رواية همسة وجع الفصل التاسع 9 بقلم اسماء العذب

 

رواية همسة وجع الفصل التاسع بقلم اسماء العذب

9

#همسه_وجع

#رمضان_مبارك

صلوا علي الحبيب المصطفى 

___________________________________________________ 

مامه عمر كان قاعد مع مازن في عربيه الإسعاف بعد ما طلبوها لما حاولوا انهم يفوقوه وما عرفوش وعمر نفسه في العربيه بتاعته وراهم هو

 وبباه وطالعين علي اقرب مستشفى ليهم واللي اخدت حوالي تلت ساعه ووصلوا ومازن دخل في الطوارئ 

لانه كان عنده صعوبه

 في التنفس وتقريبا اهله كلهم هيموتوا من الرعب عليه وهم مستنيين كلمه من الدكتور 

علشان يطمنهم عليه وكانوا واقفين قدام اوضته لحد ما مامته رفعت رأسها لعمر وسألته 

=ايه اللي عمل في اخوك كده يا عمر 

عمر بصلها وهو بيحاول انه ما يكشفش سر اخوه لحد ما يعرف الحقيقه كامله منه فقال 

_والله ياماما مش عارف ايه اللي عامل في جسمه كده انا اتفاجأت زيي زيكم 

=اومال كنتوا بتزعقوا ليه وصوتكم هو اللي صحانا انا وابوك

 

عمر عيونه في اللحظه.دي بقت تروح يمين وشمال في كل الاتجاهات المهم انها ما تواجهش عيون امه وقال بكدب 

_انا كنت بزعق معاه علشان كان راجع وش الفجر ولما سألته بقي يتهرب مني لحد ما زعقنا مع بعض ووقع من طوله زي ما انتم شفتوا

 

اتكلم ابوه المره دي وقال 

*يا ابني ده كان قاعد عند واحد صاحبه عنده ظروف فقال انه هيبات معاه مش عارف انا ايه اللي رجعه في الوقت ده مع أنه واخد اذني؟ ؟

_يمكن اتخانقوا يا بابا مش عارف 

..

عدي حوالي ساعه إلا ربع والكل قاعد بره علي اعصابه لحد ما خرج الدكتور والكل اتجمع حواليه 

*خير يا دكتور ابني عنده ايه؟ ؟

سأل ابو مازن والدكتور جاوبه بعمليه 

الدكتور:كدمات علي أنحاء الجسم وارتفاع في ضغط الد/م ذائد انه عمل مجهود كبير جدا فوق طاقته وهو ده اللي ادي انه يفقد الوعي 

_ايوه يعني يا دكتور هو يعني دلوقتي حالته ايه ؟؟

الدكتور: بقي كويس الحمد لله وهيتنقل لاوضه عاديه كمان شويه 

=طيب نقدر ندخله نطمن عليه 

الدكتور :لما يتنقل اوضه عاديه نبقي نشوف حالته تسمح ولا لا ..الف سلامه عليه 

الدكتور قال كده ومشي والمى رفه ايده يدعي ويحمد ربنا لكن في نفس الوقت عاوزين 

يعرفوا ايه اللي عمل في مازن كده ووصله لحاله دي لكن حاليا كل اللي قدامهم انهم

 يستنوا لحد ما مازن يفوق ويوضحلهم بنفسه ايه اللي حصل معاه 

___________________________________________________

هشام كان وصل المستشفى بعد ما قعد ساكت بقيه الطريق بعد ما وليد قاله أن مشعل يبقي

 ابوهم وعقله كان بيودي يمين وشمال وكل دقيقه يعمل سيناريو جديد وحكايه جديده لحد ما عقله كان هينفجر من كتر التفكير وجاله صداع  

اول ما وصل نزل من العربيه من غير ما يلتفت للأولاد وحسابهم وهم نزلو لوحدهم وجريو وراه علشان يلحقوه 

بعدها دخل مكتبه وقفل الباب قبل ما هم يدخلوا وهو تقريبا نسي انهم معاه وكل اللي

 في عقله

 انه ازاي ..ازاي همسه عملت كده معقول همسه اجهضت الجنين من خمس سنين..همسه؟ ؟؟ همسه اللي ما بتقدرش تقتل نمله بمعني الكلمة قتلت نفس بريئة والنفس دي كانت من صلبه هو وجزء منها قتلتها 

