روايه غيرة حب الفصل التاسع والخمسون بقلم احمد صابر
*تاني يوم*
صحيت اخدت دوش وصليت ولبست لبس الدرس وكنت بدور ع كتابي مش لقياه ف افتكرت ان نسيتو هناك
انا: احييييه... اعمل اي دلوقتي هقعد ادور عليه هتأخر انا اصلا مش فكره حطيتو فين
رميت الشنطة بعصبية ونزلت
والدتي: فين شنطتك
انا: هروح عند خالتي نسيت كتابي هناك
والدتي: طب بسرعة عشان متتأخريش ومتعمليش مشاكل مع عيال خالتك
فتحت الباب وطلعت اجري ع هناك رنيت الجرس خالتي فتحت
انا: ازيك يا خالتي
مني: الحمدلله يا حبيبتي تعالي
انا: لا انا هاخد الكتاب ومشي عشان متأخرش
دخلت ادور عليه ملقتهوش ودورت ف اوضة ملك ملقتهوش كنت هعيط لان هتأخر قلت ممكن يكون ف اضتو فتحت الباب براحة عشان ميصحاش ودخلت اتسحب
انا ف نفسي: الله ياخدك كتاب يا لو عندي قوه خارقة كنت جبتو قدامي ف ثواني قوة خارقة مين دلوقتي الكتاب فييين
قعدت ادور ف الادراج لحد مالقيتو قعد احضنو وابوس فيه
بلفت لقيتو ف وشي رقعت بالصوت
محمد: بسسسس بتصوتي ليه
انا: خضتني هو اي الي بصوت ليه صحيت ليه انت
محمد: مش عارف
انا: اوعي مش وقت كلام هتأخر
محمد: يخربيت هبلك استنى طيب
طلعت من الاوضة جري
انا: عيزه حاجة يا خالتي
مني: لا ياحبيبتي تسلميلي
انا: باي يا حظابط
محمد بضحك: باي
نزلت اجري ورحت ع البيت صحابي كانو مستنيني اخدت شنطتي وحطيت الكتب ونزلت ورحنا ع الدرس
انا: يالهوي انا كنت هتأخر
بسملة: انتي كل يوم مأخرانا
انا: اخرسي يابت
دخلنا الدرس وبعد ماخلصنا جبنا شوية حجات من السوبر ماركت ومشينا ناكل
بسملة: بصي كدا
انا: اممم
بسملة: بطلي اكل وبصيلي هنا همك ع بطنك دايماً
انا: عيزه اي مني
بسملة: تعرفي الواد دا
انا: فين دا
بسملة: الي هناك دا بصي اهو
انا: ولا عمري شفتو
بسملة: دا عمال يبصلك اوي
انا: يبصلي انا
بسملة: ايوااا
انا: تلاقيكي بيتهيألك وهو بيبص لحد تاني
بسملة: دا متنحلك و مشلش عينو
انا: متعصبنيش تخليني اروح اقلعلو عينو
بسملة: طب بصي انتي يا رحمة ركزي بس
فضلنا بصين لحد ملفت وبص عليا ومبتسم والما لقاني ببص راح باصص قدامو بسرعة
بسملة: اهو هو كدا من ساعة ما طلعنا
انا: اي ابن الهبلة دا تلاقيه عيان ف دماغو
بسملة بضحك: عيان ف دماغو ازاي
انا بضحك: يعني عايز يروح المصحة مجنون مجنون
