رواية غيرة حب الفصل الرابع والخمسون بقلم احمد صابر
محمد:في اي ياهبله
انا بفرحة: حرارتك نزلت هييييي
محمد: اه بس صدعت
انا: مش مشكلة الصداع بيروح المهم حرارتك نزلت وبقيت كويس هيييييي
قعدت اطنطط لحد ماتزحلقت ف السجاده ووقعت وهو قام بسرعة وهو بيضحك
انا: ياضهري ياني ياما
محمد بضحك: قومي معلش
انا: بقى عندي الغضروف خلاص
محمد: لا مفيش حاجة... هاتي ايدك بس
مسكت ف ايدو وقمت
انا: اي اليوم الأهبل من أولو دا انا وقعت مرتين... محمد هقع
كنت بمثل ان هقع وجه يمسكني قعدت اضحك
محمد: اترزعي يابن هنا اهو
انا: مابوراحة ياشبح مش ب الزعيق
محمد: شبح!!! ماشي يا رجولة
انا: خلصانة يابا
محمد: ماشي الكلام
انا: ماشي الكلام
محمد: مالنا قلبنا ع سواقين التوكتوك كدا ليه
انا بضحك: انا بحب اتكلم كدا أوي... تعالي احكيلك
قعدنا واتغطينا وكل واحد بطانيه وقعدت احكيلوا عن حجات بتحصل معايا كتير
انا: صدعتك صح
محمد: لا كملي
انا بضحك: اكمل اي انا خلصت انت ازاي مبتزهقش دانا بزهق مني
محمد: عمري مازهقك منك
انا: ودي حاجة حلوه ولا وحشة
محمد: انتي شيفة اي
انا: بص الي اعرفو انك مستحيل تقولي حاجة تزعلني ف دي اكيد حاجة حلوه صح
محمد بضحك: صح الصح
انا: هههه... منك لله جالي صداع
محمد: استنى
قام وراح عند المكتبة وجاب كتاب أرض زيكولا
محمد: تعالي
دخلت ف حضنو وهو كان بيقرأ ف الكتاب بصوت عالي
انا: عرفها انا الرواية دي
محمد: بجد
انا: اه والله صحبتي كانت بعتهالي
محمد: صحبتك بتقرأ أرض زيكولا
انا: دي أصغر مني كمان
محمد: أصغر منك ازاي وعرفتيها منين
انا: هيا ف انا نسيت هيا ف سنة كام مش مهم المهم انها بتقرأها المهم كمل كمل
قرب وفك الكلبشات وهو باصصلي بيضحك زقيتو بعد مافك ايدي وفكيت الحبل الي ع رجلي ومسكت الحبل ولفيتو عليه وربطو لقيتو شد الحبل مره واحدا راح مفكوك طلعت اجري وانا بضحك
انا بضحك: اي اهدا وصلي ع النبي
محمد: هعلقك
انا بضحك: خلاص ونبي
محمد: ممكن نخرج نتمشى شوية
والدي: طبعاً... خدو الولاد معاكم
محمد: اممم... باباكي مش ناوي يعديها ع خير
انا: اهدا بقى أحمد ربنا انو وافق.... انت يالا
معاز: ايي
انا: انت مش المفرود اخويا ولا هو كلام
معاز: اه طبعاً
انا: طب قوم
معاز: اقوم اروح فين
انا: هتيجو معنا
طلعنا انا وملك وحنين ومحمد ومعاز
معاز: هعمل معاك جميل وهنطير احنا
محمد: طير مستني اي
معاز: ياسيدي حتى قول شكرا
محمد: هطير ولا اطيرك انا
معاز: لا وع اي اطير انا يالا يابت منك ليها قدامي
مشيو واحنا كملنا طريقنا
انا: مسافر انهارده صح
محمد: اممم
انا: اممم
محمد بضحك: واخرتها
انا: اخرتها امممم
محمد: مستني اليوم الي تبقى فيه حلالي بس واخدك ونبعد عن كل حاجة ف مكان ميبقاش فيه الا انا ونتي وبس
صرخت فجأة
انا: احيه قلبي كان هيقف
محمد: بتصوتي ليه
انا: القطة خضتني
محمد: دي يدوب عدت من جنبك
انا: بس خضتني اعمل اي يعني
محمد: وانتي اي حاجة تخضك تصوتي وتسمعي الناس صوتك
