رواية ماخلف الباب الفصل الثالث بقلم احمد الطباخ
#الجزءالثالث
غمضت عيني غصب عني وفتحتها لما لقيت صوت بيكلمني في وداني صوت غريب ركزت معاه اكتر واكتر لغاية ما بدأت أفهم الصوت ده لغاية ما عرفت الصوت ده بيقول ايه:
"كل اسألتك مجابة عليها بشرط تنزل مقبرة مراتك وساعتها كل اجاباتك هتتحل يا حانوم"
لقيت نفسي لا اراديا بحاول احفر وافتح مقبرة مراتي مش عارف لغاية ما جات ليا فكرة ان شخص يساعدني افتح المقبرة والشخص ده هو عم أمين عم أمين ده هو الراجل اللي دفن مراتي وهو نفس الراجل اللي يحرس المقابر واكيد هيساعدني…
رحت ليه كان قاعد في اوضة برا المقابر بشوية اول ما رحت خبط علي الباب خبط بقوة مكنش في حد بيرد لحد ما اتفتح الباب وشوفت فيه عم أمين واقف قدامي وبيقولي:
_ مين حضرتك ااااه قولي بقا انت واحد من اللي بيحطوا سحر في الج…*ثث اسف يا استاذ انت جيت للشخص الغلط
بدأ يقفل الباب حطيت ايدي قدامه وقلت:
= لا لا انت فهمتني غلط انا شيخ محمد جاي عشان اشوف مراتي انت مش فاكرني
فتح الباب من تاني وبصلي وقال:
_ امممم وشك مش غريب عليا بس مش ده المهم.. المهم دلوقتي انت عايز ايه
= ااااءءء انا جاي اشوف مراتي بس محتاج افتح المقبرة
_ يا راجل عيب عليك جاي تعمل عمل في ج…*ثة مراتك مش عيب بزمتك
= لا لا انت فهمتني غلط انا جاي انزل المقبرة عشان اشوف حل لمشكلتي
_ ثواني هو انت شيخ محمد ابن معاذ الحانوم
= ايه ده انت عرفت اسمى منين وعرفت اسم الحانوم ده منين ده محدش يعرفه
_ متقلقش انا عارف انت بدور علي ايه وعايز حل لمشكلتك بس قبل اي حاجة انا عايز حلاوتي
= بس كده استني
حطيت ايدي في جيبي وطلعت ١٠٠ جنيه حطيتهاله في ايده
_ اممم يعني مش عايز تعرف قصة مراتك مع الشخص اللي شوفته معاها
= شخص ايه
_ الشخص يا محمد اللي كان في الصورة اللي في جيبك
= ايييه انت عرفت منين كل ده
_ تقل ايدك وهقولك كل حاجة
حطيت ايدي في جيبي وطلعت ١٠٠ جنيه تانية وعطيتهالع
= حلوين كده
_ مش بطالين تعالي نروح المقبرة وننزلوا فيها وانت هتعرف كل حاجة بس قبل اي حاجة مراتك وصتني ان اللي هتشوفه مش هتحكيه لحد حتي انا
= هشوف ايه يا عم امين يا عم انت رايح فين
مشيت ورا عم امين لحد ما وقف عند مقبرة مراتي وبدأ يفتح المقبرة اول ما فتحها طلعت ريحة جميلة اوي اول مرة اشمها وبعدها بص ليا وقال:
_ انزل يلا يا شبخ محمد وانا مستنيك برا عبل ما تخلص
= ايه انت مش هتنزل معايا
_…..
= رد عليا عموما انا هنزل وساعة ما اخرج مش هقولك شوفت ايه
وفعلا نزلت المقبرة لحد ما وقفت قدام ج…*ثة مراتي بس في حاجة غريبة مراتي جث…*تها متحللتش ازاي وشها زي ماهو وحتى جسمها ده معناه ايه انا مش عارف..
قربت منها ولقيت حاجة تهتز في جيبي حطيت ايدي في جيبي لقيتها الساعة طلعتها ولقيت عقارب الساعة بتشاور علي مراتي بالظبط وكل ما كنت بقرب كانت بتزيد هزة الساعة اكتر واكتر لحد ما الساعة وقعت من جيبي وحسيت احساس غريب حواليا وفجأة لقيت ج…*ثة مراتي بتتحرك قدام عيني بتتحرك ومبقتش عارف اعمل ايه وفي نفس اللحظة باب المقبرة اتقفل عليا وفي ساعتها شوفت حاجة غريب وفي نفس اللحظة حسيت بإيد ماسكة في رجلي وجيت عشان اشوف مين ده لقيت…
يتبع...
الكاتب ✍️
#أحمدالطباخ
#نبض_الخوف_تحت_الأرض
بدل ماتدور وتبحث علي الروايات خليها علي تليفونك وحمل تطبيقنا
