روايه زوجتي العمياء الفصل الخامس و العشرون25والاخير بقلم نورهان لبيب

الفصل الأخير 

كانت مريم تقف فى نافذة غرفتها التى تطل على الحديقه بينما دموعها تسيل فى صمت وهى تتذكر

ما فعله جاسر من أجلها وكيف افداها بروحه دون تردد.. تنهدت بألم ثم نظرت إلى بطنها البارزه ومررت

يدها فى هدوء على بطنها ثم تنهدت فى صمت.. حتى

دخل عليها مازن والذى لاحظ حراكتها وهى تمسح

دموعها فهتف بهدوء وهو يديرها له

مازن:أنتى بتعيطى يا مريم.. مش هتنسى بقى يا حبيبتى الحزن مش حلو عليكى وعلى البيبى

مريم بتنهيده:أنا عمرى ما هنسى يا مازن جاسر ضحى بحياته عشانى عشان بيحبنى وأنا هفضل

فاكره إللى حصل طول عمرى ودمعى هتنزل كل

ما أفتكر كأنه حصل النهارده

تنهد مازن ثم قال بمرح لكى ينسيها تلك الذكريات 

الحزينه

مازن:بس خلى باللك جوزك لو عرف إن العيون الحلوه دى عيطت مش هيحصل كويس ده أكره 

ما على قلبه أنه يشوفك حزينه

مريم بأبتسامه:أنت هتقولى ده كفايه جملته الشهيرة.. الوش الحلو ده يا مريم اتولد عشان يكون

مبسوط ومش من حق أى حد يزعله حتى لو كان أنتى.. أنا وعدتك ولازم أوفى

مازن بضحك:وطلع قد وعده نساكى كل الحزن إللى عشتيه فى حياتك كلها

ابتسمت مريم وهى تتذكر كيف تخطت هى وزجها 

كل تلك الأوجاع والاحزان التى مرت بها وطرأت على

حياتها المريره تنهدت مريم ثم ألتفت له وقالت بأبتسامه وأشتياق

مريم بأشتياق:تصدق أنه وحشنى قوى..تخيل اسبوعين من غيره..أول مره يبعد عنى الفتره دى كلها.. ويا عالم بيقابل مين وبيقعد مع مين

قالت جملتها الاخيره بغيره وشر واضح مما أضحك مازن وجعله يشمت بزوج أخته على ما ينتظره هتف

مازن بضحك 

مازن:يا ستى ده هما كلهم اسبوعين إللى غابهم و راجع النهارده فبلاش تنكدى على الراجل وسبيه يرتاح شويه وبلاش تديه على دماغه

بعد أن أنتهى مازن من حديثه اتاه صوت زوج اخته الذى كان يستمع إليه منذ البدايه

هو مين ده إللى هيدينى على دماغى يا مازن بيه

ما أن استمعت مريم لصوت زوجها حتى انحنت قليلا تتأكد من وجوده وبمجرد ان رأته حتى قالت

له فى سعاده واضحة وهى تركض إليه وتحتضن

خصره بقوه.. بينما خرج مازن بهدوء حتى يعطيهم

فرصه لتعويض وحشتهم لبعضهم البعض

مريم:جاسر حبيبى أنت وحشتنى أوى.. كده يا جاسر

تغيب الفتره دى كلها.. هونت عليك 

جاسر بأبتسامه مشرقه وهو ينظر إلى وجهها الملائكى بأشتياق وحب شديد

جاسر :أنا أسف يا حبيبتى بس أنتى عارفه الشغل كتير قد إيه ومن يوم ما جدك أعاد توزيع ثروته على

ولاده وحصل اندماج وبقيت أنا رئيس مجلس الإدارة 

بحكم نسبتى فى المجموعة فالشغل كتير عليا بحكم منصبى يا قلبى

مريم محاولة استعطاف جاسر.. لفت يدها حول عنقه واقتربت منه قليلاً.. ثم أنزلت يدها .. وتحدثت ببرأه وحزن مصتنع

مريم:بس ده مش مبرر يا جاسر.. أنت بتوحشنى وأنا 

الفتره دى محتاجه ليك قوى..بص إيه رأيك تاخد اجازه ونسافر نغير جو فى أى حته

أنزل جاسر يده يطوق وسطها بحب ويقربها له ثم هتف بأسف وقلة حيله مصطنعه

جاسر :كان على عينى يا حبيبتى بس مش هينفع نسافر

مريم وهى تبتعد عنه وتضع يديها فى وسطها هتفت

بحنق وغضب شديد مما جعل جاسر يبتلع ريقه بتوتر من تحولها المفاجئ فهى قد تخلت عن هدوئها

وثباتها منذ أن حملت فى أطفاله فأصبحت تصرفاتها

غير متوقعه بالمره

مريم بغضب:ليه أن شاء الله مش هينفع...تعرف أنا كان احساسى صح انت بتخونى يا جاسر ومش عايز

تسافر معايا عشان حبيبة القلب ما تزعلش

صدم جاسر من تفكيرها ثم تحدث بهدوء يحاول ان يخرج ذلك التفكير من رأسها

جاسر:بخونك إيه بس يا مريم..أنا ميت مره أقولك أنى لو قعدت وسط ألف واحده عمرى ما هبص لغيرك.. خليكى واثقه أن عمر ما فيه واحده هتسكن

قلبى غيرك أنتى خلاص احتليتى كيانى وروحى ولا

مريم هانم الصياد مش عارفة مكانتها عندى وتأثيرها

عليا

ضحكت مريم بسعاده فزوجها دائماً يبثها الأمن ويذكرها بمكانتها فى قلبه التى دائماً ما تسهوا عنها

فتحدثت بدلال وغنج وهى تعبث بأزرار قميصه

مريم:لا طبعاً عارفه بس أنا بحب تعارفنى كل شويه

عشان ما أنساش وانت كمان ما تنساش يا جاسر

ضيق جاسر عينه من تلميحها وضع يده حول خصرها يقربها منه ويدفن وجهه فى عنقها يشتم رائحة شعرها المسكره وقال بهمس جعلها تقشعر

جاسر:أنا ما نسيتش يا قلبى بس الظاهر ان أنتى إللى نسيتى ان النهارده عيد جوازنا يا حبيبتى

أبتعد عنها ينظر لها بتسليه بينما هى نظرت إليه بتوتر وتلعب بأصابع يدها تحاول اختلاق كذبه له

مريم:لا منستش يا حبيبى.. أنا حتى وصيت على هديه مخصوصه ليك.. حتى اسأل سلمى اه اسأل

