رواية علمتنى ازاى احب الفصل الحادي عشر بقلم امل شعبان
كريم امجد جاي الشركه النهارده
احمد ايوه لانه من هنا ورايح بقى شريك في الشركه
مع اننا كتبنا العقود واتفقنا وخلصنا بس مش مرتاح له
كريم بصله بصه خبيثه وبنبره صوت هاديه بالعكس يا احمد ده احلى قرار انت اخذته انك تدخل امجد بيه شريك معاك وهو ما دخلش غير ب 40% من الاسهم يعني اي قرار للشركه لازم يرجع لك اولا
بصله احمد باستغراب عرفت ازاي يا كريم اللي هو دخل ب 40% مع اني انا لسه ما قلت لكش
بصله كريم بتوتر بلع ريقه وضحكه ضحكه خوف
ايوه يا احمد انت ما قلتليش انا عرفت من ياسر المحامي
احمد كان ينظر الي وهو مستغرب من توتر كريم هز براسه وقال له تمام
كريم تمام يا احمد هسيبك دلوقتي عشان اكلم شيماء تجهز المكتب لامجد
نسيب احمد وناخد لفه عند نعمه
نعمه واقفه في المطبخ بتحضر احلى اكله بتحبها فرح الملوخيه والرز
دخلت مكه شافت مامتها هي بتحضر الاكل لفرح
بصيتلها وضحكه ضحكه خبيثه ايش ايش ايش اللي يشوفك امبارح يا نعوم ما يشوفكيش النهارده وانتي عامله الشيف الشربيني
بصيت لها نعمه وهي ماسكه الكوبشه في ايديها وبنبر صوت ضحك عارفه يا مكه لو ما خرجتيش دلوقتي من المطبخ بالكبشه دي هديها في دماغي يلا يا بنت اطلعي بره
مكه بصيتلها وهي متصنعه ابتسامه على وجهها وتبربش بعيونها وبنبره صوت سهتانه
خلاص خلاص يا نعومتي وبعدين بتعملي
لفرح الاكله اللي هي بتحبها وانا لا لا لا لا لا لا ما كنتش متوقعه منك الغدر ده خالص يا نعمتي
قطعتها في الكلام نعمه وهي تضحك على كلمات مكه غدر ايه يا شبر ونص انتي
انتي ربنا قصر في طولك وطول في لسانك
نعمه وهي بتتكلم شمه ريحه شياط كان الرز بيشيط
يا لهوي الرز اتحرق
نسيب نعمه ومكه وناخد لفه عند فرح
فرح داخل اوضتها جلسه على السرير ماسكه برواز ا في صوره عائليه متجمعين فيه هي وباباها ومامتها ومكه وهي تنظر الى البرواز فشعرت بالاشتياق الى ابيها المتوفي
فاخذت البرواز وتضمه الى صدرها وهي عم تبكي
وسرحت في ذكرياتها ايام مكان باباها عايش
نسيب فرح وناخد لفه عند حنان
حنان بتتمشى في الشركه بتدور على كريم هي بتتمشى صدفت شيماء متجهه ناحيه مكتب استاذ احمد
حنان شيماء
شيماء بصيت لها وكانت حمله في ايديها ملفات
ايوه يا حنان
حنان بصيت لها ورسمت على وشها الضحك وبنبره صوت هاديه ما شفتيش استاذ كريم اصل كنت بدور عليه ما لقيتهوش في المكتب
شيماء اه استاذ كريم في مكتب استاذ امجد
حنان اوكي
شيماء تمام خد الملف ده معاكي ادي الاستاذ كريم هو كان طالبه
حنان بصت لشيماء وابتسمت واخذت الدوسيه من شيماء وهي متجهه الى مكتب امجد بيه
بنما كان امجد وكريم في المكتب يتحدثون ويشربون القهوه وهم واقفين قدام النافذه
امجد كان يمسك في يده اليمين فنجان القهوه ويده الشمال يضعها في جيبه كان يتحدث الى كريم ونظره موجه الى النافذه
بينما كريم كان ينظر الى امجد ويمسك في يده فنجان القهوه
كريم بس انا مستغربه يا امجد بيه انت شريك احمد في الشركه لو الحكومه اكتشفت شحنه الاسلحه
هتبقى انت كمان متهم معاه لانك شريكه
بصله امجد وهو يرسم على وجهه ضحكه خبيثه
لا ما تخافش انا في السليم انا نسبتي في الشركه 40% اما احمد نسبته 60% يعني
ما فيش اي سفينه تخرج من الميناء غير باذن من احمد
قطع في الكلام كريم ده على كده يتخاف منك يا امجد بيه
بصله امجد وهو يضحك ضحكه شريره لا ما تخافش يا كريم طول ما انت في صفي ومعايا ما تخافش
لسه كريم كان راح يتحدث نظره اتجه ناحيه الباب بالخطا راى امامه حنان وهي مرسومه على وشها علامه الدهشه
بدل ماتدور وتبحث علي الروايات خليها علي تليفونك وحمل تطبيقنا