لا وكمان سافرت واتجوزت غيره وخلفت منه وعايشه حياتها بصوره طبيعيه ..معقول؟ ؟؟

فجأة هشام شاف واحد قاعد عند الباب والغريب انه كان شبهه جدا وكأنه ..هو ؟؟ 

_انت مين 

سأل هشام والتاني ضحك وقاله 

=انا انت يا هشام...انا ضميرك اللي موته بالحيا ردت في الروح من كلامك وعتابك وانانيتك وقله اصلك وندالتك 

...انا لو قعدت لبكره اوصف قد ايه انت واحد زباااله ووس/خ مش هيكفي انت ايه يا اخي مسخخخخ ؟؟ شيطاااان؟؟  

_انا عملت ايه يعني لكل ده يعني؟ ؟

=عملت ايه ؟؟؟ قول ما عملتش ايه ..انت بجد مصدق نفسك وعايش في دور الضحيه حتي بيني وبينك فوق بقي فوق ....

زعلان أن همسه اجهضت ونسيت انك انت اللي طلبت منها كده

 بعد ما سبتها تغرق وانت كان في ايدك تنقذها ؟؟؟

زعلان انها قدرت وعملت كده في ابنك اللي من صلبك؟؟؟

والله ؟؟ مش هو ده ابنك اللي قلتلها انا ايه اللي يثبتلي أن اللي في بطنك ده ابني انا وروحي شوفي ابوه ؟؟؟

زعلان انها قدرت تتخطي غدرك وخيانتك ليها وانها اتجوزت وكملت حياتها زي بقيه الخلق وانت رحت واتجوزت وسبتها وما سألتش عنها وهي هربانه علشان تداري الفضيحة اللي انت السبب فيها ؟؟؟

زعلان بجد؟ 

..انت اييييه إبليس؟ ما عندكش نخوه ولا مرجله ..مش هي دي همسه اللي كنت هتموت عليها ودعيت انها تكون ليك ؟؟

..ويوم ما تكون ليك تاخد غرضك منها وتخلع زي الحراميه؟ ؟

فجأة كده احساس الابوه اللي جواك صحي واتمنيت أن العيال يطلعوا عيالك ..ولا عشان حاسس ان ربنا ممكن يحرمك من نعمه الخلفه لان عيالك بيتاخدوا منك من قبل ما تفرح بيهم ؟؟؟

لا وزعلان اوي وعايش في دور المجني عليه ..ده انت ناقص تقول

 العدل يا سيادة القاضي..العدل يا سيادة القاضي 

هشام ما قدرش يستحمل تأنيب ضميره وصر خ فيه 

_انت مش عارف انا فيا ايه 

=فييييك ايه ؟؟فييك انك انسان ناقص نرجسي وبتاع مصلحتك هو ده اللي فيك 

هشام حط ايديه علي ودانه وهو بيصرخ فيه 

_بس بقي بس أنت ايه جاي دلوقتي تحاسبني وتصحي تديني مواعظ وعبر؟ ؟كنت فين انت وانا بعمل كل ده كنت فين ؟؟سيبتني اعمل كل ده وجاي دلوقتي تحاسبني وتقولي اني فيا وفيا وفيا انت السبب ايوه انت 

التاني قعد علي الكرسي بهدوء وهو بيقول 

=تؤ تؤ تؤ هتفضل زي ما انت علق اغلاطك علي شماعه غيرك حتي انا ما سلمتش منك وانا ضميرك اللي جاي انبهك عشان ترجع عن غلطك وتحاول تصلح في اللي فات لكن انت عاملي فيها غلبان ومنكسر ...

انا ماشي يا هشام ..ماشي ومش عارف هرجع إمتي بس عايز اقولك قبل ما امشي أن لكل فعل رد فعل وكل كدبه ولا حركه نداله هتعملها النهارده هتتردلك بكره .

.اه صح ما تنساش العيال اللي انت سايبهم بره دول مش عارفين حاجه ..ولا انت خلاص 

عرفت انهم مش ولادك عشان كده شالت ايدك ؟؟ يلا انا ماشي ومن غير سلام 

بعدها ضمير هشام اختفي وهشام قعد علي اقرب كرسي ليه وهو حاطط وشه بين ايديه

 وكلام ضميره وجعه جدا وبينله قد ايه هو واحد فيه كل العبر من بره ويبان الدكتور هشام المحترم المثقف الهادي و الخلوق لكن من جوه هو نكره انسان اناني