انا: تؤ غصب عني هفضل كل شوية اقلك غصب عني اقلك انا مروحة
محمد: امشي هنا اهووو
بصيتلوا بقرف وكملنا طريقنا
محمد: هتفضلي ضربة بوز كدا
انا: وانت مالك امشي وانت ساكت
محمد: واحنا طلعين عشان نسكت
انا: اعمل اي طيب
محمد: متعمليش حاجة
انا: طب خلاص متزعلش
محمد: مش زعلان
انا: لا زعلان بص مش راضي تبصلي ازاي
محمد: مانا اول ماببصلك بنسى انا كنت زعلان من اي وبنسي نفسي قدام شفايفك الي شبه الكرز دول
حطيت ايدي ع وشي وبصيت ف الجه الأخرى
محمد: هههه
شال ايدي من ع وشي وباس راسي
محمد: في اي وشك بقى فراولة كدا من بوسة
انا: بص ايدي دافيه
محمد: الحمدلله... شفتي العلاج كويس ازاي لازم تخديه ف مواعيدو عشان خطري انا
انا: حاضر
محمد: بحبك لما بتقولي حاضر
انا: قال الأرنب لأمو اسمحيلي روح العب ماما قالتلو لا يا ماما يمكن يجي الثعلب... يلا نروح قبل ماييجي الثعلب
محمد: اي إلى هيجيب الثعلب هنا ونبي
انا: يبقى الأرنب
محمد: انتي عيزه تروحي وخلاص
انا: تؤ تؤ
محمد: تؤ تؤ اي
انا: مش عيزه اروح
محمد: اومال عيزه اي
انا: عيزه افضل معاك قصدي يعني عيزه افضل اتمشى عشان بزهق من قعده البيت وكدا
محمد: اممم
انا: امممم
بص ف ساعته
محمد: طب يلا نروح
انا: هتمشي دلوقتي
محمد: اه
انا: لا طب يعني خلينا نتمشى شويه
محمد: شوية وبعد كدا نروح
كملنا طريقنا وكنت مسكة ايدو جامد ومش عيزه اسيبها ف معتقداتي لو سبتها هيمشي ويسيبني
محمد: يلا
انا: لسا بدري
محمد: والله انا لو عليا مش عايز ابعد لحظة بس والله مش ب إيدي
انا: هتيجي امتى
محمد: مش محددين
انا: ازاي مش محددين
محمد: وقت ماالمهمة تخلص وزي ماتيجي بقى
انا:خلي بالك من نفسك
محمد: حاضر وانتي خدي دواكي ف معادو عشان مزعلش منك
انا: حاضر
رجعنا ع البيت وقف وانا رحت عند الباب وكنت داخله لفت وبصيتلو وحطيت ايدي ع وشي وعيطت
محمد: خلاص بقى... كل حاجة هتبقى تمام انشاء الله
انا: انشاء الله
محمد: يلا ادخلي الجو برد
انا: هتمشي دلوقتي
محمد: اه هطلع اجهز حاجتي وهمشي
انا: ماشي
محمد: يلا باي
انا: باي
طلع وانا كذالك طلعت اوضتي وبعد دقائق لقيتو نزل وكان بيركب العربية
انا: حظابط
لفت وبصلي
محمد: نعم يابنت قلبي
انا: هتوحشني اوي
محمد: انتي ناوية تجلطيني يابنتي
انا بضحك: انا عملت حاجة دلوقتي
محمد: مبيحلاش ليكي الكلام دا الي وانا ماشي مانا ف وشك طول اليوم
انا: مانت ف وشي طويل اليوم هتوحشني ازاي انت دلوقتي عشان ماشي ف هتوحشني
محمد: وانتي كمان هتوحشني اوي يابنت قلبي... باي يا اميرتي
انا: باي
ركب العربية وانا فضلت وقفة وسرحانة وغصب عني دموعي نزلت فكرت ف الكام يوم الي هيغيبهم هبقي عملة ازاي ويا عالم هيرجع
قعدت وانا ضمة رجلي ع السرير ف الظلام وبعيط بدون صوت وكل Flash backs حصلت معنا كانت بتتعاد قدامي وكان بيوحشني اكتر حاولت انام لاكن معرفتش فضلت لحد الفجر صليت وقعدت ف البلكونة وببص ع البلكونة بتعتو ف ضحكت وفضلت كدا لحد ماطلعت الشمس لبست واخت كتبي وصحابي جم ومشينا
