.jpg)
رواية طلاق مش هطلق كامله جميع الفصول بقلم ايمان الرشيد
- طلاق مُش هطلق.
= لا هطلقني وغصب عنك.
- مُش هطلق يا فيروز واعلي ما في خيلك اركبيه.
بصتله بتحدي واتكلمت بحده:
= خلاص انتَ حُر هرفع عليك قضيه خلع.
بصلي بصدمه وملامحه اتحولت للجمود:
- هيا وصلت للخلع يا فيروز ؟!
اتكلمت وانا بتلاشي النظر ليه:
= ايوه انتَ الا اجبرتني اقول كده يا ايوب.
اتنهد ومسح علي وشه بضيق:
- انتِ عمرك ما هتكبري وتعقلي ابدا.
اتكلمت بعصبيه:
= قصدك ان انا عقلي صغير ؟!
اتكلم بزعيق:
- ايوه عقلك صغير وكل مره بتعملي مشكله علي نفس الموضوع وانا هفضل افهم فيكي لحد امته.
اتكلمت بضيق وانا برمي المخده علي الارض:
= انتَ الا مُش عارف حاجه انا بنت وعارفه الحركات دي.
- لا يا فيروز انتِ المره دي مُش عارفه حاجه وبتغلطي.
اتنهدت بضيق واتكلمت بصوت عالي نسبيا:
= بطلعني انا غلطانه يا ايوب وعشان مين ؟!
اتنهد بقله حيله:
- قفلي علي الموضوع يا فيروز انا مُش ناقص صداع.
اتنهدت واتكلمت بعصبيه:
= لا مُش هقفل يا ايوب والموضوع ده مُش هعديه زي كل مره كنت بعديه بمزاجي لكن المره دي لا.
جز علي اسنانه بغضب:
- انتِ عاوزه تتخانقي وغاويه نكد صح.
اتكلمت بضيق:
= انا مُش عاوزه اتخانق ولا غاويه نكد يا ايوب وبعدين انتَ مُش طايقلي كلمه لي انتَ اصلا زهقت مني.
- يوووه انا زهقت انا سيبهالك وماشي.
= استني هنا انا بكلمك.
/بعد ما ايوب مشي قعدت علي السرير بضيق غصب عني دموعي نزلت لوحدها بعد ما كُنت بتماسك وبعمل ان قويه بس انهارت ، حاولت اتصل بيه مره واتنين وتلاته بس مردش.
- ما لسه بدري كنت بات بره احسن.
= اي مصحيكي الوقتي؟؟
- رنيت عليك اكتر من مره مردتش عليا لي؟
= الفون صامت.
- خالتي عزمانا بكره عندها.
= انا مُش جايه عاوز تروح روح انتَ.
- انتِ مصممه تفتحي الموضوع تاني.
= ايوه عشان بنت خالتك بتتقرب منك بطريقه مستفزه؟!
اتكلم بنبره حاده:
- فيروز الزمي حدودك.
= لا يا ايوب بنت خالتك دي عينها منك.
- قولتلك 100مره انها زي اختي وانها بتعتبرني اخوها لاننا متربين سوا وده حب اخوي اي مبتفهميش.
بصتله بضيق وانا بحاول اسيطر علي دموعي:
= تصبح علي خير.
- هنروحلهم بكره اعملي حسابك.
__________________________
/روحت نمت علي السرير بخنقه ، فضلت اتقلب علي السرير مكنش جايلي نوم اتعودت انام في حضنه بس الوقتي متخانقين وكُل واحد مقفول من التاني.
صحيت الصبح بتعب رهيب وصداع هيفرتك راسي وده سببه ان منمتش حلو تقريبا :
- انتِ كويسه ؟!.
هزيت راسي ب اه.
- عينك وارمه من اي؟
اتكلمت بصوت مبحوح:
= منمتش كويس بس.
اتنهد بهدوء واتكلم:
- انا رايح الشغل هرجع تكوني جهزتي هاخدك ونروح.
= ماشي انتَ مستني حاجه؟!
حمحم بضيق ظهر علي معالم وشه:
- لا مفيش انا ماشي.
= اه صح.
ابتسم ابتسامه جانبيه:
- هحضرلك الفطار ثواني.
اختفت ابتسامته واتكلم بنبره ظهر فيها الغيظ:
= لا مُش عاوز انا ماشي.
"عارفه كويس انه كان مستني حضن مني بس ان جيتوا للحق انا الا محتاجه الحضن ده اكتر منه ، هو اتعود علي حضن مني وهو رايح شغله وهو راجع بس المره دي الخلاف قوي غير كُل مره ."
- خد شاور والبس وانا هكون جهزت.
= فين الهدوم.
- محضرتش حاجه؟!
اتكلم بغضب طفولي:
= لي.
- قولت يمكن زوقي ميعجبكش.
