رواية ليلة النعماني الفصل السادس6 بقلم ميفو سلطان

البارت السادس..

#ليلة_النعماني

قلم ميفو السلطان

. مر يومين كانت ليله قد نزلت لجارتها الوحيده صاحبه البيت وقالت لها انها تريدها ان تكون موجوده في كتب الكتاب ..ميفو ميفو.. فرحت جارتها كثيرا لان ليله كانت بنت مهذبه ومحترمه ومن اسره طيبه وجاء زوج السيده وجلس بينهم واستمع لهم ثم قال.. اه طبعا الف مبروك هنيجي ونبارك ونبقي اهلك وناسك امال..

قالت له تشكر يا عم محمد انت زي ابويا..

قال لها طب بالمناسبه بقه الشقه كده خلاص هتسيبيها مش كده..

اندهشت ليله.. اسيبها ليه يا عم محمد..

قال لها.. مانتي هتتجوزي وتمشي يبقي خلاص ماعدش ورث وانت يا بنتي هتجوزي واحد عنده شئ وشويات يبقي تسيبيلنا الشقه احنا غلابه...

قالت له هفكر حاضر...

ليهتف.. تفكري في ايه دا قانون يا بنتي..

احست ليله بالوجع وقالت له طب والعفش

ايهتف الرجل .. فيه اوضه عالسطح هلملك فيها الحاجه لحد ما ربنا يكرم ونبقي نشوف..

رضخت ليله له كانت لا تريد مشاكل ولا ان تجعل فؤاد يحس بشئ...

في تلك الاثناء دخل فؤاد علي عمته وبداء يحكي لها كل شئ وكيف احب ليله وانه طلبها للجواز..

قامت النار في قلب تلك العمه ولكنها تحكمت في نفسها وقالت بس يبني انت متاكد انها بتحبك اللي زي دول بيحبو الفلوس وانت طيب يبني انا ماليش غيرك..

قال لها.. اطمني ليله مش كده ليله هتحبيها زي بنتك بالضبط انا عارف يا عمتي هنبقي تلاته امي وحبيبتي وانا..

كان كلامه يجعلها تستشيط من الداخل كانت تريد ان تقتل تلك الليله التي اخذت حب فؤادها فهو من ربته ولا يحق لاحد ان يحبه مثلها.. امتثلت له وكانت تعلم ان المصائب ستاتي ستاتي.. لان فؤاد رجل قادر عالانجاب وساعتها ستشعلها نارا فلتاخذ هدنه حاليا حتي ياتي موعد الخراب..ميفو ميفو ...

مر يومان وذهب فؤاد الي بيت ليله وكانت معها القليل من الجيران ودخل ومعه الماذون وجلسو وابتدت رسوم الزواج.. وقال فؤاد المهر مليون والمؤخر مليون... هنا شهقت ليله وقامت جارتها وزغردت كانت كأن عقلها ذهب...

اعترضت ليله وقالت فؤاد انا مش هاخد حاجه كفايه تبقي اماني و َدنيتي...

صمم فؤاد الا انها قالت المؤخر مليون وانا مش هاخد حاجه... حاول فؤاد معها الا انها صممت فلن تعطي لعمته الفرصه لكي تظن فيها انها طلبت ذلك...

تم عقد القران بهدوء واتجه فؤاد الي ليله وقبلها من جبهتها وقال لها الدنيا بقت بين ايديا

ردت عليه.. انت دنيتي يا فؤاد بس اوعي في يوم تهدها اوعي ساعتها هموت يا فؤاد...

قال لها بعد الشر عنك يا قلبي دانا هلبد جنبك لحد ماتقولي حقي برقبتي... احست بتصاعد الحراره من جسدها فابتعدت وقالت ممكن نتكلم شويه...

انصرف المأذون ثم الجيران وفضلت عمته والحقد يأكل قلبها واقتربت منهم وقالت مبروك يا ولاد... صحيح ليله مالهاش حد بس خلاص احنا بقينا اهلها... وليه بومه وربنا....

استاذن عمته حتي يتكلم مع ليله وقعدت عمته مع جارتها التي احست ان تلك المراه حربايه.. اقترب فؤاد من ليله واخذها في احضانه وقال لها.. قولي كل اللي تعوذيه...

قالت له اسبوع ازي ونتجوز يا فؤاد ماينفعش عندي حاجات عايزه اجيبها...

وهنا قاطعها ومين قالك ان الحاجات ماجتش.. كل حاجه بتتجهز لحبيبه قلبي انت بس تيجي تنوري دنيتي..

احست باحمرار وجهها وقالت لا كده كتير يا فؤاد انا كنت محوشه شويه فلوس لازم اشتري حاجتي..

قال لها طيب هاتيهم وانا اجبلك...

