روايه غيرة حب الفصل الواحد والستون بقلم احمد صابر
انا يا نااااااااااااااااااس
لقيتهم كلهم اتلمو
محمد: ايمااااااان
انا بضحك: اعملكو اي انتو الي مش راضيين تصحو
معاذ: واقسم بالله انتي بت بارده
مازن: انا ليا حق اعيط صح ماهو مش طريقة دي انا لو قاعد ب الإيجار مش هتعملوا فيا كدا
انا: ههههه... ولا مسمعش صوتك
مني: احسن هجيبك كل يوم تصحيهم عشان دول عيال مش متربية
ودخلت وسبهتم وهما بصينلها بصدمة وواحد كان طالع فوق والتاني كان داخل جوا والتالت وراه
انا: هش هش هش رايح فين منك ليه انتو عرفين لو نمتو تاني هعمل فيكو اي هدلق عليكو مياه
معاذ: مش هنااااام داخليييين الحمااااام ناخد دووووش بلاش
انا: اذا كان كدا ماشي... بتعلي صوتك ليه يا تافه انت
معاذ: بلا بعلي صوتي بلا نيلا بقى
انا: غور يالا شوف انت رايح فين
اخد هدومو ودخل الحمام ببص ع التانين لقيتهم قعدين ع الانتريه ومغمضين عينهم
انا: اصحووووو
حدفوني ب المخدات هما الاثنين
محمد: اخرسي بقى بصوتك المسرسع دا
انا: عيال مهزئين اتفوو
محمد طلع الحمام الي ف الدور الثاني ومازن ف الدور الثالت وانا قعدت انا ومنى
وبعد دقائق اتجمعو كلهم وكانو بيبصولي بشر ومكنوش طايقيني وانا فطسانة ضحك
انا بضحك وبحدفو ب المخده: متبصليش كدا
معاذ: نفسي اقوم اكتم نفسك ب المخده دي
انا: هششش متقدرش تعمل حاجة
معاذ: بارده
انا: ازيك
محمد: زفت
انا: ليه كدا بس
محمد: دانتي مستفزه بشكل
معاذ: تلاجة
مازن: فريزر
انا: عرفة
مازن: وحيات امك تحوش لوح التلج دا الواحد مش مستحمل
معاذ: بتكلم مين دا هو فريزر هو كمان
مازن: ع رأيك عيشين مع تلاجتين ف البيت
انا /محمد: عرفين
مازن: اهو شفت انا مليش قعاد هنا انا ماشي
معاذ: رايح فين استنى
مازن: أرض الله واسعة
معاذ: طب خدني ف الارض الي جمبك
مازن: لا متباعة مش هينفع
معاذ: هقعد فيها برضوا انا اخويا ظابط
مازن: اخوك الي انت بتتحمي فيه دا اول واحد هيأمر ب القبض عليك اقعد ساكت
معاذ: والله يعملها
محمد: هكدب عليك واقلك لا انا واقفلك ع غلطة اصلا
معاذ: عمرك شفت اخ كدا
مازن: اه شفت اهو
معاذ: عمرك شفت اخ بيكره اخو كدا
محمد: هكرهك ليه يا اهبل انت
معاذ: ايوا انتو بتكرهوني كلكم جيين عليا الدنيا جايا بضهرها حطت عليا عمر واحد فيكم فكر للحظة يقولي مالك ها ها ها
مازن: لا حقيقي اتأثرت
محمد: اومال انا متأثرتش ليه عيد المشهد يمكن اتأثر
معاذ: استنى الاعاده بقى حد قالك متتفرجش ف ساعتها
الكل/ هههههه
هما بطلو ضحك وانا لسا بضحك سمعو صوت ضحكتي راحو ضحكين تاني...عيني دمعت من الضحك
انا بضحك: شيلو الواد دا ارمو بره هيجيبلي ساكتة قلبيه ف مره
معاذ: دا احنا محضرينلك مفجأه بصى استنى
شدهم هما الاثنين و دخلو وانا قعده مستغربة طلعو هما الثلاثة محمد كان لابس سويتشيرت ابيض ع اسود ومعاز نفس الاستايل بس ابيض ع أخضر ومازن ابيض ع ازرق
انا: انتو بتغيظوني يعني
معاذ: ايواااا
انا ورحت وقفت جمب محمد: دا أحلي برضوا
محمد: ههههه
معاذ: تطبيل بقى
انا: انا مش بعرف اطبل انا لو وحش هقول وحش انما هو حلو
معاذ: انتي بتعكسيه ع فكره
انا: وانت مالك
معاذ: بس يابت عشان مدكيش ف وشك
انا: ع فكره اخوك بيهددني وانت ساكت
محمد: اخرو تهديد يقدر يعمل حاجة
انا: لا
معاذ: المشكلة ان دي حقيقة
انا: جبان
معاذ: سامع بتقولي اي
محمد: مسمعتش
انا: انت يا عم يالي ف دنيا تانيه انت مش عايز تضيف حاجة حضرتك
مازن: لا شكراً
انا: دا لبس الي هتلبسو ف الخطوبة
معاذ: لا طبعاً...
