روايه ملاذي الفصل الثانى و العشرون والاخيربقلم دينا ابراهيم
ملاذي
الفصل الثاني والعشرين والأخيرة.......
-انا كويس الحمدلله ، ااهدي انت هتموت من القلق ليه كده !!!
قالها فهد باصفرار وهو ينضم مع حياه و ماجد اليهم للاطمئنان فوجده يحتضن جميله بقوه ....
تنهد محمد قبل ان يبتعد عن جميله قائلا...
-انا عارف انك زي القطط بسبع ارواح هقلق ليه !!
-يعني ، كان في صوت طلقه كده مخدتش بالك منها !!
-اكيد الطلقه دي مش فيك فلخص ؛ كانت في مين !!..
ابتسم بفخر وهو يضم حياه اليه...
-جت في الحمام !!
-نعم !!
ضحك فهد قائلا...
-هو انا مقولتلكش مين اللي ضربها ؟!!
نكزته حياه بحرج ليستمر بابتسامه مرحه....
-دي زوجتي العزيزة ضربتها عليا وانا رايح اطمن عليها ، شفت غدر الحريم يا جدع !...
نفضت حياه التي اشتعلت وجنيتها بخجل ذراعه لتردف...
-انت اللي قولتلي اضرب وبعدين انا قلتلك مش بعرف !!
ضحك محمد ليردف...
-خساره !! بس مش مهم انا هعلمك والجايات اكتر من الريحات !! ...
ليقاطعه فهد وهو يعيدها بجواره...
-الحمدلله انك مش بتعرفي واطلع منها انت مراتي انا اللي هعلمها !!..
نظر محمد الي ماجد الذي يحتضن جميلة ويربت عليها بحنان بالغ ليشعر بقلبه يتضخم بحبهم ....
فهما و معهم فهد و حيااه بالفعل و حرفيا كل ما يمتلكه في تلك الحياة !!!
-ايه يا بابا ، انا اللي ابنك مش هتطمن عليا ...
ابتسم له ماجد بفخر وهو يتفحصه بعينيه...
-ما انت زي القرد اهوه وبعدين انت حديد وقوي زي ابوك لكن دي رقيقه وبريئة ...
-لا انا كده هغير بقي ؛ اوعي ايدك دي يا بابا !!
قالها محمد وهو يجذب جميله الضاحكة من احضان ماجد الي احضانه ليستكمل وسط ضحكات الجميع...
-مش عشان ابويا بقي تفضل تحضن في مراتي !!
اتسعت ابتسامه ماجد وشعر وقتها بضعفه نحو ولده الوحيد الذي لم يكن من صلبه ولكنه اثبت صلابه حبه اليه بلا قيد او شرط والدموع تحاول خيانته والهرب امامهم ليردف بحب ...
-ربنا يسعدكم يا ابني و يفرحكم !!
ابتسم محمد بحب قبل ان يتجه الي والده ويجذبه في عناق شديد و يربت علي ظهره باحترام وحب .....
احتضنه ماجد ليبتعد قائلا....
-اطلعوا انتو ارتاحوا شويه وانا هتابع مع البوليس ، وانت يا محمد ارتاح عشان بكره عايز تفاصيل اللي حصل !!
هز محمد رأسه قائلا ....
-ناجي معاهم هو و كام واحد والباقي هرب ... جاول متحتكش بيه تاني عشان خاطري !!
-حاضر ؛ انا اصلا خلاص كبرت ونفسي اتقطع ؛ انا هتكلم معاهم واحاول نأجل التحقيق للصبح!!
-لا انا هطلع جميله وانزل معاك !
-يا محمد متتعبنيش !!
-خلاص يا بابا بقي !!
-ياريت افضل بابا علي طول ومرجعش ماجد باشا الصبح !! ...
هز محمد رأسه بنصف ابتسامه قائلا...
-حاضر يا باابا... يلا يافهد .....
بالفعل صعدت الفتاتان ونزل محمد وفهد لمتابعه الامور مع ماجد ....
...................
