رواية تزوجتني رغما عني فأحببتك الفصل الاول 1 بقلم حفيده عائشة_رواية:تزوجتني رغما عني فأحببتك _بارت الاول 💚 _________________ "في بيت بسيط جدا ف محافظه الاسكندريه تعيش بطلتنا حياء ذات 23سنه توفت والدتها اثر حادث مؤلم وعاشت مع والدها وزوجته تدعي صفاء" _صفاء بقرف كل دا ولسه مخلصتيش نتضيف البيت _حياء بتعب والله تعبانه ومش قادره انضف كل دا _صفاء بقرف مليش فيه ياحبيبتي وبعدين منتي زي الفل اهو بلاش دلع بنات بقي انا هروح مشوار ارجع الاقي البيت نظيف لأما والله مش هيحصلك طيب انتي فاهمه يابت انتي يلا سلام "ظلت تبكي حياء علي حالها الأليم لأن زوجه والدها تكرها بشده لم تحس حياء في يوم من الايام بحنان الام الذي افتقده ولكن عوضها الله بصديقه تدعي حنين فهي تحب حياء بشده ظلت حياء تنظف البيت الي ان انتهت من اعمالها واخذت قسطت من الراحه ثم سمعت اذان المغرب فقامت واتوضئت وصلت بخشوع لربها وحمدته علي حالها ثم استمعت الباب بيخبط" _حياء بإستغراب غريبه ابله صفاء معاها المفتاح مفتحتش ليه مين اللي علي الباب _حنين بغيظ طفولي هيكون مين يعني بيعبرك غيري ياست حياء _حياء بفرحه حنين اتفضلي ياحبيبتي _حنين بحب السلام عليكم ورحمة الله وبركاته الاول _حياء بحب وعليكم السلام ورحمة الله وبركاته تعالي اقعدي _حنين وحشتيني يامقصوفه الرقبه هترجعي الشغل امتي والله العظيم الشغل وحش من غيرك _حياء بحب ان شاء الله هرجع الشغل ف اسرع وقت انا اصلا تعبت من القاعده في البيت كنت بحسب لما اخد اجازه من الشغل هرتاح طلع العكس _حنين بغيظ اكيد مرات ابوكي الحيزبونه دي مش سيباكي ف حالك _حياء بهدوء عيب ياحنين تتكلمي عليها كدا هي بمسابه والدتي وكمان دي من النميمه وهنتحاسب عليها _حنين اسفه ياحياء بس بجد متغاظه منها هي ليه بتعمل معاكي كدا _حياء بحب ربنا يهديها ياحبيبتي بس خدي بالك النميمه دي بضيع اجرك تخيلي تفضلي تعبدي الله طول اليوم وبسبب غيبه متتعداش الخمس دقائق اجرك كله يروح للشخص اللي اغتبتيه يعني اكنك بتقوليلو خد حسناتي اهي هديه ليك _حنين بحب حاضر ياحياء اوعدك مش هتكلم علي حد تاني بس انا بستغربك اوي ياحياء _حياء بحب ليه بستغربني ياستي _حنين بحب يعني مرات ابوكي بتعمل فيكي كل دا ومع ذلك مبتسمحيش لحد يقول عليها كلمه وحشه امرك عجيب اوي _حياء بحب عشان خاطر الله وعشان انا مش عايزه اجري ينقص بسببها وكمان يوم القيامه لو هي مسمحتنيش هتاخد من حسناتي يوم القيامه يبقي ايه العمل بقي _حنين بحب عندك حق انا همشي بقي بكرا هفوت عليكي نروح الشغل سوا _حياء ماشي ياروحي مع السلامه اول ماتوصلي كلميني _حنين حاضر __________________ زين بغيظ والاستاذه حياء هترجع الشغل امتي مش فاهم _ماجد (اب زين) في ايه يابني هو انتي معندكش قلب البنت تعبانه واخدت اجازه اسبوع حصل ايه يعني _زين بعصبيه ماهو طيبتك دي اللي خلتها تحس ان الشركه دي شركه ابوها تيجي برحتها وتاخد اجازه برحتها