= من امته وانتِ اي حاجه بتعمليها مبتعجبنيش انتِ اي حاجه بتعمليها حلوه بالنسبالي وانا مُش عاوزك تبطلي اي حاجه كنتِ بتعمليهالي.
اتنهدت بهدوء وانا بحاول اداري ابتسامتي:
- هدومك محضراها كُنت ناسيه بس.
___________________________
- كده يا ايوب متفتكرناش غير لما نعزمك.
= ابدا والله يا خالتو بس الشغل بقي وكده.
اتكلمت بنت خالته بمياعه:
- لا شكل مراتك وخداك مننا يا بوب.
= يا بكاشه.
- انتَ مبقتش تسأل عليا لي يا ايوب اخص عليك.
بصتلهم بغيظ وحاولت اتمالك اعصابي وسكت.
= انتَ مبتاكُلش لي يا بوب.
- باكُل اهو انا حتي شبعت مُش قادر.
= لا خُد دي من ايدي متكسفنيش ده انا حتي انا الا عملاها.
اتكلمت بعصبيه واستفزاز:
- وانا روحت فين يا حبيبتي هأكل انا جوزي حبيبي.
اتكلمت بابتسامه خبيثه:
= بتغيري عليه مني ولا اي.
- هغير منك انتِ يا قطه...بصي لنفسك وبعدين اتكلمي .
اتكلم ايوب بزعيق:
= فيروووز...!!
- بتزعقلي لي يا ايوب غلطت؟
= انتِ فلتت منك خالص احترمي حتي ان احنا في بيتهم.
اتكلمت بجمود وانا باخد شنطتي وبمشي:
- لا وعلي اي يا ايوب انا سيبهالكم.
= اقسم بالله لو اتحركتي خطوه بره هنزعل من بعض.
/اتنهدت بضيق وخرجت ومعملتش حساب للي ممكن
يحصل مشيت ودموعي نازله علي خدي ، احساس
الغيره ده احساس صعب اوي بينهش وبياكل في القلب
علي قد ما ببين ان مُش فارق بس هو فارق واوي كمان انا واثقه في ايوب بس غصب عني احساس الغيره متملك مني.
مسك ايدي بعنف وقربني منه واتكلم بحده:
- انتِ ازاي تمشي كده ؟؟!
= وانتَ اي الا مزعلك روح كمل يومك معاهم ؟؟
- انتِ شيفاني اي قدامك عشان تمشي ولا كأن ليا لازمه.
اتكلمت بعصبيه وانا بحاول افك ايدي منه:
= شيفاك مُش راجل يا ايوب.
مد ايده وضربني بالقلم.
بصتله بصدمه ومتكلمتش:
- سيب ايدي.
بصلي بحزن وقله حيله:
= فيروز انا..
قاطعت كلامه:
- انا هروح عند بابا وورقه طلاقي توصلني يا ايوب.
/مستنتش رده حتي وجريت بكسره نفس ، كُنت ماشيه تايهه
________________________
- انا عاوزه اطلق يا بابا انا مُش هرجعله.
= هو عمره مد ايده عليكي لو مدها انا الا هطلقك منه حالا.
- لا عمره ما عمل كده.
= طب سامحيه المره دي بس.
- لا مش هسامحه ، ده ضربني بالقلم.
= والله جه واعتذرلي وندمان وشكُله متغير ومعترف
انه غلطان عشان مد ايده عليكي.
بصتله بجمود بحاول اظهره:
- مش هرجع.
= طب اي يرضيكي وانا اعمله.
اتكلمت بدموع ونبره متحشرجه:
- الا كسرني يا بابا انه اول مره يمد ايده عليا وده الا واجعني اوي انا مقهوره من جوايا.
طبطب عليا واتكلم بحنيه:
= بس انتِ الا غلطانه يا فيروز انتِ بنتي ايوه بس انا مُش هقف في صفك لازم اعرفك انك غلطتي جامد.
بصتله بدموع:
- هو حكالك مُش كده ؟!.
= لا يا فيروز محكليش هو محافظ علي اسرار بيتكم.
اتنهدت بقله حيله:
- امال عرفت منين.
= مامتك حكتلي وعرفتني...خايفه مني لي عشان غلطانه ؟!
بصتله بتوتر وخوف:
- انا مكنش قصدي اقوله انتَ مُش راجل طلعت غصب عني.
= انا مُش هعملك حاجه متخافيش بس مهما كنتِ في قمه غضبك مينفعش اصلا الكلمه دي تطلع علي لسانك.
- انا عارفه اني غلطانه بس والله انا معرفش قولت كده ازاي.
= الشيطان شاطر في وقت الخناق يا فيروز ومينفعش تعلي صوتك علي جوزك انا مربتكيش كده.
اتنهدت بدموع:
- الا حصل بقي يا بابا انتَ كمان هتزودها عليا.