اخذت جميله حماما لنسيان ما عايشته اليوم واستلقت علي الفراش منتظره اياه ولكن التعب جذبها في نوم عميق ولم تشعر بنفسها الا و محمد ينضم اليها في الفراش و يضمها اليه ...
تنهدت بحب واستدارت لتحتضنه وتضع رأسها علي صدره قائله بصوت يشوبه النوم...
-خلاص!!
-اه ؛ نامي انتي متشغليش بالك !!
هزت رأسها وهي تحرك اصابعها علي صدره العاري بدون وعي مستعده للغوص في النوم...
اوقف بيده حركه اصابعها ليرفع يدها الي فمه يقبلها برقه .....
-بحبك !!
فتحت عيناها بسعادة محاربه سلطان النوم لتنظر له بابتسامه حانيه قائله.. ....
-انا بحبك اوي اوي اوي ؛ انت نصيبي من وانا عندي 5 سنين وعينت نفسك صديقي الصدوق !!..
خرجت منه ضحكه ليقربها اكثر الي صدره قائلا...
-انتي لسه فاكره يا مخ الحمامه !!
ضربته بخفه لتردف...
-ايوة فاكره يا رخم ؛ انت نسيت ولا حاجه ؟!
رفع يدها يضعها علي قلبه ويضغط عليها قائلا...
-اللي يفتكره القلب عمره ما ينساه العقل !!
نظرت الي يدهما سويا علي صدره.....لتنظر له بحب و خجل ....
-انت بقيت شاعر ؛ الله يرحم الدبش يا حبيبي !!
زادت ابتسامته ليترك يدها ويقبل وجنتها الحمراء قائلا...
-حبيبي ؟!!
اطرقت رأسها تخبأها في صدره لتردف بخفوت...
-اه حبيبي عندك مانع !!
رفع ذقنها ينظر الي عيونها بحب وشوق جارف قائلا...
-انتي متأكده انك عايزة تكملي حياتك معايا ؟!...
-لا كنت بجري وراك واحرق في دمي تسليه !! ايوة طبعا متأكده !!
-يخربيت لسانك ده اللي عايز قطعه !!
زمت شفتيها بحنق وهي تعقد حاجبيه قائله ...
-اهو انت علي فكره !!
امسكها بقوة وسط ضحكاته وهي تحاول الابتعاد عنه ليخبرها بثقه ....
-مش هسيبك علي فكره ؛ انتي ملكي خلاص !!!
مال عليها يقبلها بحب كبير قبله تخبرها بمكنونات قلبه وانجراف حبه....
ابتعد بعد دقائق من جنون شوقه لحبيبته التي امتلكت قلبه منذ الطفولة ، قائلا...
-انتي قلبي اوعي تبعدي عني ابدا!!
نظرت الي عيونه التي تعيدها الي عيونه التائهة في صباه ذلك الطفل الراغب في الحب والاطمئنان لترفع يدها تمررها علي وجهه بحنان قائله....
-اوعي انت بس تبعد عني !!
-ابدا !!
بهذه الكلمة انهي كلامهم ليبدأ كلام من نوع اخر ؛ كلام يستكشفه كلاهم مع الاخر ، كلام يطفئ نار حب و عشق لا ينتهي .....
ليغرقا سويا في بحور مظلمه ينيراها بنجوم الحب و سحر الهوا....
(هيييييييييح كتكوا القرف مليتوا البلد😂👊)
...................
في اليوم التالي .....
اجتمع الجميع علي مائده الطعام وبرغم ما عاشوه الا ان مشاعر السعادة وملامح الرضا كانت ظاهره علي وجوههم ......
ليردف فهد .....
-كده انا في السليم ؛ اجازة انا بقي من نفسي شويه !!
ضحك ماجد ليردف....
-حقك طبعا !!
رفع كفه بابتسامه واسعه موجه كلماته الي صديقه ...
-اروح بيتي بقا وازور اهلي ومحدش يدق علي دماغي صبح وليل ويقرفني !!!
رفع محمد حاجبه ليردف ....
-ده علي اساس اني ماسك في ديلك ، ما تغور !!
-اه يا ندل يا معفن بعد ما خدت غرضك مني !!
