رواية تضحيه بلا ثمن الفصل الرابع و الثلاثون والاخير بقلم عبير سليم
الفصل الاخير
🌹🌹🌹🌹🌹🌹🌹🌹
تنظر حور للدكتور الذى لايظهر على وجهه سوى علامات ان دلت فانما لاتدل على شئ مبشر
لا تتحدث اليه حور فقط تدفعه وتندفع بشده تجاه غرفة العمليات
تجد الاطباء يحاولون انعاش القلب حيث توقف القلب
وهذا امر عادة مايحدث داخل العمليات وهم متعودون عليه
ولكن اذا كان الامر متعلق بشخص قريب منا
فلن ننطر للامر على انه شئ عادى
تبعد حور الطبيب عنه محاولة منها عمل انعاش القلب له
وتتحدث اليه وهى تبكى بشده:جلال قوم ياجلال
جلال انا حور حبيبتك حتسيبنى ياجلال
متسيبنيش ياجلال
هو انت مش وعدتنى انك مش حتسيبنى
انا عارفه انك سامعنى قوم وتنظر للا شارات التى لا تدل على شئ
فى خارج الغرفه
يقف الجميع فى حالة انهيار تام
ريناد تاخذ امها فى حضنها المنهارة من البكاء
جلال حيسيبنا ياريناد اخوكى وابوكى وحبيبك حيسيبنا ياريناد
كان نفسي افرح بيه
كان نفسي اشوفه عريس
كان نفسي اشيل ولادك ياحبيبي
ليه كده ليه كده لا لاوالنبي يارب
اتقذ ابنى يارب
خد من عمرى واديله
كانت ريناد منهارة من البكاء فجلال لها بمثابة الاخ والصديق وكل شئ
اما محمد ابيه كان يدعو الله له
يارب اقف جمبه يارب
يارب انقذ ابنى وابن اخويا يارب
يارب احنا غلابه ملناش غيرك يارب
دموع وبكاء وانين شديد
صرخات ام قلبها يتمزق على ابنها تشق سكون المستشفى
حمدا لله استعاد القلب دقاته بالانعاش للقلب
حور:الحمد لله الحمد لله
الدكتور:المشكله اكبر من كده
الرصاصه فى مكان حساس جدا من القلب
حور:والحل ايه دلوقتى
اكيد فى حل لازم يكون فى حل
الدكتور:كل شئ بايد ربنا
ربنا القادر على انقاذه
احنا محتاجين معجزة من عند ربنا
بس طول ماالرصاصه مااتحرىكتش يبقى فيه امل
ادعوله ي جماعه هو دلوقتى محتاج دعاءكم اوى
تجلس حور على الارض وهى تضم ركبتيها الى ذقنها وتبكى بشده ثم تخرج مسرعة من الغرفه
تجرى على ام جلال واخته وكل الموجودين
اطمنى ياحبيبتى جلال عايش
جلال دلوقتى محتاجنا كلنا نصلي وندعيله
ام جلال وهى منهارة:يعنى جلال لسه عايش
جلال مامتش
اوعى تكونى بتكدبي علية ياحور
لا لا انتى مبتكدبيش علية صح ياحور
حور:جلال عايش عايش والله العظيم عايش وحيعيش ان شاء الله
بس هو محتاج دعواتناكلنا
يتوجه الجميع للوضوء والصلاه له والتضرع الى الله لانقاذ جلال
كان الجميع يدعون له بالشفاء
بما فيهم يوسف فهو لايكن له اى عداوة
ولما سيتضايق منه او يتمنى له الموت
فيكفى انه من انقذ حور حبيبته
علاوة على ذلك فيوسف طيب القلب
ويحب دائما الجميع
ظلوا يدعون له الله بالشفاء
ظلت فى الخارج شديدة التوتر
كان ينظر لها يوسف ولا يعلم ماالذى اصاب حور
هل اصابها سهم الهوى
ام ان الامر متعلق بكونه من انقذها وضحى بروحه من اجلها
يمر الوقت والكل ينتظر
حان الان موعد فتح باب غرفة العمليات ليخرج الطبيب اليهم
معلنا كلامه النهائى بشان جلال
بمجرد ان راى وجه الجميع وحالات الهلع التى تظهر على وجوههم وهم ينتظرون منه كلمه كلمه واحده تبعث الطمانينه فى قلوبهم
فينظر اليهم بابتسامه الحمد لله خرجنا الرصاصه بسلام
حور لا تصدق نفسها من الفرحه
الجميع يحتضنون بعضهم ويهنئون بعضهم على نجاة جلال
بينما تجرى حور وترمى نفسها فى حضن امه التى تحتضنها بشده
مش قلتلك جلال مش حيسيبنا
الحمد والشكر ليك يارب
الف حمد وشكر ليك يارب
ياكريم يارب
ياخذ بدر ابنته فى احضانه :حمدالله على سلامة جلال ياحبيبتي
كل ذلك حدث والدكتور واقف لم يستكمل كلامه بعد
حور:خير يادكتور مش حضرتك طمنتنا على جلال
الدكتور:ايوة بس هو للاسف نزف كتير جدا ومحتاجين متبرع لان فصيلته مش متوفره عندنا في المستشفى
حور:هو فصيلته ايه يادكتور
الدكتور:o posotive
فينطق يوسف سريعا انا نفس الفصيله
فيفرح الجميع
الدكتور :طب ياللا معايا حالا
يدخل معه يوسف ويتم توصيل الدم اللازم لجلال
