روايه غيرة حب الفصل السادس والستون بقلم احمد صابر
يتبع#*روايـة:غـيـرة الـحـب✨*
*الـبـارت: الـ66✨*
محمد: متخافيش مش هتحسي بيها
انا: لا ونبي انا عمري مجربت احط كانولا ف ايدي
محمد: هتجربي اهو يلا بس
قعد اجري عشان اخرج ويرجعني تاني
محمد: بصي ركزي معاية هنا متبصش ع ايديك
بصيلتو وكل مابص ل ايدي يلفت وشي ليه لقيتو بيبص لدكتور ب شر
محمد: مش كفاية ولا أي
الدكتور: خلصنا اهو بس لازم نشيل الخواتم دي من ايديها بس
انا: تشيلهم توديهم فين يا دكتور انت
الدكتور: خليهم معاكي
انا: لا انا بحبهم ف الايد دي
الدكتور مهو مينفعش
انا: مين دا الي مينفعش انا عرفة انا بقولك اي هما بيتحطو ف الايد دي
الدكتور: مينفعش يفضلو ف ايدك عشان الكانولا
انا: يعني هو كان حد قالك تحت الكانولا يعني
الدكتور: ماهو عشان انتي تعبانة ف لازم وبعدين انتي ليكي عين تتكلمي ب المواد الحافظة الي بتاكليها دي فين الست الوالدة
انا: بتخوفيني ب الست الوالدة ونسيت فرعون الي جمبي دا دانا مش بخاف من امي قدو اسكت انت مش عارف حاجة
ضحك وشال الخواتم واداها لمحمد وكان بيحطها رحت مسكة ايد محمد وعضها جامد
محمد: يابنت العضاضة
انا: اه ياني ياما انا اتغزغزت هقديها ابر دانا ايدي هتبقى غربال
لقيت عيني بتغمض تدريجيا وهو كان حاطط ايدو تحت راسي وميل ب راسي ع السرير ونيمني بعد كدا محستش ب حد حواليا
صحيت لقيت نفسي ف البيت وهو قاعد جمبي وماسك ايدي وخالتي من الجه الأخرى وكلهم حواليا
مني: حمدلله ع السلامة يا حبيبتي
انا: الله يسلمك يا خالتي... هو انا موت وصحيت تاني ولا اي
مني: بعد الشر متقوليش كدا
محمد: عملة اي دلوقتي
انا: الحمدلله بس عندي صداع ومكان الكانولا بيوجعني اوي
مسك ايدي براحة وباسها
محمد: معلش...انشاء الله هتخفي وهنشيلها
انا: عيزه اهرش مكانها
الكل/ ههههه
محمد بضحك: اشمعني مكانها
انا: معرفش مكانها بيغز والله
محمد: انا نفسي اشيلهالك بس مينفعش والله
انا: لا شيلها عادي كدا اهو
محمد بعصبية: كدا اهو ايييي اوعي
انا: احيه هيا عمله كدا ليه هو ليه مركبها من البينك انا مش بحب البينك
محمد: وقت هبل
انا: خلاص
والدتي: انا مش هحاسبك ع الي عملتيه دلوقتي
انا: خلاص ياماما بقى
مني: احنا ف اي ولا ف اي انتي كمان الي حصل حصل خلاص
ببصلو لقيتو بيبصلي نظره خوفتني
انا: حتى انت كمان
محمد: حسابنا بعدين تقومي ب السلامة بس
انا: خلاص بقى إلى حصل حصل هتزعلي وانا تعبانة كمان
محمد وهو بيبوس ايدي: لا مقدرش
انا: شكلك كان مسخرة وانت كان نفسك تقوم تضرب الدكتور
محمد: انت بتعصبيني يعني
انا: تؤ تؤ
مني: هنسيبك ترتاحي شوية يلا يا جماعة
محمد: لا انا هفضل جمبها