-بس بس ايه هتفضحنا قدام الناس يقولوا علينا ايه .... هو ايه اللي غرضي ومش غرضي مش انت اللي عايز تاخد مراتك وتخلع !!
ضحك فهد وهو ينظر الي حياه بابتسامه ...
-اه عشان نلحق نظبط البيت ... انا شحطط الغلبانه دي معايا علي فيلتكم علي طول ومشافتش بيتها حتي !!
لتجيبه حياه سريعا ...
-بس كانت احسن شحططه في الدنيا كفايه اني عرفت جميله و ماجد باشا....
ابتسم محمد باصفرار قائلا...
-وانا شفاف مخدتيش بالك انك اتعرفتي عليا ....
ضحكت جميله وهي تنكزه لتردف...
-انت بالذات متتكلمش !!
قاطعهم اعلان الحارس حضور وليد وألاء....نظر محمد لجميله بتساؤل فنفضت كتفيها بعدم فهم......
وقفت ترحب بأخيها و زوجته ليلحق بها محمد والجميع .....
-اهلا يا وليد ؛ اتفضل اقعد ....
قال ماجد بترحاب ...ليبتسم له وليد بأدب وهو يمسك بيد جميله ....
-شكرا يا ماجد باشا ؛ احنا سمعنا اللي حصل من التلفزيون وجينا عشان نطمن عليكم عشان اختي مش فاضيه تطمني!!
قال جملته الأخيرة وهو يرمق جميله بعتاب لتردف مدافعه....
-والله كنت بكلم الاء قبلها بدقايق وبعدين انا ملحقتش يا دوبك صحيت من النوم وكنت هتصل ....
هدأها وهو يربت علي يدها مما زاد من حنق محمد الذي يستحضر رباطه جأشه حتي لا يقتله ليردف وليد وهو يجلس بجوار الاء...
-الحمدلله ؛ انها جت سليمه ، مين كان يصدق اللي حصل ده !!
-الحمدلله ....شكرا....
قالها محمد ببرود وجفاء فرمقته بتحذير قبل ان يأتي الي مسامعها صوت وليد....
-انت اللي شكرا انك خلصت جزئك من الاتفاق علي اكمل وجهه .... وبكده اقدر ارجع اختي معايا تاني !!
اندفع محمد بحده قائلا..
-تاخد اختك فين ؟!
وقف وليد بعناد يوازيه قائلا...
-بيتها طبعا ولا انت فاكر انها هتفضل معاكم هنا علي طول !!
-ايوة طبعا دي مراتي وهتقعد في الحته اللي انا موجود فيها !!
ليردف وليد بسخريه و ذهول من جراءته....
-انت صدقت نفسك ده اتفاق يعني جواز علي ورق !!
حاولت جميله التدخل ولكن محمد منعها من التقدم لتقف خلفه قائلا بثقه و غرور....
-ومين قالك انه جواز علي ورق !!!!
شعرت جميله بقدمها تخور من الخجل غير مصدقه ما قاله للتو ، نكزت حياه فهد للتدخل فسبقه ماجد وهو يحدث وليد الذي يحاول الوصول الي عيون جميله وايجاد انكار بما يقوله ذلك اللعين ؛
فلم يجد سوي رأسها مختبأ خلفه .....
-اهدوا يا ولاد ؛ كل حاجه بتم بالهدوء...
شعر وليد بالحرج وتوعد علي قتل جميله ....فهو يعلم بخططها للوصول الي حب حياتها وان لم يكن بصفه مباشره فقد كانت تصله الاخبار من زوجته.....
نظر الي زوجته المطرقة الرأس شزرا بعد ان بلغته بضروره مطالبته لجميله حتي يعترف هذا الكائن البغيض بحبه لجميله ....
برغم من انزعاجه منه الا انه وافق في سبيل اسعاد اخته و زوجته !!
تنحنح بارتباك ليردف....
-ولو بردو ، من واجبي كأخ اني اطمن علي اختي وانت كزوج نقصك حاجات كتير ...
عقد محمد ذراعيه بثقه يرغب لو يقتله قائلا...
