رواية مجنون فرح الفصل العشرون بقلم رنا اشرف
البارت 20
_______________________________
زين وهو سايق بعصبيه: هقتلك لو عرفت انك خونتيني يافرح هقتلللك
كان سايق بسرعه بس لقي ماجد بيرن عليه *
زين بعصبيه: ايوه ياماجد!!
ماجد باستغراب من صوته: في اي انت كويس!!
زين بعصبيه: عايز اي ياماجد انا مش فاضي
ماجد: انت ال فيه اي يازين...انت فين ولا بتعمل اي معصبك كده!!
زين بعصبيه: بتخوني ياماجد بتخوني.... هقتلها وهقتله
ماجد بسرعه: هي مين!! فرح؟! انت بتقول اي يازين انت ف وعيك!!
زين بعصبيه: ماجد مش عايز اتكلم اقفل دلوقتي انا قربت اوصل
ماجد: زين بطل جنان متوديش نفسك ف داهيه... انت عرفت ازاي انها بتخونك!! ولا دي شكوك!!
زين بدموع نزلت غصب عنه لما شاف صورتها ف حضن واحد تاني: لا مش شكوك انا شوفت صورتها نايمه ف حضن واحد تاني... فرح خرجت من غير ماتقولي مع اني كنت ف البيت ليه تعمل كده ليه
ماجد بهدوء نسبي: ومحططش احتمال لو واحد ف الميه انها لعبه علي فرح وعليك!! بلاش مش يمكن الصور متفبركه بلاش دي بردو مش يمكن فرح متعرفش اي حاجه بتحصل حواليها حد خطفها مثلا ينتقم منك زي مابنسمع!!
زين بعصبيه: انت بتقول كده عشان مش مكاني!! اقفل ياماجد انا مش ناقص
ماجد: زين متتسرعش انت ذكي وبتحسبها كويس انا عارف ان اي حد مكانك هيعمل كده واكتر بس انت لأ يازين انا عارفك متتسرعش ف الحكم عليها اسمعها الاول عشان هتندم والندم وحش صدقني
زين قفل بعصبيه عقله مش مسوعب اي حاجه غير ان مراته مع واحد تاني....وصل العماره
زين بسرعه: لو سمحت شوفت دي طالعه هنا من شويه " فتح صوره فرح علي تلفونه "
البواب: لا يابيه انا كنت من شويه بجيب طلبات والبوابه كانت فاضيه بس انا اول مره اشوفها هنا
زين: طيب في واحد هنا عايش لوحده
البواب: مفيش حد عايش لوحده هنا الشقق كلها تمليك ولعائلات مفيش غير شقه صاحبها بيأجرها مفروش هي ف الدور التالت الشقه الاولي
* زين سابه وطلع بسرعه مستناش وكسر الباب برجله بعصبيه رغم ان الجرح ال ف كتفه اتفتح بس مكنش هامه غير ان يقتل فرح زي ماقال...
دخل ودور ف الشقه كلها ملقاش حد دخل اخر اوضه ووقف بصدمه وهو شايفها نايمه وهدومها علي الارض كان هيروح يقتلها وهي نايمه بس غصب عنه دموعه نزلت وهو حتي مش قادر يتخيل انها ممكن تخونه او انه ممكن يقتلها افتكر كلام ماجد وافتكر انه سمع عن حالات كتير شبه دي ف قرب منها بإنهيار وخد هدومها ولبسهالها وشالها ونزل نزل من العماره كلها وحطها جمبه ف العربيه وطول الطريق عينه عليها مش قادر يركز ف حاجه غير انها لو خانته فعلاً!!.....
________________________________
هَنا بعصبيه: يعني اي ملقتهاش!!
