رواية طفلة من رحم الشيطانه الفصل التاسع بقلم احمد محمود محمد
الجزء 9. والاخير
طفله من رحم الشيطانه
لـ احمد محمود محمد
بيدخل وحيد بسرعه ورا بنته فى اوضتها وبيلاقيها فى سابع نومه وبيكون مندهش لأنها كانت لسه بتتكلم معاه دلوقتي حالا
وبيفضل وحيد يفكر.. وبيسمع صوت الباب بيخبط بيجرى بسرعه وبيفتح الباب..
وبيكون الشيخ عباده وبيكون لسه عايش وبيقول لوحيد انه عاوزه فى موضوع مهم وخطير
وبيبدا الشيخ يحكى لوحيد اللى حصل وان قمر ظهرتله فى بيته وهيا اللى حرقت البيت ودى مش قمر انما جن متجسد فى صورتها
بس مقدرتش تقتـ ـله لأنه قدر يحرق الجن اللى كان متجسد فى صورتها
وكان الحل الافضل انه يختفى عن عيونهم.. علشان يعرف هيتصرف ازاى
وبيقوله انا اللى جيت وانقذتك من خاله مراتك لما كانت عاوزه تاخد منك البنت
- وانت عملت كده لى
لأن البنت مينفعش تبقا معاهم
- انا بجد تايه مش عارف ايه اللى حاصل ده واى علاقه قمر باللى بيحصل
يااااه يا وحيد لسه مفهمتش لحد دلوقتي
- طاب فهمنى انت
فاكر زمان لما حبستوا الجن اللى كان عامل عهد مع مراتك.
- اه فاكر ده هوه كان السبب فى موتها.
الجن ده اسمه حنزقيل من اقوى المرده فى الجن وزعيم اكبر قبيله هناك
ولما اتحبس كان لازم يرجع تانى عشان ينتـ ـقم وعلشان هوه من قاده الدجال ومساعده الخاص
- دجال ايه؟
المسـ ـيخ الدجـ ـال
والمطلوب ايه واى علاقه بنتى انا..
بنتك من نسلهم.. وهوه علشان يخرج محتاج قرابين وللأسف هوه اختار بنتك علشان تخلص عليكم كلكم وتخرجه من سجنه..
ولو خرج الشر هينتشر اكتر واكتر فى البلاد ومحدش هيقدر يسيطر عليه ولا على عشيرته..
- بس سحر قالت ليا قبل ما تموت انه جن عادى بس كان بيعشق انسيه..
بس بعد مااتحبس منك انت ومراتك بان على حقيقته.. وان اول خطه ليه انه يتجوز انسيه ويثبت للعالم كله انها هتعيش فى نعيم
ومن هنا يقدر يقنع البنات بالجواز من الجن والشرك والعياذ بالله ودى من ضمن خُطط الدجال وفتنه..
لأن الانسيه لو كانت وافقت كان هيطلب منها طقوس خاصه والطقوس دى تُعتبر شرك بالله
فهمت...
- وياريتنى ما فهمت.. بقا هوه سيطر على بنتى عشان تخلص علينا كلنا.. وعشان تحرره هوه طاب لى بنتى
علشان العهد اللى كان بين سحر وبين الجن ده فكان لازم ينتـ ـقم منك ومن الكل بس عن طريق بنتك..
- انا مش مصدق ومش عارف اعمل ايه..
مفيش الا حل واحد بس
- حل ايه ده؟!
- تخلص من قمر
معقوله اخلص على بنتى بأيدى
دى مش بنتك دى من نسلهم وهيا اللى هتكون سبب الخراب اللى بيحصل
- انا مقدرش اعمل كده..
لأ هتقدر انا متأكد
- ازاى.. ازاى عاوزنى اخلص من بنتى.. ازاى.؟
علشان الناس تعيش لازم حد يضحى.. محدش هيقدر عليه ولا على عشيرته وجيشه لو خرج..
وباقى ليه خمس قرابين...
وبيقطع كلامهم دخول قمر وهيا شايله راس محموظ فى ايديها وهدومها غرقانه دم فى مشهد مروع
وقالت بمنتهى هدوء الاعصاب بقوا اربعه.. ومن هنا بيكون وحيد فى حاله لا يحسد عليها وهوه شايف بنته قاتـ ـ ـله ابن اخوه
وفاصله رقبته عن جسمه... بيفضل الشيخ عباده يستغفر ربنا ويقول لا اله الا الله ولا حول ولا قوة الا بالله
وهيا بتبصله بغضب وبتقوله اخررررس.. ومن هنا بيهجم عليها وحيد عشان يمسكها
بس بتشيله وبترفعه لفوق وبترميه على الشيخ عباده.. وبتجرى بسرعه على البلكونه.. وبتنط.. منها
بيجرى الاب بسرعه يبص عليها بيلاقيها اختفت.. تماما وبيخش عليهم سالم وهوه واقف وعيونه مليانه دموع
وهوه شايف راس ابنه قدامه وبيهجم على وحيد وبيفضل يضرب فيه وبيقوله بنتك قتـ ـ ـ ـلت ابنى لازم اموتك زى ما عملت معايا
وبسرعه بنلاقى شيماء جات ولما شافت المنظر فضلت تصرخ.. وبتشيل الاخ عن اخوه
ومحدش بيكون فاهم حاجه وبيتصلوا بالشرطه واللى بيتهم فى المحضر.. سالم
قمر بنت اخوه وبيقول ان عندها 8 سنين وهيا اللى قتـ ـ ـ ـلت ابنى
وسط دهشه ظُباط المباحث طفله تقتـ ـ ـتل بالشكل ده مستحيل
وبيقول انها شيطانه مش طفله.. ولما الظابط بيسأل وحيد بيقوله اه بنتى اللى عملت كده..
