روايه حب خفي الفصل السابع بقلم سحر حسين
كنا الاول فاكرين ان هم واقفين عشان حتى استغربنا جدا انا وزين بصينا لبعض وقلت له .......
ريم : معقوله واقف مستنيه هنا مش للدرجه دي يعني.
زين : لا مش عارف تعالي نشوف هم فين كده ليه اكيد مش معقوله .
ريم : تعالى لما نشوف هم واقفين كده .
***************
نزلنا من العربيه ودخلنا الشركه وزين بيسال من مدير الشركه هو في ايه بالظبط معقوله واقفين مستنينا احنا ما تاخرناش قوي كده يعني رد عليه المدير وقال له لا احنا مش واقفين عشانكم انتم احنا واقفين عشان خاطر نستقبل رئيس مجلس اداره الشركه الجديد وهي خلاص على وصول انا وزين بصينا لبعض واحنا مستغربين جدا رد .
زين : وقال لي ايه ده هي بنت .
مدير الشركه : قال له اه بنت اهي جت اهي .
بصيت لقيت بنت زي الام داخله الشركه صغيره في السن في نفس الوقت بصيت على زين لقيته باصص عليها باستغراب وعينيه فيها لمعه غريبه وكان واقف متنح ومستغرب جدا واول ما قربت ليه لقيته ابتسم ابتسامه اول مره في حياتي اشوفك بيبتسم كده وبيقول لها ......
**********
زين : قمر انت ايه اللي جابك هنا بتعملي ايه هنا
قمر : انا اللي بعمل ايه هنا برده مفروض ان ده سؤالي انت بتعمل ايه هنا
زين : انا عندي اجتماع مهم جدا مع الشركات انت رجعت من اوروبا امتى وبتعملي ايه في الشركه هنا
قمر : اعرفك بنفسي انا رئيس مجلس اداره الشركه الجديد اللي هم واقفين يستقبلوا واللي ان شاء الله شغلك هيبقى معايا الفتره اللي جايه دي
زين : معقوله ما شاء الله بقيتي رئيسه كمان بس ما اظنش ان احنا هنشتغل مع بعض يمكن شغلنا في شركه ما يكملش يلا يا استاذ ريم ما لناش شغل هنا
ريم : ايوه بس .....
زين : بعصبيه من غير بس اللي اقوله هو اللي يتعمل اتفضل يا استاذه ريم
قمر : يا يا معقوله مستعده تخسر صفقه زي دي عشان ما تشتغلش معايا براحتك بس صدقني لازم نشتغل مع بعض انا مش هسيبه لما نشتغل مع بعض وصدقني ما حدش هيديك زي العروض بتاعت.
زين : عروض وعلى اساس بقى ان انا مستني العروض بتاعتكم نورت الشركه يا استاذه قمر بس انا مستغني عن شركتكم وعلى عروضكم بعد اذنك .
******************
خلي بعضنا وطلعنا من الشركه كان متعصب جدا منين كان مبتسم من شويه ومين في لحظه بقى متعصب ما بقتش فاهمه حاجه ومين دي خفته لا تطلع حاجه زي لولي بس زعل وده خلي عندي فضول كبير اعرف هي مين راكبنا العربيه وهو كان بيسوق بطريقه غريبه خفت جدا وقعدت اقول له لو سمحت بالراحه بعد اذنك بالراحه فين وفين عقبال ما خد باله ان انا خايفه بدا يهدي سواقته وركن على جنب وقال لي......
**********
زين : انا اسف يا ريم ما خدتش بالي انك خايفه ما خدتش بالي ان انا بسوق بالطريقه دي انا اسف سامحيني.
ريم : في ممكن تهدى شويه تمام عادي بس في ايه اللي مزعلك قوي كده انا لما لقيتك بتبص عليها كده قلت يبقى بس الشغل كويس وانك هترتاح مع الناس دي بس اتفاجئت من طريقتك بعدين انا مش فاهمه حاجه انا ممكن افهم.
زين : بصي اهم حاجه تفهميها ان انا مش عايزه اشتغل مع شركه تاني هخسر حياتي العمليه كلها مستحيل اشارك اللي اسمها قمر دي حتى لو هخسر شركتي .