سلمى

حرك جاسر رأسه بقلة حيله

جاسر بهدوء :اممم..على العموم يا مريومة يا حبيبتى أنا هعديها المره دى زى كل مره.. وأه فيه ناس تحت معاهم حاجات هيطلعوا يجهزوكى وأنا 

هروح الأوضة التانية عشان أجهز نفسى يلا سلام

خرج جاسر بعد أن قبل مريم من وجنتها بينما هى وضعت يدها على خدها بسعادة ثم أخذت تقفز بفرحة عارمة فهو منذ عامين يشترى لها فستان زفاف جديد ويقيم لها حفل زفاف تعويضا لها عما

فعله يوم كتب كتابهم ولكن قطع قفزها دخوله عليها

وهو يقول بتحذير

جاسر :بلاش تنطيط.. وخلى بالك على ولادى لو سمحت

خرج وأغلق الباب خلفه حتى يترك لها متسع من الوقت لتتجهز لحفلة الليلة.. ظلت مريم تدور وتدندن

بسعاده كراقصات الباليه ثم هتفت بأبتسامه مشرقه 

وهى تضع يدها موضع قلبها الذى يدق بقوه

مريم:أنت مش معقول يا جاسر.. بتعمل كل حاجة عشان تبسطنى وتخلينى سعيدة.. بقيت تتفنن فى إسعادى يا حبيب قلبى.. وأنا ربنا يقدرنى وأسعدك

زى ما بتعمل معايا يا قلبى

تنهدت مريم بحب وسعادة على زوجها المحب لها والذى يحاول بكل السبل أسعدها.. حتى استعادت

وعيها حين استمعت إلى طرقات خفيفه على الباب

فسمحت للطارق بالدخول فكانت سلمى وفرح ورهف ومعهم ومعهم الفريق المخصص لأعداد مريم وتجهيزها للحفل

دخلت فرح ورقعت بزغروده عاليه مما جعل الجميع يضحك على مرحها المعتاد منها بينما هتفت رهف

وهى تحاول كبت ضحكتها

رهف:مش معقوله يا فرح بدزغردى كأنهم أول مره يتجوزوا ده عيد جوازهم التالت يا ناس

سلمى بوله:ومع ذلك كل مره بيجيب ليها فستان ويعمل ليها فرح كأنها عروس هتتزف لأول مره

رفعت مريم يدها بهزار ومرح وهى تخمس فى وجههم تصد عنها الحسد فأردفت فى وجههم

مريم بهزار:خمسه وخميسه فى وشك أنتى وهى.. إيه أنتوا هتقورا عليا ولا إيه

فرح:ولا نقور عليكى ولا حاجة.. يلا ادخلى استحمى عشان البنات يجهزوكى

دخلت مريم للحمام لتأخذ حمام سريع ثم خرجت وبدأ الفريق فى تجهيزها وأعدادها لحفل عيد زواجها

بدأن بتجهيز شعرها بأعداد تسريه بسيطه لها ثم وضع القليل من مستحضرات التجميل مما أبرز ملامحها الرقيقة وجعلها فى غاية الجمال والرقه ثم احضروا لها فستان زفاف أبيض قد جلبه جاسر معه

من سفرية باريس التى عاد منها اليوم فكان فستان

ضيق من عند الصدر حتى نهاية الخصر ثم ينزل ب أتساع وانتفاخ شديد كفستان سندريلا الشهير مع ذيل طويل ولكن كان الفستان مطعم بالفرشات من

بداية الصدر حتى نهاية الخصر وكذلك كانت تحيط الفستان من أطرافه فكانت الفراشات منثوره على

الفستان بحرافيه ودقه كبيره ورغم حملها فى بداية الشهر الخامس إلا أن انتفاخ بطنها كان صغير فلم تكن واضحه أثناء ارتدائها الفستان

بعد أن أنتهت مريم من ارتداء الفستان وقفت فى انتظار جاسر فى سعادة باللغه رغم اللمحات السريعه التى كانت تمر أمامها كشريط فيلم سينمائي إلا أن الذكره التى اتتها كانت هى اجملهمعلى الإطلاق فى مضيها البائس

بعد أن أنتهت مريم من ارتداء الفستان وقفت فى انتظار جاسر فى سعادة باللغه رغم اللمحات السريعه التى كانت تمر أمامها كشريط فيلم سينمائي إلا أن الذكره التى اتتها كانت هى اجملهم

على الإطلاق فى مضيها البائس

فلاش باك

أستمرت حالة الحزن والبكاء لساعات متتالية حتى خرج رئيس الأطباء من غرفة العمليات وعلى وجهه

معالم الحزن والألم فهو سوف ينقل لهم أخبار حزينه

الآن ويجب عليهم أن يتقبلوها مهما كانت.. بينما هم

بمجرد ان رأوا مظهره لم يتجرأ أحد منهم على سأله

هتف الطبيب بصوت متقطع حزين:أنا أسف.. إحنا عملنا إللى علينا.. بس إرادة ربنا كانت فوق كل شئ

.. البقاء لله

هتفت مريم بعدم تصديق وصدمه ودموعها تسيل على وجهها بشده

مريم بصوت متقطع وبكاء مرير:يعنى ايه جاسر مات.. أنت أنت كداب جاسر عمره ما يسبنى هو هو وعدنى بالسعادة وحب ومستحيل يا خدهم منى ويمشى كده بسهوله.. أنت بتكدب صح قول ان أنت بتكدب ارجوك أنا ما قدرش أعيش من غيره أبدا ما قدرش

قالت كلمتها الأخيره بكاء مرير ثم سقطت فاقده الوعى أثر انهيار عصبي حاد غير مستوعبه ما أمرها 

به الطبيب مطلقا.. فأخذها مازن بأحضانه ينظر لها

بحزن شديد فكيف ستتقبل الأمر عندما تستفيق

بالتأكيد ستموت قهرا ولكن خروج الممرضه من غرفة العمليات وهى تلهث وتتحدث بصوت متقطع

الممرضه:دكتور مكرم يا دكتور.. الحق المريض إللى فى العمليات طلع عايش وحضرتك شخصته غلط ده 2

قطب الطبيب حاجبيه بصدمه فكيف يشخص مريضه بطريقه خاطئة وهو كبير الأطباء بالمشفى 

بل وبمصر بأكملها فمشفى مثل الصياد لا توظف

أى كان بها إلا إذا كان على كفائه عليه.. و بمجرد

أن استمع مازن لما قالته الممرضه حتى مسك الطبيب من تلابيبه وحدثه بلهجه عنيفة وحاده وهو يهزه بقوه وهمجيه وعينه تقدح بشرارة غاضبة