-حاجات ايه ان شاء الله !!
-امنيه اي بنت واختي مش اقل من حد ؛ يتعملها فرح و تجبلها شقه واضمن حقوقها ....
لتتدخل جميله متناسيه خجلها ...
-بس انا عايزة اعيش هنا مع بابا ماجد ...
نظر لها محمد بطرف عينه ليعض وليد علي شفتيه كأشاره بمسايرته لتردف بخفوت وارتباك وهي لا تزال ممسكه بذراع محمد من الخلف...
-بس ممكن نعمل فرح ؟!!
-اكيد طبعا هعملك فرح و هعملك كل اللي نفسك فيه من غير ما المحترم ده يقول ويطنط !!
-ايه يطنطط دي ماتلم نفسك ياجدع انت ...
-استوووووب ، لا بقولكم ايه انت اخويا وهو جوزي اتلموا انتو الاتنين وحبوا بعض بالتي هي احسن ياااما هعيط واوديكم في داهيه ....
ليتدخل فهد سريعا بابتسامه مزعجه ...
-لا طبعا يلا يا محمد بوس علي راس ابو نسب ....
نظر له محمد شزرا وتوعد بخنقه ليردف بهدوء لإرضاء زوجته ....
-ماشي يا جميله ....
-نظرت الي وليد التي تمسكه الاء بشده واردفت ....
-ايه يا وليد مش انا جوجو حبيبتك !!
ابتسم لوهله ليردف وهو يزفر...
-خلاص انا موافق !!
كاد محمد ينفجر غيظا ويخبره انه لاينتظر موافقته لتقرصه جميله بتحذير اخرسه ليعقد ذراعيه بحنق ....
جلسوا سويا بعد ذلك وتم تحديد الزفاف بعد اسبوع و اصرار محمد و ماجد علي تغير ديكورات معظم المنزل ليتناسب مع ذوقها ما عدا غرقه خديجه و غرفه ماجد ....
..................................
بعد شهر ...في بني سويف......
مر شهر علي فهد وحياه حتي قررا زياره بيت العائلة في بني سويف فقد أجل فهد تلك الزيارة مستغلا تجهيزات محمد وجميله و زفافهم .....
لتجديد مفروشات شقه الزوجية كما ترغب حياه لينصدم بعد ذلك بهديه ماجد لهم بشهر العسل المشترك في تركيا مع محمد و جميله لأسبوعين ......
(طبعا ده خيال علمي متفرحوش اووي وتفتكروا ان حد بيدي حد هدايه كده😂😂)
-يا بت احلفي انك روحتي تركيا ؛طيب بلاش دي انتي مبسوطه !!
-يووه ما كفايه يا عمر بقي احلفلك علي المصحف اني سافرت تركيا و اني مبسوطه !!
قالتها حياه بحنق لرفيق الصغر ليردف عمر بغيظ ...
-يابت المحظوظه و انا غلطان اني خايف عليكي يا واطيه !
-اه واطيه اوي بأماره ما فضلت تتصل بيا طول الفتره دي تسأل وتطمن علي اختك ...خليني ساكته يا خويا !!
-يا ابن التيت يا فهد والنعمه كنت بتصل وجوزك كان بيقولي انك مش فاضيه وانك هتتصلي بيا كمان شويه وعمرك ما رفعتي السماعه تكلميني !!
نظرت له حياه بذهول لتنفجر ضاحكه علي غيره زوجها السخيف ليلكزها عمر بحنق لتأتيه ضربه علي اسفل رأسه من الخلف ...
-هو انت لازم تتكلم بأيدك !!
قال فهد بغيظ وهو يقف بجوار حياه ليفرك عمر رأسه بحنق ....
-ايه يا عم ايدك تقيله !!
تجاهله فهد وهو ينظر الي حياه قائلا...
-امي عايزاكي جوا !
-حاضر..
دلفت ليضيق فهد عينيه وهو يضع كفه علي وجه عمر و يصفعه بخفه .....
-متمدش ايدك علي حياه تاني ؛ عشان ما اخنفكش تمام !!
ابعد عمر يده بغيظ ليردف ....
