رواية جرحتني قسوته الفصل الثامن بقلم بسمله بدوى
دخلت حماتي وزقت صباح بعصبيه ابعدي كدا انتي تعاليلي يا**** بقا ابني انا كبير الحاره يابنت ال***** تخليه يشتغل عنك انتي وبناتك خدام ليكوا هو يابنت ال**** دا انتي نهار ابوكي مش فايت وفجأه مسكتني من شعري وضربتني بالقلم ماحستش بنفسي غير وانا بردلها نفس القلم
الي خوفني أنها بصتلي بكل الشر الي في الدنيا وسابنتي ومشيت
صباح بصدمه ....انتي هتمشي كدا خلاص
شدتها أزهار بغل ومشيوا
كنت قاعده مرعوبه قلبي بيوجعني من الخوف مش حاسه بأمان خالص ....انا ايه الي عملته في نفسي دا ياربي استغفر الله العظيم و اتوب اليه
..
صباح كانت قاعده على الكرسي بتهز رجليها بعصبيه وغل.....بنت الـ***** متفرعنه علينا اوي وربنا لوريها من هي صباح وياأنا ياهي
-صبااااااااااااااااح
هبت فيه بعصبيه ...اي اي ياخويا اي خرمتلي ودني ياعايز اي
أحمد بضجر...بقالي ساعه بنادي عليكي وانتي ولا هنا
صباح بعصبيه....أحمد حل عني السعادي وانزل من على ودني
أحمد بحب ...طب عرفيني مالك بس
بصتله ببرود....ماليش
بقا كدا طب قومي من وشي حضريلي الشيشه وانهى كلامه وهو بيرمي علبه السجاير في وشها
غمضت عينها واخدت نفس وثواني واتحولت وكلمته بدلال ... حقك عليا ياسيد الرجاله كلها انت عارف اني مش قصدي اعليك صوتي عليك بس مش هتصدق الي حصل النهارده
الي ماتتسمى مرات اخوك ضربت امك بالقلم وامك شدتني ونزلنا وسبناها عادي تصدق الي حصل بذمتك امك وسكوتها دا راعبني
بصله بشر وهو بيقول بعصبيه....بنت الـ **** وربنا لعرفها تمد أيدها ازاي على امي
صباح بغل.... ياكشي تولعوا في بعض كلكوا قادر ياكريم
استنى استنى رايح فين اقعد بس اقعد الكلام دا اخوك مش هيسكت عليه احنا مفروض نتكتك للموضوع دا البت دي مش سهله
- والمفروض نعمل اي بقا
- بصتله بخبث .....هقولك
..
كان طالع على شقته على طول مالوش خلق لـ كلام أمه على مراته أو بمعنى اصحى مش قادر يسمع عنها حاجه وحشه ولو جه رد هيطلع وحش وهتكرها اكتر
بس صوت بُكاها خضه
كانت قاعده بتبكي بزيف ... والله يابني زي ما بقولك كدا يادوب بقولها يابني مشيتي جوزك الصبح بدري ليه دا انتو لسا عرسان لقتيها بتزعق فيا وتشخط مستحملتش ومش هكذب عليك البت دي مش سهله من اول يوم وانا عارفه انها متنفعش لخوك لقيتها بتقولي ملكيش دعوه بيا ومتطلعيش هنا تاني قومت زقاها وربنا يعلم اني حاولت اخفف أيدي بس كان لازم تخوفها لقيتها بتضربني بالالم انا انا يا احمد أضرب بالألم اه ينار قلبي بقا ابوك عمره ما مد أيده عليا ولا حدر يجرأ يعملها ومرات ابني الي مفروض تعتبرني امها تضربني بعد العمر دا كله يا احمد انضرب ااااه يا احمد اه مش قادره ربنا ياخدني بقا وحشتني ياحج تعالى شوف ابنك جايبنلنا المصيبه دي من انهي داهيه هو انا ناقصه
صباح بخبث وهي شايفه خيال نوح....بعيد الشر عنك ياخالتي متقوليش كدا ربنا يطول بعمرك يارب
احمد بعصبيه..... وربنا أما نوح يجي لقوله واخليه يشوف صرفه معاها دي من اول يوم وبتعمل كدا
قاطعته بمكر.....ايه لالااا اوعا اوعا يا احمد عشان خاطري بلاش مشاكل هي في حالها وانا في حالي وحقي عند ربنا مايضعش
مجرد بعض كلماتها أشعلوا النار في جسمه بغل .... بقا بتمدي ايديك على امي وربنا لكسرهالك
يتيع
لو جاب تفاعل حلو هنزل تاني
بدل ماتدور وتبحث علي الروايات خليها علي تليفونك وحمل تطبيقنا