ريم : يا للدرجه دي ممكن افهم طيب هي دي مين وعملت لك ايه علشان تقول كده وانا معاك انا ما عنديش مشكله في الاول وفي الاخر ده شغلك انت .
زين : مش مهم حتى مش مهم هي مين المهم بقى عايزين نشوف دلوقتي شركه تانيه نتعاون معاها عشان الصفحه الجديده وسيبك بقى من الجو اللي احنا فيه ده تمام وعايزين نشوف شغلنا كويس علشان على الاقل ما نبانش ان احنا قليلين قدامها.
ريم : تمام حاضر تحت امرك .
*************
بدا يتحرك بالعربيه من غير اي كلمه ما حدش فينا اتكلم فضلت بس قدامي وساكته لحد ما وصلنا الشركه مش عارفه ليه انا كنت متضايقه من الموضوع ده والفضول بجد كان صعب كنت عايزه اعرف جدا هي مين دي تبقى لك ايه يعني عشان تتعصب قوي كده مش عارفه ليه ما ارتحتش بس برده مش عارفه ليه انا قلقانه ومتضايقه كانه يخصني قوي كاني في حاجه جوايا وجعاني مش عارفه فضلت بص عليه بتهرب بالنظر منه وكل شويه حاجه وهي بتقول اساليه بس مش عارفه حتى اساله اقول له ايه كان عايز يقول لك كان ايه خايفه اسال احرج نفسي مش عارفه اول ما وصلنا الشركه فتحت باب العربيه ونزلت دخلت الشركه والجريت على المكتب عندي دخلت وقفلت الباب وزي ما كنت مستنيه ان يجي ويقول او يحكي لي اي حاجه على اللي حصل بس ما عملش ده فضلت قاعده في المكتب اكثر من 10 دقائق ربع ساعه وهو حتى ما دخلش معقوله ما لاحظت ان انا متضايقه بعد كده طلعت من المكتب ورحت عنده المكتب بتاعه فتحت الباب ما لقيتوش سالت عليه في شركه قالوا لي ده ما دخلش اصلا ده ماشي على طول من بره بره كنت مستغربه قوي مش عارفه ما كنتش عارفه استنى ولا روح ولا اعمل ايه بالضبط مسكت التليفون ورنيت عليه التليفون رن لحد الاخر وهو ما ردش اخذت من عندي هو لميت حاجتي وقفلت المكتب ومشيت بعت له رساله وقلت له ان انا روحت بعد ما بعت الرساله بعشر دقائق لقيته بيكلمني على التليفون اول ما فتحت لقيته صوته هادي جدا كاني ما فيش حاجه حصلت اصلا وقال لي........
**************
ريم : استاذ زين .
زين : ريم فاكره المكان اللي على البحر اللي كان قاعدين عنده لو تعرفي تيجي تعالي انا مستنيك
ريم : حاضر جايه عايز حاجه اجيبها لك معايا وانا جايه .
زين : لا مش عايزه اي حاجه تعالي بس نقعد شويه وبعدين انا هروحك ما تخافيش .
ريم : تمام حاضر .
***********
اول ما رحت الشاطئ لقيته قاعد مهموم ومتضايق ومخنوق رحت قعدت جنبي وما اتكلمتش ولا كلمه كنت مستنيه ان هو يتكلم فضلنا على ينساكتين احنا الاتنين لمده ربع ساعه في الاخر زهقت سالته .....
ريم : مالك يا استاذ زين شكلك في حاجه تعبك قوي شكلك مش طبيعي .
زين : فعلا انا تعبانه ومخنوق ما ليش نفس للشغل ومش عايز اشتغل عايزه اقعد قدام البحر وما اتكلمش عايزه افضل ساكت وبس .
ريم : تمام يعني قصدك اسكت حاضر .
زين : ريم انا مش قصدي وبعدين انا مش ناقصك وبعدين انا لو مش عايزك اصلا كنت اتصلت بيك قلت لك تعالي كل الحكايه بس سيبيني اقعد شويه وهقول لك على كل حاجه .
ريم : تمام تمام براحتك اديني قاعده اهو .
زين : استمتعي انت بس بالجو الجميل ده وبعدين انا اقولك على كل حاجه .
ريم : تمام ماشي هستمتع .