ولد صغير: انتي ياقمر انتي
انا: بس يابابا اتكلم كلام ع قدك يا حبيبي
صحابي/ههههه
انا: اومال لما يكبر هيعمل اي
بسملة: هيشرب مخدرات
انا بضحك: لا دي حاجة عاديه انا اصلا بفكر اشيش
بسملة بضحك: يخربيت عقلك
سمعنا صوت عربية الشرطة
انجي: بخاف من صوت عربيات الشرطة اوي
انا: لا عادي اي إلى يخوف
انجي: بكرهم الشرطة كلهم بصراحة داهية
انا: ماتتلمي بقى اقصد يعني حرام برضوا
انجي: والله بجد بخاف منهم اوي بياخدو الناس ويحبسوهم
انا: ماهو طبيعي يحبسوهم وهما بياخدوا الناس منغير سبب مش بيبقو مزنبين او عملو حاجة معارضة للقانون افهمي قبل ماتتكلمي
انجي: بس الدفعات الي لسا متخرجين من سنة أو اتنين دول قمرات
انا: اممم وبعدين
انجي: بيبقو لسا صغيرين وحلوين كدا
انا: انتي بتعاكسي في ضباط الشرطة الي كنتي بتشتمي عليهم دلوقتي
بسملة بضحك: بيبقو حلوين اوي بصراحة
انا: طب اييي مش هنخلص
بسملة: في اي يابنتي انا مش مرتحالك
انا: ليه ياعني انا عادي اهو
انجي: مانتي مشفتيهمش قمرات كدا الي عينهم زرقاء وال...
انا بنقاطعة: انجييييييي خلااااص
انجي: مالها دي
وصلنا لحد الدرس وقبلت رحمة هناك
رحمة: مالك ضاربة بوز كدا ليه
انا: عمالين يعاكسو ف ضباط الشرطة ياستي
رحمة بضحك: واي المشكلة
انا: رحمة مش ناقصة برود والله
رحمة بضحك: ادخلي يا هبلة
دخلنا وحضرنا الدرس وكنا ريحين ع الدرس التاني
انا: انا متلجة مش قدرة
فردت ايديها وخصنا بعض
رحمة بضحك: تصدقي دفيت
انا: ههههه
وكملنا طريقنا لدرس خلصت وروحت ع البيت وببص ع البلكونة ولسا هرن عليه افتكرت انو مش هنا كنت هدخل لقيت مازن نازل
انا: انت يالا يادكتور انت
مازن: يالا!!! اي يا دكتوره العائلة المستقبلية
انا: حلوه عجبتني
مازن: يلا اي خدمة عشان تعرفي ان انا أحسن منك
انا: انا محدش احسن من يالا انت
مازن: لو تبطلي تقليلي يالا بس الدنيا هتمشي مش هتقف والله
انا: لا هتقعد
مازن: اختي دواكي يا هبلة
انا: هزعلك والله
مازن: متغيريش الموضوع اختي دواكي
انا: ماهو بصراحة طعمو وحش اوي يا محمد
مازن بضحك: بس انا مازن مش محمد
انا: اي دا انا قلت محمد
مازن: اه
انا: مش فكره
مازن: المهم خدي دواكي بدل ماقول لخالتي وهيا هتظبطك
انا: خلاص ياعم غور انا غلطانة ان وقفت عيل زيك وربنا
مازن: يخربيت لسانك بدو القطع يلا باي
انا: باي ياخويا
ركب العربية ومشي وانا دخلت جوا
انا: فين بابا
والدتي: مشي الصبح بدري
انا: منغير مشوفو
والدتي: كنتي نايمة ومحبش يصحيكي
انا: اممم
والدتي: امسكي دواكي
انا: ها هبقي اخدو بعدين
والدتي: امسكي دواااكي
انا: حاضر الله بوراحة
كتمت نفسي واختو مره وحدا وشي احمر وكنت هرجع اكلت موزه تغير الطعم
لقيت الجرس بيرن رحت فتحت كانت خلاتي وملك وحنين ومعاز دخلو وقفلت لقيت الجرس بيرن تاني
انا: اوووف اي دا مانا كنت لسا هناااك
رحت فتحت الباب تاني
انا: خالووو...