= طب ارجعي لبيتك وجوزك واعقلي انتوا الوقتي مش معاكوا عيال لما يبقي معاكم هتعملوا كده قدامهم !!.
"وفعلا ايوب جه خدني ركبت العربيه عشان نروح طول الطريق كنا ساكتين منطقتش بحرف ولا هو اتكلم وكأن كل حد فينا مستني التاني يبدأ بالكلام بس محدش اتكلم فينا لان كرامه كل واحد فينا وجعاه..."
- انتَ مُش ملاحظ قرب بنت خالتك زاد عن حده.
= عاوزه الحقيقه الا اكتشفتها مؤخرا.؟!
- ايوه.
= انتِ كان معاك حق يا فيروز.
اتنهدت وبصتله بلوم وعتاب:
- انا بنت وعارفه الحركات دي انا مكنتش ببعدك عنهم يا ايوب ، انا بس بغير عليك يمكن اسلوبي غبي ولا يطاق بس عاوزني اكون ازاي وانا شيفاها بتتقرب منك وانا قاعده باكل في نفسي.
= استوعبت ده متاخر كنت فاكر حب اخوي لحد ما قربت مني بطريقه مش الطف حاجه وقت ما كنتي في بيت باباكي، وقالتلي اطلقك وابعد واتكلمت عنك وحش واعترفت بحبها.
اتكلمت بغيظ:
- الحربايه بس هقولك حاجه الحب مُش بإيدينا قلوبنا مبنقدرش نتحكم فيها بس بلاش جو ان اسرق شخص
مرتبط وبيحب مراته .
اتكلم بحب ظهر في عينه:
= وانا مبشوفش غيرك انتِ ، ومبحبش غيرك .
اتنهدت بابتسامه حزينه:
- واثقه فيك يا ايوب.
= واي الا وصلنا لكده يا فيروز.
/ ميلت بدماغي علي ازاز العربيه وبصيت قدامي بشرود.
- وَرد يا هانم وَرد يا بيه..خد مني ورد وهتتصالح اسمع مني.
ابتسم بقله حيله واخد منها الورد وقدمهولي:
= عشانك عارف انك بتحبي الورد..اركني خلافاتنا علي جنب.
ابتسمت بحب وانا باخد منه الورد.
___________________
"عدي اسبوع علي نفس الحال انا وايوب بعيد عن بعض ،
كُل واحد بيعمل واجباته تجاه التاني في صمت قررت
اكسر حاجز الصمت الا بينا وخصوصا ان انا كلمتي
مكنتش سهله لبست هوت شورت وحضرت عشا
رومانسي اتصلت بيه ومثلت اني تعبانه قفل
معايا وقالي مسافه السكه وهكون عندك ."
- فيروز انتِ فين والنور مطفي لي انتِ كويسه .
قرب يفتح النور فاتكلمت بابتسامه وانا بقرب منه وبلف دراعي حوالين رقبته:
= وحشتني ، موحشتكش.
بلع ريقه واتكلم بصعوبه:
- مالك اي الا تعبك انا جيت علي ملي وشي؟؟
اتكلمت بابتسامه:
= قولت دي الطريقه الا ينفع تيجي بيها بدري.
- افهم من كده دي خطه منك.
هزيت راسي ب " اه " فاتنهد بتعب وقعد اتكلم بقلق واضح:
= خضتيني حرام عليكي.
- سلامتك من الخضه يا حبيبي.
= حبيبي.
- ايوه حبيبي وقره عيني وابو عيالي.
اتكلم باستغراب:
= انتِ سخنه يا حبييتي.
- ابدا انا بس كُنت عاوزه اقولك ان انا اسفه وعارفه ان غلطت ومكنش ينفع اقول كده ومُش عاوزه الزعل يدوم بينا.
حضني بتملك واتكلم بنبره حنينه:
= حقك عليا انتِ مكنش ينفع امد ايدي عليكي مهما حصل بس خرجتيني عن شعوري بس كانت تتقطع ايدي قبل ما تتمد عليكي.
اتكلمت بدموع وصوت مبحوح:
- انا زعلت عشان جت منك انتَ يا ايوب انتَ مصدر اماني وقوتي ودايما بتباهي بيك ، لما مديت ايدك عليا حسيت انك راجل غريب معرفوش مُش عاوزه بعد ما كُنت بتحامي في حضنك يبقي هو مصدر خوفي.
طبطب عليا بهدوء وخدني في حضنه:
= انسي كُل حاجه وحشه كمل بغمزه ما تيجي نشوف موضوع العيال ده.
ضربته بخجل:
- ايوب.
= قلبه.
تمت المهمه بنجاح انتظروني في اسكريبت قادم تفاعلوا ورأيكم فضلا يا سكاكر😂♥".
#بقلمي_ايمان_الرشيد
بدل ماتدور وتبحث علي الروايات خليها علي تليفونك وحمل تطبيقنا