احست بالحرج فؤاد انت مش فاهم حاجه

قال لها بقلك ايه الاسبوع ده عشان الفستان غير كده ماهترحيش في حته وكل حاجه بتتجهز من احسن مكان وكلام في الموضوع خلصنا وقلبي هيجيله حاجات هتموتني انا والله ..

لتخجل منه وتبتعد طب استني ودخلت جابت عشرين الف وحطيتهم في ايده..

ظل ينظر اليها ثم انفجر ضاحكا اذ ان الاشياء التي اشتراها لايمكن ان تتخيل اسعارها ولكنه صمت عندما قطبت حاجبها وقال.... ماشي يا ستي ولو انه مايصحش بس هاخدهم هنا فرحت وتعلقت برقبته من الفرح واستغل الفرصه واخذها في احضانه وظل يلف بها ويهمس قلبي هيقف من الفرحه وحبيبي في حضني كده..

لتخجل منه وتهمس.. فؤاد.. .

ليشدد عليها.. عيونه وقلبه اللي ولع خلاص..

لتحمر خجلا بس بقه عيب..

ليضحك هو كده عيب.. يا بت احنا اتكتب كتابنا يعني حقي ارزعك بوسه اشفي غليلي..

لتشهق وتتململ.. بس بس ايه ده..

ليشدد عليها ويرفع وجهها.. ابس ايه دانا هموت والله قلبي من قربك هينفجر.. انت مش حاسه بيا.

لتنظر اليه ببلاهه.. وتقول.. هاه

ليهتف.. هاه ايه بس يا بت انت هتسورقي في ايدي كده انت مالك قمر ومحمريه كده يا لهوك يا فواد.. ليقترب منها بهدوء ويقبلها بحب شديد تاهت هيا معه لفتره لا تحس الا بقلبه وقلبها.. كانت لحظه جنون احس هو بمدي جمالها وكان ينهل من شفتيها بحب شديد واحس ان قلبه سينفجر من فرط رغبته فيها

. وهنا قاطعت لحظتهم صوت العقربه عمته... فؤاد فؤاد.. انزلها بسرعه وركنها علي صدره وقال لها مانا عارف ماهعرفش اتلم عليكي...ليهتف بغلب نعم يا عمتي جاي..ميفوميفو.هتف بحب.. ليله يا قلبي فوقي هنتفضح كده انا مايهمنيش بس انت هتخنقيني.. قلبي اللي مسورق.. يا بت فوفي هقفل الباب وربنا واللي يحصل يحصل..

لتفوق هيا وتشعر بالخجل وتبتعد واحست بالخرس من فرط خجلها ليضحك ويشدها و خرج من الغرفه

ليجد عمته تقف متزمره وقالت له تعبانه يبني يلا نروح

احس بالضيق ولكنه رضخ لعمته حتي لا يتعبها وودع ليله وانصرف..

وهنا اقتربت جارتها الست حسنيه.. قالتلها يابنتي الراجل محترم بس الوليه دي عقربه حرسي منها..

هتفت ليله.. انا في حالي يا خالتي مانت عارفه لا بهش ولا بنش.. قلت لها ربنا يسعدك يا حبيبتي...

انشغلت ليله في تحضير الفستان ومستلزمات الفرح الي ان اتي اليوم وهمت ليله ان تخرج من بيتها فاعترضها جارهم صاحب الشقه وطلب العقد فاعطته له بحسن نيه وقالت له خلي بالك من الحاجه هبقي اجي المها... خرجت ليله وكانت العربه تنتظرها لتبعثها اللي مركز التجميل... وخرجت ليله وكانت نجمه ساطعه ملكه كان فؤاد مسحورا بجمالها. واحس ان قلبه سيقف اما عمته فكانت تنظر اليها بحقد وتمنت لو تنتزع قلب ليله وتاكله عقابا لها علي تجرأها وامتلاك قلب فؤاد..ميفو ميفو.

ذهبو اللي الحفل وكان زفافا رائعا كان كل منهم لا يري الا الاخر كيف تناغمت قلوبهم وهم يتمايلون بحب وظلو في حلمهم حتي اوشك الفرح علي الانتهاء...

كان فؤاد بعد ان انتهي الفرح يحمل عروسه وهيا تخبئ وجهها من الخجل وخرج بها وورائهم العقربه التي التصقت بهم كانهم جلدها الثاني... كانت قد اوصت احد خدام الفرح ان يضع حبايه لليله في كاس العصير وكانت هي البدايه.. كانت اول حبايه لمنع الحمل... خرجو جميعا وذهب فؤاد الي الفيلا حاملا عروسه الجميله وقلبه سينفجر من الفرحه وهيا ستنصهر من الخجل ثم قبل يد عمته وتمني لها الخير وكذلك فعلت ليله وتركوها تاكل نفسها متمنيه لهم الخراب العاجل.. صعد فؤاد وليله واقترب منها وظل ينظر اليها وقال.. عارفه يا ليلتي انا حاسس ان قلبي هيخرج من مكانه انا بحبك وبعشقك ونفسي انك عمري ماتزعلي مني علي اي حاجه عملتها او هعملها... كان يقصد ظروفه الصحيه..

