رواية غيرة حب الفصل السادس والاربعون بقلم احمد صابر
انا: اي دا
كان نفس الشخص الي خبط فيا والي انقزني من الكلب والي كان واقف مع محمد
الشخص: انتي بتعملي اي هنا
انا: زي مانت شايف تايها
الشخص: تايها ازاي
انا: هو في اسباب لتوهان كمان
الشخص: طب بطلي طول لسان شوية.. مش عرفة توصلي لبيتكم يعني
انا: اه
الشخص بضحك: طب تعالي هوصلك
انا: نعم هو انا تايها
الشخص: اومال انتي بتتفسحي مش انتي الي قلتي انك تايها اي الانفصام دا
انا: تلم لسانك معيا عشان مزعلكش
الشخص: انتي شكلك كيوت يعني اومال اي لسانك دا
انا: دا عندها
الشخص: عندها اه... طب اتفضلي قدامي يلاااا
انا: مابوراحة يا شبح مش ب الزعيق
الشخص: شبح!! انتي متأكدة انك بنت ومش متنكرة
انا: حد قالك انك دمك خفيف قبل كدا
الشخص: اه انتي
انا: خفة
الشخص: انتي تقربي اي لمحمد
انا: وانت مالك برضوا
الشخص: بسألك عادي
انا: بنت خالتوا
الشخص: بس
انا: بس ازاي مش فهمة
الشخص: يعني هيا دي صلة القرابة الي بينكم بس
انا: انا لو افهم انت قصدك اي كنت رديت والله
الشخص: يعني انتو ولاد خالة وبس
انا: اه
الشخص: طب كويس
انا: هو اي الي كويس
الشخص: صح اسمك اي
انا: اي هتطلعلي بطاقة
الشخص: هو انتي لو مطولتيش لسانك هيجرالك حاجة
انا: هتشل
الشخص بضحك: واضح
انا: انت هتصاحبني ولا اي متوصلني وانت ساكت
الشخص: انا مالك
انا: مالي ازاي مش فهمة
الشخص بضحك: اسمي مالك
انا: اه طيب اعمل اي مش فهمة
مالك: لا ولا حاجة
انا: قدامنا كتير
مالك: هو انتي ازاي مش عرفة الطريق
انا: عشان اول مرة امشي من هنا كنت بمشي من الطريق التاني ع طول بس الكلب المهزأ بيبقى ع طول هناك وبيقعد يهوهو عليا
مالك: وانتي نازلة لوحدك من البيت ليه
انا: هقلك اصل البت البارده الي اسمها هالة دي بتدايقني كل شوية وانا قلت لمحمد ان مش هعمل مشاكل معها ف عشان معملش مشاكل نزلت وتوهت زي مانت شايف
لقيتو بص ف الارض وضحك
انا: سوري اندمجت شوية
مالك: لا عادي ولا يهمك
انا: انت الي بتسدرجني ع فكرة
مالك: انا!! .. انتي الي لسانك مسحوب منك
انا: لا انت الي بتخليني اتكلم مش عرفة ازاي
مالك: اه حقك عليا انا الي غلطان فعلاً
انا: هو ليه كل ماتكلم مع حد بياخدني ع قد عقلي
مالك: يعني انتي عرفة ان انا كنت باخدك ع قد عقلك لا ذكية
انا: الله يجبر بخاطرك
كملنا طريقنا
انا: اه هو دا الشارع... لا هو دا.. المفروض امشي من هنا صح
مالك: خدي خدي راحة فين
انا: هروح
مالك: الطريق اهووو
انا: اي دا بجد
مالك: ممكن تسكتي
انا: بتتكلم زيو كدا ليه
مالك: زي مين
انا: حظابط
مالك: مين
انا: محمد
مالك: مش صاحبو اكيد هبقي زيو
انا: دا شرف ليك اصلا انك صحبو
مالك: اكيد طبعاً
انا: طبعاً اي انا عيزة اولع الدنيا
مالك: اي الصراحة دي
انا: بص انا ارتحتلك عشان بتحب حظابط عارف لو كرهتو هكرهك