بعد فتره من الوقت زهقت من كتر الاستمتاع
ريم : ايوه وبعدين يعني احنا هنفضل قاعدين كده انا زهقت اتكلم يا استاذ زين وقول لي في ايه ما بعرفش اقعد في هدوء كثير .
زين : شكلك مش بتحب الهدوء ماشي يا ستي بصي انا عارف ومتاكده ان الصفقه دي هنكسر فيها كتير قوي لو سبناها بس في نفس الوقت مش هعرف اشتغل معاها طول ما قمر دي موجوده وللاسف طلعت هي رئيسه مجلس الاداره الجديد اعمل ايه مش عارفه افكر اتصرف ازاي اصلا
ريم : طيب ممكن اسال ليه مش عايزه تتعامل مع قمر اصلا هي عملت ايه اصلا يعتبر اول يوم نشوفها اول يوم انا اشوفها ممكن افهم ايه اللي بينك وبينها اصلا مخليك مش عايز تشتغل معاها
زين : بصي كل اللي انا اقدر اقوله لك ان قمر دي حب حياتي قصدي يعني كانت حب حياتي وهي فجاه سابتني اختفيت من حياتي قلبت عليها الدنيا دورت شمال يمين دورت في كل حته ما لقيتهاش للاسف انا ساعتها كنت بسيط ما كانش عندي شركه ما كانش عندي كل اللي عندي ده بس هي ما استحملتش معايا يعني هي مشيت بس مشيت بطريقه وحشه قوي اختفت و مره واحده ظهرت لا ودلوقتي المفروض ان انا اشتغل معاه مش عارف اتعامل مش عارف حتى ابص في وشها اعمل ايه مش قادر انساها اللي عملته .
ريم : حبيبتك...... طيب انت لسه بتحبها .
زين : بقول لك سابتني واختفت بصي انا مش عارف انا كنت نسيتها ومسحتها من حياتي ومسحتها من قلبي بس مش عارف ليه لما شفتها حسيت ان كل الدفاتر القديمه بتتفتح تاني حسيت اني لسه بفكر فيها بس مش عارف بقى لسه بفكر فيها حب ولا كره.
ريم : بص يا استاذ زين كل اللي انا اقدر اقوله لحضرتك انك اتعامل معاها وافق على الصفقه دي واشتغل معاها حتى عشان تقدر تحدد احساسك ليها ايه هل ده حب ولا كره ولو حب فانت هتسامحها عشان اللي بيحب بيسامح ولو كره هتعامل معاها على اساس الشغل وبس يعني كانها موظفه زيها زي اي موظف اتعاملت معاه قبل كده ما تديهاش اكتر من حجمها الشغل معاه هو اللي هيحدد لك احساسك بالظبط من ناحيتها ايه .
زين : مش عارف حتى مش مصدق ان انا ممكن اتعامل معاها تاني طيب احنا ممكن لو رجعنا الشغل تاني انت اللي تمسكي الشغل ده معاها يعني انت كنت انت اللي مسؤوله يعني انا مش هجتمع معاها من غيرك عشان فعلا مش مش عارف انا ممكن اعمل ايه اتصرف ازاي وانا معاها
ريم : استاذ زين انت عشان تحدد مشاعرك من ناحيتها وعشان تحدد انت فعلا بتحبها ولا بتكرهها بجد مش لازم حد يتدخل ما بينكم لازم انت اللي تتعامل معاها عشان تعرف مشاعرك بجد وعشان تقدر تكرر سواء كنت هتكمل معاها ولا لا.
زين : ريمي افهمي حتى لو رجعنا نشتغل تاني مع بعض احنا هنرجع الشغل مش هنرجع حبايب انا مستحيل افكر فيها تاني ان هي تكون حبيبتي او جزء من حياتي مستحيل ممكن افكر اه ان احنا نشتغل مع بعض عشان خاطر مصلحه الشركه يعني هستخدمها لمصلحتي زي ما استخدمتني لمصلحتها قبل كده مش اكثر ولا اقل انما تكون حبيبتي او ليها مكانه تاني في قلبي ده مستحيل انا انا قلبي مش ملك ليها دلوقتي قلبي ملكي انا وبس ومستحيل اخلي حد ثاني يتملكني قلبي .
