رواية اعشقك ولكن كبريائى يمنعنى الفصل العاشر بقلم لوكا
فرح:لا حضرتك انا كده مرتاحه انتى بس تعالى اقعدى وانا هعمل انا وامل
وبداوا يعملوا الاكل
******************************
عند ادهم فى الشركه راح لمكتب ابوه لقاه هو وحسام هناك
ادهم:السلام عليكم
حسام وفاروق:وعليكم السلام
فاروق:جيت امتى؟؟؟؟
ادهم:لسه دلوقتى
حسام:ومراتك فين؟؟
ادهم:فى البيت
افاروق:جيتوا النهارده ليه يا بنى كنتوا تعالوا بكره اخر النهار
ادهم:يا بابا زهقت قولت اجى
حسام:زهقت
ادهم:يعنى وحشنى الشغل
وقعدوا يتكلموا فى الشغل وعند فؤاد
فؤاد:ايه رايك يا جاسر نعزم اختك وجوزها وعيلته بكره على الغدا
جاسر:يا ريت يا بابا بص احنا نكلمها دلوقتى ونقولها
اتصلوا بفرح
فرح:السلام عليكم
فؤاد:وعليكم السلام ازيك يا حبيبتى
فرح:الحمد لله يا حبيبى واحشنى اوى
فؤاد:وانتى اكتر يا قلبى كده متتصليش النهارده
فرح:معلش يا حبيبى احنا لسه واصلين من شويه
فؤاد:ماشى يا حبيبتى المهم احنا عاوزين نعزمكم على الغدا بكره
فرح:مين بالظبط
فؤاد:العيله كلها يا حبيبتى
فرح:هقولهم يا حبيبى
فؤاد:لا يا حبيبتى بس اما يجى فاروق كلمينى
فرح:حاضر يا حبيبى
فؤاد:خدى جاسر عاوز يكلمك
فرح:جسوره حبيبى
جاسر:توته قلبى
فرح:وحشتنى يا حبيبى
جاسر:وانتى اكتر يا حبيبتى هتيجوا بقى ها
فرح:حاضر يا حبيبى هقول لادهم
جاسر:والله وبقى ليكى حد تستازنى منه غيرنا
فرح:معلش بقى يا حبيبى
وقفلوا مع بعض بتبص لحد حماتها وامل متنحين
امل:هو انتى كنتى بتكلمى ادهم
فرح:لا كنت بكلم بابا وجاسر اخويا
سعاد:اصلنا استغربنا
فرح:لا دا بابا كان بيتطمن عليا
وقعدوا يكملوا الاكل وفرح بتتعرف عليهم
***************
جت مريم من الكليه ودخلت المطبخ فوجئت بفرح فى المطبخ
مريم باستغراب شديد:دكتوره هنا
فرح بنفس النبره:مريم
مريم:انتى بتعملى ايه هنا
سعاد:دى فرح مرات اخوكى
مريم:لا دى دكتوره هنا
فرح:انا اسمى هنا بس كل الناس بتقولى فرح
مريم:يعنى انتى مرات ادهم
فرح:ايوه شوفتى قاعده على قلبك ازاى
مريم بفرحه شديده:احلى حاجه حصلتلى وجرت عليها وحضنتها وباستها
امل:هو انتم تعرفوا بعض
مريم :دكتوره هنا بتدرسلى فى الكليه
فرح:اسمى فرح
امل:يعنى انتى بتدرسى فى الكليه؟؟
فرح:ايوه
وقعدوا يتكلموا شويه
لغايه اما جه ادهم وفريد وحسام وفاروق
فاروق:يا بنى نادى مراتك تسلم علينا انا لسه معرفش شكلها
ادهم دخل نادى فرح
خرجت فرح وراحت عندهم اول اما دخلت حسام وفريد تنحوا
ادهم:تعالى يا فرح سلمى على بابا
فرح راحت سلمت عليه
فرح:ازى حضرتك ؟؟
فاروق:الحمد لله يا بنتى
ادهم:ده اخويا الكبير حسام جوز امل وده فريد الصغير واكيد شوفتى مريم
فرح:اهلا وسهلا
فريد فاق من صدمته:معلش ممكن سؤال؟؟
فرح:اتفضل
فريد:انتى الاسبوع اللى فات كنتى قاعده مع 3 بنات فى
مطعم............؟؟
فرح:اه يوم الحد
فريد:وجه واحد غلس عليكم ورحتى ضرباه بالقلم
فرح:ايوه
سعاد:انتى يا بنتى والله احنا قولنا بنت جدعه اللى عملت كده
فرح:مهو كان لازم يقف عند حده
ادهم:وانتى كنتى بتعملى ايه فى المطعم ده؟؟
فرح:كنت قاعده مع اصحابى
ادهم:يا سلام عادى كده
فرح:هو انا كنت فين منا كنت فى مطعم محترم وكنت واخده اذن بابا
فريد:انتى تعرفى دكتوره حنين؟؟
فرح:اه حنين صحبتى انت تعرفها؟؟
فريد:بتشتغل عندنا فى الشركه
فرح:اه شركه الحسينى
فريد:ايوه
مريم:مش يا ادهم فرح طلعت الدكتوره هنا
ادهم:يعنى ايه؟؟