-دي اختي قبل ما تبقي مراتك !!...
رفع فهد حاجبه بسخريه....
-ايه ياولا ده بتتعصبي يا بطه !!
قالها وهو يلف ذراعه حول عنقه ويقربه منه كمزاح اخوي (مش مزاح اوي يعني 😂)
-اوعي يا فهد متعصبنيش !!
-لا اتعصب اتعصب !!
حاول عمر الانفلات منه وسط ضحكات فهد وسيطرته التامة علي حركته ليردف فهد بثقه....
-شوف بقي لو عملت فيك كده قدام حبيبه القلب !!
تسمر عمر بتوتر ليتركه فهد بدفعه خفيفه .....ليردف عمر بوجه احمر...
-قلت لابوك ؟!
هز فهد رأسه علي غباءه قائلا...
-لا طبعا يا حليتها ... بس اتشطر انت بس وخلص دراستك و انا اخوك عثمان هنخلص الدنيا ...
-ابوك مش هيوافق !
-ليه ؟
-عشان في الجامعه معايا !
-وابوك هيعرف منين ؟!
قالها بابتسامه واسعه ، لتتسع ابتسامه عمر ويحتضن اخيه بمحبه وفرحه ....
دلف عثمان ليهز رأسه علي سخافة اخويه ولكن قلبه يتراقص علي اجتماعهم من جديد...
-كلموا الحاج يا مجانين !!
-ايه ده انت لحقت تفتن علي عمر !!
قال فهد ليرتبك عمر ....فينفجر الاخوين ضحكا علي اخيهم الصغير...
ليردف عمر بحنق طفولي...
-انا غلطان اصلا اني بعرفكم حاجه ،ده ايه العيله دي ياربي !!
ربت عثمان بقوه علي ظهره قائلا....
-ادخل يا خويا !!
-ايه يا جدعان في ايه ؛؛ ايدك تقيله !! مره اخوك ومره انت ... هو ابوكم كان مخلفني عشان تتمرنوا فيا !!
قالها بغيظ شديد وهو يتمتم بحنق الي الداخل وسط ضحكات عثمان وفهد التي تصل الي مسامع الجميع بالداخل ......
ملاذي
الخاتمة........
في شركة الشناوي ........
-الله في ايه يا ولاد مش اسلوب كده ، انا مش عارف اركز في كلمتين علي بعض ..... اتفضلوا برا لحد ما اخلص !!
قال ماجد بانزعاج من مشادة محمد و جميله المستمرة منذ ان خرجت من باب الفيلا وحتي وصلوا الي الشركه ...
-اتفضلي انا قلتلك اصلا مفيش داعي تيجي انتي اللي عنيده !!
-اسم الله عليك يا بلسم ؛ وبعدين انا قلت هشتغل يعني هشتغل اقعد في البيت اعمل ايه انا وكلكم في الشركة !!
اغلق محمد الباب خلفهم تاركا ماجد قبل ان ينتحر .....ليردف وهو يقف علي الباب كعادته ويعقد ذراعيه...
-اللي عندي قلته و متفكريش انك هتشتغلي بردو يا جميله !!
رفعت ذراعيها في الهواء بغيظ قائله ...
-انت ايه يا يا انت مش طبيعي ؛ شخصيه منيله بستين نيله ؛ انا كان مالي و مال الجواز انا هااااه قولي كان ماااالي !!
تجاهلها محمد تماما ليزداد حنقها وهي تدبدب بقدميها متجه الي الأريكة لتجلس عليها وتعقد ذراعيها !!
-اووف دي مش عيشه دي علي طول تحكم طول الوقت و مفيش تفاهم معاك ؛ بقولك ايه انا تعبت منك بجد ؛ عارف كمان انت رخم و رخم اوي كمان !!
لم تتغير ملامحه الجامدة لينظر الي ساعته بملل و لا مبالاة منتظرا انتهاء مسرحيتها اليومية منذ عرضت استمرارها في العمل ورفضه النهائي بان تعمل مع عبدالرحمن في مكان واحد !!
