روايه غيرة حب الفصل الثالث والستون بقلم احمد صابر
*بعد مرور يومين*
محمد: يلا
انا: احنا طبعاً هنرجع تاني عشان عليا درس وعشان اللبس
محمد: لزمتها اي الخطوبة دي والله
انا: لازم نروح مني هتزعل
شديتو ونزلناا
ف العربية
محمد: ملمحكيش وقفة مع حد ولا تتكلمي مع حد تقعدي جوا تمام
بصيتلوا بصدمة وقعدت ساكتة
وصلنا كان ماسك ايدي وانا عمالة اتلفت عشان ادور ع ملك
انا: سيب
محمد: نعم
انا: سيب ايدي عيزه اروح لملك
محمد: خديها وادخلي جوا
انا: حاضر
رحت وقفت معها كانت وقفة مع صحبنا وقبلت صحابي هناك ببص عليه لقيتو باصصلي بعصبية
انا: هو في اي هار اسود اي اليوم دا اومال احنا جيين ليه
حنين: جيتي
انا: انتي شيفة اي ونبي
حنين: فين هدومك
انا: مجبتوش لسا عندي درس وهروح اللبس
حنين: و انا كمان... مبلاش الدرس انهارده
انا: مينفعش امتحاناتي قربت
حنين: اه صح
ببص عليه وهو بصلي ف نفس الوقت لقيتو بيبرقلي قعدت اشاورلو ب ايدي ب عصبية
حنين بضحك: انتي بتعملي اي
انا: انا مش عرفة متعصب ع اي
ببص قدامي لقيت شلة شباب قدعين ومنتحين ففهمت هو كان عيزني ادخل ليه
انا: بقلك اي يلا ندخل حسه ان شوية كمان وهيجي يقتلني يلا
دخلنا كلنا وقعدنا ف الاوضة وقفلنا الباب وسمعت صوتهم كانو دخلين ف الاوضة الي جمبنا
ملك: يلا يابنتي تطلع اي الخنقة دي
انا: متعصبنيش عشان مجيبش مطوه واروح اغز اخوكي... يعني انا الي عاجبني الخنقة دي
ملك: خليكو انتو انا طالعة
انا: يلا ف داهية
حدفتني ب المخده وطلعت
حنين: يلا سلامو عليكو
انا: يلا ف داهيه انتي كمان
حنين: ربنا يخليكي
طلعت وقفلت الباب
انا: اشوف فيك يوم يا محمد يابن مني يارب
قعدت اضرب ف المخده واعضها
انا: ام الزهق
مسكت الفون وكنت بكلم صحبتي بمهد الوقت لقيتو بعتلي مسدج
محمد: انتي زهقانة صح
انا: اخيرا حس ع دمو.... ايوه
محمد: خلاص نروح مشوار وفكنا من ام الخطوبة دي
انا: بس يا حبيبي اقعد ساكت يابابا مينفعش وجهز نفسك عشان عليا درس كمان ساعة
محمد: انا غلطان ان بكلمك اقسم بالله
انا: اه
انتهى الشات بيني وبينو وكلمت صحبتي
وبعد ساعة
رحت وقعدت اخبط ع الباب
معاذ: في ايييي لو حكومة مش هتعملي كدا
انا: ناديلي الحكومة
معاذ: كلم ياباشا جماعتك
انا: جماعتو ف عينك لسا بدري
معاذ: طب المدام
انا: ما هيا هيا يا تافه
محمد: يلا ولا اي
انا: يلا
شديت معاذ من شعرو واستخبيت ف محمد وانا فطسانة ضحك
معاذ: اقسم بالله انتي هربانة منك
انا بضحك: دور عليها ع ماجي
معاذ بضحك: لا مش فاضي ابقى دوري عليها انتي
كنت لسا هرد
محمد: ماخلاص
انا: في اي حد كلمك
ركبنا العربية وانا مسكة الفون وبكلم صحبتي
محمد: مين الي كل دقيقة الاقيقيي بتتكلمي معها دي
انا: صحبتي
محمد: رحمة
انا: لا وحده تانيه مش هتعرفها
وصلنا قدام البيت طلعت جبت كتبي ووداني الدرس وروح ع البيت ولما خلصت رنيت عليه جه خدني ورحت ع البيت عشان اللبس لقيت حنين هناك
حنين: احنا مشيين متتأخروش بقى
مازن: هتخلصي ولا امشي واسيبك
حنين: استنى ياعم نسيت موبايلي