يخرج يوسف من الغرفه وقد اصابه الدوار
فيسنده كنان:تعالى يايوسف اقعد
ويمد يده له بالعصير اللازم حيث تم سحب كميه كبيرة من الدماء
تسرع اليه ام جلال:الف شكر ليك يابنى انا بجد مش عارفه اقولك ايه
يوسف :انا معملتش حاجه المهم انه يقوم بالسلامه
ام جلال:معملتش حاجه ازاى انت اللى رديت فيه الروح لولاك كان جراله حاجه
يوسف:متقوليش كده وبعدين هو بردو اللى انقذ حور
يعنى كان لازم ربنا يقف جانبه
يخرج الدكتور هذه المرة وهو يطمئنهم
حور:دكتور جلال حيدخل العنايه
الدكتور:اكيد طبعا مانتى عارفه ده
بس على فكرة هو يعتبر لسه فى مرحلة الخطر
ومش حنطمن قبل مرور ٤٨ساعه
حور:ان شاء الله حيبقى كويس
تتقدم حور من يوسف :ربنا يخليك يا يوسف
انا بجد مش عارفه اشكرك ازاى
يوسف:حور مش الحمد لله اطمننا على جلال
حور:خير يايوسف فى حاجه
يوسف:ايوة ياحور انا محتاج اتكلم معاكى شويه
فى مكان خارج جدران المستشفي
تجلس حور امام يوسف وهى شارده
يوسف:عامله ايه يا حور
حور:الحمد لله يايوسف وانت اخبارك ايه ورهف حبيبتى عامله ايه وحشتنى اوىبتسال علية واللا نسيتنى هى كمان
يوسف:انتى متعرفيش اللى حصل
حور:خير رهف حصلها حاجه
يوسف:رهف بخير ياحور
بس فريده فى السجن
حور:ايه سجن ازاى
يحكى لها يوسف تفاصيل كل شئ
حور:لا حول ولا قوة الا بالله
معلش يايوسف ربنا يخلفك بالخير ان شاء الله
وانت حتقدر توقف الشركه على رجلها تانى ان شاء الله
يوسف:وانتى معايا ياحور
حور:معاك معاك فين يايوسف
يوسف:حور انا عارف انك زعلانه منى بس انا بطلب منك تسامحينى ونرجع لبعض ياحور
واوعدك انى حسعدك وحعوضك عن كل اللى حصل
ومفيش قوة فى الارض ممكن تفرق بيننا فى يوم من الايام
ارجوكى ياحور انا غلطت وعارف ان غلطى كبير اوى
بس عارف كمان ان قلبك اكبر من غلطى
وانه حيسامحنى
كانت حور تتحدث اليه وهى فى حالة هدوء تام لم تغضب او يرتفع صوتها او تثور عليه بل كانت تتكلم وهى فى اهدى حالاتها
حور:واناةمسامحاك يايوسف
يوسف:بجد ياحور سامحتينى انا مش مصدق نفسي انك سامحتينى بالسرعه دى
الحمدلله يعنى خلاص حنرجع لبعض
حور:مين اللي قال اننا حنرجع لبعض
يوسف:مش انتى لسه قايله انك سامحتينى
حور:ايوة قلت كده بس ده مش معناه اننا حنرجع لبعض
يوسف:انتى بتقولى ايه ياحور انا مش فاهم
حور انا عاوز ارجعلك ارجوكى ياحور تفهمينى
حور:ارجوك تفهمنى انت يايوسف
بص يايوسف انت لو كنت جيتنى زمان حتى بعد ماحصل الطلاق وقلتلى الكلمتين دول
والله والله كنت حرجعلك لان وقتها مشاعرى ليك كانت لسه زى ماهى
كان كل اللى جوايا نار وغضب منك
احساس بانك ظلمتنى لكن حبك كان لسه جوايا
كان ممكن وقتها يرجع ويكون اقوى من الاول كمان
كنت ممكن التمسلك اى عذر
لانى مكنتش اقدر اعيش من غيرك
لكن دلوقتى خلاص النار هديت وبقت كوم تراب
بس وهى بتهدى اخدت معاها حاجات كتير اوى يايوسف
اخدت الحب والمشاعر الجميله اللي كانت جوايا
مبقاش فاضل منها غير شوية ذكريات مجرد ذكريات
يوسف:بس انا حبيتك اوى ياحور ولسه بحبك والله وندمان على كل اللى عملته انا مستعد انفذلك اى طلب فى الدنيا
مستعد لاى شئ بس نرجع تانى
حور:انا مصدقاك انك حبيتنى يايوسف
بل للاسف كان حب ضعيف مكنش قوى
مقدرش يدافع عن نفسه ولا قدر يقف فى وش الموج
استسلم مع اول موجه قابلته محاولش يقول لاء
كان ببدور لنفسه على مبرر يساعده على هد الحب ده
عيشت نفسك فى دور ضحية اهمال مراتك ليك
مراتك اللي كانت فى اشد الاحتياج ليك وكانت محتاجه
حبيبها اللى عمرها ماحبت ولاعينها شافت غير راجل غيره
لما حولت جوازك من فريده لجواز جقيقى انا وقتها كنت حموت من قهرتى
جالك نفس جالك قلب تعمل كده فية
عارف انى بموت من حزنى على امى وانت دبحتنى بمنتهى السهوله دبحتنى بدم بارد يايوسف
بعدت عنك اد ايه شهور سنين
ده هو شهر مقدرتش تستحملنى شهر يايوسف مقدرتش تستحمل حور حبيتك ومراتك شهر