-اااه يا ربي انا اللي استاهل اللي يجرالي ؛ انا هشتغل يعني هشتغل انت سامعني !!
قالتها وهي تقف بحده وتتجه نحوه مشيره بأصبعها في وجهه ،رفع يده لتبتعد بسرعه قائله بجنون قبل ان يفتح فمه....
-هششش هششش اوعي تلمسني ؛ انا بقولك اهوه !!
وضعت اصبعها علي وجهه كأشاره بالحزم لينفجر ضاحكا غير قادرا علي تحمل كل تلك السخافة ....
لتقنرب منه وتلكمه بكل ما اوتيك من قوه في كتفه .....رفع حاجبه وابتسم باصفرار وهو ينفض علي بذلته وكأن شيء لم يكن !!
امسكت بنظراته لحظات قبل ان تنكمش ملامحها وهي تمسك بيدها التي لكمته بها وتتأوه من الالم ....
ارتعب وهو يراها تتلوي وتبكي بالفعل ليقترب سريعا ...
-ايه اللي حصل ؟!
-كسرت ايدي حرام عليك يا مفتري !!
-انا كلمتك يا مجنونه انتي ولا لمستك حتي !!
-ايوة لمستني طبعا امال ايدي اتكسرت لوحدها !!
امسك يدها وسط تأوهاتها يتفحصها قبل ان يلوي وجهه بغيظ قائلا ...
-اولا ده مش كسر ؛ ثانيا انتي اللي ضربتيني و ده عقابك من ربنا !!
شهقت وهي تضع كلتا يداها علي فمها بدراما عالية لتردف بعدم تصديق...
-انت شمتان فيا اني موجوعه !!
وضع محمد كلتا يداه علي رأسه بقله حيله ...
-جميله متجننيش امي !!
-انت مبقتش تحبني خلاص ، بتفرح وانا بتألم !!....
وضع كفه علي فمها بذعر قبل ان يستمع الي باقي اسطوانتها ليردف ....
-خلاص يا جميله ؛ انا اسف يا حبيبتي مقصدتش اني اوجعك لما انتي ضربتيني في كتفي جااامد اوي ؛ ولا يا جميله انا بحبك ؛ لو مش بحبك كنت ضربتك بالنار و استريحت !!
كاد يبعد كفه ليتذكر امر اخر ليقول وهو يعيد يده مانعا اياها بمقاطعته ....
-ولا مش هتشتغلي في المكتب ، عايزة تشتغلي خليكي واقفه معايا كده !!
ابعدت يده بحنق لتردف وهي تمط شفتيها ...
-اشتغل وانا واقفه جنبك ازاي يعني !!
-ايوة طبعا !
-وهشتغل ايه بقي !!
-البودي جارد بتاعي طبعا !!
قالها بجديه بالغه مما اجبر خروج ضحكاتها ليبتسم تلقائيا ويضمها الي صدره بسعادة قائلا....
-اهي ضحكتك دي اللي مصبراني يا مخ الحمامه !!..
-احمممم احممممم....
نظر محمد الي باب السكرتارية ليجد عبدالرحمن يقف بوجنتين ورديه ولكن ما لفت انظارهم كان الطفل الصغير الذي يشبك يده بيد عبد الرحمن ....
انتفضت جميله واقفه ....
-ايه ده يا خراااشي علي الجمال ؛ مين العسل ده يا عبدالرحمن !!
تنحنح بضحك قائلا...
-ده مازن ابني !!
نزل الخبر كالصاعقة علي محمد لينظر بذهول الي عبد الرحمن وكل تلك الفترة يرغب في قتله ظنا انه يحب جميله ليصدمه بانه متزوج ولديه ابن !!!!
-بجد انا اول مره اعرف انك متجوز اصلا ؛ طيب مش بتجيبه معاك ليه !!
ضحك ليردف بتوتر وهو يوجه انظاره اليها مره والي محمد مره اخري...
-عادي اصل مامته بتتصرف معاه وهي رايحه الشغل بس اختها تعبانه ومقدرتش تسيبه مع حد اضطريت اجيبه ، انا اسف !!
-اسف ايه بس دي احلي حاجه عملتها !!