مازن: انتي دي رابع مره تنسي حاجة همشي وربنا
انا: في اي يالا كاره نفسك كدا ليه متستنها
محمد: خشي انتي اللبسي عشان لو مجهزتيش قبلي هقفل الباب عليكي وامشي
انا: دي وراثة بقى
حنين: يلا يا اخويا
مازن: يلا ياختي
نزلو وانا دخلت اللبس
وبعد دقائق
محمد: يلا؟
كنت مستعجلة ف شديت الهيلز ومسكت فيه ولبستو
انا: يلا
محمد: ثانيه بس
انا: انت الي بتأخزنا اهو
دخل وانا مسكت الفون شوية وبعدين طلع وهو بيحط المسدس ف جيبو
انا: هار اسود واخدو ليه
محمد: مش بعرف امشي من غيرو
انا: بس احنا ريحين مناسبة مش طالع مهمة
محمد: مش هتفرق
انا: اوووف... ع فكره احنا عملين ماتشنج مع بعض
كان لابس بنطلون اسود و تيشرت ابيض وجاكت اسود وكوتش ابيض وحاطط من البرفيوم
وانا كنت لبسة الفستان لونو اسود وحزامو ابيض و الطرحة بيضة والهيلز اسود ولبسة الخاتم والعقد الي هو جابهملي
محمد: انتي عيزه تنزلي كدا
انا: اه في اي
محمد؛ رجلك باينة يا هانم
انا: مش اوي هو عشان الهيلز بس
محمد: خشي غيري البتاع دا
انا: مش هغير حاجة مصدقت لقيت حاجة تطوليني شوية وغير انو لايق ع الفستان مينفعش اللبس حاجة غيرو ويلا عشان هنتأخر
محمد: طب انتي الي جبتيه لنفسك بقى
سبقني ونزل وانا نزلت وراه وركبت وكنت متوتره جدا لان نش بحب التجمعات كنت بكلم صحبتي ع الواتس برضوا وكنت خيفة اتكلم معاه او حتى ابصلو كل مابصلو الاقيه متعصب اخاف اتكلم
بصلي وبص قدامو ب عصبية وراح موقف العربية
محمد: استغفرك ربي واتوب اليك انتي عيزه اي ف ليلتك دي عيزاني ارتكب جريمة يعني
انا: انا عملت ايييي
محمد: حطه اي ع شفايفك
انا: زبده كاكاو وربنا
اخد منديل ومسحها
محمد: مش محزرك مليون مره من الموضوع دا
انا: موضوع اي دي زبده كاكاو اي الأوفر الي انت فيه دا اومال لو كنت حطيت روج كنت عملت اي
محمد: انتي عرفة انا كنت هعمل اي كويس مش محتاج اقلك... انا مش عايزك تاخدي انك تحطي الحجات ديييي
انا: طب وطي صوتك طيب
كمل سواقة وفضلنا ساكتين
وصلنا ع القاعة كنت خايفة ادخل
محمد: انتي راحة فين
انا بضحك: هروح
مسك ايدي وشدني لقه ايدي تلج عرف اني متوتره
اول مادخلنا من باب القاعة النور تسلط علينا قلبي كان بيدق بسرعة مسكت فيه وانا خايفة وحسيت الن الدقيقتين دول كانو سنتين لحد ما وصلت ع التزبيزه وقعدت كأن مسكت طوق نجاه
محمد: تقعدي زي مانتي كدا لحد ما الخطوبة دي تخلص ونمشي مفهوم
انا: مش وقت هزار ونبي اقعد ساكت
محمد: انا مبهزرش
انا: ماهو متقنعنيش انك بتتكلم بجد دي خطوبة ازاي افضل قاعده انت عبيط
محمد: ايمان
انا: انا اسفه... بس برضوا مش هفضل قعده كدا
محمد: قبل مانيجي قلتلك تغيريه عشان رجلك باينة وانتي الي معجبكيش الكلام ف استحملي بقى
انا: محمد متضحكش ع نفسك انت كدا أو كدا مكنتش هتسيبني اتهني ب ام اليوم
محمد: دي حقيقة بس بسبب الي انتي لبسا دا لو كنت هسيبك تقفي معاهم ف دلوقتي مش هسمحلك
انا: دا اسمو تحكم ع فكره
محمد: مش كل حاجة تخديها ع كيفك وياريت صوتك ميعلاش
انا: انا صوتي مش عالي انا مش عرفة اتكلم من صوت الاغاني