 ملوش مبدأ ماشي بمقوله الدنيا تلاهي ولا مدينه الملاهي وهو كان اللعبه اللي الكل بينبهر بيها من بره

 لكن لما يدخلها ويجربها بيطلع منها وهو اخد قرار انه ما يدخلها تاني لانها غدارة ومؤذيه..هو ده هشام بالضبط 

افتكر آخر كلام من 

ضميره انه ياخد باله من العيال اولاد همسه واللي افتكر انه طنشهم من ساعه المكالمه عشان كده خرج يدور عليهم ويطمن علي حاله همسه 

اول ما خرج لاقاهم واقفين في الطرقه وهم بيبصوا حواليهم وهم مش عارفين يروحوا فين وما حدش اخد باله منهم الكل مشغول في اللي هو فيه 

راح عندهم واول ما شافوه الاتنين جريوا عليه بسرعه وكأنهم لقيوا النجده بتاعتهم 

وليد:انت كنت فين يا عمو ؟؟دورنا عليك كتير بس ما لقنكش وخفنا نضيع 

هشام حط ايده على شعر وعد وهو بيقول 

:معلش يا حبايبي انا مشيت بسرعه وافتكرت انكم ورايا ولما لاحظت انكم مش ورايا جيت ادور عليكم ما تزعلوش مني يا حبايبي

 

وعد :مش زعلانين يا عمو ..يلا بقي علشان تودينا لماما دي وحشتنا اوي 

هشام: ماشي يا حبيبي يلا بينا 

بعدها مسكهم من أيديهم وراحو ناحيه الاوضه بتاعه همسه لكن قبل ما يدخلوا هشام وقفهم علي الباب ونزل علي ركبته وهو بيقول 

هشام :معلش يا حبايبي انا لازم ادخل لماما الاول واكشف عليها علشان اشوفها بقت كويسه وينفع تقابلكم ولا لا ماشي 

الاتنين هزوا رأسهم وهشام دخل كانت همسه لسه ما فاقتش تماما وعماله 

تقول كلام مش راكب مع بعضه وهو رغم انه كان متأثر بقربها منه بعد المده دي كلها لكنه صحي روح الدكتور اللي جواه وشاف شغله كويس وهو بيطمن علي حالتها 

ومؤشراتها الحيويه لحد ما اتأكد أن كله تمام 

ساعتها قرب منها

 وبقي وشه عند وشها وبقي يتأمل ملامحها بعيونه ويتملا من جمالها الفريد وتفاصيلها اللي حافظها تفصيله تفصيله وكأنها رسمه هو اللي راسمها 

ومره واحده وهو بيتأملها 

ونسي نفسه في اللحظه دي كان بيوطي عشان يبو سها لكن اللي ما عملش حسابه أن همسه

 تفوق في اللحظه.دي وعيونهم هم الاتنين اتقابلت بعد اكتر من خمس سنين 

هشام بصدمه وهو بيبلع ريقه بصعوبه 

هشام: ه...همسه..؟؟

استوووووووووووب 

اول حاجه اسفه لو القصه ماشيه بطئ لكن انا في شهر رمضان بحب استغل اكبر وقت ممكن في العباده وبرضوا بحاول اني الاقي وقت للكتابه 

تاني حاجه الأحداث والتفاصيل كتير وممكن انتوا ما تكونوش متعودين علي النوع ده من القصص لكن دي انا انا كأسماء لازم اكتب انا شايفه الحاجه ازاي واوصل اللي انا شيفاه مع اني والله يختصر تفاصيل علي قد ما قدر مادام مش هتأثر علي مسار القصه لان في ناس ما بتحبش التفاصيل الكتير وتحب تدخل في الموضوع طوالي 

ثالثا بقي وده الأهم عايزه اقول علي حاجه غايه في الاهميه وهي التفاعل يا جماعه فين التفاعل بجد انا الفاعل لو فضل كده هضطر اني أوقف القصه ما دام مش لاقيه تفاعل ولا اي حاجه يعني ولا لاف ولا كومنت من اللي هي الكومنتات اللي تفرح اإلا كله تم وشويه ملصقات ولا حتي متابعه يعني انا عايزه شويه تقدير لو سمحتوا وكل سنه وانتم طيبين وبخير وصحه وسعاده يارب ورمضان كريم عليكم 

يلا 

أستودعكم الله 

اسماء العذب( كروان)

الفصل العاشر من هنا 

بدل ماتدور وتبحث علي الروايات خليها علي تليفونك وحمل تطبيقنا

تعديل المقال