شاكر بزهق: يعني ملقتهاش البواب قالي ان في واحد سال عليها وطلع الشقه وبعدها مشفهمش وانا روحت الشقه علي طول قولت هلاقيها لسه مرميه ف الارض بتعيط او حتي الاقي جثتها بس انا ملقتهاش
هَنا بخبث: طيب غور انت دلوقتي وفوسك هتوصلك... وانا هروح اشوف عملها اي... ياريت يكون خدها يقتلها بعيد واكون خلصت منها...
_________________________
فرح صحيت وهي حاطه ايدها علي راسها من الضربه: اااه انا فين
فتحت عينها واستزيت لما لقت نفسها ف اوضتها واخر حاجه فكراها انها كانت مع هَنا....
فرح كانت لسه هتقوم بس اتصدمت لما شافت زين قاعد قدامها بيبصلها بهدوء وعلي وشه نظرات مش عارفه تفسرها اذا كانت لوم ولا كره ولا حب ولا اي...
فرح راحتله بسرعه: زين!! انا جيت هنا ازاي !!
زين واقف بهدوء قدامها من غير مايتكلم باصصلها ويس نفسه يفهم هي راحت هناك تعمل اي وانها فعلاً كانت بتخونه ولا ولا....
فرح بتوتر من نظراته وهدوءه: زين!! انت كويس
زين بابتسامه: انا كويس... كويس جدا ياحببتي... مش انتي حببتي بردو ولا خلاص !!
فرح بعدم فهم لكلامه ونظراته: زين هو في اي!! انا جيت هنا ازاي انا اخر حاجه فكراها اني كنت... كنت مع هنا
زين بصلها: كنتي مع هنا!! هنا قالتلي قبل ماتمشي انها رايحه تزور والدتها مقالتش انك رايحه معاها!!
بصلها بعصبيه وكمل: وانتي خرجتي من غير ماتقوليلي ممكن افهم كنتي فييين!!
فرح بعدت بخوف منه: صدقني انا كنت مع هنا
زين رجع لهدوءه المخيف تاني وهو بيقرب منها: فرح انتي عارفه اني بحبك صح!!
فرح ابتسمت غصب عنها: ايوا
زين بابتسامه حزينه ودموعه علي وشك النزول: وعارفه كمان اني بثق فيكي!!
هزت راسها موافقه من هدوءه وكلامه "
زين بشك: فرح انتي مستحيل تخونيني حتي لو مبتحبنيش!!
فرح: هو في اي يازين!!
زين بعصبيه: رديي علي قد السؤاال!!
فرح بزهق: انا مش فاهمه مالك يازين مش عارفه جيت هنا ازاي وكمان بتسألني اسئله غريبه!!
سكتت شويه وبعدين كملت بدموع: انت... انت شاكك اني بخونك!!
زين بصلها بعصبيه عايز يتأكد او يوهم نفسه انها مستحيل تخونه بصلها من غير مايتكلم:......
فرح قربت منه بعصبيه: رد عليا يازين انت شاكك فيا اني ممكن اخونك!!
زين: روحي نامي يافرح...روحي نامي
فرح مسكت ايده: زين!!
زين سحب ايده وخرج من الاوضه: نامي يافرح عشان هنسافر بكره
*سابها ونزل قعد ف مكتبه وماجد جاله *
ماجد وهو بيقفل الباب وراه: زين!! عملت اي
زين بزهق: معملتش حاجه
ماجد قعد قدامه: معملتش حاجه ازاي!! انت كلمت فرح مثلا قالتلك راحت هناك ازاي!
زين: لأ مش قادر اتكلم معاها حاسس انها رايحه هناك بمزاجها بس في حاجه جوايا متأكده انها مستحيل تعمل كده
ماجد بابتسامه: الحاجه دي قلبك يازين..امشي ورا قلبك يازين صدقني ف دي امشي ورا قلبك عقلك بيحلل الامور ال شايفها بس قلبك بيحس بالحقيقه وافتكر دايما ان مش كل ال بنشوفو بيكون صح افتكر انك مش ف الجنه انت ف الدنيا وفيها الحلو والوحش الخير والشر يعني ممكن حد منافس ليك حد مبيحبش فرح هدفهم بيعدوكو عن بعض انا مش هقولك الكلام ده غير وانا شايف ده بيحصل فعلاً....
