روايه غيرة حب الفصل التاسع والثلاثون بقلم احمد صابر
انا/ محمد: ههههه
انا بضحك: يخربيت الهبل
محمد بضحك: طلقتك قبل ماتجوزك
انا: تؤ هو انا هستناك تطلقني انا هخلعك
محمد: هار اسود
انا: ايوا... دا بعد طبعاً لما اخد البيت والعربية وكل فلوسك واضحك عليك
محمد: سبحان الله.. متقليش ليا بقى عشان مخدش احتياطي
انا: ههههه.... يلا بقى غور ف داهية
محمد: اي دا
انا: عندي درس لما اجي ابقى اكلمك روح اتخمد
محمد: هو عاد فيها نوم بقى انا رايح القسم
انا: طيب ابقى سلملي ع المساجين
محمد: طب اي رايك ادخلك تسلمي عليهم بنفسك
انا: لا شكرا مش عيزة
محمد: يلا باي
انا: باي
انتهت المكالمة
اخت كتبي ومشيت ع الدرس ولما خلصت رجعت ع البيت
والدتي: ايمااان... يلا عشان تفطري
انا: لا مش جعانة
والدتي: انتي عرفة لو جيتي بعد مانأكل وتقولي جعانة هعمل فيكي اي
انا: انا جعت
والدتي: طب يلا يا ختي
طلعت كلت حاجة بسيطة ودخلت اذاكر طبعاً مفيش جديد نمت قمت ع دروسي ومحصلش حاجة مهمة جه اليوم الي نروح فيه لبست وخلصت ورحنا ع هناك كان هو ف الشغل قعدت انا وملك وكانت منة موجودة والجو كان هادي ومفيش مشاكل خالص
كانت مني ف البلكونه بتنشر الهدوم
انا: خلتي علميني ونبي
مني بضحك: بيعجبني فيكي اسرارك واكتشافك لكل حاجة كدا
انا: بتتريقي هااا
مني: والله ابدا... امسكي بصيي الحجات الطويلة بتتنشر ورا كدا والتيشراتات قدام
انا: اشمعني بقى
مني: انتي غلاباوية... عشان الحجات الطويلة بتحجب الشمس عن التيشيرتات لأنهم قصيرين ف الشمس مش بتيجي عليهم
انا: شمس اي يا منى دي الهدوم نشفه
مني: مانا منشفاهم ف الغسالة بس لازم يشوفو الشمس عشان تشيل الرطوبة
انا: عندك طولة بال متتوصفش
مني: الي يبقى عندو 4 عيال زي عيالي لازم يكون عندو طولت بال دا بعد فقعة المرارة الي انا فيها
انا بضحك: طب هاتي اجرب
مني: خدي التيشيرتات دي ع قدك
انا: اي الاستهزاء دا متستهونيش بيا
مني بضحك: لا مش بستهون بيكي خالص.. هخش ادخل دا واشوف الهدوم الي ف الغسالة وجيالك
انا: ماشي وابقى تعالي عشان تشوفي الجمال الي انا هعملوا اصل انا ذكية
مني بضحك: طبعاً طبعاً انتي هتقوليلي
ودخلت جوا وانا كنت بنشر التيشيرتات
محمد: بخ
