رواية غيرة حب الفصل الثانى والاربعون بقلم احمد صابر
بضحك: طب معلش تعاالا... مش هبوسو والله... يلا بقى الجو برد خلي عندك دم ولا حاطط بدالوا شربات
محمد: لا حاطط بدالو استظراف ياسخيفة
دخلنا واحنا بنضحك
محمد ل ابن خالي: وانت اقعد ف حتة احسنلك وملكش دعوة بيها
لقيت محمد ابن خالي ضربو ب القلم ع وشو
انا: احيه مرات خال حوشي ابنك هيبقى ضحية انهارده يا حزني... معلش طفل هتقتل طفل هنعمل اي اذا كان بيضربني انا شخصياً .. حوشي ابنك بقي.. ليله فل اهدا ابوس ايدك
محمد: اي الواد دا إذا كان بيعمل كدا وهو صغير امال لما يكبر هيعمل اي هيمسك سلاح
انا: اسكت تربيتي
محمد: تربية منيلة ب نيلة
والدتي/ مني: مانت الي مربيها
محمد: شفتي جبتيلنا الكلام عاجبك كدا
انا: وانا مالي يا لمبي
منة بضحك: معاز
انا: اه صح معاز هو المبي عادي اخوه بقلك اي انا جوزت اخواتك لتنين لصحابي
محمد: مالك
انا: انا مليش دعوه هما الي قالوا انا مال امي انا.. وحدا عيزة معاز والتانية مازن ووحدا كانت عيزاك كمان يلا ف داهية كلكم ياكشي اخلص منكم
محمد بضحك: عيزة تقنعيني انها قالت كدا وانتي سكتي ومتعصبتيش عليها
انا: ههه اتعصب عليها ليه يا حبيبي ماتخدك هو انا مسكاها ولا مسكاك
محمد: اه طب واسمها اي ع كدا
انا: اسمها ش... وانت عايز اسمها تعمل بيه ايييي
محمد: الله مش هيا عيزة تتجوزيني مش لازم اعرف اسمها
انا: دانت مهزء
محمد: وانتي معندكيش دم... ع ضمانتك العروسة دي بس
انا: وانا كنت شفتها
محمد: الله مش بتقولي صحبتك
انا: اه بس معرفهاش
محمد: اي الهبل دا ازاي... مش مهم المهم ان هتجوز وخلاص
انا: يأخي بتلزق لزق مرة حنين والتانيه صحبتي
محمد بغمزة: والتالتة انتي
انا: بس بس ب ام التلزيق الي انت فيه دا
محمد: مش تلزيق دا حب يا جهلة
انا: احيه
محمد بضحك: اوبا الفراولة طلعت
انا ضربتو ع كتفوا: اتلم بقى
محمد بضحك: هتلم حاضر
محمد: بتبقى معناه عشان الواحد يخليكي تغيري اصلا عشان انتي لوح تلج مبيحسش
انا بستهزاء: ههه انا اغير وع مين عليك
محمد وهو بيقرب: ومالو انا مش فاهم
انا وببص للي قاعدة وبزقو لورا: محمد اعقل
محمد: انتي خليتي فيا عقل
اسماء (مرات خالي) : الندلة الي مش بتسأل ولا حتى بتطمن افرد موت يا شيخة
انا وبسلم عليها: بعد الشر انشاء الله محمد واحنا لاء
محمد: هار اسود هو انتوا عشان تجاملوا بعض تموتوني ف اليوم 40 مرة
الكل/ ههههه
اسماء بضحك: احزر عشان البت دي دعوتها مستجابة منها لباب السما ع طول
انا: باب السما بيبقى مش موجود سعتها منها ل ربنا ع طول
محمد: ههههه
كانت هاجر بنت عمي بتنده عليا برا ف طلعت ليها
هاجر: امسكي يا نايمة حجاتك
انا: اوبا دانا عليا درس بكرة كنت هنساهم
هاجر: هو مين دا ها
انا: أحمد
هاجر: هو دا اسمو
انا: يابنتي انهي واحد
هاجر: يابنتي انا عرفة أحمد دا قدي الي جنبو بقى الأجنبي دا
انا: محمد
هاجر: دا مين دا
انا: ليه
هاجر: دا جامد اوي ولا عنيه جامده يخربيت كدا
انا ومسكتها من رقبتها: تصدقي انك مهزءة
