رواية همسة وجع الفصل الثالث عشر بقلم اسماء العذب
لايك الاول يا شطار
13
#همسه_وجع
#رمضان_مبارك
صلوا علي الحبيب المصطفى
___________________________________________________
خرجوا من الاوضه ومشعل ماسك وعد ووليد وماشي بيهم ورا هشام وهمسه
لحد ما سمعوا مره واحده صرخة هزت المستشفى كلها من صوتها
مشعل مسك الاولاد كويس وجري علي همسه بسرعه لانه كان من ورا واول ما بقي
عندها شاف واحده ست حضنتها جامد وراجل قاعد علي كرسي متحرك هو كمان ماسك ايد همسه وهو بيضحك ويبكي في نفس الوقت ..بعدها شاف شاب
جاي بيجري عليهم وهو بيصرخ بأسم همسه بفرحه
مشعل قرب بسرعه وهو بيبعد عمر واخو همسه عمر عنها وهو بيصرخ فيهم
مشعل: ويش فيك انت وياه بعدو عن البنيه رح تموتونها بالجنان اللي بتسوو إبعدو
عمر وقف قدام مشعل وهو بيتكلم ودموعه نازله منه
لكنه مسحها بسرعه وهو بيبص لمشعل بغضب وزعق فيه بعلو صوته
عمر :انت مين انت عشان تبعدنا عنها انت عارف دي تبقي مين ولا تبقالنا ايه ولا شوفنا ايه عشان اللحظة دي
مشعل زعق فيه هو التاني وهو بيزقه لورا بعد ما فقد اعصابه من طريقه عمر
مشعل: مو هاممني منو انت ولا منو تكون بعد عن زوجتي احسن ما زعلك انت وأهلك
عمر فقد اعصابه تماما وهجم علي مشعل ومسكه مز لياقه بدلته
عمر:مرات مين يا جدع انت ..اللي انت بتتكلم عليها دي تبقي اختي ومختفيه من خمس سنين عايز تقنعني انها كانت معاك الوقت ده كله
مشعل هو كمان مسك عمر من لياقه قميصه وهو بيزعق فيه
مشعل: اسم الله عليك.. شو ها الذكا والحلا اللي انت فيه ..إن زين متل ما قلت هي كانت معي طول ها المده وإن كنت مو واخد كلامي صدق اسأل عيالها
عمر ما حسش بنفسه غير وهو بيهجم علي مشعل ويضربه بالبوكس في وشه وهو بيشتمه بألفاظ خارجه
كل ده كان هشام بيتفرج من سكات وهو بيحاول يكتم بسمته من حاله مشعل وعمر وسيطانه واقف جنبه والاتنين بيبصو لبعض ويضحكوا في الخباثه
اما وعد ووليد فراحو علي جنب وهو خايفين جدا وبيعيطوا برعب من شكل مشعل وعمر والمكان اللي أتملي ناس والكل بيحاول يحل بينهم لحد ما الحرس اللي كان مع مشعل كان جاي جري من بره المستشفى بعد ما طلب منهم انهم يستنوا في العربيات بره
اول ما وصل الحرس مسكوا عمر وبعده عن مشعل بعدها واحد منهم نزل ضرب في عمر بع/نف
وأم عمر صرخت بخوف وهي بتحاول تحوشهم عنه
وفاء:ابعددددوا عن ابنيييييي ...سيبوووووه إبعدوووووا
:بعدوا عنه
أمرهم مشعل بعد ما وقف ومسح الد/م اللي نزل من شفايفه بعدها قرب علي عمر اللي ماسكينه رجالته وطلب منهم انهم يسيبوه
بص حواليه شاف أن المستشفى كلها واقفه بتتفرج عليهم وشاف الأمن جاي عليهم من بعيد فبص لعمر اللي وشه كان بين/زف وبعدها بص لأمه وابوه
واتكلم معاهم باحترام وكأنه اتحول تماما
مشعل : ممكن نحشي عي انفراد إذا سمحتوا ..وساعتها بوضح كل شي ..بس خلونا نمشي من هني العالم عم تطالعنا
ابو عمر هو اللي اتكلم وقال
:اتفضل يا استاذ علي اوضه ابني مازن ..اصله مريض هنا
عمر بصوت عالي:يتفضل فين يابابا انت مش سامعه بيقول ايه عن اختي
ابوه :هشششش اسكت خالص يا عمر ..الأستاذ هيوضح لينا اختك بتعمل ايه معاه وايه حكايه الجواز ده
مشعل بص لهشام واتكلم
مشعل: دكتور تقدر تاخد همسه تعمل الفحوصات لبين ما اتكلم مع الجماعه
عمر:الله هو انت كمان عارف ..لا وكمان الدكتور المسؤول عن علاج اختي وسايبنا علي عمانا وانت عارف ..حسابك كبر معايا يا هشام كبر اوي
هشام بسرعه:والله عرفت انها هنا امبارح بس
عمر:خلاص انت لسه هتوضح وتفسر ما خلاص
ابو عمر :انت كنت عارف