مني بضحك: ماشي
معاذ: وانا كمان
مني وهيا بتشدو وراها: تفضل تعمل اي تعالا
والدتي: مااااشي
انا: خلاص يا ماما بقى خلي قلبك ابيض مكانش كيس اندومي
والدتي: كيس اندومي يا كدابة
انا: خلاص بقي هيتحول
طلعت وفضلنا احنا الاثنين
انا: ياما صداااع
باس راسي وايدي
انا: انت عايز تبوس وخلاص اي قلة الأدب والمسخرة دي
محمد: هو دا بوس
انا: اومال اي دا يا خفيف
محمد: البوس الحقيقي مبيبقاش كدا
انا: هو في بوس حقيقي وبوس مزيف
محمد: اوماااال هعرفهولك لما نتجوز
انا: مش فهمة
محمد: طب الحمدلله
انا: مهزأ قصدك اي بجد
محمد: ولا حاجة والله
البندانة كانت بتتزحلق راح شادها ومداري شعري وجاب فوني واداهولي ومسك فونو وكنا بنلعب اونلاين
انا: في اي سيبني مره اكسب الله
محمد بضحك: هاتي بوسة وانا اسيبك تكسبي
انا: اتفو عليك مش عيزه اكسب
محمد: براحتك
انا: عيل مهزأ
سابني اكسب وانا لاحظت لان كان قدامو فرصة انو يكسب بس سابني بصيتلوا وضحكت راح غامزلي
محمد: تعرفي ان بحب وحده هبلة
انا: بجد
محمد: اه هبلة وجيبالي الضغط وكل الأمراض الي ممكن تتخيليها بس برضوا بحبها
حسيت ان اتكسفت رحت مستخبيه تحت البطانية راح شايلها من ع وشي
محمد بضحك: اتكسفتي
انا: اممم
قفل الفون وحضني لقيت عيني غمضت ونمت
صحيت لقيتو لسا حاضني ونايم كنت بحاول اقوم بس مش عرفة بصيتلوا وهو نايم وسرحت شوية حطيت ايدي ع وشو وابتسمت ومكنتش وعيا انا بعمل اي قربت من ودنو
انا بهمس: بحبك
لقيتو فتح عينو بسرعة رحت مغمضة عيني بسرعة وفتحت نصها لقيتو صحي وهو بيهرش ف شعرو وباصصلي
محمد: هار اسود بحلم!!! هيا وصلت لدرجة دي
كان باصص ع الباب وبيتكلم وانا مسكة الضحكة ب العافية بصلي وابتسم وبعد شعري عن وشي وباس راسي وطلع وانا غمضت عيني بس معرفتش انام ف فضلت صاحيه لقيتو ماسك حاجة وراه وداخل
انا بضحك ب ابتسامة: مخبي اي وراك
محمد: غمضي عينك
انا: اهو
محمد: فتحي
انا: احيه
محمد بضحك: اي دا
انا: استيتش
محمد بضحك: مامشيش اهو
انا بضحك: دا حلو اوي
محمد بضحك: استيتش
انا: اه
محمد بضحك: فداكي الف استيتش
معاذ بضحك: وانا عايز استيتش هو انا كفرت
محمد: انت عايز ستين شبشب ع وشك ماتعقل يالا
انا: الله انا فرحانة اوي
حضنتو جامد
محمد: يخربيت جمال حضنك ياشيخة
ملك: هش اقفش بتعملو اي وانت واقف قرطاس لب وسايبهم يحصنو بعض
معاذ: تقدري تتكلمي هيعلقنا انا وانتي من رجلينا ف البلكونة
ملك: معاك حق
معاذ: امشي بقى عشان مدكيش ع قفاكي
ملك: اه هيا طالبة معاك لغبطة ع الصبح
معاذ: لمى لسانك احسن وربنا احلقلك قرعة وامشيكي منغير شعر
ملك: ليه وانا هسيبك تحلقلي قرعة هبلة انا ولا اي
ضربها ع قفها راحت ضرباه ف بطنو ونزلو ف بعض ضرب