مازن:شخصته غلط.. أنت عارف أنا هعمل فيك إيه ده أنا هخليك عبره لأى دكتور وكل حد هيفكر يدخل

كلية الطب.. أنت عارف بسبب إللى أنت عملته أختى 

وأبن عمى كان هيبقى مصيرهم إيه.. ده أنا هدفنك مكانك على عملتك السوده دى

ابتلع الطبيب ريقه بصعوبه بسبب خوفه الشديد من مازن بينما هتف الطبيب بتوتر وصوت متقطع من شدة رعبه من مازن

الطبيب:والله يا مازن بيه المريض قلبه وقف وأنا حاولت معاه بالصدمات الكهربائية والتدليك القلب بس مفيش أمل قلبه ما رجعش يشتغل من تانى

حرك مازن رأسه بسخريه وعدم اقتناع ثم هتف بعصبيه وغضب وهو يشير للممرضه

مازن:أومال إيه الكلام إللى بتقوله ده يا حضرة الدكتور يا كبير يا محترم أنا مش عارف مين إللى ظلمك ودخلك كلية الطب من أساسه

توتر الطبيب وحاول تهدئة مازن بأى طريقة فتوجه ناحية الممرضه يستفسر منها عما حدث بالداخل

الطبيب:ممكن تفهمينى بالظبط إيه إللى حصل جوه وازاى أنا شخصت توقف القلب غلط

كانت الممرضه تفرك يدها بتوتر ثم تحدثت فى جديه حاولت أن تجمعها فى نفسها الخائفه مما يحدث

الممرضه:هو صحيح أن النبض كان ضعيف والقلب شبه متوقف لكن المريض ما متش لا ده كان عنده استرواح فى الصدر أدى إلى ضعف مؤشراته الحيويه

والحمدالله دكتور سيف أكتشف ده واتعامل معاه على أنه استرواح فى الصدر مش توقف قلب أبدا وأنا خرجت عشان أبلغ حضرتك قبل ما تقول لأهل المريض

تنهد الطبيب بضيق وهم ان يدخل حتى يكمل العمليه إلا أن يد مازن الحديديه منعته من التقدم إلى غرفة العمليات.. وقال له بصرامه

مازن:رايح فين.. أنت ملكش مكان جوه..بس دلوقتى أنت تشوف أختى مالها وبعدها تورينى عرض كتافك

قال مازن جملته الاخيره وهو يشير إلى مريم الغائبه عن الواقع فى أحضان زوجة عمه فى حزن شديد و دموعها تغرق وجهها فتنهد الطبيب بقلة حيله ذاهب للكشف عليها فأكتشف أنها حالة انهيار عصبي فقام بنقلها إلى أحدى الغرف وعلق لها المحاليل وأعطى لها بعض المهدئات وتركها حتى تستريح بعد مرور عدة ساعات خرج جاسر من غرفة العمليات وتم وضعه بغرفة العنايه المركزه المجاوره لغرفة مريم 

التى كانت بحاله سيئه للغاية ط ال ذلك الاسبوع المنصرم فهى كانت بعالم أخر تعتقد به أن جاسر حبيبها قد تركها وذهب بلا رجعه ورغم محاولا مازن

المستميته لأقناعها بأنه مازل على قيد الحياة إلا أنها 

لم تقتنع ولم تخرج من قوقعتها الحزينه التى قفلت

على نفسها بها حتى استفاق جاسر وبدأ فى السؤال على مريم فأخبرته أمه بحالتها فنهض جاسر وعزم على الذهاب إليها رغم ألمه وحالته السيئه ومحاولة

أمه اثنائه عن ذلك إلا أنه أصر ان يذهب إليها تحرك

جاسر متوجه إلى غرفة مريم مستند على كتف أمه 

وصل جاسر إلى باب الغرفه وظل واقف لبره أخذ نفس عميق ثم أدار المقبض الباب وفتحه ببطئ فكان ملاكه الصغير متقوقع على نفسه فوق ذلك السرير الطبى شارده ودموعها تنزل فى بطئ شديد

تغرق وجهها الشاحب توجه جاسر ناحيتها وجلس

بجوارها ووضع يده على شعرها يمررها عليه بهدوء

حنان حتى تشدق جاسر بصوت متألم يملئه الحب

والحنان يحاول ان يفيقها من شرودها

جاسر :مريم حبيبتى.. قومى يا قلبى جاسر حبيبك بخير.. أنا اهو جمبك

لم تحرك مريم ساكنا بل ظلت على وضعيتها غارقه

فى شرودها وعتمتها الخاصة فتنهد جاسر بهدوء ثم

حركها وأجلسها أمامه وضع وجهها بين يديه ثم اقترب يقبلها من جبهتها ببطئ قال جاسر لها بحنان

وعشق يقطر من عينه

جاسر :مريم.. فوقى يا حبيبتى أنا اهو كويس وبخير.. أنا وعدتك يا قلبى أنى عمرى ما خسيبك.. وأهو أنا 

بوفى بوعدى وهفضل جمبك على طول

أخذها جاسر فى احضانه وظل يربت على ظهرها فى حنو ورقه شديده واستمر فى حديثه عن حبه لها وأنه 

يستحيل ان يتركها مهما حدث وأنه وعده ويجب أن 

يوفى وعده بها ومعها هى فقط كانت مريم تستمع إليه حتى بكت من شدة حزنها وتألمها على ما حدث

له وتحدثت وشهقاتها تخرج بتقطع

مريم:إياك تعمل فيا كده تانى.. وتحطنى فى الموقف ده تانى..أنت ما تعرفش أحساسى كان إزاى.. أنا كنت

بموت وروحى بتتسحب منى يا جاسر

احتضنها جاسر بقوه يريد إدخالها بقلبه إثر لستماعه لكلمتها التى قبضت قلبه خوفاً ثم تشدق سريعاً

جاسر:بعيد الشر يا حبيبتى.. أوعى تقولى كده تانى مفهوم

ابتسمت مريم له وشددت من احتضانها لها فقد عادت روحها من جديد مع رؤيتها ل الجاسر واقف

أمامها بسلامه فى كامل صحته رغم التعب البادى عليه والارهاق الذى أصابه تمدد جاسر بجوارها ثم

أخذها بين احضانه وظل يربت على شعرها فى حنان

وهدوء ويحكى لها ما ينوى ان يفعله هو وهى بمجرد

خروجهم من المشفى فقد قرر ان يعوضها عن الماضي والفترة الكئيبة المنصرمه بالأفعال وليس