هاجر: يخربيتك بطلع ف الروح اوعي مالك اتحمقتي كدا ليه
انا: عشان عشان عيب مينفعش كدا وبعدين مش حلو اوي يعني انتي الي اوفر
هاجر: انتي حولة بقى
انا: لا والله مش حلو دا عنيه لينسز اصلا وشعرو الحلو دا بروكة هو اصلا كلوا فيك
هاجر بضحك: اي الهبل دا انتي بتهزري مش كدا
انا: لا مش بهزر دا فيك دانتي الي شيفاه حلو بس
هاجر: يالهوي متهزريش
انا: لا مش بهزر
هاجر: اي الحظ التحفة دا...عيزة حاجة
انا: لا
مشيت وانا كان نفسي اضربها ع راسها ب الكتب ودخلت جوا دخلت الكتب وطلعت قعدت معاهم
انا ف نفسي: يارب كل البنات يشوفو أحول يارب
محمد: هو مين
انا: وانت مالك
محمد: تؤ طول لسان مش عايز
أحمد: هدوووء.... هيا كلمتك يا عم
محمد بصلوا بصة رعبتو كنت مسكة الضحكة ب العافية
أحمد: عيب كدا يا إيمان هو كلمك
انا: واد جبان
أحمد: اسكتي مش شيفة بيبصلي ازاي هيفترسني
محمد: طب بس يا خفيف وخليك ف حالك
أحمد: بيحترمني جدا مشاء الله
انا: جدا نفس الاحترام الي بحترمهولك دا مين الي يشوفك وميحترمكش
احمد: تقريباً بتهزق
محمد مش تقريباً دا اكيد
احمد: شكرا ع التوضيح
منة احمد بقلك
احمد انا من النهارده مسميش احمد
منة: امال اسمك اي
احمد: ناصر الدسوقي
انا: بس يابابا
أحمد: مش عارف انتي بتتبسطي لما بتحدفي دبش كدا
انا: اه عندك اعتراض
احمد: لا براحتك طبعاً
محمد: ماتيجي نتمشى اصل شوية وهرتكب جريمة
انا: انت عبيط انت لو طلعت برا عندنا بشكلك دا ممكن تتخطف مني
محمد: مالو شكلي
انا: حلو اوفر
محمد: لا يا شيخة... تمام مش مشكلة انا اخد منة
انا: تاخد مين يا روح امك
محمد ببرود: منة
منة: نعم
محمد: ها...لا دانا بقول واحد منة مش قصدي انتي خالص
انا: ههههه
محمد: يلا يا بطل بقى
انا: لو تحترم نفسك كنت هاجي
محمد: انتي هتنزلي الي خلفوني انا هاخد حنين
انا: خلاص يا جعفر ابو شكلك يلا
حط ايدو ع كتفي وطلعنا
والدي: ريحين فين
محمد: رايحين نتمشى شوية دا بعد ازن حضرتك طبعاً
والدي: المشكلة انك بتقلب الموقف لصالحك ف ثواني وببقي عاجز عن الكلام
محمد: هههه
والدي: خدو الولاد معاكم
محمد: ولاد مين
والدي: الي انتو عيزينهم المهم متخرجوش لوحدكم
انا بفرحة: ملك... حنين.. جت عليكي انتي كمان تعالي يا منة
محمد: وكانت جت عليك انت كمان تعالي يا احمد ماهي كدا كدا خربانة
احمد: ع فين
محمد: ريحين نلعب تيجي
أحمد: ومالوا
انا: اي شغل خدوني معاكم لركب تاكسي دا
خرجنا كلنا عشان نتمشى
ملك: يا حمار بص قدامك
عادل: في اي هو حد كلمك
انا بضحك: احيه كملت خلااااص يا عااادل معلش روح
عادل: هيا مين دي ولا نبن دول
انا: وانت مالك يا عادل هوو انت هطلعلهم بطاقة
عادل: مش عايز اعرف
وسابنا ومشي
انا بضحك: فاكر الواد دا
محمد: فاكروا... في رمضان
انا بضحك: ايواا هو دا... دا بقى اخو انجي
محمد: انا برضوا بقول متخلف لمين
ملك: دا واد غبي داس ع رجلي
أحمد: ماخلاص ياست جورجينا خلاص يابا
ملك: بس يالا
أحمد: ع فكرة اختك بتشتمني
محمد: ومين فينا مشتمكش يا أحمد
منة: انا
محمد: يلا هيا جت عليكي
أحمد: دا الناقص اختي تشتمني بقى