الا انها ابتسمت.. وقالت.. اوعدني انك تفضل تحبني كده علي طول.انا مش عايزه الا امانك وحبك .. ثم قام كل منهم وبدل ملابسهم وصلو صلاتهم ليقترب هو منها ويهتف.. القمر نور حياتي والله حاسس اني طاير..

لتهتف بحب.. وانا كمان يا قلبي حاسه اني اخيرا بقي ليا سند واحلي سند انا بحبك اوي يا فواد..

ليقترب منها ويشدها اليه.. قمر يا ليلتي حاسس ان القوضه بتنور مو جمالك..

لتخجل وتقول بس بقه بتكسف..

ليضحك عاليا يا نهارك مش فايت بتتكسفي انا لسه بقول قمر منور لسه عايزه انا انور بقه الا اللي جوايا مخليني مكتوم كتمه..

لتهتف انت بتقول ايه مش فاهمه حاجه ..

ليشدها اليه ويقول.. يا لهوي دانتي هتتعبي مش فاهمه ايه بس تعالي وانا افهمك ليشدها اليه ويلتهم شفتيها بحب ليهيما معا بشده ليحملها الي الفراش ويهتف قلبي يا ناس هتموتيني يا بنت الايه بجمال امك واحمرارك ده وانا والع.. اهدي يا فؤاد البت عسليه. راحت من بوسه ليريحها عالفراش بهدوء ليهمس ليلتي انت روحتي فين بس والله لسه بدري انت سورقتي في اول لفل.. يا لهوك يا فؤاد.. لم ترد عليه وبدات في التململ من خجلها.. ليهتف بس بس بطلي فرك انا ناقص ولعه.. استحمل يا قمري بقه او سورقي احسنلك لاني كده كتر خيري اوي.. لينزل عليها ليغيبا معا في وصله من العسق الرائع ليبدأو حياتهم الزوجيه بحب وعشق لا ينتهي.. ونسيبهم بقه وبلاش قله ادب.. عارفاكو انا ومش هديكو الفرصه.....ميفو ميفو

في الصباح كانت نائمه علي صدره وكان هو مستيقظ يتامل بها ويهيم فيها وعندما استيقظت احست بالخجل وبدات في الابتعاد الا انه لم يعطيها الفرصه وقال لها.. دا مكانك جوا حضني وجوا قلبي وهتفضلي كده لحد اخر نفس..

وهنا سمعو طرقات علي الباب لياتي صوت الحيزبون الشمطاء... ايه يا ولاد بقينا العصر مش هتفطرو انا قاعده لوحدي..

هنا رق قلب فؤاد وقال لها.... حاضر يا عمتي جايين اهوه.. وقام كل منهم واغتسل ولبست ليله فستانا وردي زا نقوش زرقاء وبيضاء كانت كالاميره ولبس هو ملابس بيتيه مريحه ونزلو وكانت هناك سفره جلست عمه فؤاد بجواره وجلس هو وجلست هيا عالجهه الاخري وظلو ياكلون وكان هوا يطعمها في فمها كل حين واخر وايضا لم ينسي عمته لانها امه التي ربته...

وفجاه قال تحبي تسافري فين في شهر العسل يا ليله

قالت اي مكان

وهنا انتفضت تلك العجوز.. ايه ده هتسيبوني لوحدي.. طيب يبني وانزلت دمعه من عينيها

فانتفض فؤاد واقترب َمنها وقال لها... لا يا قلبي مش هنسيبك هو اسبوع واحد حتي ومش هنتاخر

قالت طب ايه رايك نروح فيلتنا في الساحل وهقعد مع البت ورده في الركن المنفصل بتاع الضيوف نطبخلكو وكده ومالكوش دعوه بينا احنا بالليل بس نشوفكو....

وضعت ليله يديها علي يديه كي تجعله يوافق فتنهد وقال اللي تامرو بيه.. وفي الصباح ركبو جميعا واتجهو الي وجهتهم وقضي فؤاد وليله اسبوعا في الجنه ولم تزعجهم تلك الشمطاء الا انها حرست علي ان تاخذ ليله تلك الحبوب كل ليله منتظره بفارغ الصبر ان تتم خطتها الشيطانيه علي خير.. وليه سو عقربه وربنا..ميفو ميفو.

#ليله_النعمان

قلم ميفو السلطان