مالك: لا مش هكرهو دا صحبي هكرهو ازاي
انا: شاطر
مالك: هو انتي ازاي طفلة كدا
انا: تؤ ليه الغلط بقى
مالك: عندك كام سنة طيب
انا: حوار طويل متلغبط صدقني
مالك: ازاي
انا: هقلك
لقيتو ضحك
مالك بضحك: قولي
انا: بص مش هعرف اشرحلك ف احسن متعرفش وتقعد ساكت
مالك: حاضر
انا: هو اي الطريق الي مش عايز يخلص دا دانا لما توهت توهت ف ثانيه
مالك: ماهيا المصايب بتيجي ف ثانيه... افرضي كنتي اتخطفتي
انا: انت عبيط دانا كنت علمت عليهم وعملت معاهم الجولاشا
مالك: الجولاشا!!! الصوت مش مظبوط ع الصورة خالص ازاي كل المشاكل دي تطلع من البرائة دي ازاي مش فاهم
انا: انت بتكلم مين
مالك: لا مش انتي خالص بتكلم مع الي ماشي معيا التاني دا
انا: فين دا مفيش الا انا وانت
مالك: امال بتسألي ليه ولا هيا جلطة وخلاص... اتفضلي بيتك اهو
انا: طيب
مالك: اي مفيش شكراً
انا: ليه كنت عملت حاجة محدش عملها دانا لو كنت قلت ل يوسف كان وصلني بس مشفتوش للأسف
مالك: لا حول ولا قوة الا بالله
انا: هو اي حد بيشوفني بيتوب ولا اي
مالك: لا انتي اي حد بيشوفك بيتجن بصراحة
انا: مستشفى المجانين فاتحة روح الحقلك مكان
مالك: لا انا مش قصدي الجنان دا... ادخلي ومتنزليش لتوهي تاني... باي
مشي وانا واقفة مستغربة
انا: هو في أنواع للجنان كمان اي الهبل دا
وطلعت فوق لقيتهم قعدين كلهم معادا محمد حمدت ربنا انو لسا مجاش
انا: البت البومة دي لسا هنا... اوف انا جعانة... اروح اكولها طيب ولا اي... يععع دا تلاقي طعمها وحش
حنين: كنتي فين كل دا
انا: كنت تايها
حنين: اي
انا: اه
حنين: بتهزري
انا: وربنا كنت تايها
حنين: ازاي
انا: مانا مشيت من طريق تاني
حنين: طب ليه
انا: خفت امشي من طريق الرئيسي عشان بيبقى فيه الكلب
حنين: طب وجيتي ازاي
انا: اووف انا مش هعرف احكي وانا جعانة
حنين: محدش رضي يتعشى من غيرك اصلا
انا: مانا مش هاكل دلوقتي
حنين: ليه
انا: لما محمد يجي
حنين: محمد ع الطريق لسا مكلمينو
انا: طيب
حنين: يا حنينة ودا كلوا وزي اخويا
انا: اممم اخويا
حنين: غوري يا إيمان
انا: طيب
كنت لسا هدخل الا ولقيت الجرس رن رحت فتحت كان هو
انا: البيه شرف
محمد: اي دا
سبتو ودخلت دخل غير هدومو وطلع
انا: اتأخرت ع فكرة
محمد: فعلاً انهارده اتأخرت شوية معلش
حطيت الاكل مع خالتي انا وحنين وملك وبستها من خدها وباستني من خدي
محمد: وانا
خالتي: اتلم يالا ....انا هحطها عشان متقعش عليكي
انا: ماشي
جهزت السفرة وقعدنا كلنا نتعشا خلصنا وقعدنا كلنا قدام التلفزيون جبت كتبي وقعدت قدامو وبعد كدا وقفت ومسكت ايدو الاثنين
انا: ادي الحملة الفرنسية وادي القائد نابليون داخلة وخارجة ف سرية طالعة من ميناء طولون عدت ع جزيرة مالطة ومنها بسرعة ع كريت مش عيزة إنجلترا تعرف نابليون قائد عفريت
حنين: اي دا