بمنتهى السهوله رميت نفسك فى حضنها ونسيتني
مبقولش ان ده مش حقها
بس ده كان اتفاقنا وانت اللى خالفته
كنت بتدور لنفسك على مبرر يخليك تعيش حياتك وانت مرتاح من غير تانيب ضمير
وبعد كده لما طلبت منك متدخلش اوضتى
هو الكلام ده يعنى كان من قلبي لا طبعا انا كنت بموت فى
اليوم مية مرة
كنت كل ليله بفضل صاحيه لحد الفجر واقوم اصلى وادعى ربنا انك تفتح الباب وتدخل علية
كنت بحسس على مكانك كنت بتمنى انك تدخل علية والله كنت حرمى كل حاجه ورا ضهرى وارمى نفسى فى حضنك
حضنك اللى كان وحشنى اوى
ايوة انت كنت بتحاول تكلمنى مبنكرش ده
بس انا بردو كنت زعلانه كنت محتاجاك تتحايل علية شويه
كنت فاكرة انك لماتلاقينى زعلانه مش حتقدر على بعادى
عمرى ماتخيلت ولاجه فى بالى ان ممكن حضنك ينام فيه حد غيري
الحضن ده كان ملك حور حور وبس
لقيتك ماصدقت يايوسف زى ماتكون كنت بتتلكك عشان تبعد
ومع ذلك انا مردتش امشي من بيتكم
مسالتش نفسك انا ليه فضلت قاعده معاكم شهور فى البيت واحنا تقريبا مكناش بنشوف بعض
لان كان لسه عندى امل انك ترجعلى
تفوق وتعرف ان ملكش حضن غير حضنى انا
كان صعبان علية اوى اهدم حب السنين فى لحظة غضب
مفيش ليله كانت بتمر علية من غير ماافتكر كل ذكرياتنا مع بعض
مفيش ليله كانت بتمر من غير مادموعى تغرق المخده
مفيش ليله كانت بتمر من غير مااتخيلك بتمسحلى دموعى وتقوللى اسف ياحبيبتى وتاخدنى فى حضنك
انا والله مامصدقه لغاية دلوقتى اني قدرت انجح وابقى دكتورة ازاى
انا كنت كل مااجى اذاكر الاقى صورتك ادامى فى الكتاب
افتكر الهزار اللى كنت بتهزره معايا
افتكر لما كنت تعملى العصير والسندوتشات وانا بذاكر
وتحلفةعلية لازم اكل كويس والا حتخاصمنى
كل ده راح فين وليه وازاى يروح بالسرعه دى
كنت حسه انى حتشل
كنت ببكى وانا طالعه من الامتحان وانت مش واقف مستنينى
كنت بفتكر لما كنت بتيجى وتقف تستنانى لحد مااخرج
مرت علية ايام كانت صعبه اوى وانت رامى نفسك فى احضان واحده غيري
ومكنتش بقدر اقول لبابا حاجه عشان ميروحش منى هو كمان
وانت عارف ان مليش صحاب
كنت كل اللى بقدر عليه انى اروح احكى لامى فى قبرها
حتى يوم الطلاق يايوسف بردو متمسكتش بية
والله والله والله لو كنت اتمسكت بية انا كنت حسامحك
لكن اللى حصل غير كده خالص
عمرك سالت نفسك حور عامله ايه
اخبارها ايه
انت كنت نسيتنى خلاص
انت مفتكرتنيش ولا افتكرت حبك لية اللى انت دست عليه برجلك غير بعد خيانة فريده ليك
فريده اللى انا متاكده انك عمرك ماحبتها
انت حبيت الدنيا اللى وريتهالك
حبيت السهر والفسح والخروج
الا قللى يايوسف انت لسه محافظ على صلاتك
فينظر لها يوسف:ايوة والله بصلي ياحور
حور انا مش وحش اوى كده
حور:متحلفش يايوسف انت فعلا طيب وطيب اوى كمان
انت لو مكنتش طيب عمرك ماكنت حتقع تحت ايدها وتشربك العسل وهى حطه فيه السم
وللاسف انت كنت بتاكله وانت مستمتع بيه اوى
شربتك انت وماجد من نفس الكاس
يعنى كان لازم فريده تعمل اللى عملته عشان تفتكرنى تفتكر حور
لكن لو فريده مكنتش عملت اللى عملته انت عمرك ماكنت حتفوق يايوسف
يوسف خلاص يايوسف
حكاية حور ويوسف خلصت خلاص
ومش حترجع تانى
ولادنا اللى الكل كان منتظر يشوف حيطلعوا شبه مين مش حييجوا
وربنا العالم ان مفيش جوايا ليك غير كل احترام
وبتمنى لك من قلبي انك تقدر ترجع الشركه لوضعها
وتبقى احسن رجل اعمال فى الدنيا
لكن انا لاء يايوسف
يوسف:حور طب عشان خاطرى ادى لنفسك فرصه تفكرى
ادينى فرصه ارجوكى
حور انا
حور:خلاص يايوسف معتش ينفع
وبعدين انا قلبي بقى ملك واحد تانى خلاص
مبقاش ملكى انا
يوسف:جلال مش كده
حور:عرف يحتوينى يايوسف حسسنى بالامان
لقيت فيه السند اللى يعرف يحمينى من غدر الزمان
عمره مافرض مشاعره علية
وقف جمبي استحملنى من غير مقابل
كان كل همه فى الدنيا انه يخرجنى من الحاله اللى كنت فيها
طول الوقت حساه فى ضهرى