منة: لا عيب عليك مش انا
أحمد: فيكي الخير يابنت ابويا
انا: وبالنسبة لأمك اي حابتكم من جوجل
أحمد: لا من ابلكيشن طلبات
انا: دا الاكل له منفعة عنكم
منة: وانا مالي دلوقتي
انا: ماهي الحسنة بتخص والسيئة بتهم حظك انك اخت البأف دا
أحمد: بأف... لا كدا كتير
محمد: كتير ولا قليل تقدر تعمل حاجة
أحمد: انا ف وسط عصابة... لا يا كبير مقدرش
فضلنا مشيين لقيت حد بيشدني ومسكني من ايدي ووقفنا بعيد
انا: في اي خضتني
محمد: هو اي اليوم دا مش عارف اكلمك كلمتين
انا: اتكلم
محمد: ماهو مينفعش حد يسمع
انا: اي دا ليه
محمد وهو يهمس ف اذني: افرض كنت عايز اقلك بحبك
انا: يا ملك يا حنين خدوني معاكم... يا حزني هيغمي عليا انتو فين
محمد: هههه
أسرعت مشيتي ومشيت مع البنات
منة: اختفيتي فين
انا: حظابط كان عايز فوني ف كنت بديهولو
منة: اشمعني
انا: هو بياخدو بيشوف الناس الي بعتالي اد ع الفيسبوك وبيمسحهم
منة: مانتي ممكن تمسحيهم عادي
انا ونفز صبري: اوووف هو بيبقى عايز يعرفهم وغير ان بخلي فوني معاه ع طول عشان بيقع منيي
منة: طيب خلاص متتعصبيش
محمد: إيمان
انا: نعم
محمد: يلا عشان نرجع
رجعنا كلنا ومشينا وراهم لحد ما وصلنا للبيت
مني: يلا يا حبيبي
محمد: يلا يا ست الكل
بعد تسليم بينهم
محمد بهمس ف اذني: هتوحشيني يابنت قلبي
حسيت قلبي بيدق بسرعة كبيرة بصلي وضحك وطلع برا وركب العربية
ملك: باااي
انا بضحك: باي
حنين: باي يا قزعة
انا: اللهم طولك ياروح
سلمت ع خالتي والبنات وركبو العربية كنت ببص عليهم وبصيت عليه بصدفة لقيتو بيغمز اتوترت ورجعت بصيت ع البنات وشاورت ليهم ب ايدي لحد طلعوا من الشارع ورجعت ع البيت كانت منة وعيلتها مشيو دخلت اخت دوش ونمت
*تاني يوم*
صحيت اخت دوش واديت فرضي ولبست لبس الدرس وكنت صحيه قبل معاد الدرس ب ساعة فافكرت ارن اغلس عليه واصحيه
انا: الو
محمد: ايوا يابنت قلبي
انا: اي دا دانا قلت هتهزقني عشان صحيتك
محمد: انا منمتش اصلا
انا ليه يا باشا
محمد: بفكر ف بنت قلبي
انا: اه يا مهزء وانا اقول مش عرفة انام ليه اتفو عليك دانا فضلت سهرانة لحد الفجر
محمد: دي اخرتها يتقالي اتفو عليك... ع العموم شكرا
انا: دانا كنت هموت وانام مش عرفة منك لله معنتش تفكر فيا تاني وسيبني انام بقى
محمد: حاضر هاخد عقلي واعمل معاه اتفاق واقولوا متفكرش فيها تاني عشان تعرف تنام... انتى هبلة يابت
انا: فى اي يا حظابط خضتني
محمد: مانتي الي تعصبي صحيح اي متفكرش فيا دي واعملها ازاي دي
انا: وانا اعرفلك بقى اتصرف
محمد: إيمان اقفلي فصلتيني يخربيت ام كدا هو فى كدا يا شيخة
انا: قالك تعيش هتشوف الندل والخينين وانا شفت ناس يازمن بتلبسو ف الرجلين معدنها قش ودش مبدئها غدر وغش يابن الأصول معلش خليك من الصابرين
محمد: صبرني يارب
انا: هيصبرنا كلنا
محمد: غوري يا بنت ع درس اجري
انا: مشيا يا اخويا
