتسمه و هي بتقول ... - روحي يا حبيبتي عطلتك عن شغلك و تاني مره الف شكر ليكي = و لتاني مره بردو هقولك أن دا واجبي خلي بالكم منه ، عن اذنك مشيت و انا مبسوطه من جوايا أن رديت الروح ل قلب أمه كانت حاسه ان ابنها بيروح منها و شلت الخوف و التوتر من قلب شخص باين عليه أنه ميخفش بالسهل روحت البيت بعد حالات كتير و شغل كتير و يوم طويل .... - أنا جيت يا ست الكل = نورتي يروح قلبي ، ادخلي يلا غيري هدومك و غسلي ايدك و تعالي عشان تتعشي شكلك مأكلتيش من الصبح رديت بابتسامه .... - عرفتي ازاى انا فعلا مأكلتش من الصبح = قلبي هو إلا قالي يلا روحي غيري و تعالي كلي و احكيلي عملتي اي النهارده - حاضر دخلت اوضتي غيرت هدومي و غسلت و صليت و بعدها خرجت لقيت العشا محطوط على السفره..... - اي الحلاوه دي = يلا اعقدي كلي قعدت كلت و فعلا كنت جعانه اوي و خلصت .... - يلا بقا هقوم اعمل كوبايتين شاي بالنعناع و اجاي احكيلك كل الا حصل انهارده = ماشي دخلت عملت كوبايتين الشاي بالنعناع و خرجنا قاعدنا في البلكونه و بدأت نتكلم عن الا حصل لحد ما قطعنا فجاه صوت خبط في شقه قصدنا و هي مكنش فيها سكان اصلا - اي دا بسم الله الرحمن الرحيم اي الصوت دا = مش عارفه يبنتي يمكن سكنت و لا حاجه - ممكن بردو ، أنا هدخل انام بقا عشان تعبت انهارده محتاجه حاجه = لا يا حبيتي تصبحي ع خير دخلت نمت و فعلا كنت محتاجه انام و صحيت الصبح على صوت دوشه خرجت بره ...... - هو في اي = دي ناس بطلع عفش للشقه الا قصدنا - اها ، صباح السكر يا ست الكل = صباحك مسكر زيك يحبيتي ، عندك شغل انهارده - اها بس دا بعد الضهر ، الحق بقا الم الغسيل و نفطر سوا = ماشي يا حبيتي دخلت الم الغسيل من البلكونه و فجاه سمعت صوت سمعته قبل كده ..... - اي دكتوره نورين بصيت لمصدر الصوت لقيتها رقيه مامت اسر الا كان تعبان في السوبر ماركت رديت بابتسامه.... = اهلا مدام رقيه ، ازي حضرتك ، و ازاى اسر - اسمي رقيه بس ،انا كويسه الحمد لله و أسر بفضلك كويس الحمد لله ، انتي عامله اي = أنا كويسه الحمد لله ، هو انتوا السكان الجداد - ايوا ، المفروض جينا امبارح بس انتي عارفه الا حصل = ايوا حمد لله على سلامته ، نورتنوا بجد ردت عليا بابتسامه .... - دا بنورك يحبيتي قاطع كلامنا صوت ماما ..... = بتكلمي مين يا نورين - جارتنا الجديده يا ماما ، دي مامت الولد الا تعب امبارح في السوبر ماركت ،مدام رقيه = اهلا يا حبيبتي نورتينا - متشكره جدا يا طنط دا نور حضرتك = شكرا يا بنتي ، اخبار ابنك اي نورين حكتلي أنه كان تعبان - ايوا الحمد لله بقا كويس و دا بفضل بنت حضرتك = بفضل ربنا الاول يحبيتي و بعد كده نورين كانت سبب من اسباب كتير أنه يرجعلك تاني ربنا يخليه ليكي - اللهم امين قاطع كلامهم صوت اسر ..... - مامي = نعم يا اسر - جعان = حاضر يا حبيبى عشر دقايق و اعملك الفطار ردت مامتي عليهم و هي بتقول .... - تعالوا افطروا معانا حتي يبقي عيش و ملح = بس ... - مفيش بس يا بنتي انتوا لسه بتظبطوا حاجتكم و اكيد مفيش حاجه في البيت تتأكل و حتي لو فيه تعالوا بردو عشان يبقي بينا عيش و ملح قولي حاجه يا نورين = انصحكم محدش يقول لا ماما أصدرت القرار و المفروض نغمض عينا و نفتحها تكون عندنا هنا و بنشرب الشاي كمان ضحكت رقيه في دخول مراد .... - بتضحكي مع مين يا رقيه = دي دكتوره نورين و مامتها - اهلا و سهلا = اهلا يا بني ، يلا يا رقيه منتظرنيكم دخلت أنا و ماما عشان نحضر الفطار عقبال ما هما يجهزوا نفسهم و يجوا ..... مراد : هي قصدها اي يا رقيه رقيه : سمعوا اسر و هو بيطلب