زين وقف بعصبيه: كلامك ده ياماجد تقولو ل مريض عندك بس انا لأ....انا حتي مش عارف ازاي كنت ف الهدوء ده بس مجرد اني فكرت اني اقتلها او اضربها مقدرتش
ماجد وقف قدامه وحط ايده علي كتفه بابتسامه: انت بتحبها مش بتحبها بس انت خلاص بقيت مجنون بيها انت مقدرتش تضربها او تعمل زي اي حد كان هيعمل لو ف مكانك عشان انت مش هتقدر تبعدها عنك او تشوفها مكسوره بسببك...انت صح يازين امشي ورا الموضوع كويس وانت هتعرف الحقيقه
قاطع كلامهم دخول هَنا....
هنا بتوتر: سوري مكنتش اعرف انك معاك حد
ماجد بابتسامه: ولا يهمك...خير حضرتك كنتي باين باين عليكي تعبانه
هنا بصتله بتوتر حاولت تتداريه بعصبيه: وانت مالك بتسألني ليه
زين بصلها: كانت عند مامتها بتزورها صح ياهنا!!
هنا: اه..اه طبعا كنت عند ماما...طيب عن اذنكم هطلع ارتاح شويه
ماجد بابتسامه وهو ماشي: خد بالك يازين خد بالك كويس
* سابه ومشي وزين قعد علي الكرسي بزهق وتفكير*
زين بعصبيه: لو ال ف دماغي ده حقيقي مش هرحمك ياهنا....
__________________________________
حازم: ندي!! مالك انتي كويسه
ندي بدموع: لا ياحازم انا زهقت خلاص كل يوم خناق بسبب ومن غير سبب ده كله عشان برفض اي زفت عريس ييجي
حازم: وبترفضيهم ليه!! قصدي يعني مش يمكن تحبيه ف الخطوبه!!
ندي بعصبيه: لا مش عايزه احب حد انا مش عايزه اتجوز كده...انا مرتاحه وانا لوحدي مش عايزه اتخطب ولا اتجوز
حازم بابتسامه: طيب اهدي.. انتي بتقولي كده دلوقتي بس واول ماتحبي حد مش هتقولي ان الوحده احلي ابدا
ندي بحزن: انت لسه بتحب فرح!!
حازم: انا مبقتش احبها عشان هي متجوزه دلوقتي بس غصب عني مش قادر انساها...
ندي ببعض الغضب: بس الدنيا مش بتوقف علي حد... لازم تنساها وتعيش حياتك
حازم بصلها كتير وهو بيكلم نفسه: فعلاً الدنيا مش بتوقف علي حد بس ندي!! انا ليه عمري مابصيت ل ندي اني ممكن احبها واتجوزها!!
ندي: ايييه!! وصلت فين؟!
حازم بابتسامه: مفيش انا معاكي... كنتي بتقولي اي بقي
ندي وقفت بابتسامه: لاا انت مش معايا خالص علي العموم لازم امشي دلوقتي هشوفك بعدين... بااي
حازم بص ل اثرها بابتسامه الفتره ال فاتت كان مع ندي علي طول اول مره يحس بيها ممكن ميكونش حب بس صداقه اعجاب!!.....
__________________________________
مريم وهي ماشيه علي البحر وبتكلم ماجد: ايوه ياحبيي انا كويسه...كلها يومين وارجع...ماشي باي
مريم كانت ماشيه سرحانه وخبطت ف واحد: اييه مش تحاسب
_ سوري انا.....اي ده انتي!!
مريم بعصبيه لما شافته كان ال ف الاوضه ال جمبها : انت ورايا ورايا!! عن اذنك
_ استني ياحجه!!