حملته جميله وهي تقبله بسعادة تغمرها كلما شاهدت طفل صغير ....برغم ان طفولتها لم تكن مثاليه الا ان وجود محمد بها جعلها تعشق الطفولة و الاطفال .....
-ايه يا سكر اجبلك شيكولاته !!
هز الطفل رأسه بابتسامه وتوتر من هجومها المباغت عليه ...
-تعالي تعالي !!
جلست علي الاريكه بجواره لتفتح حقيبتها وتعطيه الحلوي ، لتتسع ابتسامه الطفل قائلا...
-ميلسي !!
-يا لهوي اخلي ميرسي دي و لا ايه !!
-انا لازم ادخل ل ماجد باشا معلش يا مدام جميله ممكن اسيبه هنا ثواني !!
اردفت جميله بسرعه...
-طبعا طبعا انا هاخده علي طول اصلا !!!..
دلف عبدالرحمن ضاحكا ،لتنظر الي محمد مشيره له بالاقتراب....
-شوف يا محمد جميل اوي بسم الله ما شاء الله عليه !!
-اه فعلا !
كمشت ملامحها بتعجب علي ردوده البارده وهي تلعب بشعر الطفل الرائع ....
ابتسم محمد وهو يري تلك السعادة لامعه من عينيها ليردف.....
-انتي بتحبي الاطفال اوي كده !!
-جدا جدا بعشششقهم !!
-اه اخدت بالي !!.....
سيكون عليه مكافأتها بطفل قريبا فوجود طفل لا تعرفه اسكت شكواها من جفاءه و شخصيته المزعجة ، فما بالكم ان اعطاءها طفل من صلبه و من احشاءها !!!...
ارتسمت ابتسامه ثعلبيه علي وجهه لترفع حاجبها بتساؤل قائله...
-ايه بتبصلي كده ليه ؟! اتفرج علي الطفل الحلو ده هاه الطفل ده !!
-اه حلو عرفت والله ، و ان شاء الله هنجيب الاحلي منه بس انتي تركزي معايا كده و هنبقي زي الفل !!
فتحت فمها بصدمه لتشتعل وجنتها وتهز رأسها علي جراءته لتحرك شفتيها بدون صوت حتي لا يسمعها الطفل ...
-قليل الادب !!
غمز لها قبل ان ينتقل بأبصاره الي الطفل ويمرر اصابعه علي شعره ملامسا يدها !!....
............................
في فيلا الشناوي !!
اجتمع ماجد في عشاء مع محمد وجميله ، فهد وحياة بعد عودتهم من بني سويف .....
ليردف فهد الي حياه الغاضبة منه والذي اكتشف حملها في الشهور الاولي ...
-فكي بقي متبقيش بارده !!
نظرت له بحنق لتقف وتجلس بجوار جميله علي الأريكة مبتعدة عنه ...عاد محمد بالفشار الذي تعشقه زوجته فوجد حياه مقتحمه مكانه ...
رفع حاجبه بتساؤل الي فهد المشتعل غيظا ،ليتنهد ويعطيهم الطبق ويتجه للجلوس بجوار مع فهد .....
همست الفتاتان بخفوت ليردف فهد بحنق ...
-انا عارف انكم بتتكلموا عليا و وبردو مش هعلمك يا حياه !!
حك محمد انفه لا يعلم ماذا يفعل ليأتيه صوت زوجته المنزعج....
-انت بتكلمها كده ليه ؟!
قلب ماجد عينيه واغلق الجريدة مستعدا للنوم هربا من المشاحنة التي علي وشك البدء بين الرباعي المخبول !!!
اين انتي عزيزتي خديجة لتثبتي الجزء الاخير من عقلي !!
ابتسم بحزن طفيف ؛ كم يرغب في ملاحقتها و لكن هؤلاء الاطفال لازالوا بحاجه اليه ؛ هكذا ستكون زوجته الحبيبة اسعد واسعد !!
هبط علي الدرج وهو يسمع محمد يجيب جميله باستنكار....
-وبعدين يا جميله هما حرين مع بعض !!