هشام: والله امبارح كانت همسه جايه في حادثه وما رضيتش اقولكم غير لما تفوق واعرف منها كل حاجه
ابو :عمر لا كتر خيرك ويا ريت من هنا ورايح دورك في حياه بنتي انك الدكتور بتاعها لحد ما تقوم بالسلامه بعدها علاقتك بينى تنقطع تماما يا ريت
مشعل :ممكن حدا يفهمني علاقه الكور حق همسه فيكم وفيها
ابو عمر: نروح الاوضه بعدها كل حاجه هتتوضح..اكيد هتتوضح
ابو عمر بص
علي مراته شافها سابت الكل بيتكلم وهي حاضنه همسه وهي بتعيط وتكلمها بصوت واطي
وهي في عالم تاني وبتتأمل ملامح بنتها وتبتسم من وسط دموعها
ابو عمر :سيبيها يا وفاء عشان يكشفوا عليها وتعالي معانا الاوضه نفهم ايه اللي بيحصل حولينا
وفاء حضنت همسه وهي بتقول بعناد ورعب
:لا ..لا مستحيل اسيب بنتي تاني ..انا ما صدقت انها رجعتلي عاوزين تاخدوها مني تاني
ابو عمر :يا وفاء سيبيها بنتك تعبانه ولازم تعمل كشوفات ..اتطمني بنتك رجعتلك ..ربنا استجاب لدعانا وإن شاءالله مش هتفارقنا طول حياتنا ..اتطمني
وفاء هزت راسها بتردد
وقامت من جنب همسه واتأملت وشها اللي كله كدمات من أثر الحادثه بعدها باستها من خدها بحنان وسابت السرير للممرضات اخدوه لاوضه الكشف
وهشام وراهم لانه
اختار أنه يتفادي النقاش مع أي حد دلوقتي
مشعل بص حواليه وشاف وعد ووليد قاعدين بعيد وبيعيطوا..راح عندهم وحضنهم
وهو بيهديهم بالكلام بعدها شال وعد ومسك ايد وليد وجه ناحيه البقيه
والكل راح للاوضه الموجود فيها مازن
اول واحد دخل
كان عمر واللي مازن اول ما شافه سأله
مازن :في ايه يا عمر ايه اللي عمل في وشك كده وايه الصوت العالي اللي كان بره ده ده انا سمعت صوت ماما بتصرخ ايه فيه وايه اللي حصل
اول مامازن خلص كلامه لاقي الاوضه اتملت ناس كتير غريبه راجل معاه عيال وناس لابسه بدل سودا زي الحرس ومامته بتعيط وبباه ملامحه مش متفسره
ابوه اتكلم وهو بيسأل مشعل
ابو عمر: دلوقتي بقي احكيلنا بنتي همسه ايه علاقتها بيك وايه اللي جمعكم مع بعض ..اتفضل
___________________________________________________
إيمي كانت قاعده في النادي سرحانه وهي بتفكر يا تري هشام مش بيرد عليها ليه
وليه مجاش البيت من امبارح
ايه السبب
طب وعد ووليد حصلهم حاجه علشان كده مجاش
ولا في حاله طوارئ في المستشفى
بس لو كان كده فعلا كان محمد اخوها قال ومامتها قالتلها لكن ما حدش قال
ياتري ايه في
:سرحانه في يا يويو
سألتها صاحبتها زيزي اللي كانت قاعده معاها هي واتنين صحابها ومامتها وواحده صاحبه مامتها
ردت عليها إيمي بعد ما بصت عليها
:ولا حاجه يا زيزي بس هشام ما رجعش من المستشفي من امبارح وبالي مشغول عليه
زيزي: طب ما تتصلي عليه
إيمي: اكيد اتصلت عليه لكن ما بيردش الظاهر انه سايب التلفون في المكتب ومشغول جامد ..بس عاوزه اتطمن عليه ليكون حصل حاجه
ردت عليها صاحبتها التانيه واللي اسمها ندي
:طب ما تروحي المستشفى وتشوفي ايه اللي شاغله ولو سألك قوليله حبيت اعملها مفاجأة
ام إيمي هي اللي ردت
:والله فكره يا ندوش ايه رأيك يا إيمي ناخد غدا ونروح نزور هشام في مكان شغله وبالمره نتصل بمحمد يشوفنا هناك
إيمي ابتسمت وردت
:وليه لا يا ماما..يلا بينا
استوووووووووووب
ايه رأيكم في الفصل ؟؟؟
ياتري مشعل هيقولهم ايه ؟؟
طب هشام هيعمل ايه لما كل حاجه تتكشف اإلا قصته؟؟
رد فعل اهل همسه لما يعرفوا بنتهم كلنا فين وايه اللي حصلها ؟؟
وايمي هتشوف ايه لما تروح المستشفى ؟؟
اكتبوا رأيكم في التعليقات ولو اي حد عنده تعليق علي القصه يا ريت يقول
يلا
أستودعكم الله
اسماء العذب( كروان )
بدل ماتدور وتبحث علي الروايات خليها علي تليفونك وحمل تطبيقنا