محمد: طب هتتخانقو اتخانقو بعيد مش ناقصين وجع دماغ عشان لو زهقت عليكو هنزل فيكو ضرب انتو الاثنين يلا ياحبيبي انت وهيا يلا
طلعو يتخانقو هما الاثنين برا وانا كنت بلعب مع استيتش
انا: انا نفسي ف كيكة
محمد: ب طعم اي
انا: ب الشوكولاتة بس استنا عيزاها معمولة ف البيت
محمد: خالتك نايمة نجيبها من برا وخلاص
انا: لا هنعملها انا وانت تعالا
محمد: طب اهدي عشان ايدك طيب
انا: مش حسه بيها اصلا
محمد: مش حسه بيها ازاي
انا: يعني معدتش بتوجعني دي امبارح يلا بس
طلعنا لقينا ملك ومعاذ بيسمعو التلفزيون بيضحكو ضحكنا ودخلنا المطبخ
محمد: بتتعمل ازاي دي الأول
انا: فاشل مش عارف الكيكة بتتعمل ازاي هتتجوز ازاي انت
محمد: مش عارف هتجوز ازاي فعلاً الواحد يديكي قلمين ع وشك يظبطك
انا: استنى هجيب الطريقة من ع النت
جبت فيديو وحطيتو ع الرينج لايت عشان نشوفو
رحت اجيب الدقيق وهو كان بيفتح الدرج الي فوق راسي
انا: يابني راسييييي
محمد: راسك اي انتي راسك مش طايلة الدرج اصلا بصي
وقعد يحرك ف الدرج يمين وشمال ومخبطش فيا
انا: بااااارد
جبت الدقيق وحطيتو واخت منو وحطيت ع شعرو
محمد: ينفع كدا نضفي شعري بقى
انا بضحك: لاااا
راح شايل الدقيق وحدفو ف وشي
محمد بضحك: رموشك بقت لونها ابيض
انا بضحك: عجزت
محمد: برضوا قمر
انا: عرفة
محمد بضحك: مافيش شكرا مسمعتيش عنها قبل كدا دي
انا بضحك: شكراً
محمد: ياخلاثي ع الي بيسمع الكلام
انا: بس ياض
محمد بضحك: حاضر
انا: تؤ اي الاحترام دا بقى
محمد بضحك: اعمل اي طيب
انا: اعمل الكيكة يلا
جاب البيض وعمل انو هيحدفني بيها رحت مغمضة عيني وحطة ايدي ع وشي لقيتو حطها ف الطبق
انا: عيل بارد
جبت مضرب البيض
انا: حطو يابني ف الفيشة ياكشي نتكهرب ونخلص
حد الفيشة ف الكهربة
محمد: اوعي يا إيمان بيكهرب
صوت ورميتو راح ماسكو وقعد يضحك
انا: واقسم بالله انت تافه يالا.. قلبي وقف اقسم بالله
محمد: شوفي بقى واتعلمي عشان هاكولها من ايدك بعد كدا
انا: هيهيهيهي
محمد: هههههه... امسكي
اداني كيس فيه جيلي كولا ع شكل دبدوبات ملونة صغيرة
انا: افتح بوقك
حطيتلو وحده ف بقو
انا: هات الجلافز الي هدخلها بيها الميكرويف عشان انا الي هعمل كدا
جابهم وحطهم ف ايدي بس كانو بيقعو لانهم واسعين
جبت كرسي ووقفت عليه وقعدت ع رخامة المطبخ وربعت رجلي وانا باكل وكنت بتفرج عليه وهو بيعملها
انا بصحك: دوقها بقى
محمد: ادوق اي القرف دا دافيها بيض ني
انا: اي المشكلة دوقها
محمد: طب اسكتي عشان محطهاش ف بوقك كدا
انا: خلااااص
كان بيعملها وانا بصالو ورحت مسكها الدقيق وحطيتو ع وشو
محمد: برضوا تاني
انا: والله شكلك حلو كدا