واعمل حسابك لو مجتش بكرا هفصلها من الشغل خالص _ماجد حرام عليك يابني دي بنت غلبانه وماشاء الله عليها شاطره ف شغلها وسمعتها كويسه والكل بيحبها انا بس مش عارف انت مش بتقبلها ليه _زين بتكبر غلبانه والله يابابا انت طيب محدش غلبان الايام دي يابابا وبعد اذنك انا واخد قراري والله لو مجات الشغل لهفصلها خالص وتشوفلها شركه تانيه تشتغل فيها _________________ _صفاء بقرف نضفتي البيت يابت _حياء ايوه ياابله صفاء _صفاء بقرف دا منظر تنضيف دا المهم روحي حضري الغدا عشان ابوكي جاي من الشغل _حياء بطاعه حاضر "قامت حياء بتحضير الغداء لوالدها ثم اوضعت الطعام علي السفره" _حياء وهي بتفتح الباب اهلا وسهلا ياابي _محمد بحب اهلا بحبيبت ابوها _صفاء بغيره وبعدين ياحج هو مفيش غير حياء بس اللي تدلعها دا حتي انا اللي محضرالك الغدا "اتصدمت حياء من كلامتها ولكن هي متعوده علي كدا كل شئ تفعله حياء تنسبه الاخري لها" _محمد تسلم ايدك ياحبيبتي _صفاء تحاول تغيظ حياء طب تعالي ياحبيبي عشان تاكل بت ياحياء جيبي المعالق يلا _حياء بصبر وهدوء حاضر "جائت حياء بالمعالق واثناء ماهم بيتناولو الطعام" _حياء بإستأذان بابا بعد اذنك انا هنزل الشغل بكرا _محمد برفض لا يابنتي مفيش نزول انتي لسه تعبانه انتي مش شايفه وحشه خاسس ازاي _صفاء بتدخل لا سبها تنزل حياء بقت كويسه خليها تشوف مصلحتها _حياء ايوه يابابا انا بقيت كويسه وكمان انا مش متعوده علي القاعده ف البيت فبعد اذنك انا هنزل بكرا _محمد بحب خلاص يابنتي انزلي بس خلي بالك من نفسك ياحبيبتي _حياء ماشي ياحبيبي انا الحمدلله شبعت هدخل اصلي وانام تصبحو علي خير _صفاء بحب مزيف وانتي من اهله ياحبيبتي "لم تستغرب حياء من معاملتها الحسنه فهي تعاملها بلطف في وجود والدها وعندما يذهب تعاملها معامله شديده لم تري حياء منها غير الاذي والغيره لان حياء فتاه جميله جدا والكل يحبها ووالدها مما يجعلها تغار بشده وتريد التخلص منها بتزوجها" "دخلت حياء غرفتها واتوضئت وصلت قيام الليل وظلت تدعي لربها ليغفرلها ذنوبها ويثبت قلبها علي دينها ويسهل احوالها ثم قرئت وردها القراني وسوره الملك ودخلت ف نوم عميق " ___________________ _احمد بقولك ايه يما انا هتجوز حياء يعني هتجوزها انا بقولك اهو _مني بمكر متخفش يااهبل انا هجوزهالك خالتك صفاء نفسها تخلص منها النهارده قبل بكرا بس مستنيه الوقت المناسب انت اصبر بس وهتشوف بنفسك _احمد بخبث ماشي يما هصبر بس تبقي ليا عشان لو هي مش هتبقي ليا مش هسبها ف حالها ____________________ _ماجد بغضب انت شارب يازين _زين بسكر وفيها ايه يعني لما اشرب _ماجد بعصبيه يعني مش عارف فيها ايه فيها ان شرب الخمر حرام ومن اشد الكبائر انا مش قولتك ابعد عن صحبك اللي اسمه مروان دا مش قولتلك هيضيعك انت مش بتسمع الكلام ليه _زين بسكر انا مش فايق دلوقتي بكرا نبقي نتكلم وظل زين يضحك بصوت عالي ولا يدري مايفعل _سلمي (ام