بالكلام وهكذا سوف يثبت حبه لها وبالفعل منذ أن 

خرجوا من هذه المشفى وتعدوا هذه الفترة حتى بدأ

جاسر فى تدليل مريم وإرسال كل يوم باقة من زهور البنفسج التى تحبها وتعشقها كثيراً غير الفسح والسهرات الرومنسيه التى كانوا يخرجون إليها هما

الاثنان غير أعياد الزواج التى كان يصر جاسر بها ان

ترتدى مريم فستان زفاف جديد ويقيم لها حفلة عرس خاصة لها فى ذلك اليوم حتى ينسيها ويعوضها

عما حدث لها فى يوم زفافهم فقد تغير جاسر كليا وأصبح الزوج المراعى والمحب لزوجته كما تمنته مريم دائماً 

عوده للحاضر

عادت مريم للواقع على يد سلمى التى تلكذها وتنبها بحضور جاسر الذى كان يرتدى بدله سوداء 

من نوع التوكسيدو فكان فى غاية الوسامة والروعه

لا يقل عنها شئ بينما كان الشباب يرتدون بدل ذات

لون رمادى فكانوا رائعين والجاذبيه تقطر منهم اما الفتيات فكانوا يرتدون فساتين ذات لون موحد وهو

الون السماوى الفاتح(بيبى بلو) بصفتهن وصيفات العروس فى ذلك العرس الذى يتكرر كل عام ذهبت

كل واحدة منهم إلى زوجها تتأبط زراعة

اما جاسر حينما وقعت عينه على مريم سلبت عقله تماماً فطلتها الهادئه والرقيقه مثلها هى دائماً هكذا تسلب عقله بأقل شئ ما بالكم بفستان زفاف كيف

ستكون مريمته جميلة قلبه وملكته الوحيدة اقترب منها ثم قبل جبينها فى قبلة طويلة وقوية ثم وضع يدها فى يده وأخذها إلى الخارج متوجه بها إلى الأسفل 

حيث المعازيم والفرح الذى أقامه جاسر ويقيمه كل

عام لها خصيصاً صدحت الموسيقى الملكية الخاصة 

ونزل العروسين بهيبه ورقى وخلفهم بقية عائلة الصياد من الشباب الذين اضفو على المنظر وقار وعظمة تليق بتلك العائلة العريقة كان جاسر يبتسم

بفخر لأنه أمتلك هذه الجوهرة ثم همس فى اذنها بخفوت ورقه

جاسر :قمر كالعادة يا مريومة.. أنا مش عارف كنت بفكر فى إيه لما طلعتك بالمنظر ده..الناس كلها بتبص عليكى وأنا مش هقدر استحمل بصراحة

ابتسمت مريم على غيرته الواضحه عليها فتشدقت بأستفزاز تثير غضبه

مريم:وما يبصوليش ليه أن شاء الله عروسه وحلوه وزى الاقمر وأى حد يتمنانى

التفت لها جاسر بعد أن فهم ما ترمى إليه من حديثها هذا فضيق عينه واردف بضيق

جاسر :أنا مش هتكلم دلوقتى لينا بيت نتحاسب فيه يا وردتى

كشرت مريم بلطافه وهى تداعب خدود جاسر

مريم:بتغيرى يا بيضه.. بتغيرى على مريم حبيبتك.. عسل يا خلاسى عليك

أنزل جاسر يدها بسرعة قبل أن يرى أحد فعلتها فهو

قد أحرج كثيراً من هذه الحركه وتحدث بتهديد

جاسر :احترمى نفسك يا حبيبتي بدل ما ارزعك ميت بوسه على بوقك قدام الناس دى كلها وأنتى عارفه جوزك مجنون ويعملها

تخضبت وجنت مريم من الخجل ثم تحدثت بتوتر 

ووأبتسامه مصتنعه

مريم:لا وعلى إيه الطيب أحسن يا جسوره.. يلا خلينا نروح نرقص بدل ما الناس بدأت تتفرج علينا

ابتسم جاسر على خجلها ثم سحبها إلى منصة الرقص يراقصها بحب وعشق واضح تحسدها عليه النساء جميعاً بلا استثناء فمريم قد حصلت على السعادة التى لم يحصلوا هم عليها يوماً بينما نظرات أخرى تنظر لها بحب وحنان فهم يعرفون أنها تستحق تلك السعادة وان ذلك ثمن ما عانته سابقاً 

ظل جاسر يراقص مريم بحب وسعاده فهو أخيراً قد

حصل على جوهرته الغاليه بين يديه وفوق كل هذا فهى تحمل أطفاله بداخلها أستمر الحفل بين المجاملات والتهاني ولكن كان يطغى على كل ذلك حب العروسين وعشقهم لبعضهم البعض أنتهى الحفل وذهب الجميع إلى بيوتهم بينما أخذ جاسر مريم إلى فيلاتهم الجديدة التى كونا بها زكريات سعيدة فقد رفضت رفض قاطع ان تعود لذلك المنزل بعد محاولة كاميليا قتل جاسر وهى تأبى العودة لذلك القصر حتى لا تداهمها تلك الذكرى السيئه من جديد

================================

بعد أربعة أشهر 

نجد جاسر نائم بعمق وبجانبه مريم التى جافى النوم عينها لسبب مجهول عرفته حين ركلها ابنائها بقوه فى

بطنها ينبها بأنه حان موعد خروجه ظلت مريم تتقلب

فى السرير بتوتر وخوف فى محاوله منها لكبت وجعها

ولكن الألم قد أحتد وأصبح لا يحتمل نهضت تجلس

نصف جلسه وهى تنظر لجاسر بحده وتتنفس ببطئ 

شديد ركلت جاسر بقدمه بقوة حتى وقع من فوق

السرير ينظر لها بصدمه فهذه اصبحت عادتها كلما تحرك الطفلان أو شرعوا فى توجيعها ولكنه نفضها حينما وجدها متعرقه و وجهها محمر اقترب منها بقلق يسألها عما إذا كان ما يفكر به صحيح ام لا 

جاسر بتوتر:مريم أنتى عامله كده ليه يا حبيبتى هو أنتى بتولدى ولا إيه

اومأت له مريم وهى تصرخ بألم وسخط عليه

مريم:اه بولد عندك مانع.. خدنى للدكتور يا حيوان بدل ما أقتلك أنت وعيالك أنت فاهم

غضب جاسر من هذه كلمة يا حيوان فتصنع البرود

جاسر :مش انا حيوان شوفى بقى مين إللى هيوديكى يا مريم هانم

أنهى جاسر كلامه وهو ينظر لمريم بتسليه بعد أن اقترب منها وأصبحت انفاسه تلفح وجهها مما آثار 

