رواية حب التيام(كاملة جميع الفصول) بقلم سما النجدي

 رواية حب التيام الفصل الأول 

- يابنتي اهدي شوية هنعمل حادثة 

: أهدى ايه بس ما أنتى السبب اللي مأخرنا لازم يعنى تأخرينا وإلا متكونيش آسيل  

. آسيل - اه يعني لو أنا اللي مأخرتكيش مين هيأخرك عندك حد فى حياتك غيرى يا ست شمس 

. شمس : لا طبعا هو انا ليا غيرك ياقمر بس بلاش تقلب على سفاح كده 🥺

. آسيل - ناس متجيش غير بالعين الحمرة، إلا بقولك يابت يا شمس بما إن الساعة دلوقتي تسعة و ربع و المحاضرة بدأت من ربع ساعة وكدا كدا مطرودين و بما إننا برده مش بنطيق الدكتور أحمد {الدكتورأحمد بدرس ليهم فى الجامعة شخص منضبط و بحب النظام و المواعيد المظبوطة و كل مرة بيطرد آسيل و شمس عشان التأخير}  

و كدا يعنى فهدى السرعة و بينا يلا على اى مطعم عشان هموت من الجووووووع 

. شمس: والله عندك حق يلا يامفجوعة 😂😂

‌🇸‌‌

_____________________________ 

فى إحدى شركات الوردانى. 

يدخل شخص بكل عظمة ووقار مكتبه و تدخل السكرتيره الخاصة بيه خلفه 

•• صباح الخير يافندم 

- صباح النور، حاتيلى ملف المشروع الجديد و جيبى القهوة بتاعتي و اول ما يوصل مستر هادى ابعتهولى 

•• حاضر يا فندم تأمر بأى حاجة تانية 

- لا شكرا يا دعاء اتفضلى أنتى 

. دعاء • بعد إذن حضرتك. 

هز رأسه لها و بعدها بفترة و هو مندمج فى النظر على بعض الملفات يدخل عليه شخص فجأة 

* قالولى إنك عايزنى 

- اه ادخل 

* ايه يا حبيبي و حشتك ولا ايه و بعدين ينفع كده يا بكاش تسيبنى و تمشي كدا 

- بقولك ايه انا مش فايقلك خالص 

* ليه بس كدا يا تيمو  

- هاااااااادى 

. هادى: خلاص يا تيام كنت عايز ايه بقا 

. تيام : تاخد شوية شباب معاك و تروحوا تعاينوا المكان اللي هنعمل فيه المشروع الجديد 

. هادى: حاضر هروح امتى 

. تيام: فى أقرب وقت وياريت لو دلوقتي 

. هادى: خلاص تمام هجمع الشباب و نروح دلوقتي 

. تيام : تمام يلا بقا من غير مطرود 

. هادى : مصلحجى قوى 

. تيام: برااااااااااااااا

. هادى: انت هتقلب ولا ايه 

. تيام: اه ويلا قبل ما اقتلك 

. هادى: لا أنا مش مستغنى عن عمرى سلاموووز 

وخرج هادى من مكتب تيام وراح عشان يجمع الشباب و يعاينوا مكان المشروع الجديد 

بقلم سما النجدى 

___________________________

أما عند آسيل و شمس فراحوا مطعم عشان يفطروا. 

. آسيل : بت ياشمس أنا نسيت أقولك إحنا مسافرين اسكندريه كام يوم كدا 

. شمس : ايه دا ليه 

. آسيل : بابا عنده شغل هناك بس فى حاجه غريبة 

. شمس : ايه هى 

. آسيل : أصل بابا قال إننا هنقعد عند عمو عادل 

. شمس : لا اوعى يكون اللي في بالى 

. آسيل : اه ياختى هو 

. شمس : لا بجد هتقعدوا فى فيلا الوردانى 

. آسيل : تخيلى غريبة صح 

. شمس : اه.. بس فيلتكم قريبة منهم ليه مش تقعدوا فيها 

. آسيل : مش عارفه 

. شمس : بس يالهوى يا آسيل على الخنقات اللي هتقلب البيت 

. آسيل : اسكتى والنبى أنا هروح عشان نونو و طنط عائشة و عمو عادل بس والله و دى أكثر حاجه مفرحانى 