بسملة: كلي واقعدي سكتة
انا: مانا كنت باكل انتي الي قطعتيني تقاطعيني ليه وانا باكل عشان واحد زي دا
بسملة: المشكلة انك بتاكل ومش بيبان عليكي
انا: دي مش مشكلة دي حاجة حلوه
كنت لسا بفتح كيس الاندومي شفت عربية حظابط معدية من جمبنا طوحت كيس الاندومي
بسملة: في اي يابت
رحمة: ههههه
انا: يارب... مشفنيش صح
رحمة بضحك: مش عرفة
بسملة: في اي
انا: اسكتي... انشاء الله مشفنيش
بسملة: هو مين
انا: اسكتيييي
بسملة: سكتتتت
انا: ربنا يستر دانا هتهزق تهزيق مفيش منو.. دانا كنت لسا فتحة كيس الاندومي ملحقتش احط ايدي فيه كان يستنا شوية
رحمة بضحك: مش قدره
انا: بتضحكي ع اي انتي كمان مانتي مش حسة ب حاجة... يلا سلام
روحت ع البيت رتبت كتبي وقعدت اذاكر وصليت الظهر وكملت مذاكره خلصت ونزلت
انا: ماما هروح عند خالتي
والدتي: ماشي
فتحت الباب وخرجت وكنت راحة ع هناك و بالصدفة كان هو جه نزل من العربية منغير مايكلمني او حتى يبصلي وطلع فوق
رفعت حاجبي وفضلت واقفة شوية وبعد كدا كنت طالعة ع السلم لقيت خالتي ف وشي وماسكة كيك كبيره
مني: كنت لسا جايلك... امسكي دوقي واديني رأيك
انا: منغير مدوق حلوه مش انتي الي عملاها
مني: هههه
انا: بقلك اي يا خالتي
مني: نعم
انا: هو محمد متعصب من حاجة
مني: مش عرفة هو طلع من بدري ولسا جاي
انا: اممم... طب هاتي الكيك دا
اخدتو وطلعت
معاذ: كل ماشوفك الاقيقي بتاكلي
انا: هششش
معاز: لا الاه الا الله طب هاتي حته طيب
انا: انسى دي بتعتي لوحدي
معاذ: هتاكلي كل دي لوحدك
انا: اه واحتمال اعوز كمالة
معاذ بضحك: انتي بتهزري
انا: اكيد اومال بتكلم بجد
معاذ: انا بقول برضوا انتي كلك اي
انا: بس اقعد ساكت انزل اقلك
معاز: اي
انا؛ فين اخوك
معاز: انهي واحد
انا: هيكون مين يعني
معاز: جوا بس خلي بالك عشان متعصب اووي
انا: امسك الكيكة دي كدا ولا اقلك استنى
رحت جبت طبق وجيت
انا: امسك حتة اهي
معاز: ودي محتاجة طبق... اعمل بيها اي دي
انا: مش عاوزها هاتها
معاذ: كمااان... ياطفسة
انا: عرفة
معاذ: مستفزه
شديتو من شعرو وطلعت اجري
انا: حظابط
دخلت لقيتو قاعد وماسك الفون
انا: بتعمل اي
محمد: ولا حاجة
انا: مالك
محمد: مليش
انا: ههههه
محمد: ضحكتكككك
انا: انا اسفه والله هيا طلعت كدا...