غضب مريم بشده فرفعت يدها ونزلت على وجه

جاسر بأقوى ما عندها وهى تصرخ بأعلى صوتها

وتجذ على أسنانها بألم مما ازهل جاسر وجعله يأخذ انفاسه بسرعه

مريم:مش وقت هبلك وعبطك دلوقتى خدنى للدكتور بدل ما هرتكب جنايه هنا اه اه آآآآآآه 

بعد أن صرخت مريم متأوه أقترب منها جاسر بسرعه وشرع فى تبديل ملابسها ثم حملها بسرعه

وتجه بها إلى الأسفل حتى وصل للسيارة ووضعها فى الكرسى الخلفى ويهتف بسرعة وتوتر

جاسر:أهدى يا حبيبتى هانت كلها ربع ساعة ونوصل

المستشفى بس أنتى استحملي

مريم بغضب وهى تضرب جاسر بقبضتها الصغيره

مريم:أهدى إزاى وانت السبب فى إللى أنا فيه مين إللى عمل فيا كده و وصلنى للحالة دى غيرك أنت 

يا أفندي يا محترم

أعادت مريم كلامها وهى تقلد نبرة صوته

مريم:تعالى نخلد حبنا يا مريم ونجيب ولد يبقى هو الجوهرة إللى تنور حياتنا ويملاها علينا يا مريم ويا

ريت ما سمعتى كلامه يا مريم

صرخت بجملتها الأخيره وهى تشد فى شعره بقوه

كان جاسر يتحمل ضرباتها حتى وصل للمشفى ونزل من السياره وفتح الباب الخلفى وأخرج مريم

وركض بها إلى الداخل ينادى على طبيبة بعد أن وضع مريم على السرير المتحرك

جاسر :دكتوره.. دكتوره بسرعة يا جماعة مراتى بتولد

توجه له عدد من الممرضات ومعهم طبيب يريد أن 

يكشف على مريم إلا أن يد جاسر الحديديه قد امسكت يده ونفضتها بعيدا وهو يهتف بحده

جاسر :أنا قولت دكتوره ولا أنت ما بتفهمش

الطبيب بتوتر:بس يا فندم

قاطعه جاسر بصرامه قولت هاتلى دكتوره يلا

صرخ جاسر أمرا إلا أن حديث مريم الباكى قد جذب انتباهه

مريم:هو ده وقته خلصنى أنا بموت

ورغم ان تألم مريم قد أوجع قلب جاسر كثيراً إلا أن 

غيرته العمياء قد جعلته يصر على الطبيبة ومنع أى 

ذكر من الاقتراب منها.. ولكن حضور إحدى طبيبات

النساء والتوليد قد أنقذ الموقف فتم نقل مريم إلى 

غرفة العمليات بينما ظل جاسر واقف فى الخارج يستمع إلى صرختها المتألمه والتى كانت تنحر فى

قلبه مثل الخنجر ولكن قد نزل بكاء طفله على قلبه

وهدوء مريم كالمسكن ولكن عودتها للصراخ مره أخرى قد افزعه فهو قد نسى إبنه الأخر ولكن صرخات مريم قد ذكرته بذلك وعاد الألم إلى قلبه

من جديد وظل لبعض الوقت حتى خفت صوت مريم وعلى مكانه صوت بكاء طفل آخر ولكن توتر

جاسر لن يخف او يهدئ حتى يرى مريم بعينه فتح

الباب وخرجت مريم وهى غافيه على السرير وخلفها

سريران للأطفال بهما أبنائهم اقترب جاسر من مريم

بسرعه وهتف فى خوف وهو يمرر يده على شعرها

يسأل الممرضه

جاسر :هى عامله إيه طمنينى عليها ارجوكى

ابتسمت الممرضه بهدوء ثم قالت:أطمن يا أستاذ مرات حضرتك بخير وكمان جابت ليك ولد وبنت

ذى الاقمر

اطمئن جاسر على مريم.. وساعد الفريق الطبى فى وضعها فى غرفتها ومعها أطفالها أيضاً.. قام جاسر 

بالإتصال بجميع عائلة الصياد حتى يخبرهم بولادة 

مريم..تجمعت العائلة كلها فى غرفة مريم فى سعاده

وهم يداعبون الأطفال ويشيدون بجمالهم الفتان مثل والديهم.. بدأت مريم تستعيد وعيها وتتأوه بخفوت مما آثار انتباه جاسر لها فأقترب منها بسرعة 

ومسك يدها يقبلها بحب ويبتسم فى وجهها

جاسر بأبتسامه:حمدالله على سلامتك ياقلبي

ابتسمت مريم وقالت بهدوء

مريم:الله يسلمك يا حبيبى.. آمال الولاد فين

أشار جاسر برأسه حيث أسرة الأطفال وهو يقول بمرح وهو يمرر يده على خده

جاسر :رغم أن مجيتهم كان ليهم تمن صعب قوى محدش دفعه غيرى بس مش مهم.. المهم أنهم 

جم ونوروا حياتنا

ضحت مريم بقوه بعد أن فهمت ما يرمى إليه جاسر 

فنظر لها وهو يضيق عينه

جاسر :اضحكى اضحكى يا ختى.. كله هيجى على دماغك فى الآخر لما نيجى نخاوى العيال دى

صدمت مريم من حديثه فهتفت بقرار قطعى لا يقبل النقاش

مريم:نخاوى مين أنت فكرك أنى هجيب عيال تانى ده أنا خلاص استويت

اومأ جاسر وقال ساخرا

جاسر :نبقى نشوف الكلام ده بعدين بس ساعتها كلامى أنا إللى هيمشى يا قلبى

اتسعت عين مريم وكادت ان تتحدث إلا أن حديث مروان قد منعها والذى هتف بالمرح

مروان:ما تخلص يا خويا أنت وهى وشوف هتسمى

العيال دى إيه

حمل جاسر طفلته بينما أخذت مريم الطفل فى احضانها بحنان وحب جارف فقال مازن بتسأول

مازن:ها هتسموهم إيه بقى

ابتسم جاسر ثم بلطف وهو ينظر لأبنته فقال بشرود

جاسر:هسميها ياقوت عشان تبقى الجوهره الغاليه لأبوها وعيلتها زى ما كانت أمها ديمآ كده بالنسبه 