ملك: دا اي دا بجد
محمد: بس متقطعوهاش كملي يابابا كملي
انا ومسكة ايدو وبحرك فيها يمين وشمال حسب نغمة الأغنية: بعدها دخلت اسكندرية دخلت دخلتها القوية وتصدي محمد كريم وانضربلوا ضربة قوية
محمد: يا خسارة اسمي
ضحكت وكملت
انا: راحو وجريو ورا المماليك جوا إمبابة وشبرا خيت واتقدموا للقاهرة وعاشوا فرحة وانتصار فجأة جه لنابليون خبر مهم من الأخبار الحق إنجلترا عرفت والاسطول ع البحر انهار عند ابو قير البحرية نيلسون ضربتو قوية ضعفت روحهم المعنوية
محمد: طبعاً ماهي لازم تضعف... كملي كملي
انا بضحك: مانت بتضحكني
محمد: حقك ع دماغي انا اسف كملي
انا: واعتمدو ع موارد مصر سلب ونهب وفرض ضرايب مهما بنوصف ملهاش حصر
الكل/ برافوووو
انا: هما بيتريقوا
محمد: لا والله حلوه
انا: ماتبس يابت منك ليها هو احنا فرح
هالة: انا مفهمتش حاجة من الي قلتوا هيا كانت بتغني اغنية اي
انا: ممكن تسكت البقرة دي عشان مش هعيد الي قلتوا
محمد: اسكتي يا بقرة قصدي اسكتي يا هالة... الله يخربيتك يا إيمان
انا: ههههه بقرة
هالة: اسكت ليه هو انا قلت حاجة اصلا
انا وحطيت ايدي ع كتفوا: اه يا ختي قلتي
لقتو بصلي ومبتسم اتكسفت وشيلت ايدي لقيتو حطها تاني
هالة: هو في اي... شيلي ايدك
انا: اشيل ايدي!! ... انتي عبيطة يابت
هالة وهيا بتشيل ايدي: اه عبيطة
محمد: بس... في اي يا هالة
هالة: هيا ازاي تحط ايديها عليك كدا
محمد: وانتي مالك هو انا اشتكيتلك
هالة: بس مينفعش برضوا اشمعني ادايقت لما حطيت ايدي ع كتفك
انا: انا اعمل الي انا عوزاه انتي مين انتي عشان تحطي ايدك ع كتفوا ولا حتي تلمسيه ولو بلغلط
هالة: بنت عمتو
انا: يا خفة بنت عمتو تصدقي مكنتش اعرف ودا يخليكي تلمسيه
هالة: اي المشكلة
انا: لا كدا كتير... هجيبها من شعرها
محمد: هو انتو لو قعدتو هديين 5 دقائق ع بعض هيجرالكم حاجة
بصيتلوا بقرف وقعدت
هالة: محمد هو رياضيات يعني اي ب الانجليش
انا: mathe
هالة: ازاي لا غلط
انا برفعة حاجب: اومال اي الصح
هالة: sport
انا: لا يا شيخة sport يعني رياضيات اومال رياضة يعني اي... maths المادة اسمها كدا اومال انتي مش بتلعبي ب المادة لما تكون رياضة بتمارسيها دا بتبقى sport اما maths يعني مادة الرياضيات... لو بفهم حمار كان فهم
هالة: لا تعالي كدا فهميني براحة يعني sport مش رياضيات
انا: لا يعني رياضة ودي بتختلف عن الرياضيات دي ممارسة حاجة
هالة: اممم
انا: واقسم بالله اراهنك لو فهمت
محمد: هههه
انا: انت مش ملاحظ حاجة
محمد: اي
انا: كمان مش عارف وادي خناقة تانيه
محمد: طب انا عملت اي طيب
انا: ومش عارف كمان عملت اي... خناقة تالتة
محمد: اي دا
انا: متتكلمش معياااا
محمد: ملبوسة
انا: خاف من عفاريتي بقى
محمد: خايف اهو
هالة: نفسك تطلعي اي يا إيمان
انا: هدخل تمريض