وفعلا كان فى ضهرى واخد الرصاصه بدل منى عشان انا اللى اعيش
برغم انى عمرى ماقلتله بحبك
وهو لحد دلوقتى ميعرفش مشاعرى ناحيته ايه
يوسف:متأكده انا بتحبيه ياحور
خور:انا عارفه ومتاكده انه بيحبنى
وحبه لية هو اللى خلانى احبه
قدر يقتحم قلبي ويخليه يحبه يايوسف
♥️♥️♥️♥️♥️♥️♥️♥️♥️♥️♥️♥️♥️♥️
بعد مرور يومين
فى مكان آخر
وكيل النيابه:دلوقتى المعمل الجنائى اثبت ان بصماتك وهى اللى على اداة الجريمه
ده غير الحمض النووى اللى اثبت ان الشعر اللى كان فى ايد القتيل كان خصله من شعرك
افتكر دلوقتى مبقاش فيه داعى للانكار يامدام
وجه الوقت اللى لازم تعترفي فيه
فريده:انا ماقتلتش حد
ومش حعترف بحاجه
وكيل النيابه :على راحتك تعترفى او متعترفيش الجريمه ثابته عليكى
خدها يا عسكري رجعها الحبس
فى الحبس
سجينة :هو القمر ده حيفضل زعلان كده ومكشرعلى طول
فريده:بقولك ايه ياست انتى ابعدى عنى انا انا مش طايقه نفسي
السجينه:ياستى اسمعينى بس مش بمكن خلاصك فى ايدي
فريده:تقصدى ايه
السجينه:وهى تخفض صوتها
اقصد ان عندى اللى يقدر يخلصك من حبل المشنقه ويخرجك من هنا على اى بلد
فريده:انتى بتتكلمى بجد
السجينه:وجد الجد بس حياخد مبلغ كبير
غريده:مش مهم انا مستعده ادفع اى مبلغ بس اخرج
السجينه:تمام حرتب كل شئ واقولك على الوقت وازاى حتنفذى
😑😑😑😑😑😑😑😑😑
فى المستشفى
ام جلال:حمدالله على السلامه يا قلب امك
جلال بصوت ضعيف:الله يسلمك يا امى
امه:متعرفش اليومين اللى كنت فيهم فى العنايه كانت حالتنا عامله ازاى
جلال:حور عامله ايه يا ماما
امه:حور دى كانت حتمو ت عشانك
يااااه ياجلال
وتحكى له كل ماحدث بالتفصيل
جلال بينه وبين نفسه:بس ياترى ده حب واللا ايه
تدخل حور ويبدو على وجهها الإرهاق الشديد:حمد الله على السلامة يا جلال
جلال:الله يسلمك يا حور
امه:حبيبي انا حقوم اصلى
حور:وهى تجلس جواره:كده بردو تقلقناةعليك ياجلال
جلال:قلقتى علية اوى كده ياحور
تمسك حور يده وهذه اول مرة تتجرا فيها على فعل هذا الشئ
حتى ان جلال اندهش من ذلك
وهو انا لو مكنتش حقلق عليك اقلق على مين
جلال:حور يوسف عاوز يرجعلك
حور:مايعوز اللى هو عايزه
المهم انا عاوزة ايه
جلال:وانتى عاوزة ايه ياحور
حور :عاوزاك انت ياجلال
جلال :ايه بتقولى ايه
حور:جلال انا بحبك
جلال:حور الله يخليكى انا عارف انتى بتقولى كده عشان احساسك بانى ضحيت عشان انقذك
لكن انتى لسه بتحبي يوسف
وانا والله عمرى ماحضايق منك ولا حزعل لو رجعتيله
بس كمان مش حقدر احب حد غيرك يحور
روحى ليوسف ياحور
سامحيه وابدئى معاه حياة جديده
وخلاص اللى فرقت بينكم مبقتش موجوده
حور كانت فى صدمه مماتسمع منه:ايه الكلام اللى بتقوله ده
انا مش مصدقه انك انت جلال
جلال القوى حلال اللى ميفرطش فى حقه
عاوز تتخللى عنى بسهوله كده
عندك استعداد انى اسيبك واروح لراجل غيرك ببساطه كده ياجلال
وانا اللى كنت فاكرة انك حتتحدى الدنيا عشانى
جلال:حور انا مستعد اغزو بيكى العالم كله
وادخل حروب ومعارك عشانك
بس ده لو متاكد من ان قلبك لية ملكى
لكن انا اخدت عهد على نفسي ان عمرى ماحفرض نفسي عليكى ياحور
ولا اخللى مشاعرى ناحيتك تخنقك
انا مش بحبك ياحور انا بعشقك واملى كل املى انى اقضى معاكى حياتى كلها
لكن خايف
حور:خايف من ايه
جلال:خايف يكون قلبك لسه بيحب
حور:بيحب جلال بيحبك انت
جلال انا معاك عرفت يعنى ايه حب
حلال انا منكرش انى حبيت يوسف وحبيته اوى كمان
بس كمان حبيت حبك لية اوى
حبيت خوفك وحنانك علية
حبيت احتواءك لية
جلال خلينا نكمل حياتنا مع بعض وانا اللى بتقدم وبطلب ايدك ياجلال
جلال:مش حتندمى ياحور
حور:انا ندمت فعلا ياجلال ندمت على السنين اللى راحت من عمرى وانت مش معايا
جلال انت لو كان جرالك حاجه انا مش عارفه كنت حعمل ايه
انا ممكن استحمل اى خسارة فى الدنيا غير انى اخسرك ياجلال
يقبل جلال يدها
بحبك ياحور
حور:بحبك ياجلال
💞💞💞💞💞💞💞💞💞💞💞💞