ليا ولأى حد تانى

ابتسمت مريم بلطف وهى تنظر لجاسر بينما ترقرقت الدموع بعينها فنظر لها نظره فهمتها جيدآ 

وهى ان هذه العيون لا يليق بها البكاء تنهدت ثم

نظرت إلى إبنها الغافى على يدها قالت بحب

جاسر:أنا بقى هسميه جاسم عشان ياخد من قوة ابوه وحسمه واه لو يا خد حنانه وحبه هيبقى أحلى 

شخصية فى الدنيا والحامى الوحيد للعيله دى 

تنهد جاسر براحه من حديث مريم ثم أقترب من مريم واحتضنها هى وأطفاله بحب وحنان جارف

قد ملئ حياتهم طوال السنتان الماضيتان وسوف

يستمر الأمر لنهاية عمرهم فقد أحبوا بعضهم وجعلوا العشق يتغلغل إلى قلبهم فتحدوا الصعاب وقفوا بوجه الماضى الذى كان يقف حاجز بينهم 

فأشرقت الشمس على حياتهم معلنه عن حب

وسعاده ستدوم للنهايه بهم وبأبنائى

الخاتمة ♥️👩‍❤️‍💋‍👨

فى منزل مازن

كان مازن يجلس على طرف السرير وهو يرتدى بدله رسميه إستعداد لحفله يعدها جده احتفالا بمناقصه كبيره قد ربحتها الشركة مؤخراً وكان ينظر لفرح بملل التى كانت ترتدى فستان أسود وتجلس على الأرض ودموعها تنهمر بغزاره بينما تنظر للمرأه وهى تنظر إلى نفسها فى المرأه بذلك الثوب الذى يظهر بطنها البارز بوضوح فهى حامل فى أواخر الشهر السادس بينما اقترب منها مازن ينحنى فى مستواها وهو يتنهد فى هدوء على ذلك المشهد الذى يراه تقريباً 

كل يوم وضع يده على كتفها وتحدث بهدوء

مازن بتنهيده:مالك يا قلبى فى إيه... إيه المزعلك كده يا روح قلبى من جوه

نظرت فرح بأنفها المحمر وعينها المنتفخه من أثر البكاء وقالت له بتزمر

فرح:ياعنى انت مش شايف..بص يا خويا أنت عملت فى جسمى إيه.. خليتنى شبه البلونه مش لايق فيا حاجه..روح يا أخى منك لله ده أنا جسمى

كان الناس كلها بتتحاكى بيه 

نظر لها مازن بزهول ثم تشدق بدهشه

مازن:منى لله..أنا يتقال ليا منى لله.. إيش حال كنتى

فرج وأنا واخدك وساكت.. كتمها فى صدرى وساكت لكن هنقول إيه زى القطط تاكلى وتنكرى

برقت فرح بغضب ثم تشدقت بحنق وهى تمسكه من تلابيبه

فرح:ميت مره أقولك ما تجيبش سيرة الإسم ده تانى أنت فاهم ولا لأ بدل والله ما اطلع زرابينى وضيقتى عليك النهارده..ويا ريت تسبنى فى حاللى عشان أنا 

بجد إللى فيا مكفينى

أنهت كلامها وهى تنتحب من البكاء مجددا.. مما جعل مازن يأخذها بين احضانه مجددا ويربت على ظهرها وهو يقول لها فى هدوء

مازن:والله يا حبيبتى أنتى زى القمر وبعدين إللى أنتى فيه ده طبيعى أنتى حامل ولازم تبقى كده بصى إيه رأيك اقوم انقيلك فستان على زوقى من إللى اشتريناهم سوى وأوعدك انه هيعجبك

نهض مازن وتوجه ناحية غرفة الملابس وظل يقلب فى الفساتين والملابس والتى كانت مخصصه للمرأه 

الحامل وقد اشتراها مازن خصيصاً لفرح حتى تريح

جسدها وتسهل حركتها فى تلك الفتره العصيبه ظل فى تقليبه فى الملابس حتى وقعت عينه على فستان

من اللون الأبيض من خامة الشيفون الثقيل والذى كان يضيق عند الصدر ومطرز بالترتر وحبيبات ماس

صغيره ورائعه ثم ينزل ب أتساع مريح للبطن وحركة

الجسد وملحق به كاب من نفس قماشة الشيفون الثقيلة وما ان رأته فرح حتى سحبته من يد مازن و

توجهت سريعاً ناحية المرحاض حتى ترتديه وما ان

خرجت حتى برقت عين مازن بأعجاب واضح فهذه الغبيه تزداد جمالاً يوماً بعد يوم وليس كما تعتقد أنها اصبحت بشعه وسمينه بسبب ذلك الحمل فلو

عليه لكان جعلها هكذا دائماً بذلك البطن المنتفخ الذى يزيدها برأه ولطافه تليق بها وحدها وذلك الثوب الذى يتناسب مع احمرار وجنتيها وزرقة عينها

التى تزداد بريقا لامعا خاطفا للأنفس كما اعتاد منها

دائماً وذلك الثوب الأبيض جعله يتذكر لحظة الجنون التى عصفت به ذلك وجعلته يذهب إلى منزلها ويصرح لها بحبه بل واجبرها على الزواج منه أيضاً

ظل يتأملها بذلك الفستان والذكريات تعصف به

فلاش باك

بعد أن فاق جاسر وأطمأن مازن على حالته خرج من

المشفى متوجه إلى بيت فرح وفى رأسه فكره واحده عازم على تنفيذها وليحدث ما يحدث فركب سيارته

وقادها بسرعة مجنونة حتى وصل إلى أسفل منزلها 

توقف بسيارته وترجل منها ثم أخرج هاتفه وأتصل بها وما ان اتاه ردها حتى تحدث بصرامه أمرا قائلا

مازن:خمس دقايق وتكونى قدامى ولو اتأخرتى ثانيه

هتلاقينى عندك فوق

أغلق فى وجهها مما جعلها تستشيط غضبا ولكنها أرتدت ملابسها ونزلت إليه فرأته واقف يستند على

سيارته ويضع نظارته السوداء التى زادته وسامه ولكنها تغاضت عن كل ذلك وتوجهت له وهى تكتف

يديها وتحدثه بغضب

فرح:ممكن أعرف إيه الطريقه إللى كلمتنى بيها دى حد قالك ان أنا جاريه عندك قبل كده عشان تؤمرنى

وأنا أنفذ إحنا مش فى الشركة هنا على فكره

زفر مازن بضيق ولكنه تجاهل كلامها وتحدث بهدوء وتريث

مازن:ممكن تسيبك من الكلام إللى ملهوش لازمه كده وخلينا فى المهم.. ممكن بقى اسألك سؤال