بصلي بعصبية ورجع بص ف الفون تاني
انا: في اي بجد
محمد: عيزه تقنعيني انك مش عارفة في اي
انا: لا والله
محمد: مفكرة لما تطوحي كيس الاندومي مش هشوفك
انا: والله مكلتش منو والله
محمد: بس لو انتي مكنتيش شفتيني كنتي هتاكلي
بصيت ف الارض وسكت
محمد: كذا مره اقلك انو غلط عليكي وبتتعبي منو وانتي عرفة كدا كويس انا تعبت كلام معاكي مش جايا ب الزعيق ولا ب الهدوء معنتش عارف اعمل اي
انا: خلاص مش هاكلو تاني
محمد: قلتيلي كدا كتير
انا: لا المره دي بجد
محمد: بجد
انا: اممم
محمد: ماشي
اخدت الشوكة واخدت حتة من الكيك
انا: تاخد حتة
كان هيكولها بس حطيتها ف بوقي بسرعة
محمد: رخمة
وطلع يجري ورايا
انا: والله ولا حته
مازن: متخدش منها حاجة ممكن تاكلك
انا: بس يالا يابارد انت
مازن: هاتي حته وانا اسكت
انا: لااااا
مازن: حسبي الله ونعم الوكيل فيكي ياشيخة
انا: اخوك بيحسبن عليا
محمد: كمل يا مازن
انا: بقى كدا
محمد: اه مش انتي مش راضية تديني حتة
انا: ولا حته هدي معاذ بس
محمد: اشمعني معاذ بزات مش فاهم
انا: عشان بيلعب معايا
معاذ: انتي ليه شيفاني طفل انا كبير والله
انا: بس بتلعب معايا
معاذ: لو هتديني حته يبقى انا بلعب معاكي
انا: امسك
حطيتلو قطعة كبيرة
معاذ: فاهمك انا لو مش عيزه تغيظيهم مكنتيش عملتي كدا
انا: اممم
قعدت اكل وانا بغيظهم
محمد وهو يضربني ب المخده: يا مستفزه
انا: انت بتضربني كمان طب والله ولا حتة
محمد: مش عايز
انا: احسن الله فيها شوكلت كتيييير
محمد: ماشي
انا: ههههه
مازن: اي الغباء دا ما أكيد ماما مش عملة وحدا بس
انا: هههه مانا خليتها تخبي الثانيه ومش هتديكم منها
مازن: نفسي افهم بس انتي بتعملي فينا كدا ليه انتي من كفار كريش يابنتي
انا: اه يا خفيف في حاجة
مازن: لا انا كنت بتأكد بس
انا: بصو بقى لو عيزين تاكلو منها كل واحد يروح يجيبلي علبة دونتس
مازن: استغلاليا
انا: جدا... سامعني
محمد: سامع
انا: يلا
مازن: المشكلة ان بسمع كلامك مش عارف ليه
معاذ: سحرالنا بعيونها
محمد بصلو الواد يا يعني بصلو بصدمة ورمي الطبق وطلع يجري
انا: ابتلاك ب هبل الطبق اتكسر ميت حتة
معاذ من الداخل: مش احسن مكنت انا الي اتكسر انهارده
انا: يلا ف داهية
محمد: افتح احسنلك هكسر الباب والله
معاذ: الحقيني ياماما ابنك عايز يضربني
محمد: يا جدع ضرب اي انا بتاع الكلام دا انا هكسر بس
معاذ: الحقيني يا ماما ابنك عايز يكسرني
قعد يزق ف الباب لحد ما اتفتح دخل جابو من شعرو
محمد: حزرتك من الموضوع دا قبل كدا صح ولا انا غلطان
معاذ: صح يا كبير
محمد: اومال ليه موصور تخليني أكرر كلامي مرتين وانت عارف ان دي اكتر حاجة ممكن تستفزني
معاذ: غلطة وندمان عليها
محمد: ماهو انت جاي تندم دلوقتي معدش يفيد
وضربو ع قفاه
معاذ: مش شايف
محمد: انت لسا شفت حاجة
وطلع يجري وهو وراه
انا: عيال مجانين صح رايق انت
مازن: هششش
انا: هششش انت بتقولي انا هششش
جبت المخده ونزلت عليه ضرب
مازن: انتو خطر ع البشرية اقسم بالله
انا: مهزأ انا يتقالي هششش
مازن: خلاااااص مكنتش كلمة
انا: عشان تحرم تقولها
مازن: خلااااااص حرمت
حطيت المخده
انا: يلا روح شوف انا قلتلك تعمل اي يلا
مازن: والله هحطلك فيها ثم واخلص منك ومن هبلك دا بقى
انا: هششش
مازن: هششش!!