هالة: نفسي اخش كلية شرطة عشان ابقى زي محمد
رحت مسكة ايدو وعضها
انا: يابنت الكلب يا مستفزة
هالة: نعم
انا: حد كلمك
محمد: ونا زنبي ايييي... منك لله
انا: وريني كدا
محمد: لا
انا: يابني وريني...معلش
محمد: الأدوار اتعكست ولا اي انا الي كنت بقول كدا
انا: واد رخم
منة: حضاالله مانت متكلم انا جالي صداع كفاية خناق وحيات ابوكو
انا/ محمد: هههه
انا: طب انتي عرفة انا ارتحتلك
منة: اي دا بجد
انا: شفتي... استنى
دخلت جبت علبة المصاصا وطلعت
انا: امسكي
منة بضحك: اي دي
انا: مصاصا... انا الي بحبهم بس بديهم مصاصا
أديت ملك وحنين ومنة معادا هالة
انا: امسك
محمد: يا شيخة انا هاكل مصاصا
انا: انت هتتنك طب والله مانت واخدها
قعدت وربعت وحطيت المخدة ع رجلي وسندت عليها لقيت هالة شدتها وانا كنت حطا ايدي عليا ومسكة المصاصا راحت داخلة ف شفتي لقيت دم بينزل ع ايدي بصيت ب صدمة وبصيتلوا كان باصص ع التلفزيون وبصلي ب الصدفة
محمد بصدمة: اي دا اي دا مالك دا دم فين دا
انا وبصة لمنظر الدم ومصدومة : شفتي
محمد: طب اهدي اهدي.. متخافيش بصي مفيش دم اهو اهدي
اخدني غسلي شفتي مكان الدم ولسا بتنزف برضوا
حنين: من اي دا
ملك: يالهوي لسا بتنزف
محمد وهو حاطط ايدو ع شفتي عشان يوقف النزيف: اهدي معلش استحملي... هو اي إلى حصل
ببص عليها لقيتها بتبصلي بترجي ان مقلهوش
انا: المصاصا عورتني بلغلط
منة: شفتها ازرقت يا جماعة
محمد: بتوجعك
انا: شوية
حط ايدو مكان التعويره
انا: اااه
محمد: اهدي... دا مكانها صح
هزيت راسي ب اه
حط المنديل عليها ف مسكت ايدو وغمض عيني
محمد: معلش اهدي ماهو مش هينفع نحط عليها حاجة ممكن تأذيكي
انا: جالي صداااع
محمد: انتي اي حاجة بتحصلك لازم يجيلك صداع
انا: هههه
محمد: بتضحكي ع اي يا شيخة دانا قلبي كان هيقف حرام عليكي
انا: هدومي اتغرقت ميه دانت غبي
محمد: شكراً... المهم انتي كويسة
انا: اه
محمد: لسا بتوجعك
انا: لا
محمد وهو بيبوس راسي: طب روحي غيري هدومك عشان متبرديش
دخلت اخت سويتيشرت من عندو ولبستو وطلعت واخت معيا البطانية واتغطيت بيها وانا قعدة اسمع التلفزيون ببص عليها لقيتها بتبصلي بخوف
انا ف نفسي: فكراني ان مقلتش له عشانك ولا حاجة... خليكي خيفة كدا وهيبة الموضوع... هندمك
فضلت اتفرج ع التلفزيون لحد ماحسيت ان هنام ف ميلت براسي ع كتفو ف اخدني ف حضنو
ملك: كنا عيزين نسهر
حنين: دا إيمان هتنام
محمد بضحك: إيمان مبتسهرش الليل طويل عليها
الكل/ هههه
انا وضربتوا ف بطنو: اتلم احسنلك.. مهزأ
محمد بضحك: هتلم حاضر