فرح دون أن تلتفت له قائله بنزق

فرح:اتفضل اسأل إللى أنت عايزه سمعاك

كتف مازن يديه أمام صدره ثم قال فى هدوء

مازن:فرح هو أحنا هنفضل كده لحد أمتى؟

رفعت فرح كتفيها وضيقت عينها بتسأول

فرح:كده إللى هو إزاى يعنى ممكن توضح أكتر بليز؟

تنهد مازن بحراره وقلة حيله ثم قال

مازن:أقصد معركة القط والفار إللى بينا دى هتستمر لحد أمتى أنا بجد تعبت

فرح بحدة وهى تشير بأصبعها له

فرح:والله يا مازن بيه لعبة القط والفار إللى حضرتك بتقول عليها دى مش أنا إللى بدئتها لا ده أنت يبقى أنت إللى لازم تتحمل النتائج

زفر مازن بحزن ثم اقترب منها وأمسك كتفيها وقال

مازن:وأنا ما كنتش أعرف إنك بالغباء ده يا دكتورة .. للدرجة دى مش فاهمه أنا عملت كده ليه.. أنا حطيت بنود وقوانين فى الصفقه دى ما حدش يقبلها

كل ده ليه ها ما سألتيش نفسك ولو لمره وحده مازن بيعمل كده ليه

نظرت فى عينه تبحث عن إجابة تتمنى ان تجدها ولكنها تخشى ان تنجرف خلف قلبها المسكين فتخسر نفسها وتغرقها فى مشاعر الحزن والكأبه

من جديد فأزحت يده وقالت بهدوء حزين

فرح:ما عرفش يا مازن ومش عايزه أعرف ارجوك سبنى فى حالى بقى

كادت تمشى ولكن مازن قبض على يدها وأقفها ثم

وضع يده على كتفيها وقال بجديه وصرامه

مازن:فرح أنا بحبك لا أنا مش بس بحبك لا ده أنا بعشقك بموت فيكى.. ها قولتى إيه يا فرح موافقه 

تكونى حبيبتى ومراتى وأم عيالى

ارتبكت فرح وأخفضت رأسها للأسفل وقالت له متحدثه فى خجل ويخرج صوتها فى خفوت

فرح:موفقه

ضيق مازن بين حاجبيه وقال وهو يتصنع عدم استماعه لها وقال بتسأول

مازن:إيه قولتى إيه مش سمعك قوليها بصوت أعلى معليش

عضت فرح على شفتيها بخجل وبدأت تتحدث محاولة إخراج صوتها بصوت عالى أكثر

فرح:موفقه اتجوزك يا حبيبى

هتف مازن وهو يحاول كتم ضحكته

مازن:تؤ مش حلوه بردوا مش من قلبك طالعه من غير نفس قوليها تانى

كتفت فرح يدها ثم ضربت الأرض برجلها كالاطفال وقالت بغضب وحده

فرح:يوووووووه أوف أنت عمرك ما هتتغير أنا ماشيه يلا سلام

كادت ان تمشى ولكنه منعها من التقدم نحو منزلها حين احتضنها من الخلف وقبض بيده على على كتفيها ثم همس فى اذنها

مازن:جهزى نفسك يا حلوه عشان كلها شهرين وتبقى فى عرينى

أنهى كلامه ثم طبع قبله على وجنتها ثم حررها من بين يديه ببطئ وتعتلى وجهه ابتسامة جانبيه وهو

يراقبها تركض بسرعة فى اتجاه باب فيلتها

بعد مرور شهرين

وبالفعل لم يكذب مازن خبر حيث حدث جده وأخبره برغبته بالزواج من فرح وان يطلبها له من عمه صالح 

والذى اشاد بأخلقها وحسن سلوكها والذى وافق أيضآ على طلب زواج من فرح بعد أن عاد لها طبعاً فهو لن يجد لها افضل من مازن سند لها يحميها فى الشدائد كانت فرح فى جناحها تجلس أمام المرأه و بجانبها خبيرة التجميل التى بدأت فى وضع لمسات

المكياج على وجهها والذى أبرز ملامحها وجمالها الملائكى وبريق عينها الزرقاء أنتهت خبيرة التجميل من وضع آخر اللمسات ثم طلبت من فرح ان تذهب

لغرفة الملابس لأرتداء الفستان الخاص بها دخلت فرح لغرفة للملابس وأغلقتها عليها حتى مرت عدة

دقائق وخرجت بفستانها الأبيض الذى كان بلا أكمام 

ويضيق من عند الصدر حتى نهاية الوسط الذى كان ملصع بالماس فيعطى هذه القطعه لون قريب من

الفضى ثم ينزل بأنتفاخ من قماش التل شديد البياض الذى اعطاه بساطه ورونق خاص

ثم قامت خبيرة التجميل بوضع الطرحة الطويله المصنوعه من التل على رأسها مما أكمل طلتها البهية أقتربت منها مريم التى تأملتها بأعجاب واضحثم قبلت فرح على وجنتها وهتفت بسعادة وعينهاالرماديه تبرق بلمعه خاصة 2

ثم قامت خبيرة التجميل بوضع الطرحة الطويله المصنوعه من التل على رأسها مما أكمل طلتها البهية أقتربت منها مريم التى تأملتها بأعجاب واضح

ثم قبلت فرح على وجنتها وهتفت بسعادة وعينها

الرماديه تبرق بلمعه خاصة

مريم:ليه حق مازن يبقى مجنون بيكى ويحبك الحب ده كله.. بس مع ذلك حابه اقولك على حاجة

مازن ده مش بس أخويا الكبير لا ده أبويا وأخويا وكل

حاجه ليا ما أحبش حد يزعله ارجوكى كفايه أنه خسر أمه مرتين ومع ذلك حاول يبقى صلب عشانى أنا ومروان خاصة بعد إللى حصلى كنا صغيرين وقتها وهو شال مسئوليه بدرى قوى فخلى بالك منه ولما تلاقيه زعلان افضلى جمبه وخليكى فى ضهره حتى لو هو طلب منك تسيبيه وتمشى افضلى جمبه هو هيبقى محتاجك بس بيكابر وأرجوكى أوعى تعصبيه

لأن عصبيته وحشه اوى

تنهدت فرح ثم تحدثت قائله بحب وهدوء

فرح:ما تخفيش عليه مازن هيبقى فى عينى لأنه حبيبى وروحى من جوه

مريم بأطمئنان:وأنا متأكدة أنه هيكون فى ايد أمينه يلا بقى عشان الأستاذ زمانه هيفرقع من كتر الأنتظار 