محمد: طب اسكتي عشان صوتك ميختفيش
انا: ماشي يا حنين
فضلت قاعده ومن الملل مسكت الفون وكنت فاتحة الواتس وهو ماسك الفون ف استغليت الفرصة وكنت هقوم
محمد وهو باصص ف الفون: اقعدي
انا: اوووف ياسطا خلي عندك دم بقى
محمد: لا معنديش
انا: مانا عرفة
العريس جه سلم عليه ومد ايدو يسلم عليا محمد رجع سلم عليه تاني
انا: ياحول الله يارب
وقف اتكلم معاه شوية وبعدين رجع وهو قعد
انا: بدل مانت تروح تسلم عليه هو الي جاي يسلم عليك اي الغرور الي انتي فيه دا
محمد: ع فكره انا كنت هروح اسلم معرفش أنو جاي
انا: مغرور برضوا
محمد: ماشي
انا: طب هروح اسلم ع مني طيب
محمد: روحي بس لو عملتي حركة تستفزني هزعلك مني
بصيتلوا بقرف وبعت مسدج لحنين وجت اخدتني
رحت سلمت عليها وشدتني عشان ارقص معها وانا عمالة ابصلو وخايفة لقيت مازن جه وكان بيتكلم معاه وهو كل شويه يبصلي لقيتو اندمج معاه ف الكلام رحت رقصة معها وكنت مبسوطة لقيت حد واقف ورايا
محمد: وسطك لو اتهز تاني يا إيمان هفضي مسدسي ف نفوخك... تعالي ورايا
سيبتيهم ورحت وراه بعيد عن صوت الاغاني
انا: نعم
محمد: احنا مش جيين و متفقين انك تقعدي متتحركيش دي غلتطي ان سمحتلك تروحي لا وبترقصي كمان
انا: اي المشكلة يعني
محمد: المشكلة انك بترقصي والمكان كلو شباب ملحظتيش دي
انا: وانا أعملهم أي
محمد: تعمليلهم اي فعلاً لا انتي تروحي تقعدي ومسمعيش نفسك عشان مزهقش عليكي
مشي وشدني وراه وانا ع أخرى ولو حد كلمني كنت هعيط
معاذ: يابني سيبها احنا ف مناسبة عادي
محمد: اقعد ساكت
معاذ: سكت
قلعت الهيلز وحطيتو تحت الكرسي لانو وجعلي رجلي قعدت اتفرج ع البنات
انا: اي المسخرة دي
معاذ: هيا مالها عملة زي الجوكر كدا ليه
انا: ههههه... بص البنت الي هناك دي
معاذ: فين
انا: الي لابسة احمر دي
معاذ: اه
انا: جامده اوي شغلاني من اول مادخلت
هما الاثنين بصولي وانفجرو ف الضحك محمد كان باصص قدامو وبيحاول ميضحكش بس مقدرش يكتم الضحكة وراح ضاحك هو كمان
مازن بضحك: اي إلى انتي بتقوليه دا
انا: قلت اي بزمتك مش حلوه
معاذ: مش احلا منك طبعاً
انا: اسكت عشان ميسمعكش وهتقلب نكد... واحترم نفسك واتلم عشان ممدش ايدي عليك واقلو
معاذ بضحك: لا مسمعش الحمدلله
انا بضحك: وربنا اهبل
معاذ: بصي انتي الي عملة زي المسيح الدجال دي
انا: هههههه
كنت فهمة هو بيعمل كدا ليه كان حابب يغير مودي عشان كنت مدايقة من حظابط
معاذ: بصي بقى إلى راحة جنينه الحيونات دي
انا بضحك: مسبناش وحده الي واتنمرنا عليها
في بنت كانت مش لبسه حجاب ولبسه فستان قصير ورجليها باينة كنا بصين ليها بصدمة
محمد: بتبصو ع اي انتو بتبصو ع اي
انا: اقعد انت وخليك ف حالك
معاذ: وربنا انا مش ببص عليها انا ببص ع الي هناك دي
انا: انهي وحده دي
معاذ: هناك دي
انا: متشاورش الله يفضحك... تصدق حلوه
معاذ: لا اي إلى هيا عملاه ف وشها لا
انا: انت مفيش ولا وحده عجبتك
معاذ بضحك: لا
انا: اقعد ساكت يا معاذ اقعد ساكت دانا لو ولد كنت عكستهم...