مريم بعصبيه: حجه ف عينك...نعم عايز اي
_ مد ايده يسلم عليها: مروان فاروق
مريم بصت لايده بعصبيه: تشرفنا يااستاذ مروان
مروان مسك ايدها قبل ماتمشي: استني بس انا كنت عايز اقولك سوري علي طريقتي امبارح معاكي
مريم بابتسامه صغيره: ok..no problem
عمرو كان ماشي قدام الفندق وشاف مريم واقفه مع واحد وبتضحك وهو ماسك ايدها ف قرب منها بعصبيه*
مريم سحبت ايدها واتكلمت بهدوء: وانت بقي جاي مصر زياره ولا شغل
مروان بابتسامه: انا كنت عايش ف كندا بس جيت مصر من سنه ف شغل...وممكن تبقي اقامه ههه
عمرو قرب منه وضربه ف وشه بعصبيه: لا يروح امك مش هتقعد هنا كتير
مروان مسك انفه من الدم اثر الضربه وقرب منه بعصبيه وبدأ يضربو...
مريم بدموع وعصبيه من عمرو: بس خلااص
عمرو بعد عنه يعدل هدومه *
مريم قربت من مروان بسرعه: استاذ مروان انت كويس!!
عمرو مسكها من ايدها بعصبيه: مش هيبقي كويس لو فكر يقرب منك تاني
مريم زقته بعصبيه: انت مالك بياا!!
عمرو مش عارف يقول اي هو حتي مش عارف ليه اتعصب كده لما شافها بتضحك معاه: انتي اخت صاحبي وانا...وانا مش عايز حد يضايقك
مريم بعصبيه: مفيش حد بيضايقني ولو في انت اخر شخص هطلب منه مساعده...عن اذنك
* سابته ومشيت مع مروان وهو وقف يبصلها بعصبيه *
_______________________________
هنا بعصبيه: انا حاسه انه شاكك فيا!!
عاصم بعصبيه هو كمان: انا مش هحاسبك دلوقتي علي ال عملتيه مع بنتي عشان انا متفقتش علي كده...بس دلوقتي خدي بالك كويس منه زين مش غبي وهيوقعك بسرعه
هنا بتوتر: انا لازم اعمل حاجه ابعد الشك عني
عاصم بابتسامه: دلوقتي دورك ياحلوه انتي لازم تدخليله وتتمسكني لحد مايحبك انتي ويتجوزك ونخلص
هنا بابتسامه: ايوه انا لازم افكر كويس اوي ازاي اوقعه
قاطعهم دخول زين بسرعه: هو مين ده ال توقعيه!!
هنا قفلت التلفون بسرعه واتكلمت بتوتر: ده...انا كنت بس...
زين قرب منها بابتسامه: اهدي خلاص خايفه ليه
هنا: لا مش خايفه هخاف من اي
زين بخبث: اه صح هتخافي من اي!! انا جاي اقولك علي حاجه مهمه اوي ياهنا انا مليش غيرك اقوله انتي صحبتي واكيد هتفهميني
هنا بابتسامه: اكيد يازين
زين بحزن مصطنع: انا اكتشفت ان فرح بتخوني
هنا ابتسمت جواها وعملت نفسها مصدومه: اييه فرح بتخونك!!
زين بصلها: اه بتخوني مع اني كنت بحبها
هنا بسرعه: كنت!! يعني انت دلوقتي مبتحبهاش؟
زين: طبعا انا ازاي احب واحده خاينه!!
هنا بابتسامه: بجد يازين!! احم قصدي بجد مبقتش تحبها؟! طيب ماطلقها وتبعدها عنك احسن
زين: ده ال هعمله بس بعد ماانتقم منها وانا عايز مساعدتك
هنا بسرعه: وانا موافقه طبعا قولي عايزني اعمل اي
زين بخبث: هقولك......
بدل ماتدور وتبحث علي الروايات خليها علي تليفونك وحمل تطبيقنا