مريم:فاكر الدكتوره اللى كنت حكتلك عنها انها اكتر واحده بنفهم منها
ادهم:اه
مريم:طلعت هى فرح
ادهم:مش فاهم هنا ازاى
فرح:انا اصلا اسمى هنا
فاروق:منا برضه بقول يوم الفرح فى كتب الكتاب مقلوش فرح دى خالص بس قلت يمكن نسيت
فرح:لا بس الناس اللى فى الشغل اللى بيقولولى هنا غير كده انا فرح
عمو بابا كان عاوز يكلم حضرتك
فاروق:وماله يا بنتى
فرح طلبت الرقم وادت فاروق لابوها
فاروق:السلام عليكم
فؤاد:وعليكم السلام ازيك يا فاروق
فاروق:الحمد لله يا فؤاد ازيك وازى الاولاد
فؤاد:الحمد لله بس كان ليا عندك طلب
فاروق:اؤمر
فؤاد:تيجوا تتغدوا معانا بكره
فاروق:يا سيدى تعالوا انتم
فؤاد:لا عندى وعندك واحد بس فرح وحشتنا وعاوزنكم تيجوا
هتكسفنى
فاروق:خلاص يا سيدى ماشى هنيجى بكره
فؤاد:فرح هتقولكم العنوان
فاروق:ماشى يا فؤاد
فؤاد: تشوفونا وتنورونا ان شاء الله معلش بقى ادينى ادهم
فاروق ادى التليفون لادهم
ادهم:ازيك يا عمى
فؤاد:الحمد لله يا بنى
ادهم :يا رب دايما يا عمى
فؤاد:يا رب ان شاء الله العيله معزومه عندنا بكره على الغدا
ادهم:ان شاء الله
فؤاد:بصراحه يا ادهم عاوز اطلب منك طلب بس متردنيش فيه
الفصل العاشر
وصلنا المره اللى فاتت اما فؤاد كان بيكلم ادهم فى التليفون
فؤاد:ادهم كان ليا عندك طلب ويا ريت متردنيش فيه
ادهم:اؤمرنى يا عمى
فؤاد:ان شاء الله العيله كلها هتيجى عندنا بكره على الغدا كنت عاوزك
تيجى انت وفرح تباتوا معانا النهارده
ادهم:مهو يا عمى احنا هنيجى بكره
فؤاد:بس فرح وحشتنا اوى انا واخواتها نفسنا نقعد معاها ونشبع منها
ادهم:ماشى يا عمى ان شاء الله هنيجى
فؤاد:واحنا مستنينكم متتاخروش
ادهم:حاضر يا عمى
وقفلوا مع بعض واقعدت العيله تتغدى وبعد الغدا
فريد لفرح:وانتى يافرح بتحضرى على كده الماجستير
فرح:لا انا معايا الدكتوراه
حسام:مش لسه صغيره على الدكتوراه شويه
فرح:لا مش صغيره انا اصلا واخداها من 5 سنين
سعاد بقلق:ليه يا حبيبتى انتى عندك كام سنه؟؟؟
فرح:25
ادهم باستغراب:يعنى كان عندك20 اما اخدتيها ازاى
فرح:حكتلهم ازاى هى اخدت شهادتها
امل باعجاب:ما شاء الله يا فرح متفوقه اوى
فرح:انا بحب دراستى علشان كده تفوقت فيها
فاروق:ومش بتعملى حاجه غير التدريس فى الجامعه
فرح:لا سعات بترجم كتب
فريد:ما شاء الله
فرح:انا وانا فى فرنسا بدات موضوع الترجمه ده كنت بترجم من
فرنساوى لعربى وانجليزى وايطالى كده يعنى
فريد:يعنى انتم روحتوا عيشتوا فى فرنسا وسيبتوا امريكا
فرح:لا انا بس اللى سافرت
ادهم بحده:ازاى يعنى تسافرى لوحدك
فرح بهدوء:علشان ابويا مربينى كويس وعارف ان وراه رجاله
ادهم بحده:برضه مينفعش
فرح:والله انا متربيه وسط 3 اخوات رجاله انا الاخ الرابع بتاعهم
ادهم بانفعال:والله
فرح:اه الله
فاروق لتهديه الموقف:بس انا مشوفتش ليكى غير اخين بس
فرح:عمر ابن خالى اخويا فى الرضاعه
سعاد:هى مامتك مكنتش بترضع
فرح:لا ماما ماتت وهى بتولدنى
واستمر النقاش لحد ما ادهم اخد فرح ومشيوا
*******************
اما عند البنات
الاء:والله فرح وحشتنى اوى
امانى:وانا كمان
حنين:هى قالت هترجع امتى؟؟
امانى:المفروض النهارده نبقى نكلمها بكره بقى
الاء:ماشى ..............تفتكروا مبسوطه؟؟
حنين:ولو مش مبسوطه هتقول يعنى منتى عارفاها كانك بتقول
للاخرس اتكلم
امانى:فعلا دى كتومه بشكل فظيع عمرها ما اشتكت من حاجه ابدا
الاء:هى مبتحبش تبان ضعيفه
حنين:حتى قدامنا ده احنا صحابها