انا: محمد علي كان يوناني اخد مصر طلع ف العالي وقف جنب الشعب وقال فرض ضرائب مش حلال فرح الشعب وواثق فيه وي اخدو حاكم عليه واتجمعو ف دار المحكمة 1805 ف إنجلترا اتغاظت خالص محمد علي يمشي خالص وافق السلطان ونقلوا لولاية سالونيك وقف الشعب جنبو جامد ف بقى السلطان هامد ف إنجلترا اتغاظت اكتر ف قررت بينا تغدر بعتت فيريزر ب حملة رشيد حماد ادولو ب الحلة عمر مكرم راح دمياط وهناك قداها عياط عمر مكرم راح دمياط وهناك قداها عياط محمد علي ف القلة دبح المماليك زي الفرحة...هييي
محمد: هيا كدا بدأت تهلوس... يلا يابابا نامي
انا: عينك دي ولا لينسز
محمد: لينسز.. نامي بقى
انا: كداااااب... طب وريني كدا
محمد: اوريكي اي يخربيتك هتقلعيلي عيني
انا: عارف مين الي عور شفتي
محمد: اي... مش انتي قلتي انك اتعورتي من المصاصا... مين
انا: هقلك
رفعت ايدي جه هالة لقيتها برقت رحت لفها عليهم كلهم وبعدين شاورت عليا انا
انا: اناااا
محمد بهمس: ابوسها يمكن تخف
انا: مين
محمد: شفتك
انا: مالها
محمد: لا ملهاش نامي يا إيمان نامي
انا: تصبح ع خير انا هنام دلوقتي عشان اقوم اطلع عينك الصبح
محمد بضحك: و اي الجديد مانتي طول عمرك مطلعة عيني يتقفل علينا باب واحد ف المستقبل بس وارنك حتة علقة
انا: انا هرنك حتة علقة
محمد: مش هتعرفي
انا: اممم انت هتقتلني وتسجني
محمد: حصل...وهحطك ف أوضة ضلمة وقفل الباب عليكي
انا: انت كداب مش هتعمل كدا
محمد: ليه
انا: عشان انت
محمد: عشان انا اي
انا: عيزة انام
محمد: لا ماهو مش كل مرة تيجي عند حتة مهمة وتقولي عيزة انام... مش هسيبك تنامي قولي الأول
انا: نمت خلاص بص
غمضت وحطيت ايدي ع وشي ونمت
بعد وقت مش عرفة قد اي صحيت لقيتهم كلهم لسا قعدين
انا: فيييي ايييي مبتنموش
محمد: نامي وانتي سكتة
انا: اووف اوعي مش عرفة انام تاني... أي دا مين جاب البت دي هنا
نسرين: دادي
انا: دادك!! الحق البت بتتطور
محمد بضحك: نسرين مين دي
نسرين: ماما
محمد: لا مامي
انا لا يجدع
محمد: ايوا لما تكبر شوية هخليها تقول My mother ماهو مش معقول السيستم يتحدث عندي وعندك لا
انا: وانت مالك ومالي يا رخم... جاتكم القرف
اسراء بضحك: بكرة تعرفي قيمتهم دول
انا: بلا نيلة
اسراء: هتصحي الفجر ع صوتهم ومش هتعرفي تنامي
انا: لا انا ممكن احدفها من البلكونة او اكتم نفسها ب المخدة احنا نقصين هبل
محمد: هار اسود عيالي
الكل/ هههه
انا: عيال مين متظبط يالا عشان ممدش ايدي عليك
محمد: بقلك اي يا خالتي عشان بنتك لسانها طول اوي وانا عايز المها بس... انا هقرأ الفتحة امتى ولا انا مكتوبلي أقرأها وانا بصلي بس
والدتي: وانت بتصلي بس
محمد: ليه كدا يا خالتي... أي سدا النفس دي
والدتي: اسكت انا عيزة مصلحتك
محمد: لا انا عارف مصلحتي اعملي بس الي بقلك عليه وانا هبقي تمام متقلقيش
حنين بضحك: واقع
ملك بضحك: ومحدش عارف يلحقوا
محمد بصحك: عجبك كدا
انا: انا كلمتك ياض يا تافه انت
محمد: اي اليوم دا
انا: يوم اسود ع دماغك
محمد وهو ماسكني من التيشيرت : يابت اتلمي
انا: قد المسكة دي
محمد: اه
انا: نزل ايدك