. شمس: اه والله دمهم خفيف و مفرفشين كدا مش زى ابو دم تقيل 

. آسيل : يالهوي أنتى لسا فكرة مش كان حتة مقلب يعني 😂😂😂

. شمس: إضحكى إضحكى ما هو مسح بكرامتى الأرض يومها 

. آسيل : أهو أحسن من الزفت التانى اللي مش بطيقلى كلمة ده 

. شمس: والله يابنتي عندك حق 

. آسيل : اسكتى يابنتي بلا قرف 

. شمس: طب هتسافروا امته 

. آسيل : بكره الصبح 

. شمس: تمام يلا بقا عشان تلحقى تجهزى 

. آسيل : قصدك يلا عشان أنام  

. شمس: طفسة طول عمرك أكل و نوم ايه ياماما مش بتشبعى 

. آسيل : أشبع ايه بس يا شموسة هو أنا ورايا غيرهم 

و مشيت آسيل مع شمس و كل واحدة روحت بيتها 

_____________________________

فى فيلا الوردانى 

. عادل : عائشة مش تنسى بكره الصبح محمد حجازى و مراته و ولاده هيجوا بكره

. عائشة: لا مش ناسية البت آسيل وحشتيني أوى بقالى كتير مش شوفتها من أخر مرة كانت هنا يوم ما نتيجة الثانويه ظهرت و دخلت الجامعة فى القاهرة باباها فتح فرع لشركته هناك عشان يكونوا جمبها و مش يسيبوها لوحدها 

عادل: اه من يومها مش شوفناها و كان كل ما محمد و خالد يجوا هنا كانت بتقعد مع مامتها 

. نور: هو أنا سمعت صح 

عائشة: بسم الله الرحمن الرحيم أنتى طلعتي منين 

نور: مش مهم المهم ان آسيل جاية 

عادل: اه هتيجي هى و عمك محمد و طنط جميله و أخوها خالد هيقعدوا معانا كام يوم كدا و بعدين هيرجعوا عشان امتحانات آسيل و بعدين هيرجعوا اسكندريه تانى بقا و يبقوا معانا كل يوم 

نور: حلو أروح بقا أجهز الأوضة عشان آسيل 

تيام: والله ياجماعة أنا مش عارف أنتوا فرحانين باللى اسمها آسيل دى ليه 

عائشة: استغفر الله العظيم أنتوا بتطلعوا منين يا عيال أنا أحسن حاجة أجهز الغدا قبل ما الأهبل التانى يجي هو كمان 

مرة واحدة لقوا حاجة بتنط وسطيهم بقول 

هادى: الأهبل وصل يمرات عمى 

كلهم اتخضوا و بعدين فضلوا يضحكوا و بعدين قامت ام تيام و دخلت المطبخ و هى ماشية قالت 

عائشة: أنا هقوم انا أجهز الغدا عشان كدا كتير ربنا يهديكوا يا عيالى يارب 

و دخلت المطبخ بدأت تجهز الغدا أما بقا الباقى فكانوا لسا بيضحكوا على حركات هادى و بعدين طلع هادى وتيام و نور عشان ياخدوا شور و بعدين نزلوا عشان يتغدوا 

__________

بقلم سما النجدى 

"" نور دى بقا تبقى أخت تيام عندها 21 سنة فى رابعة طب نفسها تبقى دكتورة أطفال دلوعة قوى و بتحب آسيل جدا... ذات عيون رصاصى شبه عيون القطط عشان كدا خالد ديما بقولها ام عيون قطط و شعر طويل نسبيا لونه اسود و بشرة بيضاء ""

{ طنط جميلة دى تبقى أم آسيل عسوله خالص و طيبة} 

﴿خالد يبقى أخو آسيل عنده 25سنة خريج إدارة أعمال سياحة و فنادق و شغال مع بباه فى الشركة و نفسه يكون عنده قرية سياحية خاصة بيه و آسيل وعدته إنها أول ما تتخرج و تشتغل هتحققله حلمه و بحب أم عيون قطط بس محدش يعرف غير آسيل اللى عرفت بالصدفة و مش عرفته إنها عرفة ﴾

بقلم سما النجدى 

              الفصل الثاني من هنا 

بدل ماتدور وتبحث علي الروايات خليها علي تليفونك وحمل تطبيقنا

تعديل المقال