انا: طب ورهولي عشان لو عجبني اجيب زيكم
بصو لبعض وانفجرو ف الضحك
محمد بضحك: عيزه اي
انا بضحك: اجيب زيكو
معاذ بضحك: مش فاهم برضوا دا الي هو ازاي
انا: زي السكر ف الشاي
محمد: انتي مش جبتي
مازن: هو دا كل الي فارق معاك انها جابت يعني لو مكنتش جابت كانت تلبس هدوم زينا عادي
محمد: اه عادي ياعم
مازن: اه دانتو متخلفين بقى
انا: ع فكره بيشتمنا
محمد: اخويا الكبير بقى نعمل اي
معاذ: شاطر يجي عليا انا بس
محمد: عندك اعتراض
معاذ: لا ياباشا مين قال كدا
محمد: بحسب
معاذ: لا متحسبش
انا: معاذ
معاذ: نعم
انا: انزل كدا بس.... عيزه اندومي
معاذ: بس كدا....كرتونة
انا: هييييييي
محمد: في اي
انا: لا ولا حاجة
محمد: اممم
معاذ: نازل شوية كدا وجاي
انا: ايوا انزل
محمد: رايح فين
معاذ: هجيب شوية حجات كدا وجاي مش هتأخر
محمد: ماشي
ببص ع مازن لقيتو ماسك الاب توب وشكلو متعصب
انا: بقلك اي
محمد: اي
انا: عيزه اضرب اخوك
محمد: متبطلي افتري بقى ياشيخة هو كلمك
انا: متوصي عليه
محمد: من مين
انا: من وحده صحبتي
محمد بضحك: وهيا تعرف مازن منين
انا: هيا مشفتوش بس عيزة تنتقم منو عشان اتريق عليها
محمد: اتريق عليها امتى انا عملت error
انا: لا اعمل Restart و Turn On معايا كدا
محمد: بحاول اهو
انا: فاكر موضوع الهاكر لما هو اتريق عليهم هيا بقى مدايقة من كدا عيزه تنتقم وانا صحبتها بقى ف انا هقوم ب الواجب
محمد بضحك: عملين مؤامره ع اخويا انتي وصحبتك
انا: مش هو اتريق عليها
محمد: بس هو كان خايف عليهم لان لو حد منكم مكانهم كنا هندايق كدا
انا: مانا عرفة وقلتلها كدا بس مقتنعتش
مسكت المخده وحدفتو بيها
مازن: اي بقى الهطل دا
انا: انت بتعلي صوتك عليا ثم كملت بصوت واطي.. محمد انا خايفة شكلو متعصب اوي
محمد بضحك: مليش دعوة
انا: احم انت ازاي تعلي صوتك عليا ها
وقعدت احدفو ب المخدات
مازن: يخربيت جنانك بسسس.. وانت واقف تتفرج
محمد بضحك: اعمل اي يعني
مازن: ولا انت متأكد ان انت اخويا
محمد: شاكك والله تلاقيهم جيبينك من ملجأ أيتام
مازن: وانتي هبلة انا جيت جمبك انتي ملبوسة ولا اي
انا: اه
مازن:نفسي افهم مش طيقاني ليه
انا: متوصي عليك اعمل اي بقى
مازن: من مين ياختي
انا: وحده صحبتي
مازن: صحبتك هيا الي قالتلك تضربيني
انا: اه
مازن: وهيا صحبتك تعرفني منين اصلا
انا: مانا بشكر فيك قدامها
مازن: قصدك بتدعي عليا قدامها
انا بضحك: تؤ تؤ محصلش
محمد: بسسسسسسس مش ختى حق صحبتك تعالي اقعديلك ف حتة بقى
مازن: خدت حقها من اي
انا: مش انت الي اتريقت عليها ساعة موضوع الهاكر
مازن: مش فاكر وانا اعرفها منين اصلا
انا: لما قلت صحابك دول نكتة بتتريق عليهم ولما قلت ذكيه كان قصدك غبية هيا فهمها كدا
مازن: هيا بتفهم
انا: خليك هتوصيني عليك تاني
مازن: عيال تافها
الجرس رن ورحت افتح الباب كان معاذ
انا: احيه اي دا كلووو
معاذ: جبت كرتونة واشتريت شنطة وفضيها كلها فيها عشان محدش يعرف حاجة
انا بضحك: هيشكك حجم الشنطة مش طبيعي دا كتير اوي الله
معاذ: هطلعها فوق ولما ينشغلو ننزلها
انا: خلصانة
محمد: مين الي ع الباب
انا: معاذ بس طلع فوق
محمد: ولما هو طلع فوق بيخبط ليه
انا: تلاقيه نسي عادي يعني
محمد: امممم
حسيت انو شك
انا: انت كويس
محمد: اممم تمام