محمد: شيلي الدقيق يابت
قعدت اشيلو من ع وشو وانا بضحك
محمد: طفلة
انا: استنى بقى دوري احطها ف الميكرويف
محمد: هتعرفي تمسكيها
انا: ايوه هات
وقفت ع الكرسي ومسكتها وهو واقف ورايا وماسكها معايا وحطيتها وقفلت باب الميكرويف وهو شغلو
لقيتو شد طبق وفضل يعمل حجات كدا وجاب الطبق وداهولي
كان راسم قلب ب صوص الفراولة وكاتب love you ب صوص الشوكولاتة
انا: الله دي حلوه اوي
ومشيت صباعي فيها كلها ودقتو
انا: طعمو حلو
محمد: هار اسود
انا: في اي
محمد: بصي عملتي اي دانتي بت مبتحسيش والله
انا: اعمل اي شكلها موغري وانا جعانة
محمد: جعانة الكيكة قربت تطلع اومال تعملي كدا فيها ليه
انا: معلش
نزلني من ع الرخامة
انا: واقسم بالله انت عيل بارد يالا
محمد: امشي وانتي عملة زي الطفلة كدا
انا: والله هزعل
محمد: خلاص معلش
انا: بص ايدي
محمد: خلاص بقى انا متدايق لوحدي اصلا
انا: بس تصدق شكلها حلو عارف انت صحابي الي بيعلقو الكانولا بيفضلوا يوروها للعيال وفرحانين بيها انا بفضل حطها ف جيبي والله معرفش ليه
محمد: هما فرحانين انهم تعبانين ولا اي مش فاهم
انا بضحك: مش عرفة والله
وبعد دقائق طلعنا الكيكة
انا: انا هحط صوص الفراولة وانت حط صوص الشوكولاتة خلصانة
محمد بضحك: خلصانة
انا بضحك: بحب اتكلم زي سواقين التوكتوك
محمد بضحك: هبلة مووووت
حطيت عليها الكريمة ورسمت عليها قلب وجمبو حرف ال M بصلي وضحك واخدها ورسم M&E
انا وبسقف وانا وقفة ع الكرسي: الله جميلة
محمد: ونبي انتي الي جميلة
انا: شكراً
محمد: عدنا بنعرف بنقول شكراً اهو
انا: تربيتك
محمد: اوماال هو انا اي حد
انا: تؤ انت حظابط
محمد: الي انتي عيزاه يا اميرتي
انا: ملكككك معااااذ
ملك/ معاذ: نعم
انا: تعالو
جم هما الاثنين
انا: امسكو دوقو
معاذ: متقوليش انتي الي عملاها
انا: انا الي حطيتها ف الميكرويف
الكل/ ههههه
انا بضحك: محمد الي عملها بس انا ساعدتو يعني مش فكرة ساعدتو ف اي بس ساعدتو
محمد: ايوا ساعدتني كانت بتزهقني ف عيشتي
انا: عندك اعتراض
محمد: تؤ احلى زهق والله
معاذ: طلعت شيف يسطا
محمد: عقبالك ياخويا
معاذ: لو هتجوز وحده زي فانيليا بقول زيها تمام ف انا موافق اطبخلها عادي
محمد: مفيش زيها هيا نسخة وحده بس وبقت ملكي خلاص
انا: هو انا مفتاح منك ليه
ملك: طعمها جامد والله
انا: ابدام حطيت ايدي فيها لازم تطلع حلوه
محمد: طبعاً
انا: مالك حنين اوي كدا ليه انهارده يا ولا انا عيزه اتضرب
محمد: انا اقدر أمد ايدي عليكي
انا: لا بقي انا مش وخدا ع كدا كلمني زي مابكلمك كدا
طلع وهو بيضحك طلعنا كلنا وقعدنا
*....يتبع*
بدل ماتدور وتبحث علي الروايات خليها علي تليفونك وحمل تطبيقنا