معاذ: ههههه
انا وبعدل وشو: وانت باصص فين انت كمان عشان مخلعلكش عينك
محمد: هكون ببص فين انا باصص ع الاستازه الي نازلة رقص هناك دي...دي انا اقوم اجيبها من قفها طيب
انا بضحك: حنين
بنبص لقينا مازن شدها وراه وجابها
مازن: اترزعي بقى مبتزهقيش
حنين: لا
مازن: هديكي ف وشك والله اقعدي ساكتة
حنين: في اي هو انا كلمتك
مازن: انتي مبطلتيش رقص من اول مدخلنا
حنين: اي المشكلة هو انا الوحيده الي برقص وبعدين دي خطوبة
مازن: ان معلمتك الأدب
محمد: حسابك معايا لما نروح
حنين: احيه
انا بضحك: هيييييي
كلهم بصولي وضحكو
حنين: واقسم بالله حيوانة شمتانه فيا
انا بضحك: اه
معاذ بضحك: اي الصراحة دي
انا: البت نازلة رقص وانا قعده هنا خليها تقعد زييي
معاذ: عرفة انتي لو مش الكئيب دا كنت رقصت انا ونتي
انا: انت عايزني اقوم اضربو يعني ولا اي مش فهماك
معاذ: ههههه
انا: حظابط... حظابط
محمد: امممم
انا: عيزه اروح لخالتي اقعد معاهم هناك كدا
بصلي رحت ساكتة وبصة قدامي تاني
معاذ بص لرجلي وراح ضاحك
انا بضحك: بتضحك ع اي يا مهزأ... اعمل اي يعني رجلي وجعتني منها ف قلعتها
معاذ: بس تصدقي مطولك
انا: قصدك اي يا معاذ
معاذ بضحك: مش قصدي حاجة والله
انا: انا مش محتاجة حاجة تطوليني انا اصلا طويلة
معاذ: طبعاً يا اميرتي
انا: هشششششششش
بصيت عليه لقيتو باصص ف الفون ومش واخد بالو
معاذ: في اي
انا: كان هيزهق عشان هو الي بيقولي كدا
معاذ: هو مالو هو اخ واختو
انا؛ هو عند اخ ولا اخت بيلوش ع طول
ايدي بردت ف حطيتها ف جيب الجاكت بتاعو والايد التانيه حطيتها ف جيب معاذ... بص ل ايدي وبصلي وشالها بعصبية وحطها ف جيبو
محمد: متعصبنيش عليكي
انا: خلاص
شيلت ايد ومسكت بيها الفون وكنت فتحة وتس
محمد: يلا عشان نمشي
انا: يلا
قومت منغير الهيلز وكنت بجيبو
محمد: اوعي
جابو ولبسهولي ومسك ايدي وطلعنا بره
حنين: خدوني معاكو ونبي مش هعمل صوت
انا بضحك: خيفة من مازن
حنين: بس يابت
محمد: اركبي
خالتي وملك ركبو مع مازن ومعاذ وحنين وانا مع محمد
قلعت الهيلز ف العربية وميلت الكرسي وكنت مسكة الفون ومكنش راضي يكلمني... روحنا البيت وطلعنا اترميت ع الانتريه
معاذ بضحك: اومال لو كنتي رقصتي كنتي عملتي فينا اي
انا: ولا متكلوش دماغي انا الهيلز وجعلي رجلي اصلا
معاذ بضحك: هو انتي لبستيه الا ونتي داخلة وطالعة بس
انا: بس برضوا وجعلي رجلي ياربتني سمعت كلامو
طلع ومازن طلع حنين وراهم
مازن: خالتي تعالي بقى عشان انا اكل بنتك علقة تبقى عارفة
والدة حنين: عملت اي
مازن: نازلة رقص ف الفرح مقعدتش دقيقتين ع بعض
والدة حنين: عارف كنت اديتها قلمين قدام الناس عشان تحترم نفسها بعد كدا
مازن بضحك: لا يا خالتي مش لدرجة دي... ابقى تفي ف وشي لو خليتك تروحي اي مناسبة تاني وتاخدي راحتك ب الشكل دا... اتكلم انت عشان وشها بيستفزني نفسي اقوم اعلقها
محمد: كنتي ناقصك طبلة وتشتغلي رقاصة هااا
حنين بضحك: مخلاص بقى
مازن: خلاص اي ياختي احمدي ربك اني ملطشطناش ليكي قدام الناس