اي الشياكة دي انت رايح تتجوز ولا اي اخس عليك يا خالو مكنش العشم
خالي: هو انا كنت معشمك ب الجواز يابنت الهبلة
انا: خاااااين متكلمنيييش ازاي تكسر قلبي كدا هاا
خالي: مانتي اتخطبتي اعمل اي بقى قلت اشوف عروسة غيرك
انا: طب جيب السويتيشرت دا
خالي: عيزه تقلبيني ف هدومي امشي من غير هدوم يعني
انا: وانا مالي انا عليا قلتلك السويتيشرت دا يلزمني
خالي بضحك: بنتك بتقلبني ف الهدوم ع فكره من ساعة مانقلتو وانا عنت برجع الاقي هدومي دا معناه انك انتي الي كنتي مقلباني فيهم
انا: اي يا خويا رمي البلا الي ع الصبح دا دا هو تيشرت وأربع سويتشرات بس هو دا الي اختو اه وجاكتين بس كدا خت اي من عندك ونبي بلبس هدوم خطيبي يا حبيبي
معاز بضحك: اوبا عدنا بنقول خطيبي اهو
انا: بس يالا واقعد ساكت
خالي: دا كلوا ومختيش اومال لو ختي كنت احتمال اروح ملاقيش الدولاب نفسو
الكل/ هههه
انا/ تؤ تؤ انا غلبانة
الكل/ اوي
انا: اممم
مني: إيمان محمد مقلقيش هيرجع امتى
انا: لا قالي انهم مش محددين
مني: ربنا يرجعك بالسلامة ياحبيبي يارب
الكل/ امين
حنين: خلاص ياولاه متقلبوش ع إيمان المواجع
انا: حنين والله انا مناقصة استظراف خالص
حنين: خلاص سكت اهو
معاز: تعالي يا فانيليا نخرج نتمشى يالا يا ولاه
ملك: ايوا يلا
حنين: يلا
طلعنا كلنا نتمشى
انا: عيزه مصاصا
معاز: مصاصا!!!
انا: ايوا
معاز: دي أقصى طموحك.. مصاصا!!
انا: ياعم انا بحبها انت مالك
معاز: حبك بورص ياشيخة... طب اجبلك شوكلاتة طيب
انا: مصاصااااا
معاز: خلااااص يخربيت صوتك... وانتو
ملك/ حنين/ زيها
معاز: دي آخرة الي يطالع مع شوية عيال
انا: اتفو عليك
معاز: ياشيخة اتنيلي
راح جبلنا مصاصا ومرشملوا ع شكل مصاصا ملفوفة
لفينا شوية وبعد كدا وروحنا عند خالتي
انا: واد بارد
مازن بضحك: نفسي افهم مش طيقاني ليه
انا: هو كدا
مازن: اقعديلك ف حتة الله يكرمك
دخلت اوضتو وقلبت ف الدولاب كلو وطلعت بالبالطو بتاعو الي بيلبسو الدكاتره
انا: مازن معلش هتعبك فين السمعات
مازن: لا تعب ولا حاجة... ياااااارب اخويا مستحملك ازاي انا مش فاهم
انا: واد اوفر اوي
مازن: هاتي يابت وروحي العبي بعيد
انا: العب بعيد !! انت عديم التربية هقلك اي... انا دكتوره يا بيئة
مازن: بيئة!! يابت هاتي
انا: هروح اكشف عليهم الأول
مازن: ياشيخة اكشفي ع نفسك الأول... هاتي ربنا يهديكي
انا: يا دكتور المريض الي جوا مات خش ادفنو
مازن: ادفنو ليه انا مالي اهلو يدفنو
انا: اومال دكتور ازاي انت
مازن: انا دكتور مش بكفن ميتين وربنا
انا: سيره زفت ع دماغك
مازن: وبعدين مريض اي يخربيتك موعديه
انا: خفة
مازن: هاتي بقى
انا: خد ياعم انت هتزلنا هخلي حظابط يجيبلي واحد
مازن: اه خليه يجيبلك واحد وسيبي مازن ف حالو الله يرضى عليكي
انا: لما يجي
مازن: هيجي انشاء الله...