امانى:ده حتى قدام ابوها
الاء:بس هموت واعرف هى ليه عمرها ما بتقوله لا
حنين:يمكن علشان هو مرضيش يتجوز بعد مامتها
امانى:مهى دى المشكله محدش عارف هى بتعمل كده ليه؟؟
وقفلوا البنات مع بعض
************************
بعد اما ادهم وفرح مشيوا طلع فاروق وسعاد اوضتهم
فاروق:شوفتى البنت اللى كنا خايفين منها طلعت كويسه ازاى
سعاد:والله يا فاروق البنت بلسم كده ىسكر بس
يا رب ادهم يبطل اللى بيعمله ده
فاروق:شوفتى بيكلمها ازاى
سعاد:ده كان ناقص يقوم يضربها
فاروق:البنت مش هتستحمل المعامله دى كتير
سعاد:بصراحه البت بالنهار بنسالها عاملين ايه مع بعض مقالتش فى
حقه حاجه وحشه وشكرت فيه
فاروق:علشان هى بنت ناس ومتربيه
سعاد:بقولك يا حاج بفكر احكلها عن موضوع مها يمكن تعزره فى
اللى هو فيه ويرجع على ايديها ادهم بتاع زمان
فاروق:مش عارف ممكن تخلى امل تحكيلها او مريم مهم صحاب
سعاد:بكره هتكلم مع امل واشوف اللى هنعمله
فاروق:يا رب يسهل حالهم
******************
اما عند امل وحسام
امل:شوفت اخوك بيعامل البنت ازاى
حسام:هو شكله مش هيجبها لبر
امل:بس بجد كتير اللى بيعمله ده ده لو بتشتغل عنده
مش هيعمل معاها كده
حسام:هو شايف انه اتغصب عليها
امل:بس انا فرحانه فيه
حسام:اشمعنى يعنى؟؟؟
امل :علشان كان فاكر فرح جاهله بس طلعت دكتوره فى الجامعه
ومثقفه وشاطره
حسام:هى فعلا مثقفه جدا ..................هو احنا هنفضل طول الليل
فى سيره ادهم وفرح تعالى اقولك كلمه
امل:هو انت مبتشبعش كلام
حسام:هو فى احلى من الكلام تعالى بس
************************
اما مريم وفريد كانوا قاعدين مع بعض
مريم:شوفت بيكلمها ازاى هيخليها تسيب البيت
فريد:ليه هى جايه تصيف ده بيتها قبل ما يكون بيته هى دلوقتى مراته
مريم:بس لو فضل يعاملها كده هتزهق وتسيبه
فريد:متخافيش فرح تتحب واخوكى هيحبها
مريم:يا رب يا فريد .........منها لله مها
فريد:اسكوتى مش اطلقت
مريم:يييييييييييييييه يعنى ممكن ترجعله تانى
فريد:حتى لو فكرت ادهم عمره ما هييرجعلها
مريم:يا رب وهى نازله من بيتهم يخبطها اوتبيس ولما يجى الاسعاف
يشيلها تتقلب بيها وتولع مبعدين تقع فى النيل وميلاقوش ميه
يطفوها بيها
فريد:ههههههههههههههههههههههههههههههههههههههههههههه
ههه دا انتى بتحبيها اوى
مريم:طبعا حب ملوش حدود لدرجه انى عاوزه اموتها
*********************
اما بقى عند
tom&jerry
ادهم:انتىى ليه مقولتليش انك بتشتغلى
فرح :قعدت تضحك بهستريا
ادهم بغيظ:على فكره انا مقولتش نكته
فرح بتحاول تهدى وقالت بتهكم:اقولك اقولك امتى؟؟
وانت كنت على طول بره
ولا يمكن اقوله فى الوقت اللى كنت بتزعق فيه
لالالالالالالا كنت اقولك وانت كنت بتقولى جايه من
ورا الجموسه وزريبه
ادهم سكت ومردش
فرح بحزم:احنا اتفقنا اننا نمثل قدامهم اننا اسعد زوجين
بلاش تخلينا نرجع فى كلامنا
ادهم بنرفزه:هو كلام عيال
فرح بهدوء لتغيظه:والله انت اللى بتكلمنى وحش قدامهم انا بكلمك
كويس وبتكلم عنك كويس وانت بتعمل العكس
دا انت حتى متعرفش اسمى
ادهم:انتى قولتيلى فرح
فرح:يا سلام وانت بتمضى على القسيمه مقرتش الاسم وفى
كتب الكتاب مسمعتش الاسم
ادهم:مخدتش بالى
فرح بجديه:بص احنا دلوقتى رايحين عند اهلى تعاملنى كويس
قدامهم وقدام اهلك انا سكتالك مش علشان انى ضعيفه لالالالالالالا
انا قويه جدا انا بس ساكته علشان انا وعدتك بس لو انت خلفت
وعدك مفتكرش انى هفضل على وعدك