محمد: خفت انا كدا
انا: لازم تخاف هو انا اي حد
محمد: لا طبعاً
انا: اه هنبدأ محن بقى اوعي كدا
محمد: بت دبش
ضحكتلوا بسماجة ومسكت الفون وكنت بلعب كلمة السر
انا: اووف من الاجازة وانا مش عرفة اطلع من الدور دا... ولا
محمد: ولا!! عيزة اي يابت
انا: بت!! بص كدا
محمد: اي دا
انا: طائرة حربية من 6 حروف... مش عرفها
محمد: وريني
اخد الفون وعملها وطلعت صح
انا: باتشي
محمد: اممم
انا: في طائرة اسمها باتشي دا اسم كوري دا
محمد: هيا الطائرات الحربية كدا... العبي وانتي ساكتة
انا: دانا من الاجازة وانا مش عرفة اعملها وانت عملتها ف second
محمد: عشان انتي غبية
انا: الله يجبر بخاطرك
محمد: بلاش نكد ونبي
انا: الكمبري بنفصصو والأرض عليها نبتات
محمد: اي إلى انتي بتقوليه دا
انا: اي قلتها غلط ولا اي في اي
محمد: احنا كنا بنخدها ف ثانوي
حنين: هيا اي
انا: الكمبري بنفصصو والأرض عليها نبتات
حنين/ انا: سين سين سيلوري اسماك
انا: هههه
حنين بضحك: بنخدها فعلاً... عرفتيها ازاي يا قردة
انا: من فيديوهات ع النت
حنين: بتحضري حصص ثانوي
انا: اممم
حنين: يخربيتك
مني بضحك: بتفكرني ب محمد ابني كان بيحب يستكشف كل حاجة كدا برضوا
انا: هه بتقرنيني انا ب الأهبل دا
محمد: اهبل!!! واقسم بالله مهحلك
انا: طلعت اجري وقفلت الباب بسرعة
محمد: فكرك مش هعرف اجيبك كدا يعني
انا: هههه
فضلت شوية لقيتو سكت فتحت الباب لقيتو ف وشي صرخت وقفلت الباب
انا: خلاص يا كبير بقى خلي قلبك ابيض معقول تقتلني وانا ف العمر دا
محمد: مش انا اهبل
انا: معاش ولا كان الي يقول عليك كدا مين بس الي قال عليك كدا قولي وانا بص متعرفش انا هعمل اي
محمد: لا مش عارف
انا: خلاص بقى الجو ضلمة هنا
محمد: طب اطلعي
انا: هتضربني
محمد: انتي عبيطة انا عمري مديت ايدي عليكي
انا: اه بتديني ع قفاية كتير
محمد: دا عشان اصحصحك
انا: صحصحت سبني بقى
محمد: طيب اطلعي مش هكلمك
انا: انت حلفت؟
محمد: اه
فتحت الباب براحة لقيتو شدني
محمد: انا اهبل قلتيلي
خبيت وشي ف حضنو وقعدت اضحك
محمد: بصلي هنا كلميني زي مابكلمك
رفعت وشي وبصيتلو ورحت وقعة ف الارض من الضحك
محمد: لا حول ولا قوة الا بالله... ع وشي نكت
انا بضحك: مش عرفة في اي مالي
محمد: هلوسة اخر اليل دي
انا بضحك: تقريباً... هشش جالي صداع يا حزنيييي
محمد: يلا كل واحده تدخل تنام يلا يا خالتي يلا يا ماما في اي مبتزهقوش ليل ونهار بتتكلموا
والدتي: وانت مالك يالا
محمد: يالا! احترميني شوية يا خالتي مش كدا الله... ولما اقول كلمة تتسمع يلا كل وحدا ع اوضتها فوراً مش هسيبلكم السايب ف السايب كدا تاني لازم تعرفو ان البيت دا ليه حاكم... ولا اي يابطل
انا: انت هتتلم وتخليك ف الي انت فيه ولا اي حكايتك
محمد: طب اسكتي بدل ماديكي ف وشك
انا: نننننن
