 |
رواية رحلة هادئة جدا الفصل السادس 6 بقلم عادل عبد اللهالحلقة السادسة ( الاخيرة ) دخلنا الشقة .البنت قالت شقتكم حلوة لكن حاسة ان فيها حاجة غريبة . قولتلها ايه هي ؟ قالتلي مش عارفه لكن فيها حاجة مش طبيعية . ضحكت في نفسي وقولت في سري هو انتي لسه شوفتي حاجة . طارق اخد البنت ودخل اوضه ولما راح يقفل الباب قولتله لا بلاش تقفل الباب . طارق قالي مش هينفع يابني .قولتله لا لو قفلت الباب انا هنزل انام في الشارع . قالي يابني انت خايف !!طيب خلاص هسيب الباب مفتوح . البنت ضحكت وقالت : هو صاحبك بيخاف يقعد لوحده ولا عاوز يتفرج ؟ قعدت اتفرج علي التليفزيون وقلت في نفسي يعني هي ناقصة !! مش كفاية اللي احنا فيه !! ده طارق ده عيل معندوش دم .ده تلاقيه هو االي جايب الفقر والعفاريت للشقة دي من عمايله السودا . وبعدين لاحظت بطرف عيني كأن حد بيبص براسه من ورا باب الاوضة الفاضية اللي جنبي .لفيت راسي اشوف مين مش لقيت حد .جسمي قشعر وقلت لنفسي بلاش تهيؤات بقه بلاش تضحك بنت زي دي عليك . ركزت عنيا علي التليفزيون لاحظت تاني بطرف عيني ان في حد بيبص عليا اوي بلف راسي اشوف مين لمحت اخر طرف منه بيختفي . جسمي قشعر اوي وناديت علي طارق . (للكاتب /عادل عبد الله ) طارق رد عليا وقالي : يخربيت اهلك فيه ايه يابني ؟ قولتله تعالي هقولك حاجة . طارق جه وقالي منك لله يااخي مش عارف اعمل حاجه .مالك يلا في ايه ؟ قولتله في عفريت في الاوضة دي وكان بيبص عليا . قالي وانت جبت ايه جديد ما احنا عارفين ان الشقة فيها عفاريت . قولتله طيب انا مش هعرف اقعد كده .انا هنزل اقعد علي اي كافية للصبح . قالي ولا تنزل ولا حاجه انا هقعد معاك انا كده او كده اعصابي تعبانه ومش عارف اعمل حاجة . البنت قعدت تتريق علي طارق . فطارق قالي عجبك كده يا عم !! يعني اروح اضربها دلوقتي ولا اعمل ايه ؟!! قولت لطارق يا عم احنا محتاجنها في الاهم علشان لما ييجي الشيخ عواد بكره . طارق قال للبنت نامي للصبح وبكره يحلها ربنا . طارق قفل الباب بالمفتاح علشان لما ننام البنت مش تسرقنا وتمشي .وقعدت انا وطارق لبعد الفجر لحد ما نمنا . تاني يوم صحينا كلنا وفطرنا وقعدنا نتكلم لحد ما الشيخ عواد جه . البنت لما شافته قلقت لكن طارق طمنها وقالها انه هيديها فلوس زيادة في مقابل انها تحضر معانا والشيخ عواد موجود . الشيخ عواد جاب الطلبات اللي العفاريت كانوا طالبنها وبدأ يطلق البخور واضاء شموع ويقرا التعاويذ علي البنت وهي قاعدة قدامه .و كان بيبص للبنت بصات غريبة . بدأنا نسمع اصوات خبط علي الحوائط والازاز اللي في الشقة .وبعدين الشيخ عواد قال ان الجن مش عاوز يحضر في حضوري انا وطارق .وانه هيدخل مع البنت لاي اوضة علشان الجن يحضر ويقدر يرجع اصحابنا ويصرفه بعيد عننا . الشيخ عواد اخد البنت ودخل اوضة وقفل الباب . قولت لطارق الراجل ده مش باين عليه شيخ ولا حاجة وبيشتغلنا . طارق : انا كمان حاسس كده ؛طب وبعدين. : مش هنديله فلوس لحد ما يرجع حسين ويوسف .دي اهم حاجة دلوقتي . بعد شوية الشيخ عواد خرج من الاوضة وقالنا انتوا عاوزين تضحكوا عليهم .دي مش بنت بنوت . رديت انا عليه وقولتله والعفاريت هتفرق معاهم ايه ؟!!! قالي : انت متسألش .انتوا تنفذوا وبس . طارق قاله وانت عرفت منين انها مش بنت بنوت ؟ : مش انا اللي عرفت .هما اللي عرفوا . البنت خرجت من الاوضة وقالت لطارق يعني انت بقه كنت جايبني للراجل ده من الاول ؟؟!!!!!! انا وطارق فهمنا ان الراجل عمل معاها حاجة واتأكدنا انه بيشتغلنا . روحت جاري مسكت عصايا وجريت عليه علشان اضربه وفجأة ......