ادعيلو
انا: ليه هو انا مستنياك تقلي مانا بدعيلو ياخويا
مازن بضحك: خلاص مكنتش كلمة انا اسف غلط
انا: ايوا كدا... امسك ام البالطو الي مغطيني دا
حنين: متديهولي لفة
مازن: لفة... متبقيش عبيطة ونبي
حنين: عبيطة!!! بتكلم بجد والله هاتو اخد بيه لفة
مازن: ياريت نعقل بدل ماديكي ع قفاكي
انا: الحقي عايز يضربك انا لو منك مسكتش
حنين: برأيك اعمل اي
انا: انزلي عليه ب العصاية الي هناك دي
مازن: وطي صوتك عشان مش سامع
انا: ههههه... فكرني ب وحده صحبتي اسمها حنين بتقول للمستر سكتهم عشان مش عملين دوشة وانا نزلت ضحك ههههه
مازن بضحك: مش صحبتك لازم تطلع هبلة
انا: احترم نفسك ياض
مازن: مربين عبده موتة ف البيت
انا: حد معاه مطوه اغز الواد دا
حنين: انا معيا
مازن: خدي هنا استنى... وانتي جيبتيها منين بتثبتي ناس من ورايا
حنين: اه لسا مثبته واحد امبارح ومقلباه ف كل فلوسو.. انت عبيط يا مازن وبعدين مطوه اي إلى معايا انا بهزر
مازن: اه طيب
انا: عيال تافه
مازن: احنا برضوا
عيطت فجأة
مازن: اي دا في اي
حنين: مالك يا إيمان
معاز: في اي بتعيطي ليه
ملك: في اي يا ولاه... بتعيطي ليه
انا بعياط: محمد عيزه محمد
معاز: والله كلنا عيزينو يا إيمان
انا بعياط: طب خلو يرجع
مازن: ونرجعو ازاي
انا: معرفش اتصرفو
مازن: طب نتصرف ازاي ونبي
انا: معرفش
مازن: يعني احنا الي عرفين... انشاء الله يرجع بالسلامة
الكل/ يارب
حنين حضنتني وانا زيدت ف العياط
حنين: خلاص بقى هيرجع انشاء الله
رحت غسلت وشي ورحت قعدت وفضلت سرحانة معرفش ازاي كنت شيفاه قدامي كأنو حقيقة عدا اسبوع فضلت مليش نفس للأكل ولو كلت باكل حجات بسيطة مفيش حاجة جديده بروح دروسي عادي بابا رجع من السفر وهو لسا مرجعش ودا كان موترني اكتر
والدتي: امسكي
انا: ام الدوا دا مش هخلص انا خفيت خلاص
والدتي: انا مش قدره اتكلم كتير خدي دواكي
اختو وزي كل مره حسيت ان هرجع ف اكلت موزه
انا: ماما عيزه اشوف محمد يا ماما
والدتي: هيرجع باالسلامة انشاء الله
حضنتها وقعدت اعيط
انا: هو ممكن يسيبني
والدتي: متقليش كدا تاني ادعيلوا بس وهو بإذن الله هيرجع بالسلامة
انا: ايوا هيرجع انشاء الله انا عرفة هو مش هيسيبني هو قالي كدا
قعدت تطبطب عليا وتمسد ع شعري لحد مانمت
صحيت ع المغرب أديت فرضي ودخلت
انا: ماما اعمليلي مكرونة
والدتي: كنت عارفة انك تافه ف عملتهالك هناك اهي
رحت اكلت منها معلقتين ورحت اكلت برتقالة ورجعت اكلت معلقتين واكلت من البرتقالة
والدتي: هو اي الهبل دا مكرونة مع برتقال
انا: عادي بتحصل
والدتي: هيا الي بتحصل ولما بطنك توجعك
انا: عادي بتحصل
والدتي طب اطلعي من المطبخ ب البرود الي بيجري ف دمك دا مشفش وشك
اكلت معلقة مكرونة ومن البرتقال راحت قلعة الشبشب وحدفاني
انا: مجتش فيا
والدتي: والله
وحدفتني ب الفرده التانيه
انا: دي جت
فتحت الباب وطلعت ورحت عند خالتي رنيت الجرس ملك فتحتلي
معاز: الهبلة شرفت