محمد: سهرانين لحد الساعة 2 بليل البيت دا ساب وانا الي هربطو
انا: معاك حبل ولا اجيب
محمد: لا معيا وهربطك بيه كمان شوية
انا: الله وانا مالي
محمد: مبدئيا كدا هتدخلوا تنامو مفيش سهر تاني الساعة 2 يا هانم منك ليها
نرمين: لا ثانيه كدا الواد دا بيكلم مين
محمد: لا مش حضرتك خالص
شادتو من زعبوط التيشيرت
محمد: هار اسود بموت
نرمين: بتدي لمين أوامر يا واد
مني: اديلوا
محمد: مش ليكي والله مش ليكي
انا: ههههه
والدتي: موتت الواد الي حليتنا
محمد: حد يلحقني انا مش هعيش بعد المسكة دي
انا بضحك: خالتي انتي شداه من الزعبوط وقافل ع زورو هيموت
نرمين: يلا ف داهية مش عيزينو الواد دا صح
انا وبحاول افكو: ف داهية اييي.. انتي مش عيزاه انا عيزاه
حنين/ ملك: اوباااااا
حنين بضحك: الظاهر ان مش محمد لوحدو الي واقع
انا: اخرسي يابت
نرمين بضحك: انت كويس
محمد: كويس اي يا خالتي دانا لو حرامي مش هتعملي فيا كدا
نرمين: دانت المفروض تشكرني خليتها خافت عليك يا موكوس
محمد: اي موكوس دي يا خالتي
نرمين: انت سبت دا كلوا وعلقت ف موكوس
لقيتو بصلي وغمزلي وحط ايدو ع كتفي
والدتي: طالعة انام أشكال تسد النفس
محمد: شكرا يا خالتي
ببص ع خالتي لقيتها دايخة وحطة ايديها ع راسها
انا: مالك يا خالتي
لقيتها وقعت محمد لحق مسكها
محمد: ماماااا اصحى يا ماما
الكل اتلم دخلت جبت البرفيوم ورشيت ع ايدي وقربتو من انفها لحد ماصحيت
محمد: انتي كويسة.. أي الي حصلك
مني: مش عرفة دوخت فجأة...انا كويسة كويسة
محمد: كويسة ازاي
قعدها ع الانتريه واتصل ب الدكتور جه كشف عليها دخلنا كلنا جوا وقفلنا علينا الباب وكنا قلقانين محمد وصل الدكتور واحنا طلعنا لقينها معلقة محاليل قعدت جنبها
انا: الف سلامة يا خالتي
مني: الله يسلمك يا عيون خالتك
حنين: الف سلامه عليكي يا خالتي
مني: الله يسلمك يا حبيبتي
ملك: مالك يا ماما
مني: انا كويسة اهو يا ولاه متقلقوش مش مستحقية
محمد : مش مستحقية ازاي يعني مش فاهم.. مش قلنا ميت مرة تهتمي ب صحتك شوية انا ممكن اتصل ع بابا هو يتصرف ابدام كلمتي مش بتتسمع كدا
مني: لا ونبي يا محمد ماتقلقهوش دا لسا مسافر من يومين... انا عملت زي ماقلت بس مش عرفة مالي فجأ كدا
محمد: تلتزمي ب الأدوية يا ماما عشان خطري
مني: حاضر
خالتي وماما فضلوا معها ف الاوضة وانا وحنين وملك نمنا ف أوضة وحدا وهو كمان دخل اوضتو وكل واحد دخل ينام بعد ماطمنا انها بقت كويسة مكنتش عرفة انام بليل ف كنت فتحة واتس ونزلت كام استوري
محمد ف الشات: سهرانا لحد دلوقتي ليه
انا: مش عرفة مش جايلي نوم
محمد: اعتبر الاستوريهات دي تلميحات
انا بضحك: تلميحات ل اي
محمد: نفسي مرة لما اكلمك ف الموضوع دا متحوريش انتي فهمة قصدي كويس
انا: تصبح ع خير يا محمد
محمد: وانتي من اهلي
وقفلت الفون ونمت
*تاني يوم*
*يتبع🖇️*