وبيسألوه هيا فين..؟
رد وقال اختفت معرفش راحت فين..
وبيبدءوا البحث عن الطفله دى واللى فى خلال يوم واحد بس صورها كانت مغرقه الشوارع
والكل مكنش فاهم ازاى طفله تعمل كده.. مش ممكن ابدا.. ومحدش كان مصدق..
وبيروح وحيد علشان يزور مراته فى قبرها وبيعيط وبيقولها ان البنت ضاعت وانى معرفتش احافظ عليها.. وانها مش بنى ادمه عاديه..
لاكن فجأه بتظهر قمر.. وهيا بتحرك رقبتها 360 درجه وعيونها لونها اسود وبتقول بمنتهى الهدوء
لازم تموتوا كلكم.. وانت كمان يا بابا لازم تموت.. وبيحضر الشيخ عباده لانه عارف ان وحيد هنا
وان اكيد قمر ممكن تظهر فى اى وقت وكان معاه جركن مليان بنزين..
وقمر بتتكلم مع ابوها.. بيقرب منها الشيخ عباده وبيدلق عليها البنزين
وبتفضل واقفه فى مكانها.. ومش بتتحرك دى بتضحك بهستيريه.. بشكل غير طبيعى لدرجه انها بتفتح بوقها بقوه
وبشكل بشـ ـع.. ةبيرمى عليها وحيد عود كبريت وبيشوفوها وهيا بتتحرق
وكانت بتضحك بهستيريه برضوا ومستمره فى ضحكها.. ومش موقفه خالص حتى وعيا بتتحرق
وبياخد الشيخ عباده وحيد وبيمشى وبيفضل وحيد يبص على بنته وبيعيط.. بس بيكةن خلاص عرف انه عمل الصح
وانه كده بيحمى ناس كتير من الهلاك.. وبترجع كل حاجه طبيعيه. . بيصطلح سالم مع وحيد
وبيرجع يعيش معاه فى بيت ابوه وكذالك شيماء بترجع تعيش معاهم..
وبنروح للشيخ عباده اللى بيصحا على كابوس مرعب جدااا وبيطلب يشوف وحيد
وبيروحله وحيد.. وبيقوله الشيخ انه حلم بأتنين ستات طالعين من تحت الارض وسط النار
بس مبيكونش ليهم ملامح. وانهم قتـ ـلونا انا وانت وراحوا لسجن مليان ناس وطلعوا واحد من هناك واخدوه ومشيوا
وبيقوله ان قمر لسه عايشه
بيرد وحيد ازاى احنا حرقناها اكيد دى تهيؤات بس من الحلم
بيقول الشيخ لأ لسه عايشه انا متأكد
- طاب ازاى هوه اللى بيموت بيرجع
اه ممكن
ازاى بقا
لو مكنش بنى ادم..
وبنروح لواحده ست لابسه احمر فى اسود وماشيه ف شارع ضلمه ورايحه مكان مهجور
وبتقابل واحده هناك.. وبتقولها ازيك يا حبيبتى
وبترد الواحده عليها.. ازيك انتى يا ستى وبتكون الواحده دى هيا قمر والست اللى لابسه احمر هيا سُميه.. خاله سحر
- انا عارفه انك مقهوره من جواكى وعاوزه نتـ ـقمى
مش قادره اصدق ان ابويا عمل فيا كده
ابوكى يعمل اكتر من كده هوه السبب فى موت اختى وامك.. هوه مصظر كل البلاوى اللى حصلت
انا لازم انتـ ـ ـ ـقم منه..
هيحصل بس مش دلوقتي متنسيش ان ورانا شغل ومتنسيش كمان ان فاضل اربع قرابين
لازم نتحرك بسرعه..
النهــــــــــــــايه the end
#رعب_احمد_محمود
#طفله_من_رحم_الشيطانه
#سليله_الشيطان
#الجزء_الاول
متنسوش اللايك والكومنت الجميل هستنا فيه تقييمك للروايه ولو حابين نعمل الجزء التانى منها فى اسرع وقت
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