انا وشديتو من شعرو : ملكش دعوه بيا دلوقتي انا مش طيقة حد
مازن: هو انتي بتطيقي نفسك عشان تطيقي حد معروفة
انا: بس يا خفيف
مازن: بسيت
معاز: في اي مالك ضاربة بوز كدا ليه
انا: خالتك ياعم
مازن بضحك : مالها
انا: أشهدك انت يا دكتور
مازن: شهديني مانا بقيت دكتور نفسي اليومين دول
انا: مش هتفرق انت ف كلتا الحالتين تافه
مازن: الواحد يديكي قلمين بلسانك دا
انا: لا انت مفكرني هبلة مش هعرف ادافع عني دانا اوديك البحر وارجعك عطشان
مازن: اي إلى يشربني من ميه البحر اصلا ف ميه عاديه وطبيعي ارجع عطشان مش ذكاء منك
انا: معرفش بس هما بيقولو كدا
معاز: المهم اي إلى حصل
انا: قلتلها عمليلي مكرونة قالتلي عملاها هناك اهي حلو الكلام؟
معاز: حلو الكلام
انا: رحت اكل حلو الكلام
معاز: حلو الكلام
انا: جبت الشوكة حلو الكلام
معاز: لا اخلصي انا كدا هموت وانتي لسا بتاكلي
انا: هههه... اكلت معلقتين مكرونة شفت البرتقال اكلت منها ورجعت اكلت من المكرونة
مازن: اي العك دا
انا: عك اي يا جاهل اسكت... المهم يا واد يا معاز
معاز بضحك: اه المهم
انا: لقيتها بتقولي اي إلى انتي بتعملي حد بياكل مكرونة مع برتقال... قلتلها عادي بتحصل
مازن: يابرودك ياشيخة
معاز بضحك: عارف بتفكرني ب مين ببرودها دا
مازن بضحك: محمد اخوك مين غيرو هو الي عندو بروده أعصاب كدا بيجلط الي قدامو ياجدع
معاز بضحك: اه والله...المهم كملي يا باربي
انا: بتقولي هو اي الي بيحصل بطنك هتوجعك قلتلها عادي بتحصل
معاز/ مازن: يابااااارده
انا: بس ياظريف منك ليه انا غلطانة ان بحكيلكم حاجة
معاز بضحك: خلاص معلش كملي
انا: لقيتها اتعصبت
مازن: حقها
انا: وحدفتني ب الشبشب
مازن: احسن تستاهلي
انا: مجاش فيا
مازن: لا اومال فين الام المصرية وسلاح الام المصرية وف الآخر مش عرفة تصيبك
انا: ماهي الفرده التانيه صابتني
مازن: ايوا كدا خلتيني اخد فكره عن ع خالتو انها طيبة
انا: ونبي انت الي طيب ع رأي وحده صحبتي
مازن: مالك
انا: متخدش ف بالك انت بس
معاز: معلش انا مفهمتش حاجة
انا: مش لازم عشان انا مفيش دماغ اراجع الي قلتو خليك ف اخر الترم هنراجع كلو
الكل/ههههه
انا: بتعملي اي يابت انتي
ملك: بلعب
انا: لعبة اي
ملك: كلمة السر
انا لا دي لعبة ذكاء مليش فيها
مازن: دي انتي مينفعش تقربي منها اصلا عشان كلمة ذكاء دي كفيلة تكهربك
انا: بطل استظراف انا ذكيه جدا ع فكره
مازن: طبعاً دانتي ف الذكاء مفيش منك اتنين والحمدلله ان مفيش منك اتنين
انا: بقين سخيف اوي
مازن: معلش
انا: معااااااااز
معاز: ايييي
انا بضحك: في اي يالا خضتني
معاز: انتي الي خرمتي ودني ب صوتك دا
انا: دانا صوتي جميل
معاز: بطلي كدب بقى
انا: دانا صحابي بيرنو عليا عشان يسمعو صوتي
معاز: متخلفين زيك
انا: اتلم بدل مالمك
معاز: هتلم حاضر
انا: يلا سلام عليكو اشوف العفريت الي ع ماما انصرف ولا لا
معاز: شوف مستفزه بطريقة
مازن: مش تربية اخوك
انا بثقة: تربية ظابط يا هايف منك ليه
مازن/ معاز: هايف!!