مني: فين مامتك
انا: شويةوجاية
مني: مشفتهاش من بدري
انا: خالتي بعد ازنك مش نقصة فقعة مراره ونبي
مني: وحشاني والله
الجرس رن محمد قام يفتح كانت ماما سلم عليها ودخلت
وبعد دقائق ملك جت من المدرسة وغيرت هدومها وجت
قعدو يتكلمو لقيناهم بيبصولنا
محمد: في اي
ملك: احنا مركزين ع الغمازه بس
انا: غمازه اي
ملك: يعني انتي وارثة منو الغمازات وانا لا
انا: محمد يعني؟
ملك: اه
انا: ع فكره مش باينه
ملك: لا والله باينه هيا ع خفيف وعندو برضوا ع خفيف
بصيتلوا وضحكت
والدتي: وشعور برضوا
مني: ايوا فعلاً
ملك: لسا وخده بالي وربنا... هو لون شعرو اسود ع زهبي وإيمان اسود ع زهبي ومن الأطراف أصغر
كان باصص قدامو وبيهرش ف شعرو ويضحك
انا بضحك: في اي
محمد بضحك: لا مفيش
انا: طب متضحكيش
محمد: ليه
انا بضحك: غمزاتك بتبان
محمد: طب اهو
انا: فكرك انك كدا بتدايقني يعني مش مدايقة انا بحب اشوفهم اصلا
محمد بضحك: عندك زيهم
انا بضحك: اهو لسا قايلين ورثاهم منك بس ع فكره شعرو اسود مفيهوش ذهبي
ملك: ايوا هو اسود كلو بس فيه خُصلات بسيطة لونها ذهبي
انا: طب انت عارف اي اكتر حاجة كان نفسي اورثها منك بجد بعد عيونك طبعاً يعني
محمد بضحك: اي
انا: دماغك يسطا عليك دماغ مش ف حد مبتنساش
محمد: اي النق دا
انا: انا نقاقة فعلاً.... يلا انا الي هعمل الغدا
مازن: لا ونبي انا معدتي مش مستحملة
انا: اخوك لو فضل يستظرف كدا كتير انا هزعلو
محمد: عندو حق بصراحة
مازن: أصلها نقصة تلبوك
انا: والله
محمد: لو عيطي انتي حره
انا وع وشك البكاء: هعيط ليه اصلا
محمد: انا بهزر انا هاكل الي انتي تعمليه كفاية انك لمستيه ب ايدك
انا: متستظرفش وترجع تصلح غلطك
محمد: والله ابدا
انا: يعني اعمل الغدا
محمد: اعملي الغدا
مازن: اي ياعم احنا زنبنا اي طيب
محمد: انت مالك انا هاكل انا
مازن: طيب
دخلت عملت الاكل مع خالتي عملت الرز وخالتي دقتو
مني: حلو والله
انا: هييييي
وعملت مكرونة ليا
انا: خالتي بصي كدا
خالتي: تمام كدا شطوره
انا: هييييي والله لو اكلتيهم يا خالتي مش هكلمك تاني عشان اتريقو عليا
مني: حتى محمد
انا: حتى محمد عشان اتريق ف الاول برضوا
مني بضحك: يخرابي عليكي مبتنسيش بتشيلي من الناس بسرعة... بس هو كان بيهزر
انا: خلاص هأكلو بس التانيين لا
مني بضحك: حاضر
وبعد دقائق
انا: هار اسود الواد معاذ لسا منزلش
اخدت الفون وبعتلو مسدج
انا: انت فين يا اهبل انت
معاذ: انا مستينهم ينزلو منزلوش
انا: مش هينزلو دلوقتي ويلا انزل عشان الغدا جهز
معاذ: حاضر
وانتهي الشات
خالتي حطت الاكل وانا بستحلفلهم
انا: هش رايح فين انا الي عمله دي متكولش منها لايجيلك تلبوك بقى
مازن: لا هيا شكلها حلو بصراحة
انا: لا هتجيبلك تلبوك
مازن: مكانتش كلمة الله
محمد: انا قاعد اتفرج
انا: اتفرج عشان تستظرفو بعد كدا
محمد: دانتي زلتيني ياشيخة انا كنت بهزر وربنا
انا: لا متهزرش خليك جعان كدا بقى
الكل/ ههههه
محمد: يرضيكي افضل جعان يعني
انا: اه يرضيني ميرضنيش ليه
محمد: مفيش فايده يعني يلا ياعم نروح نتغدا برا خليكي انتي هنا بقى
انا: خد تعالي انا قلتلك تخرج
محمد: لا
انا: اومال سايبني وماشي ليه مش ماليا عينك انا
محمد: مانا عايز اكل
انا: اقعد اتطفح
محمد: اتطفح!!