زين) بحزن هنعمل ايه معاه _ماجد انا تعبت منه انا لو جرالي حاجه هيبقي بسببه فضلت اقوله ابعد عن مروان اتفضلي دلوقتي بقي بيشرب وبقي بتاع بنات وبيسهر لاخر الليل وبقي بيزعق في الكل في الشغل وبقي مش هامه حد حتي انا مبقاش ليا اعتبار _ سلمي ان شاء الله هيرجع زي ماكان واحسن انا بكرا هتكلم معاه قبل ماينزل شغله سيب الموضوع عليا ان شاء الله هقدر عليه _ماجد بإستخفاف يبقي انتي لسه متعرفيش ابنك كويس ابنك مبيقتنعش بكلام حد وبكرا تشوفي ان كلامي هيطلع صح ____________________ صباح يوم جديد مليئ بذكر الله "افاقت بطلتنا حياء بنشاط وقامت اتوضئت وصلت ركعتين الله لتبدء يومها براحه ف قلبها وقامت قرئت ورد قرئنها لتستعيد روحها" _صفاء يختي بدل ماانتي عماله تقرئي قران قومي اللبسي وامشي يلا _حياء لسه بدري علي معاد شغلي ياابله صفاء _صفاء بقرف طب يختي اعملي حسابك مفيش فطار في البيت روحي افطري برا بقي _حياء حاضر "انتهت حياء من قراءه قرانها ثم ابدلت ثيابها ولبست ثوب فضفاض للغايه معه خمار ونقاب وبيشه فهي لا تظهر اي شئ منها منذ 6سنوات فالله شرح صدرها لحب الستر والقرب من الله سمعت حياء صوت حنين تنادي عليها فنزلت لها" _حياء السلام عليكم ورحمة الله وبركاته ياحبيبتي صباح الخير _حنين وعليكم السلام ورحمة الله وبركاته صباح الفل يانور عيني ايه الجمال دا ادعيلي ربنا يهديني واللبس زيك _حياء بحب بدعيلك ف كل صلاه ربنا يشرح قلبك ياصديقتي يلا بينا عشان منتأخرش علي الشغل هرجع لزعيق استاذ زين تاني _حنين بضحك بس يابت دا زي القمر بس متكبر وشايف نفسه ومش عارفه بيعاملك وحش ليه _حياء بس يابت غطي بصرك عنه عشان حرام وبعدين انا مش قولتلك ممنوع تتكلمي علي حد عشان حرام عشان خاطري متنسيش بقي _حنين بحب بحاول والله وانتي هتسعديني علي كدا صح _حياء بحب طبعا ياحنين انا معاكي طول العمر وهساعدك لحد ماتبقي احسن مني كمان تعالي يلا نستغفر لحد مانوصل للشغل عايزين نستفاد ف الوقت دا بدل مانتكلم ومنستفدش بحاجه _حنين تمام يلا بينا ______________________ _ رنا بعصبيه يااستاذ مروان عيب كدا والله _مروان بقله ادب هو انا عملت حاجه _رنا بعصبيه حضرتك عمال تغمزلي واسلوبك مش كويس ف لو سمحت احترم نفسك _مروان بخبث طب يلا ياشاطره روحي علي شغلك "ف اثناء ماكان مروان بيتكلم مع رنا لحظ وجود حياء وحنين فذهب نحيتهما" _مروان بخبث الست حياء شرفت اذيك ياحياء _حياء بتجاهل الحمدلله بعد اذنك يلا ياحنين _مروان بخبث اتقلي عليا برحتك ياجميل مش هحلق بردو "ف مروان يتعمد اذاء حياء لرفضها له فهو شخص سيئ عديم الاخلاق يعمل اي شئ ليوصل لغرضه مهما كان _ماجد بفرحه حياء انتي جيتي يابنتي _حياء بحب بابا ماجد....... يتبع ______________________ _لا اله الا الله انت سبحانك اني كنت من الظالمين _سبحان الله الفصل الثاني من هنا |
رواية تزوجتني رغما عني فأحببتك (كامله جميع الفصول) بقلم حفيده عائشة
تعليقات