معاز: حاسس ان بكلم واحد صحبي ليه كلامك مش زي شكلك كدا
مازن: ماهو ربنا بيدي حاجة وبياخد حاجة مديها ف شكلها وواخد عقلها ومطول ف لسانها
ملك: هما بيعاكسوكي وهما مش وخدين بالهم اصلا
انا: هقلهم اي ماهما عيال مهزأ وعديمة التربية اتفو... اومال عيزيني ابقى زي البنات التانيه هاي وبتاع
معاز بضحك: قولي هاي كدا زي ماهما بيقولها ونبي يا فانيليا
انا وبقلد أصواتهم: هاي
معاز بضحك: طب وربنا عسل
شديت الشاحن وضربتو ع ايدو ورجلو
معاز: لا لا بيلسع وربنا متهزريش
انا: احترم نفسك سكتالك من الصبح
معاز بضحك: خلاص ياباربي
انا: برضوا
وقعد اضربو
انا: مهزأ
رميت الشاحن ف وشو وفتحت الباب ونزلت وروحت بيتنا
انا: مكتوبة ليك اني انا الي تعيشلها مكتوبة ع اسمك حياتي كلها
والدتي: هو مين دا الي مكتوبالو ياختي
انا: ياساتر يارب في اي يا ماما خضتيني
والدتي: انتي بتتخضي دانتي عليكي صوت يقوم الميت من تربتو دا
انا: ههههه
والدتي بضحك: ابتلاكي بهبل هيا دي ضحكة
انا: ههههه
والدتي: الله بت
انا: خلااااص
دخلت عملت كباية نسكافيه ودخلت الاوضة وقعدت اسمع التلفزيون وغصب عني نمت
وبعد وقت مش عرفة قد اي
والدتي: إيمان بت اصحى... يا ايماان
انا: امممم
والدتي: خليكي براحتك بس محمد جه
اتنفضت من ع السرير
انا: فين يا ماما هو فين
والدتي: ف بيتو ياماما تعالي
طلعنا احنا الاثنين
والدي: راحة فين
انا: محمد جه يابابا محمد جه
والدي: اه عارف
انا: هروح اشوفو
والدي: لا
انا: لا!! حضرتك واقسم بالله ماوقت هزار
والدي: انا مش بهزر يا إيمان سمحتلكو انكم تطلعو قبل كدا كتير بس كنت بعدي ب مزاجي
انا بعياط : عشان خطري واقسم بالله 5 دقايق بس عدهم ع ايدك كدا لو اتأخرت ابقى عاقبني عن ال5 دقائق لو اتأخرت والله
والدي: مش عايز اتكلم ف الموضوع كتير
انا: ياماما اتكلمي يا ماما عشان خطري يابابا ونبي هطمن عليه بس وهاجي بسرعة
والدي: قلت لا اتفضلي ع اوضتك
دخلت وانا بعيط واترميت ع السرير وانا مش قدره اتنفس من كتر العياط
انا فنفسي: ليه بيحصل معيا كل دا مش قدرة افهم بابا عايز يوصل لاي ب الي بيعملو دا حرام واقسم بالله الي بيحصل فيا دا انا زهقت
طلعت البلكونة وفضلت واقفة بحيث انو يطلع لان مطلعش ف كنت داخلة
محمد: بس راحة فين يابنت قلبي
سمعت صوتو حسيت ان رجعت للحياه من تاني وقعدت اعيط
محمد: في اي بس يا عيوطة انتي
انا: انت كويس
محمد: كويس اهو بطلي عياط
انا بعياط: معلش معرفتش اجي عشان بابا والله
محمد: ماهو برضوا لو مش باباكي انا مكنتش استنيت وجيتلك قبل مادخل بيتي حتي بس المهم اني شوفتك دلوقتي
انابعياط: انا اسفه
محمد: بتتأسفي ليه مش زنبك وكفاية عياط ونبي
انا: مداري ايدك كدا ليه
محمد: لا مداريها اي عادي هداريها ليه
انا: ايدك مالها يا محمد
محمد بضحك: يابنتي مالها انا الي بحب احطها كدا متقلقيش
انا وزيدت في العياط: ايدك متعوره صح وانت مش عايز تقولي عشان مخفش
محمد: عادي يا إيمان مش اول مره انا اتعودت خلاص