مازن: اتطفح انا كمان حضرتك
انا بضحك: اتطفح عشان تبقو تتريقو ع اكلي بعد كدا
محمد: مالو دا
انا: هادي اوي انهارده
كلنا كنا بصينلو بيبص لقانا بنبصلو راح باصص لنا كلنا واحد واحد
معاذ: فيه اي
انا: لا ولا حاجة
مازن بضحك: انت كويس
معاذ: اه
محمد بضحك: مش شغلني ف الحوار كلو الي ريأكشن وشو
الكل/ ههههه
معاذ: انتو مالكم النهارده في اي
مازن: انتي الي مالك في اي
معاذ: مالي ازاي
محمد: هادي اوي ذياده عن اللزوم دانا للحظه فكرتك عاقل
انا: احيه اوعي تعقل يا معاذ وحيات امك... ياخوفي لتبقى كئيب زي دا...اوعي تبقى كئيب يا معاذ
معاذ: هو انا كنت مجنون
انا: لا مش بظبط
الكل/ هههههه
تغدينا وقومنا
محمد: انا نازل
انا: هتيجي امتى
محمد: ممكن ع الساعة 4 كدا
انا: ماشي
محمد: عيزه حاجة
انا: لا
اخد مفتاح العربية ونزل ومازن كذالك
انا: هيييييي طب تصدق ان دي اول مره افرح انو نزل ههههه
معاذ بضحك: يلا
انا: يلا
طلع جاب الشنطة ونزل
معاذ: هتعرفي تعمليه
انا: عيب عليك انت متعرفنيش ولا اي
معاذ: لا هو المشكلة ان انا اعرفك.... اوعي تولعي ف نفسك انا الي هتحبس
انا بضحك: هخليه يجرجرك من قفاك
معاذ: ابو بوزك الفقر
انا بضحك: مهزأ
معاذ: يلا بقى اعملي فيها طباخة وانتي مبتعرفيش تسلقي بيضة
حدفتو ب الشوكة
معاذ: يالهوي افرض جت ف عيني دانتي بقيتي خطر ع المجتمع
انا: اقعد والتزم الصمت عشان المره الجاية هحدفك ب الطاسة دي ف راسك
معاذ: ياما
انا: هات العلبة دي من فوق يا هايف انت
معاذ: امسكي ياستي
انا: اندومي كوري كمان اخوك لو عرف هينفخنا احنا الاثنين
معاذ: انا مليش دعوه انا معملتش حاجة انا غلبان
انا: نعم يالا دانت الي جايبو... راقب بس الجو
معاذ: الدار أمان
انا: ام الإعلانات الي اكلت دماغك
معاذ: عرفة اعلان فانش
انا: طبعاً يابني
انا /معاذ: فانش ب 5 جنيه ايوه بقى متستخدميه فانش ب 5 جنيه انسى البقع لو تغسلي بيه... هههههه
انا: هو اي الفانش دا يا معاذ
معاذ: اصلا...دا بتاع هدوم
انا: مانا عرفة دي انا قصدي بيتحط ازاي بقى
معاذ: حد قالك ان كنت شغال ف مغسلة قبل كدا
انا: ههههه
معاذ: انتي ازاي مش عرفه الفانش يا فاشلة
انا: لا طبعاً عرفاه لونو وردي
معاذ: اسكتي يا فانيليا اسكتي
انا: طيب... هيا بنا ياصديقي
معاذ: اي عالم سبيستون دا
انا: كنت بتحب تسمع اي ع سبيستون
معاذ: عرفة انتي كرتون دورايمون ونوبي
انا: لا متهزرش طبعاً عرفاه دانا بعشقو من وانا صوغننا
معاذ بضحك: من وانتي اي
انا: صغننا
معاذ بضحك: يلا يا فانيليا الله يرضى عليكي دانا لو قاعد مع بنت اختي مش هتقول كدا
انا: خفة
اخدنا الاندومي وطلعنا ناكلو
وبعد دقائق
بعد ما اكلنا
انا: خد ارمي اثار الجريمة ع ما اظبط الدنيا وباقي أكياس الاندومي دا حطو ف مكان ميعرفهوش العفريت الأزرق