انا: يلا
اخد مفتاح العربية ونزل
دخلت لقيت محمد نايم ع السرير وماسك الفون وحاطط رجل ع رجل
انا: موتو ولا لسا
معاذ: انتي لسا فكره انا بطلع ف الروح القاكم ف الاخره انشاء الله
انا: اعلان اي دا معلش
معاذ: يالهوي ع خفة دمك
انا: عرفة
معاذ: بارده
انا: عرفة
معاذ: لا كدا كتير
محمد: خليك بقى كدا لو طلعت هعلقك
معاذ: هبات هنا يعني
محمد: تطلع وتاخد عقابك لأمة تخليك جوا
معاذ: عقاب مين والناس نايمين دانا افضل هنا احسن انت ايدك تقيلة
محمد: براحتك
انا: خلاص سماح المره دي
محمد: والله ابدا ازاي يجيب سيره عيونك ع لسانو
انا: اي الأوفر الي انت فيه دا طلعو
محمد: قلت لا
انا: انت واد بارد انا غلطانة ان بتكلم معاك
محمد: روحي شفيلك حتة اقعدي فيها يلا
انا: طب تعالي عيزاك
محمد: لا
انا: بقى كدا
محمد: عيزه اي قولي
انا ف نفسي: وبعدين هلاهيه عشان لهبل التاني يطلع ازاي دا
محمد: اي في اي
انا: في اي ف اي هو انا جيت جمبك
محمد: اومال اي نظره الشر دي
انا: هفترسك واجيب السكينة واقطع فيك واشرب من دمك
محمد: بس يابابا
انا: طب انا قلتلك تجبلي دونتس
محمد: حاضر
انا: يلا
محمد ل معاذ: راجعلك تاني
طلع واخد مفتاح العربية ونزل
وبعد دقائق
مازن: امسكي
انا: هات
محمد: اممم
انا: هااات
مازن كان جايب ب الشوكولاتة ومحمد ب اطعمة مختلفة وحبيتها بس حبيت ادايقو اكتر
انا: الشوكولاتة احلى
اخد العلبة ورماها من البلكونة
انا: يخربيتك اي إلى انت عملتو دا
محمد: مش هيا مش عجباكي
انا: مين الي قالك انها مش عجباني
محمد: انتي الي لسا قايلة ان دي احلي
انا: اه بس مقلتش ان الي انت جبتها وحشة اي التصرف الغبي دا
محمد: تعرفي متتكلميش معيا دلوقتي
انا: انت بتتعصب عليا ليه دلوقتي ع فكره انا كنت بهزر مش كل حاجة تخدها بجد انت بقيت اوفر اوي ف غيرتك دي مش طبيعي
محمد: فعلا مش طبيعي
دخل وسابني ببص ع التاني لقيتو بياكل وهو بيضحك
انا: بتضحك ع اي يا مهزأ انت
مازن بضحك: انا ضحكت امتى دا
ضربتو ب المخده واخدت الكيك منو ودخلت
كان متعصب وباين ع وشو اوي خفت وطلعت من الاوضة
مازن: ههههه
انا: بتضحك ع اي يالا
مازن بضحك: خفتي منو
انا: انا لا طبعاً مخفتش اخاف ليه
مازن: هحاول اصدقك... بس لو فضلتي خايفة هيفضل الحال كما هو مش هيتغير حاجة ف انتي فكك من الخوف دا هو عمرو مهيفكر يزعلك حتى وهو متعصب
فضلت قعده سرحانه وبعد كدا قمت دخلت
كان قاعد وسرحان وشكلو ميبشرش خالص كنت هخرج بس افتكرت كلام مازن ف رجعت تاني
فكيت ايدو من بعضها ورفعت راسو ليا
انا: زعلان مني
كان هيقوم بس قعدتو تاني
انا: في اي
محمد: إيمان مش رايق والله دلوقتي
انا: طب في اي طيب مش مستاهلة كل دا
محمد: انتي شايفة انها مش مستاهلة
انا: اممم
محمد: طب اوعي