قفلت الفون بسرعة قبل مايتعصب من الكلمة... رحت الدرس وخلصت ورجعت ع البيت اتعشيت ودخلت اذاكر كان عليا درس العصر ف قمت صليت ولبست ومشيت اخت المذكرة الي هو حل فيها المسائل وعلمتهم كلهم طلعوا صح اخت المذكرة وروحت وغيرت هدومي ل شروال ابيض وتيشرت اسود من عند خالي ولفيت شعري ع شكل كحكة.. شوية ولقيت الفون بيرن
انا: الوووو
محمد: الوووو...فى اي وداني يا حجة مش كدا الله
انا: دانا صوتي تحفه
محمد: اه طبعاً وانا اشهدلك
انا: واد بارد... نفسي اموووت
محمد: هو بيحضر ولا اي
انا: اه انا ملبوساااا
محمد: مش محتاجة تقولي ياقلبي انا عارف والله
انا: انت مش عارف حاجة انا باكل البني ادمين
محمد: عارف يا روحي عارف
انا: عو عو عو
محمد: روحي يابت ذاكري بدل ماجيلك
انا: تعالي
محمد: لو جيت هتهور
انا: مش فهمة
محمد: احسن برضوا
انا: بارد أوي يعني
محمد: الله يخليكي
انا: معرفش مالي بوظت حالي دمرتني وب ايديا حبيت الكل نهيت الكل اتغير فجأة عليا ولبست ف حيطة انا كنت عبيط وفكرهم بيموتو فيا
محمد: تؤ دي حقيقة والله
انا: هيا مين
محمد: اصلا... نفسي افهم انا عملت اي ف حياتي عشان ربنا يعاقبني فيكي
انا: انا عملك الأسود يا حظااااابط... هظهرلك ف كل حتة
محمد: انتى كدا شبح مش عملي الاسود يابابا
انا: شبح او عملك الاسود مش هتفرق الاثنين يخوفو لا يا مامي الشبح بيخوف اكتر
محمد: هيطلعلك بليل ويشد رجلك وانتي نايمة
انا: آآآآآآه
محمد: ههههه
انا: ليه كدا يا محمد انا قعدة ف الضلمة يا عم
محمد: طب اوعي العفريت
انا: محمد
محمد بضحك: خلاص
قعدنا نتكلم شوية وبعد كدا قمت اذاكر ولما خلصت نمت مفيش جديد ف يومي يعتبر عرفتو خلاص كنت قعدة وبذاكر سمعت صوت عربية طلعت اشوف مين
انا: ابو طويلة
محمد: يابت انتي الي قزعة وربنا
انا: لا مش قزعة طولي مظبوط
محمد يابت دانتي عشان تجيبي الملح بتقفي ع الكرسي وياريتك بتطولي
انا: محمد
محمد بضحك: خلاص انتي أطول مني كمان متزعليش
انا: ايوا
محمد: فين خالتو
انا: جوا
دخل وسلم عليها
والدتي: يلا خشي غيري هدومك
انا: ليه
والدتي: هنروح عند خالتك عشان نروح كلنا نزور جدتك
انا: طيب انا مالي بقى انا هفضل هنا
محمد: يلا يابت احسن اسقفلك
انا: مش جايا
محمد: هضربها وربنا يا خالتي
والدتي: انتو حرين مع بعض مش كنت بتزعل لما باجي اضربها
محمد: هو انتي بتضربني يا خالتي انتي بتقلعي شعرها
والدتي: واي المشكلة
محمد: لا شعرها لا يا خالتو
انا: جاتك القرف محن
محمد: خشي يابت هاتي حاجتك وبطلي برود
انا: متجننيش مش جايا
محمد: هتيجي
انا: تؤ مش هاجي
محمد وبيمسك راسي: انا الي بقلك هتيجي يعني هتيجي
انا: اوعي مش جايا
والدتي: ياختيييي
وسبتنا وخرجت
محمد: هتيجى يا إيمان
انا: مش هاجي يا محمد
محمد: لييييه
انا: هو كدا
محمد: اه انتي بتدايقيني يعنيي
انا: اممم
محمد: طب خشي يا إيمان اجهزي بدل ماخدك بتيشرت خالك كدا
انا: وربنا انا راضيا
محمد: يلااااااا
دخلت بسرعة وغيرت هدومي وطلعت وقعدنا نستنى امي تخلص مسكت الفون بتاعو وبكتب الباسورد الي هو عيد ميلادي بس مكنش بيفتح
انا: اي دا...انت غيرت الباسورد
محمد: اممم
انا: ليه
محمد: عادي
انا: اه غيرتو ليه يعني