لتردف حياه بنظرات قاتله نحوه هو وفهد...
-لا مش حرين ؛ انا وجميله واحد !
-يا سلام دلوقتي بقيتوا واحد ؛ انا مش سامع جميله بتقول عايزة اتعلم رماية وهي حامل !!
لتردف جميله بسرعه...
-ومين قالك كده انا كمان عايزة اتعلم الرماية !!
-ومين بقي اللي هيعلمك الرماية ؟!
اتاها صوت محمد المنزعج ، لتجيب حياه ...
-انا وهي هنتعلم ؛ احنا مش محتاجينكم في حاجه !
-يابنتي يا حبيبتي انتي حامل يعني غلط غلط !!
قال فهد بقله حيله ، لتردف حياه بغيظ...
-غلط ليه هو انا هشيل حديد وبعدين انا هتعلم يعني هتعلم ...
ليجيب فهد بحده ...
-وانا قلت لا يعني لا !!!!!!
طاخ ....... طاااخ ......طاخ....
ازالت حياه الحامي من علي اذنها لتنظر الي فهد الملتصق بها ويضع ذراع علي بطنها و الأخرى يثبت ذراعها لتقول بحنق..
-ممكن افهم انت ماسك بطني ليه ، انت ليه محسسني انس هولد ؛ انا لسه في الشهر التاني !!
-لو سمحتي انا حر مش قولتي هتتعلمي ، يبقي بمزاجي انا و بطريقتي انا !!
قلبت عيونها وهي تعيد الواقي علي اذنها وتتابع التصويب وهي تطلق انين خفيف مع كل ضغطه علي الزناد ....
هز رأسه ليقبل رأسها من الخلف ؛ ويدعوا الله ان يأتي طفله هو وتلك المجنونة الي الحياه بسلام !!
....................
في الركن الاخر بجوارهم ضحكت جميله وهي تنفض محمد من خلفها لتردف بخجل....
-اتلم حد يدخل علينا يقول ايه !!
لم يأبه لكلامها ليعيدها الي احضانه مره اخري ويسند رأسه علي كتفها من الخلف قائلا....
-محدش هيقدر يدخل ده مكان تدريبي وبعدين انا بعلمك الرماية !!
-طيب علمني وبطل استهبال...
-حقي كل طلقه ببوسه ؛ انتي عارفه الطلقة بكام دلوقتي وانت مفضيه خزنتين لحد دلوقتي وملمستيش الهدف حتي !!
لكزته بكتفها في صدره لتردف وهي تمط شفتيها ...
-ما انت لو واقف محترم ومش بتشتتني كنت عملتهم كلهم لكن انت استغفر الله العظيم !!
-ايه استغفر الله العظيم دي ؛ اسكتي اسكتي وسيبيني اركز !!
خرجت ضحكه اخري وهو يلف ذراعه حول خصرها يجذبها نحوه بقوه ...لتمسك ذراعه وترفعها بجوار يده الأخرى قائله...
-ركز ركز عشان خاطري بقي انت سامع حياه عماله تضرب زمنها بقت لهلوبه وانت هنا بتدلع !!
قبل عنقها بشغف من الخلف قبل ان يتنهد باستسلام ويمسك بكلتا يداها الممسكة بالسلاح ...
داعيا ان ينتهي ذلك التدريب بسلام وان يعود بها الي غرفته ليطلق العنان لنيران عشقه و جموح مشاعرهم بلا قيود .... فقد عاني كثيرا للوصول الي ملاذ يوجد فقط بين احضان تلك الصغيرة ساكنة قلبه !!
عشقي اليك لا ينتهي ....
روحي فداك و قلبي يهواك ....
وعيناي تشتاق لرؤياك.....
و ملاذي يقبع بين يداك !!
❤ملاذي❤
النهاية.......
تمت بحمد الله😍
انتهت احداث الرواية نتمنى ان تكون نالت اعجابكم وبأنتظار اراؤكم فى التعليقات وشكر
لزيارة عالم روايات سكير هوم
لمتابعة روايات سكيرهوم زوروا قناتنا على التليجرام من هنا