فى المساء
السجينه:مستعده
فريده:ايوة حعمل اللى اتفقنا عليه بالحرف الواحد
وتبدا السجينه فى الصراخ
الحقونا الحقونا ياللى برة
الست اللى معانا عماله تضرب فى الموجودين كلهم
وتقوم خناقه شديده بين كل السجينات
يدخل العساكر لفض هذا النزاع بينما تتسلل فريده من بينهم
وهى تحاول الهروب الى داخل الحمام وارتداءملاابس كانت معلقه لتخفيها عن الانظار
ولكن ينتبه لها العساكر
اقفى عندك هناك فتجرى فريده
اقفى عندك حنضرب النار
تجرى وهى لاتهتم
فتصيبها رصاصه فى ظهرها
فى منتصف الليل التليفون يرن
فيروز:الو
اللوا بدر:ايوة يافيروز
فيروز:خير ياعمى خور كويسه
بدر:زملائي بلغونى بخبر وكانولازم اقولك
فيروز :فريده حصلها حاجه
بدر:كانت بتحاول تهرب اضربت بالرصاص
وحالتها خطيرة ولازم تروحو اتشوفوها هى في مستشفى السجن
طبعا هو ممنوع حد يكون موجود لكن عشان مكانتى انا حقدر اوديكم بنفسي البسوا دلوقتى وانا عشر دقايق وحكون عندكم
فاتن تبكى طوال الطريق على حال ابنتها
يدخلون الغرفه عليها:
فاتن وهى تاخذها بحضنها:بنتى بنتى حبيبتى
فريده:خلاص ياماما انا حموت
سامحينى ياماما
وانتى يافيروز سامحينى
ومتحكيش لرهف عنى خليها تنسانى مش عاوزاها تعرف ان كان ليها ام زيي
فاتن:لا ياحبيبتى انتى حتعيشي وتربي بنتك
وحترجعى لحضنى حضن امك ياحبيبتى
كانت فاتن تتحدث بينما فريده قد انتقلت الى محكمة السماء
ستنتقل الى محكمة العادل القهار الذى لايظلم عنده احد
الذى يقتص فيه من الظالمين
فاتن:لا لا بنتي لاء
فريده قومى يافريده قومى ياحبيبة امك
متوجعيش قلبي عليكى يابنتى
لا مش ممكن تكون دى نهايتك لا ياحبيبتى
ياريت كنت انا وانتى لاء
ياريتنى ماعشت وشفت اليوم ده بعينيه
بكاء ونحيب شديد
فيروز وامها لايتوقفان عن البكاء
يقوم اللوا بدر بكل اجراءات الدفن
وتنتهى فريده وينتهى معها كل الشر الذى كان يلازمها طوال حياتها
😑😑😑😑😑😑😑😑😑😑😑
حور:البقاء لله ياطنط ربنا يرحمها
فاتن:سامحيها ياحور
فريده دلوقتى راحت لدار الحق واحنا فى دار الباطل سامحيها يابنتى
هى ذنوبها كتير
ونفسي العباد يسامحوهاوعشان ربنا يسامحها
حور:مسامحاها والله ياطنط وربنا يصبر قلوبكم
فيروز:خلللى بالك من نفسك ياحور.
احنا حنسافر بكرة ومش حنرجع هنا تانى خلاص
مش عاوزين اى حاجه تفكرنا باللى حصل
مش عاوزة رهف حد فى يوم من الايام يحكيلها حاجه عن الماضى
ولا حد يجيب سيرة امها بكلمه
بنت ماجد لازم تعيش وراسهامرفوعه
حور:حتوحشينى اوى يافيروز
فيروز:حنتكلم علطول عالنت ياقلبي
وعمرى ماحسيلك من غير مااعرف اخبارك
انتى حبيبتى ياحور
♥️♥️♥️♥️♥️♥️♥️♥️♥️♥️♥️
زغاريط وأغاني واصوات ضحكات عاليه ان دلت فانما تدل على الفرحه التى يحيافيها جلال وحور
فاليوم هو عقد قرانهم
حور ترتدى فستانا بلون الاوفوايت الهادئ الجميل
بينما جلال يرتدى بدلته سوداء اللون
كانا مثل الامير واميرته
يجلس الماذون لعقد قرانهم
الى ان ينتهى بقوله
بارك الله لكما وبارك عليكما وجمع بينكما فى خير
الكل يهنئ ويبارك لهم ويتمنى لهم دوام السعاده
ريناد وهى تحتضن اخاهاةبفرحه كبيرة:اخيرا ياجلجل
اخيرا شفتك عريس الف مبروك ياقلبي
جلال:عقبال مااشوفك عروسه ياقلب اخوكى يارب
ريناد:يااما يكون شبه جلجل يامش عاوزة
فيقرصها جلال من
بينماحور تقول لها:لا طبعا مفيش حد زى جلال حبيبي
بس ان شاء الله حبجيلك اللى يستاهل قلبك الابيض يارينو
ريناد :حبيبتى ياحوريتى
بقولك ايه ياقلبي عاوزاكى تستعدى بقى
انا عندى حرمان من وجود اخت فى حياتى
وحنتقم منك واطهقك
وحضطري تسمعى كل اسراري
حور:على قلبي زى العسل
محمد:الف مبروك ياحبيبي يابنى
جلال:الله يبارك فيك يابابا
ربنا ميحرمناش منك
امه:وهى تمسك وجهه بين ايديها
ياااه ياحبيبي ياما حلمت واتمنيت اليوم ده
اليوم اللى اشوفك فيه سعيد ومتهنى مع اللى يختارها قلبك
الف حمد وشكر ليك يارب
وتاخذه هو وحور بين احضانها