انا: لا
محمد: عيزه اي
انا: عيزه افهم انت متعصب ليه
محمد: مش متعصب
انا: لا متعصب
محمد: قلت مش متعصب
انا: بتكدب ليه اي إلى هيحصل لو قلت انك متعصب
محمد: بس انا مش متعصب
انا: اومال مقشر كدا ليه
محمد: عادي
انا: تصدق انك بارد
محمد: أصدق مصدقش ليه
انا: اوووف محمد
محمد: نعم
انا: بطل برود
محمد: مبعرفش
انا: ياربيييي... فك بقىييييي
محمد: صووووتك
انا: انت ف اي ولا ف اي هو انا عليت صوتي
محمد: بتبلي عليكي مثلا
انا: اه انت مفتري وبتتبلي عليا
محمد: اممم
انا: يلا قوم ننزل
محمد: مليش مزاج
انا: خلاص خليك هنزل انا ومعاز
خبط ب ايدو ع الكمود الازاز الي عليه اتكسر اتصدمت
انا: ايدك... انت متخلف اي إلى انت عملتو دا افرض كنت اتأذيت
محمد: مش هتفرق
انا: ازاي مش هتفرق انت عبيط... وريني ايدك... ورينيييي
مسكتها وبشوف ايديه لقيتها بتنزف حسيت ان اتجمدت مكاني ومش قدره اتحرك من منظر الدم
انا: اهداااا بقيييي شوووف عملت اييي استفدت اي دلوقتي
جبت العلبة وطلعت منها معقم وقطن
انا: ام م امسك اعملها
محمد: لا انتي الي هتعمليها مش اي حاجة تخافي منها
انا: خايفة بص منظر الدم
محمد: خلاص سيبيها تنزف
شديت ايدو ب عصبية قعدت اسمي واقرأ قران
محمد: في ايي انتي بتحضري عفاريت
انا: اسكت انت السبب ف كل دا
محمد: انا السبب ولا انتي الي بتستفزيني
انا: ليه هو انا عملت اي
محمد: بلاش دور الضحية دا
انا: اما اسكت احسن
محمد: انا بقول كدا برضوا
ايدي كانت بتترعش وانا بعقملو الجرح راح ماسكها
محمد: اثبتي بقى
انا: ملكش دعوه
عقمتلو الجرح ولفيتو ب الشاش وحطيت العلبة ب عصبية وكنت طالعه ف مسك ايدي
مردتش ابصلو وكنت بصة الجه الأخرى بعصبية مسك وشي وخلاني ابصلو
محمد: في اي
انا: معرفش مش المفروض تسأل نفسك
محمد: هو انا عملت اي معلش
انا: اي إلى خلاك تعمل كدا عاجبك لما ايديك اتعورت كدا
محمد: ماهو انتي متعصبنيش وتبقى كمان عيزاني ميبقاش ليا رد فعل احمدي ربنا انها جت ع قد كدا انا مكنتش عارف ممكن اعمل اي
انا: مكنتش كلمة بجد انا كنت بهزر بس انت الي بتتعصب من اقل حاجة اتفضل بقى شوف حضرتك هتصالحني ازاي
محمد: وانا عملت اي انا انتي الي مزعلاني
انا: مش انا زعلتك
محمد: اه
انا: وانا زعلت ان انا زعلتك ف انت كدا زعلتني اتفضل صالحني
محمد: اي دا
انا: اي اقتنعت صح
محمد: ل الصراحة اقتنعت
انا: ورميتها ليه ها
محمد: مش هيا مكنتش عجباكي
انا: انا مقلتش كدا كانت عجباني اوي ع فكره بس انا الي كنت بهزر
محمد: بجد
انا: اه والله
محمد: طب معنتيش تهزري ف الحجات دي تاني
انا: اممم طيب
جبت الكيك
انا: امسك
محمد: هتستظرفي وهتكليها
انا: لا ولله... هاا
اكلتهالو
محمد: تعرفي احلا حاجة ف الموضوع اي
انا: اي
