رواية عم زوجى معذبنى كامله جميع الفصول بقلم Djokan Nana
#عم_زوجي_معدبني بقلام Djokan Nana
الجزء 1
جبتلكم كرونيك بزااااف شابة
#عم_زوجي_معدبني ❤🥺❤
بقلم Djokan Nana
❌❌❌
الحياة تجارب كل منا يمر بتجربة مؤلمة من الحياة وهنا تبدء قصة حياتي أنا !!! 💔💔💔 الجزء 1
أنا اسمي حياة جيت نحكيلكم حكايتي بدات نهار كان عمري 14سنة نبدالكم بمواصفاتي انا سمراء وطويلة جمالي عادي في وجهي مي مسرارة بزاف
بصح لطاي ديالي ماعندي مانقول عليها نحمدة ربي ونشكرو شابة بزاااااف بزاف عندي صدري والمئخر كبار ومشدودين وكرشي داخل في ظهري يعني اطاي حوت الله إبارك عليا هههههه
كانت عندي موهبة الرسم مي مارحتش بيها لبعيد
القراية حبستها في الپيام ماجبتوش بطلت ماكسرتش رأسي نزيدة نقراء مادخلت لحتى موئسسة تكوينية قعدت غير في دار .... المفيد حناء عائلة زواولة ماعدناش ومايخصناش والحمدلله على النعمة المهم قتلكم من نهار كان عمري 14سنة كانو الرجال يحاولو يخرجو معيا في علاقة حب مي ماكنتش نحب ونتجاهل الموضوع ومرات نقبل مي في الأخير أنصيبهم حابين مني العيب راكم عارفين واش حشاكم !! على هاد الشيء كنت أنبطلة العلاقة ديالي معاهم نهار صار عمري 16سنة واحد نهار تعرفت على واحد من ويلاية بعيدة بزاف علينا حبينا بعضنا وكان هو لي حبني بزاف ماطولش وجاء خطبني ودار على جالي كلشيء باش يتزوجني بنالي دار صغيرة في الجاردة تاع دارهم كانت بزاف شابة وكان كل يوم فرحان ويحكيلي على واش زاد وسڨم فيها .... جازو شهور وتم العرس دخلني لداري صلينا مع بعد وبعدها قالي راني عيان ورايح نرقد !! خلاني مخلوعة مع روحي من !! هاديك الليلة وهو غير زعفان ومتشنف تقولي رغمينو على الزواج !! بعد 10أيام من زواجي قتلو وعلاش راك معيا هكدا ماتهدر ماتڨصر وحتى مادرتلي والو كاش مكاين ريضا ؟! هو سكت وخرج في الليل جاء قالي شوفي يابنت الناس أنا حاس بروحي مرانيش مرتاح في زواجنا وحاب كل واحد يروح في طريقو !! أنا كانت أكبر وأبشع صدمة في حياتي !! قتلو
وعلاش ؟! قالي مرانيش عارف !! أنا تم بديت نعيطة عليه بصدمة لي فيا !! وقتلو عنبالك نورمال وحاجة ساهلة طلاقني على 10 أيام ؟! واش نقول لدارنا وناس جاوبني ؟! قالي الله غالب والله مراني عارف واش كاين حاس روحي مرانيش مرتاح معاك !! وأنا تم رجعت كي المهبولة نداوس فيه وهو غير ساكت !! وبعدها قتلو مرانيش مهبولة نطلاقة ونخلي الناس تضحك عليا وأنت دبر رأسك روح أرقي ولا شوف طبيب نفسي !! هو دخل لشنبرة وتغطا بلكوفيرطة كامل روحو حتى رأسو غطاه وبعد ربع ساعة هكداك بداء يبكي كي طفل صغير حتى شوكاني !! رحتلو نجري مخلوعة فيه قتلو واش بيك ريضا ؟! أسمع والله مراك نورمال ورؤح أرقي ولا جوز على روحك !! هو حط يديه على ودنيه وبداء يقولي أسكتي راكي تقلقي فيا !! أنا مهدرت والو وهو بقا كل يوم هكدا معيا ومن هاديك الليلة حياتي كانت ضمار وجحيم معاه في زواجي وزدت سمعت على أهلو من عند مرات خوه أنهم ضحكو عليا وقالو واش عجبو فيها حتى تزوجها مزعوق ماشيء شابة !! وهو بدوام صار يضربني ويعيرني على أتفه الأمور جوزت حياتي معاه غير تعاسة على أمل يبراء نهار ويرتاح في صحتو ويفيق مع روحو باسكو مكانش من قبل هكدا !! يماه على كامل همي كانت تجور تعمرلو راسو ماخلتنيش كامل أنعيشة حياتي !! تكدب وتتنوفق عليا وتدي في هدرة العرايس وتشعل في النار بينتنا دارت بيا ضحك على أمور ماكانش منها كامل وزيد كان راجلي ماشيء كامل مقيمني قدامها !! كان عايش معيا كي شغل صاحبو ماشيء مرتو !! كنت كل الليلة نبات نبكي على حظي الفاشل وسيرتو العرايس كامل رجالهم يحبوهم ويعشقو فيهم غير أنا لالا !! وسيرتو كي يهدرو على فراشهم حشاكم نغيرة بزاف وعلاش أنا هكدا من الرغم عندي لطاي شابة مي وعلاش نفسو ماتحركتش منعرفة ؟! كانت يماه ديرة في المستحيل غير باش تكرهلي حياتي وطلقني وتعاود تزوجو مع من حابة هي !! كانو دارنا غير هوم ليزوروني ماكنتش نروحلهم وإدا حبيت أنا نروحلهم لزم هوما لي يجو يدوني ويردوني لداري !! كنت محرومة من كلشيء لا لبسة لا خرجة لا حفافة ولا مكياج عبرني بيه عايشة معاه كي الطلابة !! عمرو ماشرالي ولا قيمني غير أهلي لي يكسوني ويجبولي ومن هدا الشيء كل بقيت عدراء معاه طول الزواج ماكانش قادر يدنالي !! كنت في البداية شاكة في روحو أنو أنا مسحورة ولا محسودة والعياد بالله !! جريت على روحي بزاف وعليه تانيت والحمدلله لقيت روحي لباس عليا مي هو لي فيه الضرر حاولت معاه شحال من خطرة باش يرقي روحو مي ماحبش حتى واحد النهار هو صارحني قالي والله ياحياة غير نحبك ونموت عليك وأنتي عندك أطاي الله ياربك تقول ملكات جمال الكون مي مانعرفش وعلاش راني معاك هكدا ؟! قتلو أنا قتلك من النهار الأول روح أرقي ولا شوف كاش طبيب نفسي وأنت ماسمعتش مني هو تنهد وسكت مقال والو !! المهم بدوام كرهت العيشة معاه وقررت نطلاقة منو رحت عيطت لأهلي وحكيتلهم كلشيء هوما كانو علبالهم بكل حياتي وتفهمو أمري
يتبع