اختفي . وقفت انا وطارق والبنت مذهولين وبعدين البت قالت يانهار اسود .الشقة دي مسكونة .انا اول ما دخلت هنا قولت في حاجة هنا مش طبيعية .واخدت شنطتها وجريت حتي من غير ما تاخد الفلوس . قولت لطارق احنا لازم نمشي حالا .طارق قالي واهل حسين ويوسف هنقولهم ايه ؟ هيفتكروا انهم غرقوا واننا بنداري عليهم .وحتي لو صدقونا هيحملونا مسئولية انهم ضاعوا . قولت لطارق يعني هنعمل ايه ؟ انا عن نفسي مش قاعد في الشقة دي تاني . طارق : هنروح لصاحب بابا ونحكيله اللي حصل يشوفلنا حل . طارق طلع موبايله واتصل بصاحب باباه وقاله علي اللي حصل .والراجل قاله ان تاني يوم الصبح هيجيب معاه راجل كويس جدا وهو بنفسه جربه شخصيا في المسائل دي . كان علينا اننا نصبر في الشقة لحد تاني يوم ولكننا قررنا ننزل نقعد علي اي كافية لتاني يوم . فعلا نزلنا اتمشينا كتير جدا علي البحر علي الكافية وقعدنا لحد بعد نص الليل ولكننا تعبنا وكان لازم نطلع الشقة علشان نرتاح . طارق حاول يقنعني علشان نطلع لحد ما وافقت . بعد ما طلعنا خوفت ندخل ننام في الاوض وفضلت اننا ننام في الريسبشن في النور . ( للكاتب /عادل عبد الله ) معرفتش انام كل ما افتح عيني ألمح بطرف عيني حد بيبص عليا ويختفي .ولسه بصحي طارق علشان يقعد معايا النور قطع ........ صرخت وناديت علي طارق في الاول طارق قالي متخافش يابني وبعدين فجأة طارق صرخ ......الحقوني .....الحقوووووني .اترعبت جدا وبقيت بنادي علي طارق زي المجنون وهو مش بيرد عليا وبعدين بدأت اسمع اصوات قطط كتير . بدأت احس برعشة في جسمي وحاسس كأن في هوا بارد بيدخل جوه جلدي وحسيت بناس بتتحرك حواليا حاسس بيهم لكني مش شايفهم ولكن وفجأة .......النور رجع . فضلت ادور علي طارق في كل حته في الشقة وانا خايف وورا كنبة الانترية ومفيش فايدة مش لاقيه وبعدين ببص علي ايدي لقيت ايديا غرقانين دم ...... صرخت بأعلي صوت من الرعب وبقيت بدور علي طارق علشان يلحقني .قولت اجري علي الباب وانفد بجلدي قبل ما يخطفوني انا كمان .جريت علي الباب وقبل ما اوصله النور قطع تاني ..... المره دي اول ما النور قطع حسيت بحركات كتير وسريعة حواليا وحد مسك رجلي وبيسحبني . ( الكاتب /عادل عبد الله ) حاولت امسك نفسي علشان مش انسحب معاه .لكنه مسك رجليا الاتنين وحاول يوقعني لحد ما وقعت علي ضهري .ببص لقيت حد طويل جدا خارج من اتجاه الحمام وماشي في اتجاهي .لفيت وشي علشان مشفوش .لكن من خوفي رجعت بصيت له تاني .لقيت وشه ضخم جدا عينيه خارج منهم ضوء احمر بيلمع اوي وجلد وشه بلون الدم الفاتح .وبيقرب عليا بخطوات بطيئة وبيقولي انت المقصود . حاولت اتحرك علشان اهرب لكن كان في حاجه مكتفه ايديا ورجليا .حاولت اصرخ مش عارف .مفيش صوت خارج مني . .قرب مني اوي والضوء الاحمر اللي في عنيه بقه في عنيا .مش قادر افتح عيني لكني خايف ادير وشي .فضل يقرب مني لحد ما مد ايديه علشان يمسكني .اصابع ايديه كانت طويله جدا وفجاة ........ صحيت من النوم علي رنة الموبايل ..... : ايوه مين ؟ : مين ايه انت لسه نايم يبني ؟منك لله يا زيزو . : في ايه يا عم علي الصبح ؟ مالك ؟في ايه ؟ : هنتاخر كده يا زيزو .اصحي يلا وفوق كده وتعالي علشان نسافر .احنا كلنا جاهزين ومستنينك . ضحكت وقولت له : لا يا ياعم مش رايح .دا انا شوفت الرحلة كلها في الحلم الليلة دي . روحوا انتوا ربنا معاكو . التهاية . لمتابعة روايات سكيرهوم زوروا قناتنا على التليجرام من هنا |
تعليقات