ربنا يهنيكم ياولادى يارب
واشوفكم سعدا ومبسوطين العمر كله
وبخليكم لينا يارب
بدر:جلال انا مش حوصيك على حور
جلال:حضرتك مش محتاج توصينى عليها
حور دى حتة من قلبي
بدر وهو يحتضنه
ربنا يخليكم لبعض
كان الجميع يضحك اخيرا الفرحه تملاء قلب حور
بدر:هى طيارتكم الساعه كام ياولاد
جلال:الساعه خمسه الفجر يابابا
بدر:الله كلمة بابا حلوة اوى منك ياجلال
ربنا يحميك يابنى يارب
ريناد:انا اول مرةاشوف اتنين بيحبوا بعض ويروحوا يقضوا شهر العسل فى الحج
جلال وهو يحتضن حور الى صدره
انا وحور عاوزين نبتدى حياتنا وربنا راضي عنا
بدر:ربنا يرضى عنكم دايما يارب
❤️❤️❤️❤️❤️❤️❤️❤️❤️❤️❤️
يجلس فى غرفته وحيدا شاردا
يعيش فى ذكرياته مع حور التى تتزوج اليوم
الحاج يونس يطرق عليه الباب
يوسف :ادخل
الحاج:ايه يابنى مالك حتفضل اجده لميته
مش ناوى تفوج اكده وتنتبه لحالك
خلاص ياولدى خلاص كفايه اجده
حور فرحها الليله لو كنت بتحبها صحيح اتمنى لها السعاده من جلبك
حور تستاهل انك تدعيلها يايوسف
يوسف:كان نفسي تسامحنى ونرجع لبعض تانى
ابوه:مش حترجعها غصب عنيها يايوسف
خلاص يابنى خلصنا خلاص
وكله مجدر ومكتوب
فوج بجى لحالك
عاوزك من بكرة تروح الشركه اللى لولا كنان جوز فيروز كانت راحت مننا
وزماننا دلوجتى محيليتناش حاجه
والحمد لله ربنا انتجملك من اللى ظلموك
ياللا بجى جوم ووجف الشركه وخليك جوى اجده
وعايز الشركه اسمها يرجع يبجى زى الطبل
ويتركه ويخرج
يوسف وهو يحدث نفسه:فوق يايوسف
حور خلاص راحت ومش حترجع تانى
شوف شغلك وشركتك
عاوزك تقف على رجليك من تانى
بس المرة دى بجهدك لوحدك من غير مساعده من حد
عاوزك تبقى نفسك تبقى يوسف
يوسف وبس من غير مساعده من حد
🌹🌹🌹🌹🌹🌹🌹🌹🌹🌹🌹🌹🌹🌹
الله اكبر الله اكبر
الله اكبر الله اكبر
ولله الحمد
الله اكبر كبيرا والحمد لله كثيرا
تكبيرات العيد تنبعث فى كل مكان تعلن عن فرحة تملاء القلوب وتبعث فيه الامل
فى فرنسا الجميع يجتمعون للافطار
يجلس كنان وعاصم وحياة وفاتن والأولاد كلهم
مراد يجلس بجوار فيروز الذى لايجعلها تفارقه ابدا
وهو لها كالظل يخاف عليها من نسمة الهواء
بينما ادهم هو وريماس دائما ما يتشاجران
لان ريماس كانت دائما ترتدى الملابس القصيرة بحكم سنها ولكن ادهم لا يريد ان يراها احد هكذا
ادهم:ايه اللى انت لابساه ده ياريماس
ريماس:فستان العيد ياادهم حلو صح
ادهم: حلو اوى بس مش عاوز حد يشوفك كده
من فضلك ياريماس متلبيسيش حاجه عريانه كده تانى
ريماس:ييبه بقى
فينظر لها ادهم بغضب
ريماس:حاضر حاضر خلاص
فيضحك ادهم على منظرها
كانت رهف جالسه وهى شارده لاتتكلم
اياد:مالك يارهف ساكته ليه
رهف: ولا حاجه
هو انا ليه معنديش ماما ولا بابا زيكم
اياد وهو يرفق على حالها :رهف انا ماما الحقيقيه سابتنى انا واختى ورمتنا وبابا اتجوز ماما سهى واحنا بنحبها اوى
وحتجيب لنا اخ وححبه اوى والعب معاه
حتلعبي معانا يارهف
رهف:يعنى مامتك سابتك زيي انا كمان ماما سابتنى وبابا مات
وانا هنا لوحدى
إياد :روفي اوعى تقولى الكلام ده تانى
انتى مش لوحدك احنا كلنا بنحبك طنط فيروز بتحبك اوى
وعمو كنان بيحبك وتيته حياة وتيته فاتن ومراد وادهم وعز وفيروز بيحبوكى
وانا حفضل جمبك ياروفي وحنروح مع بعض المدرسه
رهف:وتلعب معايا
اياد وهو يضحك عليها:وحلعب معاكى
كنان:ياللا ياجماعه عاوزين ناكل
فيروز:حاضر جايين اهو
كل سنه وانت طيب ياحبيبي
كنان:وانتى طيبه ياقلبي
تجلس فيروز بجوار كنان
وتجلس سهى بجوار عاصم
كنان:كل سنه وانتوا طيبين
وان شاء الله السنه الجايه تكون سهى قامت بالسلامه ونروح كلنا نحج بيت الله
فاتن :يارب يكتبهالنا
سهى كانت جالسه وهى تتالم
عاصم:مالك ياحبيبتى
سهى:تعبانه اوى ياعاصم
ااهةااه مش قادرة
ينهض الجميع ويجرون بها على المستشفى
كنان:اجمد يا عم
اياد :اهئ اهئ اهئ
رهف:بتعيط ليه يااياد
اياد:خايف على ماما يارهف
رهف:تطبطب عليه