حنين: ع فكرة كنت برقص عادي انتو الي مكبرين الموضوع
مازن: شوف هتقولي عادي انتي ليكي عين تتكلمي
حنين: اه عندي عين اهو
مازن: متستفزنيش يا حنين عشان متعصبش عليكي
حنين: اسفه
انا: اسفه اي يابت ماتعتزريش البنات مبتغلطش
حنين: ايوه انا مغلطش
مازن: انتي ماشية ورا الي ماشي اي مفيش شخصية خالص
حنين بضحك: ماااازن هزعلك
مازن وهو بيتريق عليها: ماااازن هزعلك جاتك الهبل
الكل/ ههههه
محمد: بسسس... فهمتي انا قولت اي مش هعيد كلامي تاني ماااشي
حنين: حاضر
محمد: بس انتهى الموضوع
مازن: متفكريش اننا بنحبس حريتك او بنتحكم فيكي وكل الكلام دا... دا لمصلحتك بس هنقول لمين انتي عقلك قد كدا والله ومش كل ماتشوفي وحدا بتعمل حاجة تعملي زيها ومفيش حاجة اسمها الكل كان بيرقص اشمعني انا مرقصش انتي مالك بيهم ماتخليكي ف نفسك وخليكي انتي غيرهم الاختلاف حلو والله
وسابونا ودخلو وهو دخل منغير محتي يكلمني
انا: براحتو عنو مكلمني هو الي غلطان انا معملتش حاجة انا اصلا حالفة مكلمو ع الي هو عملو دا دانا حتة متصورتش صوره ب الفستان حسبي الله ونعم الوكيل
حنين: انا بعد التهزيق دا عمري ماهاجي نحيه الاستيدج تاني
انا: بصراحة هما عندهم حق ف كل كلمة قالوها... ملكيش دعوة بحد خليكي تصرفاتك من دماغك وفعلا زي ماقال الاختلاف حلو انا بحب الاختلاف بصراحة
حنين: خلاص بقى الاقيها من مين ولا من مين
انا: سامو عليكو انا داخلة انام فكري انتي براحتك بقى
دخلت غيرت الفستان و اترميت ع السرير وكنت بكلم صحبتي وحكيتلها وكانت بتقنعني اصالحو بس انا كنت عند قراري وقفلت مخي بقى
انا: هو لو كان عايز يصالحني كان جه وكلمني وبعدين انا عملت اي معملتش حاجة حسه ان دي اشاره عشان منكملش مع بعض مش بيكلمني ف يوم زي دا ودي اخر جمعة ف 2023 ودخلين سنة جديدة وهو مكلفش نفسو وكلمني واقسم بالله لو الساعة جت 12:00 ومصالحنيش وربنا ماهكلمو طول حياتي
فضلت بتكلم معها والساعة جت 11 وكل ماتقرب ع 12 قلبي يوجعني وكنت حسه ان هعيط ودا كلو وهيا بتنقنعني انا الي ارحلو وانا مش راضية لحد ما الساعة جت 11:48 واخيرا اقنعتني
قمت ورحت افتح الباب لقيتو ف وشي وكان لسا هيخبط.. ف مردتش اقلو ان كنت رايحالو
انا: نعم عايز اي
محمد: اي المقابلة دي
انا: ايوا عايز اي يعني
دخل وقفل الباب كان حاطط ايدو ورا ضهرو وطلعها كان ماسك بوكس كبير لونو احمر وعليه رسمات الكريسماس
محمد: كل سنة وانتي معاية
انا: طيب
محمد: ماشي... افتحها طيب
اختها بدون اهتمام وقعدت ع السرير وفتحتها لقيت فوم ملون كتير حطيت ايدي وشيلتها بسرعة
انا: واقسم بالله لو طلعت بتعمل مقلب هيبقى فيها زعل
محمد: مقلب اي دلوقتي
حطيت ايدي مسكت حاجة وطلعت ايدي كانت شوكلاتة بصيتلوا وضحكت وحطيت ايدي جوا البوكس تاني وطلعت شوكلاتة تاني كتير وهكذا بحط ايدي لقيت حاجة كبير
انا: بابا سانتا
محمد: بتقولي للعبة يابابا وانا لا
انا: تعرف ان لو كنت جيت متأخر عن 12 انا كنت حالفة مكلمك طول حياتي