محمد: يعني انتي عيزاه يبقي ب عيد ميلادك
انا: مش ع كدا انا بسأل ليه غيرتو
محمد: دا بدل ماتسألي انا عملتو ب اي
انا: مش عيزة اعرف
محمد: مش يمكن لما تعرفي تغيري رأيك
انا: مش عيزة اعرف
وكنت هقوم لقتو مسك ايدي وقعدني وحط ايدو ع كتفي ومسك الفون بنفس الايد والايد التانيه ساندا الفون برضو وفتح الباسورد الي هو ب اسمي
انا: اوعي كدا وبطل المحن الي انت فيه دا
محمد بضحك: برضوا
انا: هات
اخدت الفون وكنت بتفرج ع الصور وفجأة ايدي جت ب الغلط ع مسح وكل الصور والفديوهات اتمسحو
انا ومسكة الفون ولطمت: احيه
محمد: في اي
انا: الصور اتمسحو
اخد الفون بسرعة وعمال يقلب ف الفون ملقاش ولا صورة
محمد: هار اسود مش طالعوا شمس... انتي عملتي ايييي
انا بضحك: وربنا بلغلط مكنتش اقصد
محمد: بتصحكيي ع اييي دا معدش صورة توحد ربنا.... انتي عرفة الصور دي معيا من أمتي
انا بضحك: من أمتي
محمد: من ثانوي.. من ثانوييي دانا لما غيرت فوني مردتش امسحهم... اجيبهم منين دلوقتي... اه صح Deleted
انا بضحك: ياعيني يابني انت غلبان اوي... مانا مسحتهم برضو من عليه
محمد: اييييييي
انا:مانا لما اتمسحو وجيت اشفهم من عليه دوست ب الغلط
محمد: اااااه... انتي يابت ايدك بتاكلك لو معملتيش مصيبة تتشلي... انتي الأخضر ف ايدك يابس... منك لله منك لله
انا بضحك: اهدي بس متعملش ف نفسك كدا دول شوية صور
محمد: همة مجرد صور دول صوري مع صحابي
انا: اه والله كان شكلهم حلو اوي
محمد: مستفززززززة
انا بضحك: اهدي بس هتتصور غيرهم ولا تشغل بالك وبعدين صحاب مين والناس نايمين مش بيدومو
محمد: لا بيدومو ولا مكنوش فضلو معيا من ابتدائي لحد اللحظة دي بس اختاري صح... منك لله يا شيخة اشوف فيكي يوم
انا: هههههه انت اتعلمت... اشوف فيكي يوم
محمد: بطلييي استفزاز انا ع أخرى... هعيط وربنا
انا بضحك:معلش
محمد: نفسي افهم بتضحكي ع اي يا تافهه.. يا تافهه
انا بضحك: هو انا ضحكت
محمد: اماال بتعملي اي دلوقتي
انا: خلاص اهو والله..... ابقى جيبهم من علاء
محمد: اكيد مش معاه كلهم
انا: دانت طماع اوي كفاية نصهم
محمد: يالهوي حد يلحقني من البت دي ب كباية مياه بسكر انت كتبة ع جناني يابنتي
انا بضحك: خلاص في اي هتتصور تاني اي المشكلة
محمد: يا مستفزة.... دول بقالهم كتير معيا يعني ذكريات منك لله
انا: يا حزني صعبت عليا
محمد: بجد والله... حلى عني عشان نفسي اسقفلك دلوقتي
انا وبطبط عليه: معلش معلش
محمد: اخفي من قدامي بقى
انا: انا داخلة وسيبالك الحتة كلها
محمد: احسن برضوا
انا وضربتوا ب المخده: دانت بارد
شدني ب عصبية رحنا وقعين ع السرير
والدتي: اي دا
قمنا بسرعة
انا: وقعني المتخلف
محمد: هيا الي بتستفزني
والدتي: بطلوا شغل العيال دا ويلا
محمد: امشي احسن اديكي ع وشك
انا: هششش بس يالا
ركبنا العربية وبعد وقت مش كتير وصلنا البيت خالتي نرمين وخالتي هند جم ومشو هما وامي ومني وراحو يزورو جدتي وفضلت انا ومحمد وملك وحنين
حنين: مالوا دا *يتبع🖇️*
بدل ماتدور وتبحث علي الروايات خليها علي تليفونك وحمل تطبيقنا