معاذ: اي الرعب دا
انا: خالتك لو شمت الريحة هتعملنا احنا اندومي
معاذ: انا ساعه الجد هخلع
انا: ندل من يومك
سمعت صوت الباب بيتفتح اتنفضت من مكاني وطلعت اجري
معاذ: اهدي انتي هبلة هتشككيه فينا بحركاتك الهبلة دي والله
انا: انا لو كلمني هتوتر
معاذ: محدش هيوديني ف داهية غيرك والله
انا: هيزعل ومش هيكلمني
معاذ: دا كل الي فارق معاكي انتي لو جرالك حاجة من الاندومي هيحبسني انا
انا: لا انا كويسة
محمد: إيمان
انا: ها اي نعم
طلعت وانا بحاول اخد نفسي واطلع التوتر
محمد: امسكي... اومال فين ماما وخالتي
انا: فوق
معاذ طلع من المطبخ
محمد: انتو هنا لوحدكم
انا: اه
محمد: ليه
معاذ: كنا بنطبخ
محمد: بجد والله
انا: اممم
بصلي بنظره كلها عصبية ودخل جوا
محمد من الداخل: ايمان
انا: نعم
محمد: تعالي
بصيت لمعاذ بخوف لقيتو بيضحك ضربتو ودخلت
انا: نعم
محمد: كنتو قعدين مع بعض ليه
انا: مكناش قعدين كنا بنطبخ
محمد: انا مش عايز هبل
انا: براحة طيب في اي هو انت ابسط حاجة عندك زعيق
محمد: انا مش بزعق متخلنيش احلف متتكلمي معاه خالص
انا: طب ليه
محمد: انا لما بشوفك بتتكلمي مع حد غيري بحس ان انا عايز اقتلك انتي وهو
انا: تقتل مين ياعم لا دانا معايا شهاده معاملة أطفال
محمد: انتي مش محتاجة شهاده انتي اصلا طفلة
انا: ع فكره انا مش طفلة ومتقعدش تقول طفلة عشان بدايق
محمد: خلاص متزعليش
انا: نسيت تقول حاجة
محمد: اي
انا وبقلدو: خلاص متزعليش انا الي طفل
محمد: حفظتي ردودي كمان
انا: عيب عليك... تعالي بقى هسمعك فيلم النمر
محمد: مالك
انا: فيلم النمر بتاع محمد امام والله هيعجبك تعالي...
شديتو من ايدو طلعت لقيت مازن ماسك الريموت رحت وخداه منو
مازن: اهي هتجيب لنا كرتون بقى
انا: لا يا خفيف مش كرتون
قلبت وجبت الفيلم ورحت قعدت
رحت اشرب سمعت صوت حد بيتكلم من اوضة معاذ صوت واحد دخلت لقيتو فاتح الاب توب ومعاه كتب كتير والصوت لسا موجود
انا: هو اي دا
معاذ: هشششش
قفل الصوت ورجع بصلي
معاذ: في اي
انا: انت بتعمل اي يا عبيط انت
معاذ: بذاكر
انا: اونلاين يعني
معاذ: ايوه
انا: تالتة ثانوي مش كدا
معاذ: كدا
انا: هحضر معاك ونبي
معاذ: هو انتي ف تالتة ثانوي تحضرين معايا ازااااي
انا: انا بحب احضر حصص ثانوي ونبي يا معاز ونبي
معاذ: بس متعمليش صوت
انا: مش هعمل صوت والله
قعدت وهو فتح الصوت وشاورلي ان متكلمش هزيت راسي ب ماشي
انا: معاذ
معاذ: الله يخربيت معاذ ع اليوم الي جه فيه هنا
انا: هو بيتكلم ب الإيطالي
معاذ: ايوه
انا: طيب خلاص انت فيه اي هفهم إيطالي ازاي انا... طب بقلك
معاذ: احيه قولي
بدل ماتدور وتبحث علي الروايات خليها علي تليفونك وحمل تطبيقنا