محمد: يالهوي هو انا اقدر ازعلك يابنت قلبي
انا: ولا فكك من الشويتين دول مش عليا انت لو كنت عايز تكلمني كنت جيت كلمتني
محمد؛ وربنا لسا راجع من بره كنت بجبلك الهدية
انا: برضوا مش مسمحاك انت كنت عاملي ارهاب ف الخطوبة
محمد: قفلي ع الموضوع دا عشان بتعصب وبعدين كنتي عيزاني اعمل اي وانا شايفك بترقصي والناس بتبص عليكي أقف اتفرج
انا: اوووف
محمد: خلاص بقى قلنا متحصلش تاني والي كنتي لبساه دا ميتلبسش
انا: ع فكرة رجلي مكنتش باينة اوي بس عشان الهيلز هو الي كان مبينها بس مش اوي برضوا لان هو مضتو كدا
محمد: بلا موضة بلا بتاع بعد كدا الكوتش ف اي مناسبة فكك من الهبل دا حتة من رجلك بعد كدا لو بانت مش هخلي لوشك ملامح
انا: اوووووف
محمد: خلاص بقى انتهى الموضوع
انا: ماشي مسمحاك عشان تعرف اني قلبي طيب بس
محمد: اه طبعاً عارف انتي هتقوليلي
انا: يلا هنسهر كلنا انهارده
طلعنا لقيناهم قعدين دخلت عملت فشار كتير وحنين عملت العصير
معاذ: بنت خالتي واختي يا جدعان
انا: مش هجيب حاجة قوم هات لنفسك
معاذ: بنت خالتي التانيه و...
حنين بمقاطعة: مش هقوم برضوا
دخل جاب سبيروسباتس
انا: جيب شوية
معاذ: لا
انا: انت واد بارد... ملك بنت خالتي الي ليا يا جدعان قومي ونبي عشان مش قدره رجلي عمالة توجعني
ملك: حاضر
دخلت واحنا كلنا بصينلها بستغرب
انا: البت دي معمولها عمل اقفش ودوها لشيخ
معاذ: شيخ اي وبتاع هو احنا بتوع الخرافات دي برضوا احنا ب العصاية وهننزل عليها ضرب نطلع العفريت وشكرا
انا: تصدق فكرة... بس انا بقلك معمولها عمل مش ملبوسة ركز
معاذ: خلاص ننزل عليها ضرب لحد مانطلع العمل
انا: معاااااز اسكوووت انت بتقول اي هو في حاجة اسمها كدا
معاذ: خرمت ودني اقسم بالله
ملك: امسكي
اختها منها وببص عليه لقيتو نايم ع رجلي قعدت اللعب ف شعرو
حنين بضحك: بتعملي اي
انا: اي بلعب
حنين: ف شعرو
انا بضحك: اصل شعرو ناعم اوي
حنين بضحك: يخربيت عقلك
محمد: وبعدين
انا: اتخمد حد كلمك
محمد: صوت البومة الي جمبك دي
حنين: طب نام احسنلك... احسن من صوت الطفلة دي
محمد: عاجبني.. دانا مش بعرف انام إلا مابسمعو انتي عرفة حاجة اسكتي
حنين: عيال محنو
انا: ماتبس بقى صدعتوني
محمد: هو انا اتكلمت يابنتي
انا: هو انت مش عايز تنام متنام
محمد: نمت وبحلم بيكي اهو
انا: بس يا خفيف
محمد: بسيت
انا: بقلك
محمد: قولي
انا: هو التمريض العسكري دا عباره عن أي
محمد: تاني يا إيمان
انا: في اي مش باخد فكرة بالله عليك قول
محمد: بتطلعي مهمات
انا: متهزرش ازاي دا
محمد: مش بتاحربي يابا
انا: اومال
محمد: لو ظابط اتصاب مثلا بتبقى موجوده هناك عشان تعالجي وحجات تانيه كتير
وقعد يحكيلي وانا حبيت الموضوع اكتر
انا بفرحة: الله يعني موافق
محمد: قلت هفكر
انا: ونبي يا محمد وافق
محمد: إيمان
انا: خلاص فكر براحتك
بعد دقائق
انا: ها فكرت
محمد: انا قايم وسايبلك الحتة
انا: خلاص خلاص
قعد ومسك الفون
انا: واي يعني يا محمد اما اعالج الظباط دا شغلي