ريم : تمام خلاص عشان مصلحه الشركه نرجع ونشتغل معاهم تاني وانا اللي هكون مسؤوله معاك عن شغلك معاها.
*********★****
فضلت بالصاله وانا مش لاقيه اي كلمه اقولها انا مش عارفه احساسي مش عارفه اوصف حتى احساسي كنت مصدومه في نفس الوقت مبسوطه اه انا زعلت ان هي كانت حبيبتي ورجعت للاسف بس مبسوطه ان هو قال ان هي ما بقاش ليها مكان في قلبي بس في نفس الوقت متضايقه انه مستحيل يسمح لحد تاني يدخل مكانها مش عارفه افرح ولا ازعل مش عارفه اصلا اكمل الشغل ده ولا لا فرحت ان هو ما كانش عايز يكمل معاها مش عايز يديها فرصه ثانيه بس في نفس الوقت مش عارفه ليه انا زعلانه هل عشان رجعت او هلا عشان هي احسن مني كشغل كمنصب كشكل مش عارفه فضلت بصله وببص للبحر واسكت مش عندي كلام اقوله انا اصلا مش عارفه ازاي ممكن ازعل في حاجه زي كده انا مالي ترجع ولا ما ترجعش ولا يحبها ولا ما يحبهاش ولا يشتغل ولا ما يشتغلش انا شايله همه ليه اصلا انا ليه بفكر فيه كده انا خايفه بجد خايفه يكون احساسي اللي اسمه.........
لا ما اظنش لا لا لا هو يمكن بس عشان الشغل ده يقربنا شويه من بعض مش اكثر فوقي يا ريم انت مجرد سكرتيره يعني موظفه في الشركه وهو صاحب الشركه ومديرها يعني ما ينفعش تفكري فيه اصلا ما ينفعش تفكري في اي حاجه غير ان هو يكون مديرك وبس انما من يكون اي حاجه تاني غير كده لا او حتى صديقك او صاحبك برده لا ما ينفعش فوق يا ريم فوقي قبل ما تتعبي وتتكسري طول عمرك محافظه على قلبك اوعي تسمحي لحد يكسره لك بفوق نفسي بالكلام ده وانا حتى مش مصدقاه مش عارفه ليه جوايا حاجه بتقول لي انت اللي جواك من ناحيته اكبر من كده بكتير وفي نفس الوقت في حاجه بتقول لي اوعي تبصي لفوق وبصي على قدك علشان ما تقعيش وتتكسر رقبتك .
*******************
ريم : طيب يا استاذ زين معلش انا لازم امشي عشان انا كده تاخرت جدا .
زين : يعني ايه مش هينفع تقعدي معي شويه اقعدي معايا شويه وانا هوصلك والله ما تقلقيش بس انا مش عايزه امشي دلوقتي .
ريم : ما هو للاسف انا مش عارف اتاخر عن كده عشان والدتي فلازم اروح دلوقتي لو كده خليك انت هنا وانا هروح لوحدي عادي .
زين : طيب يلا انا هوصلك وبعدين هبقى اروح انا كمان انا كمان تعبان عايز انام .
ريم : ما فيش على نفسك انا هروح على طول ما تتعبش نفسك .
زين : ريم انا مش قادره اتكلم ممكن تسمعي كلامي وتمشي وانت ساكته انا قلت اوصلك وبعدين ابقى اروح .
ريم : تمام انا بس ما كنتش عايزه اتعبك معايا مش اكثر على العموم تمام يلا بينا
*****************
اخذنا بعضنا ومشينا ركبنا العربيه واحنا في الطريق ساكتين طول الطريق ساكتين لحد ما وصلنا البيت واول ما وصلنا فتحت باب العربيه ونزلت
قلت له سلام ودخلت البيت وطلعت على اوضتي ونمت واللي حصل ثاني يوم معايا اكد لي ان هو مش شايفني اي حاجه غير ان
انا موظفه وبس وده اللي خلاني عيب في نفسي شكلي كده كنت بحلم وصدقت حلم جميل
بس انا اللي حصل معايا ضايقني جدا.........
بدل ماتدور وتبحث علي الروايات خليها علي تليفونك وحمل تطبيقنا