اكل و هما عارفين اننا لسه ناقلين جديد و كده ف عزمتنا على الفطار مراد: اها ، طب روحي انتي و أسر و انا هنزل عندي مأموريه خلي بالكم من بعض رقيه : مش هتفطر مراد : انتي عارفه ي حبيتي طبيعه شغلي ف هخلص و اكل هناك بقا رقيه : ماشي يحبيبي ربنا معاك مراد : خلي بالك من أسر و لو حصل حاجه كلميني رقيه : حاضر مشي مراد على شغله و نزلت رقيه و أسر و راحوا عند نورين و مامتها نورين : اتفضلوا رقيه و أسر دخلوا و قعدنا نفطر مع بعض .... مامت نورين ( عايده ) : امال فين جوزك يا بنتي مجاش معاكي لي رقيه : هو مش موجود عايده : ازاى يا بنتي مش هو إلا كان معاكي ف البلكونه دا رقيه بابتسامه : لا دا مراد اخويا و هو ظابط شرطه و احنا كنا عايشين مع بعض في اسكندريه بس اتنقل هنا عشان عنده مأموريه و هو محبش يسيبنا لوحدنا عشان تعب اسر عايده : اها ، ربنا يخليكوا لبعض يحبيتي رقيه : اللهم امين نورين : عجبك الفطار ي اسر اسر : ايوا حلوه اوي يا طنط نورين كشرت زي الاطفال : اي طنط دي اسر : أنا اسف و الله اسف يا دكتوره نورين نورين : اسر اسر : نعم نورين : أنا اسمي اي اسر : نورين نورين : يبقي ناديلي نورين بس بلاش طنط و لا دكتوره اتفقنا اسر بابتسامه : اتفقنا ، على فكره اسمك حلو اوي نورين : و انت كمان اسمك حلو اوي ،انت في سنه كام اسر : أنا داخل ٣ ابتدائى نورين : صغنون اوي اسر كشر : أنا مش صغنون أنا عندي ٨ سنين نورين ضحكت : صغنون بردو اسر كشر و مردش عليها نورين بابتسامه : اي دا انت زعلت اسر لف وشه الناحيه التانيه .... نورين : خلاص و الله بهزر انت راجل و سيد الرجاله كمان اسر ابتسم : ايوا كده ، زي ما خالو مراد بيقولي أنا راجل كبير و لازم احمي رقيه من اي حاجه و هو مش موجود نورين : ايوا لازم تحمي مامتك عشان انت راجل اسر ابتسم و بعدها كملوا فطار و شربوا شاي و بدوا يتعرفوا علي بعض اكتر .... نورين : طب أنا بقا اسيبكم تتعرفوا علي بعض عشان عندي شغل في المستشفي ، عايزين مني حاجه عايده : لا يا حبيتي خلي بالك من نفسك رقيه : انا كمان لازم انزل عايده : ما انتي قاعده يا حبيتي رقيه : خلاص احنا بقينا أهل و جيران اكيد هيجيلك تاني بس لازم اروح عشان اكمل شغل في الشقه عايده : ايوا ربنا معاكي يحبيتي ، سيبي اسر هنا عشان التراب و تعرفي تشتغلي و متقلقيش عليه رقيه : لا كده هتعب حضرتك عايده : و لا تعب و لا حاجه ي حبيبتي أنا قاعده هعمل الاكل بس و هو هيساعدني و بعدها بصت ل أسر تحب تساعد تيته يا حبيبي اسر بابتسامه : طبعا رقيه : تمام أنا هنزل انا خلي بالك من نفسك و من تيته يا اسر اسر : حاضر نزلت نورين راحت المستشفي و نزلت رقيه راحت شقتها و فضل اسر مع عايده ..... عند مراد - ازيك يا كبير مراد : حبيبي الا واحشني - يا صا.يع نسيت صحابك لما اتنقلت اسكندريه مراد : متقولش كده يالا ، انت عارف السبب كويس - ايوا ، هي عامله اي دلوقتي مراد : و الله ما عارف يا عمر اهو بحاول اخليها ترجع رقيه القديمه عمر : أن شاء الله ترجع ،ها هتطلع المأموريه دي مراد : امال أنا انتقلت لي يالا ، لسه غبي زي ما انت عمر بضحك : يعم بقا ، أنا مش عايزك تطلعها يا مراد رقيه و أسر بحاجتك افرض حصل حاجه مراد : متقلقش يا عمر مش هيحصل حاجه ، احنا هنعمل حبه تعديلات كده عشان شاكك في حاجه و بعدها كده نتفق ع معادها عمر : تعديلات اي مراد : هقولك عند نورين في المستشفي .... الممرضه : واحد عايز حضرتك بره نورين : مين الممرضه : دكتور احمد نورين بصدمه : اي احمد : مفاجاء مش كده يتبع... ( ملاكي 🦋♥️ ) رحمه باسم ✍️📖 الفصل الثالث من هنا |
تعليقات