لقيت الجو بيمطر
محمد: يلا ادخلي من البرد
انا: باي
دخلت وانا كل شوية ببص ورايا عليه عملتلو باي ودخلت وقفلت باب البلكونة وقعدت ع السرير وانا سرحانه صعبت عليا نفسي ان انا مش قدره حتى اروح اطمن عليه وقعدت اعيط
محمد ف الشات: خلاص بقى كفاية عياط
انا: هار اسود عرفت ازاي
محمد: مخاوي
انا: ياسخيف
قعدنا نتكلم شوية وبعد مدا كلمت صحبتي وشجعتني ان اقنع بابا ان اروح اشوفو
انا: هروح اقنعو مع ان عرفة انو مش هيوافق
نزلت لقيتو قاعد وبيشرب قهوه وماسك الفون
انا: بابا
والدي: نعم
انا: عيزه اروح يابابا
والدي: تاني يا ايمان مش اتكلمنا ف الموضوع دا مره
انا: يابابا مش هطول صدقني هتطمن عليه متصاب ف ايدو عشان خطري يابابا لو ليا خاطر عندك وافق عشان خطري
والدي: ماشي بس متطوليش
انا: والله مش هطول... باي
فتحت الباب وانا طلعة اجري ب فرحة رنيت الجرس ملك الي فتحتي شاورتلها ب انها تسكت
انا بهمس: هو فين
ملك بهمس: جوا
دخلت براحة وفتحت الباب لقيتو قاعد وماسك راسو قعدت جنبو براحة وانا ماسكة الضحكة ب العافيه
انا: حظابط
محمد: ادي ام التخيلات ع الصبح
لسا بيبص جنبو وبص قدامو تاني ورجع بصلي بصدمة
انا: ههههه
حضنتو بفرحة
محمد: جيتي ازاي
انا: يابني عيب عليك هو انا شوية
محمد وهو بيضمني اكتر: وحشتيني اوي يا إيمان اوووي
انا: مش هتمشي تاني صح
محمد: لا انا جنبك اهو
انا: مانت بتمشي
محمد: لا والله مش همشي انا معاكي اهو
فضلنا حضنين بعض
محمد: بتاخدي دواكي
انا: ايوا والله باخدو
محمد وهو بيضمني اكتر: شطوره
انا: ايدك بتوجعك صح
محمد: تؤ تؤ
انا: كداب اكيد بتوجع
محمد: لا مبتوجعنيش بصي
انا: ابص اي هو الوجع بيتشاف
محمد: اومال اي
انا: بيتحس
محمد: يعني انتي حسيتي انها بتوجعني
انا: اممم
محمد بضحك: بقينا بنحس أخيراً
انا: تصدق انا غلطانة
وكنت ببعد عنو عشان اقوم لاكن ماسكني بتملك ومش عرفة اتحرك
محمد: انتي الي عيزه تسيبيني اهو
انا: مانت الي بتستظرف
محمد: والله ابدا دانا فرحان انك بقيتي بتحسي بيا
انا: ليه هو انا مش بني آدمة وبحس
محمد: تؤ تؤ انتي اميرتي
انا: فكك من الكلام دا متثبتنيش عشان مبتثبتش
محمد: والله مش بثبتك انتي اميرتي وبنتي وكل حاجة ليا
انا: ابو التلزيق الي انت فيه
محمد: لسانك دا مبيتغيرش
انا: تؤ مبيتغيرش هو اللسان بيتغير
محمد: امم بيتغير بيطلع كلام حلو سمعتي عن دي قبل كدا
انا: لا مسمعتش
محمد: عارف والله... وحشتيني اووووي
انا: ماشي
محمد: مش مشكلة مش هدايق نفسي ماشي ماشي
انا: ماما عندكم
محمد: اه
انا: طب اوعي عشان بابا قالي متأخرش
محمد: واقسم بالله ابدا انا مصدقت اصلا
انا: يا محمد هيزعق
محمد: خلاص يا إيمان اهو
بص قدامو وقعد ساكت
انا: متزعلش
محمد: مش زعلان
وقفت قدامو وميلت براسي وابتسمت بطريقة تضحك لقيتو بيبتسم تدريجيا وضحكنا ف نفس الوقت
صرخت فجأة
🖇️
*يتبع*
بدل ماتدور وتبحث علي الروايات خليها علي تليفونك وحمل تطبيقنا