كنان لفيروز:فيروز ايه اللى خلاكى تجيبي الولاد
فيروز:اياد صمم يبجى ورهف عيطت لما لقيته بيعيط مردتش ازعلها انت عارف هى متعلقه باياد اوى
كنان:العيال دول انا خايف منهم
فيروز:ليه بس ياحبيبي
كنان:كل اتنين شابكين مع بعض
مراد مع فيروز
ادهم مع ريماس
اياد مع رهف
الله اكبر
ناقص بقى عز وكارمن وماجد
فيروز:هههههه هههههه
كنان:بتضحكى العيال بيقرطسونا
بس ياللا ربنا يسعد ايامهم يارب
تخرج الدكتورة وتبشرهم بمجئ المولود بالسلامه
يدخل الجميع الغرفه التى توجد بها سهى
كنان:حمد الله على سلامتك ياسهى
سهى :الله يسلمك يابشمهندس
يعطى عاصم الطفل لكنان ليحمله
كنان:الله اكبر
ويكبر له فى اذنه
ويقيم الصلاه فى الاذن الاخرى
بسم الله ماشاء الله ربنا يحميه وتشوفيه احسن واحد فى الدنيا كلها
فيروز:حتسموه ايه
عاصم:كنان
كنان :كنان
عاصم:انا وسهى متفقين من زمان على كده
تبتسم فيروز ويضحك كنان
عاصم:حضرتك اغلى واعز الناس ومش حلاقى اسم لابنى اغلى من اسمك
كنان:اهلا بيك فى حياتنا ياكنان
♥️♥️♥️♥️♥️♥️♥️♥️♥️♥️♥️♥️
بعد انتهاء ايام العيد
فى فيلا جلال
جلال وهو يدخل الفيلا :باباحبيبي وحشتنى
محمد:وحشتك بردو يانصاب
حمدالله على السلامه ياحبايبى
حج مبرور وذنب مغفور بإذن الله
جلال:يارب
محمد وهو يحتضن حور:حمد الله على السلامة يا حبيبتى
حور:الله يسلمك يابابا
يقبل عليهم الجميع بالسلام والتهنئه بالعوده
حتى من يخدمون فى البيت تسلم عليهم فيروز بكل حب وتواضع
ويتمنى لهم الجميع دوام السعاده والهناء
ريناد:تعرفى ان وشك زى القمر فى الحجاب
كنان:ماهى حور خلاص اتحجبت
ريناد:بجد ياحور اتحجبتى خلاص
حور:ايوة بعد ماشفت قبر الرسول صلى الله عليه وسلم
ولفيت حولين الكعبه مش حقدر اقلع الحجاب تانى
ام جلال:ربنا يثبتك ياحبيبتى
وعقبالك ياللى فى بالى
ريناد:انا مش حتحجب غير لما اتجوز
فيضحك الجميع على طريقة كلامها
كانت الفرحه على وجه حور وجلال
والسعاده تملاء حياتهم
♥️♥️♥️♥️♥️♥️♥️♥️♥️♥️♥️
اليوم سبوع الطفل الجديد
بالونات فى حديقة الفيلا مكتوب عليها اسم كنان
الاطفال يضحكون ويلعبون
والجميع سعيد بهذه المناسبه
سهى تكاد لا تصدق نفسهامن الفرحه
يااه يامانت كريم يارب
عمرى ماتخيلت اللى انا فيه النهارده
ربنا يرحمك يارب يااستاذ ماجد
ويجعلك من أهل الجنه يارب
عاصم:بتكلمى نفسك ياام كنان
سهى:اولا انا اسمى ام اياد
اياد ابنى الكبير
يفرح عاصم جدا بذلك
ياحبيبتى ياسهى ربنا يخليكى لينا يارب
سهى وثانيا بقى:كنت بفتكر رحمة ربنا بية والسعادة اللى انا عايشه فيها والفضل كله يرجع للاستاذ ماجد الله يرحمه
عاصم :الله يرحمه
فيروز:شايف السعاده اللى احنا فيها ياكنان
انا مش مصدقه نفسي
ربنا يخلينا لبعض ويخليلنا ولادنا يارب
كنان:الفضل يرجع لكارمن وماجد هما اللى جمعونا
ربنا يرحمهم
وتنظر فيروز لاولادها مراد وادهم
ربنا يرحمك ياعلى
عاصم :ياللا ياولاد ياللا ياباشا عاوزين كلنا ناخدةصورة جماعيه
يقف كنان وهو محتضن فيروز وامامهم أولادهم عز وفيروز
وادهم ومراد بينماةفيروز تحمل ماجد وكنان يحمل كارمن
ويقف عاصم ويحتضن سهى ويحمل كنان وامامهم اياد وريماس ولكن الملفت ان اياد يضعةيديه على كتف رهف التى قرر ان يكون حاميها وامنها طوال حياتها
اما فى المنتصف يقف حياة وفاتن
وبعد ان التقطوا بعض الصور لذكرى
كنان:ياللا ياجماعه نقرا الفاتحه كلنا
لكل الناس اللى كانوا سبب فى الفرحه اللى احنا فيها النهارده
كارمن وماجد وعلى الله يرحمهم ويغفر لهم ويسكنهم فسيح جناته
💔💔💔💔💔💔💔💔💔💔💔
بعد مرور عدة سنوات
حور:جلال قوم ياجلال الحقنى
جلال:حور خير ياحبيبتى فى ايه
حور:تعبانه اوى مش قادرة الحقنى
ينهض جلال سريعا من فراشه
لينادى باعلى صوته
ماما............ باباالحقونى
امه:خير ياحبيبي
جلال:حور بتولد ياماما
يذهب الجميع سريعا الى المستشفى
الكل يقف قلقا على حور
امه وابيه واخته وبدر