محمد: خالتيييي خلي بنتك تحل عني عشان مسقفلهاش
والدتي بضحك: عملتي اي
انا: معملتش حاجة والله
مني: هيا بتعمل حاجة دي غلبانة انت الي فرعون
انا: اه والله يا خالتي فرعون
والدتي: هنروح بكره بيتنا التاني
محمد: اي دا ليه
والدتي: عشان قرايبنا الي هناك بردو وعشان إيمان تشوف ولاد عمها
انا: ايوه هاجر وحشتني
محمد: اممممم
انا: عيزه ستنيج
معاذ بضحك: هنسكر ع اخر الليل
انا: دا جامد دانا بجيبو ف اليوم يجي 3 مرات
حنين: معاذ هينزل يجبلنا
ملك: ايوا يلاا
معاذ: انا هنزل بس مش عشانكو تؤ تؤ دا عشاني انا
انا: دانت باااااارد
معاذ: حد يقعد مع اتنين زيكم وميبقاش بارد
انا: امشي يا معاذ بدل مقوملك
معاذ: سامو عليكو
فتح الباب ونزل
قعدنا نسمع التلفزيون كان بياكل شيبسي رحت وخداه منو
اخد المقرمشات رحت وخدها منو راح باصصلي وضاحك واخد اللب رحت وخدا كان فيه كيس شيبسي ع التربيزه ف اخدو
انا: ع فكره دا بتاعي
محمد: بجد
كان مكمل اكل عادي
انا: بجد وانت مكمل اكل
محمد: لا انا مصدوم
انا : انت كدا مصدوم
محمد ههههه
انا: هاااااات
محمد: مانتي معاكي
انا: مليش دعوة انا عيزاهم كلهم
كان مكمل اكل عشان يغيظني بصيتلوا ومثلت ان هعيط
محمد: بس بس امسكي
اخدتو وقعدت راح واخد وحده منغير ماخد بالي
انا: هات يالا
محمد بضحك: اجيب اي كالتها
انا: مليش دعوة تفها
محمد: اي القرف دا
انا: حد قالك تاكولها
محمد: دي وحده انتي معاكي كتير اهو
انا: عارف لو مديت ايدك هاكولها
محمد: مسعوره
الجرس رن وملك راحت تفتح و دخل معاذ
انا: اخويا الطيخا
معاذ: اخويا الصاصا... امسكي
انا: اوبا اي دا كلو كفايه وحده
اختها منو وحاولت افتحها معرفتش ف اخدها مني وفتحها
انا: كنت هفتحها ع فكره
محمد: واضح
بعد دقائق
كنت نازلة ضحك معرفش ليه
حنين بضحك: تأثير الاستينج
كان باصصلي بستغرب
محمد: البتاع دا فيه كحول
هزيت راسي ب اه وانا بضحك
محمد: وانتي عرفة
انا بضحك: ايوه دا 8% ف الميه بس يعني
محمد: ايوه!! ايوه ازاي... وانت كنت عارف
معاذ: لا
محمد: عارف لو طلعت بتكدب
معاذ: وربنا لا
محمد: وانتي فوقي
انا بضحك: يابني فايقة اهو... بقلك
محمد: اي
انا: عينيك دي ولا لينسز
محمد: المره المليون الي تسأليني فيه ام السؤال دا مش وقت هلوسة ابوس ايدك وانا هحط لينسز ليه
انا بالله انها جامده انا وقعت ف حب اللون الأزرق من ساعة ماشفتها
محمد: اي دا انا بتعاكس
انا: ايوا
محمد: بس تيجي اي جمب عيونك القمر دي
انا بزعل: دي مش ملونة زيك
محمد: تؤ عيونك قناصة بترشق ف القلب ع طول
انا: احيه
محمد بضحك: اي دا خدودك احمرت انتي بتتكسفي بقى وكدا
انا: قصدك اي يعني
محمد ابتسم بضحك: ولا اي حاجة
انا: امممم
سكت شوية وبعدين نزلت ضحك راحو كلهم ضحكين
محمد وهو بيحاول ميضحكش: بس خلاص
انا بضحك: اهو خلاص
محمد: مبهزرش
انا بضحك: تؤ بتهزر بتحك اهو
محمد: لا مش بضحك
انا: طيب
بصيتلوا وقعدت اضحك
محمد: بسسسس
يتبع$
بدل ماتدور وتبحث علي الروايات خليها علي تليفونك وحمل تطبيقنا
