رواية حب بعد الطلاق الفصل الثالث بقلم زهرة الهضاب
#حب_بعد_الطلاق
#الجزءالثالث
جات نور بنتي لدنيا في بالي السيد يتعدل بصح كنت غالطة نفس العبد نفس لعمايل كل يوم و انا مجرد كلب... ة عايشة معاه مام بنتو مهوش محوس عليها فوتت نفاسي ورجعت حياتي كيما كانت بكري..... كنت ديما نروح لدارهم كيما العادة نعاون امو تفتل وتبيع للناس وانا كنت وين ماتعيطلي نروح عندها وهو كان عاجبو الحال على خاطر طايعتلو امو بنتي صغيرة نحطها حدايا و نعانون امو حتى تولي تبكي وماوليتش لاتيا لا بنتي ولا راجلي هو لقا راحتو في الدار وحدو ويدير في رايو وانا عند امو حتى كي تحب تخرج تعيطلي نشدلها الدار ونطيب ندير شغل الدار هذا كامل فايت علي راسي وانا مزال صابرة ونقول عادي نطيعلو والديه باه نكبر في عينو بلاك يهديه ربي ويرجع حبني.... كنت حاسة بلي يدير في حاجة في الدار انا ماشفتوش بعيني بصح كنت حاسه بلي يخون فيا بصح ماهدرتش مكانش عندي دليل وكنت كيما لي بلا راجل
كل يوم في دار نهار في داري ونهار عند امو هكا كل وقت وكي نقول منروحش لداركم عندو مايعيط ويسب وخلي وخلي و انا ساكته وصابرة ونقول خلي........ وقعدت حياتي هكا لا يصرف عليا لا دايرني مرتو واجب عليه يصرف عليا وكنت كي نروح عند امو تعطيني مصروف ساعاات تشريلي حتى حاجياتي الخاصة طاح لقدر خلاص هو باين مهوش قد السؤولية وكنت ساكتة.... فاتت ليام و الشهور حتي كبرت بنتي ولات 3 سنين زيد جبت طفل وقعدت حياتي كيف كيف نروح ونجي على دارهم مرات نبقى بشهر عندهم و اذا مرضت اختو ولا امو انا الخدامة تاعهم حتى كي خوه دار العملية بقيت عندهم نعاون في مرت خوه وقعدت هو داير رايو مرات يجي لدارهم مرات م يجيش وقعدت صابر ونفوت حتي كبر وليدي ولا في عمرو عام وليت نحكي مع خوتاتي ونفرغ قلبي وبدا صبري ينفض.... المخلوق انا معاه فالفراش وهو يهترف بسم النساء في فراشي وهنا عرفت صح بلي يخون فيا ولاو خوتاتي يعملو فيا عليه ويقولولي اطلقي وعلاه راكي قاعدة مع واحد دايرلك هكا... انا قلت لا ما نيتمش ولادي صبرت وقلت بلاك ربي يهديه وبديت نبدل العقلية معاهم حتي كي تعيطلي امو مانروحش و اذا حشمت منها ورحت مانقعدش نقول لباباه يرجعني لدار كنت كل يوم يجي باباه يديني ونخليه كيما المراة النافس غير الرقاد وفي لعشيا نرجع باباه قلق ولا يقولي مانرجعكش قتله ملا مانوليش نروح عندكم وصاي الرويجل تاعي م عجبوش الحال وباباه قالي نديك معايل لدار ترحعي وحدك ولا تباتي قتلو مانزيدش نروح اذا روحت نرجع مانباتش ولا مانروحش خلاص وهنا حس بلي بديت نفيقلة الرويجل تاعي بلي يخون فيا #يتبــــــــــــع