الكل خائف ويدعو لها الله
بدر:متخافش يابنى ان شاء الله تقوم بالسلامه
جلال:يارب قومها بالسلامه يارب
انا مش عاوز غيرها
امه:متخافش ياحبيبي ان شاء الله ربنا حيفرحكم بولادكم اللى قعدنا كتير مستنييينهم
جلال:يارب يارب
ابوه:طب مدخلتش معاها ليه يابنى بدل مانت خاوتنا كده
جلال:مش حقدر يابابا اشوفهم وهو بيفتحولها بطنها
مش حقدر استحمل
واخذ يبكى كالاطفال
بدر:ياحبيبي استهدى بالله مش كده
يخرج الدكتور ليطمئنهم على حور وعلى اطفالها التى حملت فيهم بعد عدة سنوات من العلاج
يهنئ الجميع جلال
الف مبروك ياحبيبي يتربوا فى عزك يارب
جلال يسجد لله شكرا
الف حمد وشكر ليك يارب
يامانت كريم يارب
يدخل الجميع غرفتها للتهنئه
ريناد:الله البنوته شبه حور بالظبط
امه:والولد الخالق الناطق ابوه
يحمل جلال أولاده
بسم الله ماشاء الله
يجلس بجوار حور:حمد الله على سلامتك ياحبيبتى
حور:الله يسلمك ياحبيبى
شوفتهم حلوين ازاى
جلال:ربنا يخليهم يارب
امه:حتسموهم ايه
حور:بعد اذنك ياجلال انا عاوزة اسمى الولد بدر الدين على اسم بابا ممكن
ام جلال:بدر الدين جلال
الله اسم جميل ولايق عليه اوى هو فعلا شبه البدر
جلال:واناحسمى البنت نور
عشان هى حتنور حياتنا كلها
يضحك الجميع وهم فرحون بسعادتهم التى اكتملت بميلاد بدر ونور
💞💞💞💞💞💞💞💞💞💞💞
فى شركة يوسف
استطاع يوسف ان يستعيد نشاط الشركه
واصبحت شركته من اكبر الشركات فى مجال الهندسه والمقاولات
فهو منذ سنوات اعتكف على العمل فقط
لم يتزوج بعد
كان كل همه ان يتقدم بالشركه التى كانت قد اوشكت على الافلاس
وكم تمنى والده ووالدته ان يتزوج لينجب اطفال يملئون عليهم حياتهم
ولكن لم يهتم يوسف ابدا لهذا الامر ولم يستجب لطلباتهم
السكرتيرة تدق عليه الباب
يوسف:ادخلى
السكرتيرة:بشمهندس يوسف
الانسه المتقدمه لوظيفة السكرتاريه مكانى موجوده برة
يافندم
يوسف:خلاص نويتى يامنال
منال:معلش والله يافندم بس علاء مصمم اقعد فى البيت بعد الجواز
بوسف:الف مبروك يامنال وربنا يتتم لكم على خير
والشركه مفتوحالك فى اى وقت انتى خدمتى الشركه بكل اخلاص
منال:ربنا يخليك يابشمهندس
يويف:اتفضلى يامنال
منال:ايه ده حضرتك
يوسف:ده مبلغ يساعدك فى تجهيز بقية حاجتك
منال:ياخبر لا يافندم ده حضرتك مغرقنى بجمايلك
وحضرتك تقريبا اللى فرشتلى الشقه
يوسف:عيب عليكى انتى اختى الصغيره
امسكى بقى متتعبيش قلبي
ومتنسيش تعزمينى على الفرح
منال:ربنا يخليك يا رب
وتخرج منال وتدخل السكرتيرة الجديده
يوسف وهو ينظر للحاسب :اتفضلى ياانسه
تجلس السكرتيرة الجديده
يوسف:اسمك ايه
اسمى مرام حضرتك
يعجب يوسف باسمها
فينظر اليها فيجدها فتاة محجبه جمالها هادئ وترتدى ملابس بسيطه ومحتشمه
يوسف:اهلا بيكى فى شركتنا
💞💞💞💞💞💞💞💞💞💞💞💞💞💞💞💞
مرت الايام سعيده على الجميع باذن الله
والحميع ذاق السعاده وذاق الحياة شهدها
بعد ان تجرع كاس مرارتها
كانت حور شديدة السعاده مع زوجها واولادها
وقد قررت ان تاخذ اجازة من العمل حتى تتفرغ لتربية صغاربها التى طالما حلمت بهم
بينماكان بدر والدها دائم على زيارتها حيث كان يعشق صغارها
وكانت الصغيرة نور تشبه ماجده الى حد كبير
وكان عشق جلال لحور يزداد يوما بعد يوم
فاصبحت لالنسبه له الهواء الذى يتنفسه
اما بالنسبه لعائلة كنان وفيروز وعاصم وسهى
فكانوا فى منتهى السعاده
اسرة واحده يجمعهم الحب دائما وقد رزقت سهى بولد اخر اسمته محمد
واصبح البيت مليئا بالاطفال
يلعبون ويمرحون والجميع سعيد
اما الاطفال فقد بدا كل منهم بميل للاخر
ورهف كانت موضع اهتمام من الجميع ونست مع الوقت كل شئ
واياد كان يحتويها بالحب والحنان
🎈🎈🎈🎈🎈🎈🎈🎈🎈🎈🎈🎈🎈🎈
انتهت قصتنا وخلصت الحكايه
انتهت احداث الرواية نتمنى ان تكون نالت اعجابكم وبأنتظار اراؤكم فى التعليقات وشكر
لزيارة عالم روايات سكير هوم
لمتابعة روايات سكيرهوم زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