محمد: ان دي نفس المعلقة الي لمست شفايفك
انا: طب كل وانت ساكت عشان متعصبش عليك... قلة أدب ومسخره
محمد: هسكت حاضر
كنت طالعة من الاوضة
محمد: راحة فين
انا: هروح اعمل حاجة أكلها
محمد: اقعدي يابابا لتولعي ف نفسك
انا: يا خفة
محمد: انا بتكلم بجد
انا: متخافش
محمد: مخفش ازاي اقعدي يابت هنا اهو انا هعملك الي انتي عيزاه بس اترزعي هنا اهو
انا: الله طب وربنا محد عملها غيري
محمد وماسكيني من التيشيرت: اتجري قدامي
انا: نزل ايدك انت ازاي تمسكني أكده هاا جول متعرفش انا مين ولاي
محمد: لا عارف هبلة العيلة اتجري يابت قدامي
انا: اي اتجري دي شايفني مجرمة وهتحطتني ف الزنزانة
محمد: اه زنزانة قلبي
انا: اوعي يالا يا ملزق انت اوعي
محمد: هو انتي مش عيزه تاكلي
انا:اه
محمد: طب اتجري قدامي يلا
انا: اتجر!!! واد بيئة
محمد: ماشي يا Educated
انا: طبعاً يابني
محمد: ياشيخة امشي
انا: It's OK
ضحك وشدني وراه
محمد: والله مانتي متكلمة مكرونة
انا: ايوا شاطر يلا... بقلك اي
محمد: اي
انا: سيبني انا اعملها مش المفروض اتعلم
محمد: لا هتولعي ف نفسك وانا مش مستغني بصراحة
انا: طب بص بلاش نشغل البوتجاز دا هنشغل البوتجاز الإلكتروني... هااا... قلت اي
محمد: خلااااص
انا: طب في اي متقول انك موافق
محمد: زفت موافق
انا: طيب أركن بقى انت عليك تنزلي الملح والحاجات التانيه دي وتقولي احط اي وتطلع اوكي
محمد: طب مانا جمبك اهو
انا: طب بص لو هتقعد متتكلمش ولا حتى تقولي اعمل اي خلصانة
محمد: ماشي
وبعد دقائق
انا: يلا دوق
محمد: اي دا
انا: لا انت بتتريق ع اكلي
محمد: لا مش بتريق والله
انا: لا بتتريق ع اكلي مش عاجباك المكرونة... حط ايدك كدا
محمد: ازاي
مسكت ايدو وحطيت صباع واحد بس ع السفره والباقي لا وحطيت عليها كباية النسكافيه ومكنش عارف يحرك ايديه
محمد: اي دا بقى شيليهاااااا
انا: عشان تحرم بتتريق ع اكلي تاني
محمد: انا متريقتششششش... شيليها بقلك... ساخنة وربنا
انا: مانا عرفة
محمد: واقسم بالله اقوم بس وهفرمطلك وشك ومحدش هيقدر يحوشك من ايدي
انا: هههههه
محمد: إيمان شيليها
انا: لا
محمد: إيمااااااااااان واقسم بالله ماحد هيحلك من ايدي
قعد يحرك فيها براحة لحد ماشال صباع وشال الكباية خالص رحت رقعة ب الصوت وطلعت اجري واستخبيت ف الدولاب
محمد: هتطلعي ولا اكسرو
انا بضحك: خلاص والله خلااااص
محمد: خلاص وربنا ابدا لازم ارنك علقة ع الي عملتيه دا
انا بضحك: مش انت الي اتريقت ع اكلي
محمد: انا اتريقت امتيييييي
انا بضحك: هتبلي عليك مثلا
محمد: ايوا ع...
مني: محمد
محمد: نعم
مني: تعالو عيزاكو
محمد: نجدتك من ايدي
انا: ههههه
مني: إيمان
انا: نعم
مني: تعالو
*يتبع*#
بدل ماتدور وتبحث علي الروايات خليها علي تليفونك وحمل تطبيقنا