وبصراحة أنا مش ضمنه يعمل ايه هههههههه

فتحت مريم باب لأخيها  الذى كان يرتدى بدله سوداء ويضع ببيونه سوداء حول عنقه فكان فى غاية 

الجاذبيه والوسامه امسكته مريم من يده تجذبه هاتفه فى سعاده

مريم :تعالى يا عريس شوف عروستك قمرايه إزاى

أبتسم مازن لشقيقته ثم تقدم ببطئ اتجاه فرح ثم أمسك يدها الصغيره ورفعها يلثمها بفمه ثم تشدق

بوله ولوعه اعجاب بها

مازن:بدر منور فى يوم اكتماله.. بس تعرفى ما كنتش متوقع إنك تطلعى بالحلاوة دى يا فرج

اعتلى الغضب والحده وجه فرح ثم ضربته على كتفه بقوه مما جعله يتأوه بألم ثم استدارت متوجهه 

إلى الداخل وهى تهتف

فرح:طالما أنا فرج شوف مين هينزل معاك الفرح النهارده يا مازن بيه

امسكها من يدها يقربها منه ويمنعها من الدخول

وتركه اقترب منها وهمس فى أذنها مجدداً قائلا بخبث

مازن:لعلمك أنا واحد كاتب كتاب يعنى العالم إللى تحت دى ما تفرقش معايا اصلآ وبدل ما نبدأ بفرح

يا فرح ممكن نبدأ بالدخله وبصراحه ده أهم مشهد عندى من الأخر يعنى لو حابه ممكن نبدأ بيه

برقت فرح ونظرت له فى صدمه ودون شعور منها رفعت يدها وصفعته على وجهه وهى تهتف بخجل وارتباك وهى ترفع اصبعها فى وجهه

فرح:أنت واحد قليل الأدب  ووو وسافل وأنا لا يمكن اتجوز واحد زيك

مازن بغضب أعمى :أنا إللى بعد إللى عملتيه ده لا يمكن اتجوز واحده مش بتحترم جوزها ولا عمله له اعتبار قصاد الناس

ابتلعت مريم ريقها ثم هتفت بتوجس

مريم:لا إللى أنتو بتعملوا ده مش وقته خالص.. النهارده فرح يعنى معازيم وصحافه يعنى إللى ما يشترى يتفرج وأحنا مش ناقصين فضايح ولا إيه يا

مروان عقل أخوك كده وخلينا نخلص من الليله دى

مروان مؤنبا:مريم معها حق يا مازن عدى الليله دى على خير وبعد كده أبقى أعمل إللى أنت عايزه بس

بلاش الفضايح أعقل كده عشان ما نرجعش تندم

تجهم وجه مازن ونظر لفرح بغيظ فهو بعد الذى فعلته يرغب بالفتك بها ولكن كلمهم صحيح فهو إذا نفذ كلامه بالتأكيد سوف يندم بعد ذلك سوف يجعل هذه الليلة تمر على خير وبعدها سوف يؤدبها هو وبنفسه تنهد وقال بهدوء مريب

مازن:ماشى ماشى يلا يا فرح الناس مستنيانا تحت يا حبيبتى

ابتلعت فرح بعد أن سمعت تكته على كلمة حبيبتى 

فقد علمت ان القادم لن يعجبها بالمره

ولكن رغم ذلك خرجت معه متوجهين إلى الأسفل احتفالا بزفافهم وسط فرحة العائلة التى أكتملت 

بزواج الابن البكرى لهم وبدئه حياه جديده مع حبيبته

التى اختارها بقلبه وعقله رغم جنونها وطفولتها البريئه التى يعزم أنه يستطيع السيطرة عليها ولكن

الحياة أمامهم طويلة وسوف نرى من منهم سيفوز

فى معركة الحب التى قد نشبت بينهم

عودة للحاضر

اقتربت فرح من زوجها الذى لاحظت شروده ثم بدأت تتحسس وجهه بأناملها وأخذت تتحدث فى أذنه بهمس ساحر وسالب للعقل

فرح:إيه إللى وأخد عقلك يا مازن

مازن بهمس مماثل وهو يشدد من احتضانها ويتنفس على طول عنقها المرمرى مما جعلها تقشعر بشده بينما يوزع قبلاته على طول عنقها

مازن:سرحان فيكى يا قلبى... فستانك ده فكرنى بيوم فرحنا المجنون...وشكلى كمان أنا هتجنن ومش

هروح الحفله النهارده

همست فرح بدهاء وخبث وهى تبتسم

فرح:ده بعينك.. أنا ما نسيتش عملت إيه بعد الفرح.. لما ما سألتش فيا وخلتنى أنام على الكنبه يا مازن بيه وقال إيه بتعاقبنى مع أنى ما عملتش حاجة

أبتسم مازن بتهكم متذكرا لما حدث فهى ترمى اللوم عليه مع انه لم يخطئ بشئ

مازن:والله لو أنتى شايفه أنك ما عملتيش حاجه تبقى غلطانه..اولا ضربتينى بالقلم وسط اخواتى وولاد عمى وعقاب ده المفروض قطع إيدك.. ثانياً 

مش أنا إللى نيمتك على الكنبه يا هانم لا ده أنتى إللى سبتينى وبصراحه أقل عقاب ليكى أنى اتجاهلك وكانك مش موجوده أبدا وده أقل حاجة اى

حد فى مكانى يعملها عشان أنتى لو عندنا فى الصعيد ما كنش هيطلع عليكى شمس.. فخلصى بقى بلاش نفتح فى القديم عشان هتزعلى

تنهدت فرح بغيظ وقالت حانقه

فرح:بردوا مش مبرر يا أستاذ كان المفروض تسايس

وتحايل عشان على الأقل أنام جنبك لكن أنت زى ما

تكون ما صدقت عارف ليه عشان انت مش بتحبنى

وبتكرهنى كمان وأصلا أنا كنت حاسه من زمان هااا

أنهت كلامها وهى تدبدب على الأرض ودموعها على خدها ثم رحلت خارجه من الجناح تحت نظرات مازن

المندهشه والمستغربه ففى العاده هى من تعتذر منه على ما بدر منها فى يوم زفافهم وليلة دخلتهم ولكن الآن قد تغير الأمر تماماً منذ أن حملت فى إبنه 

ذاك والذى ينغص عليه حياته السعيدة الورديه فهرمونات حملها شقيه متقلبة المذاج من حين لأخر

بين الحزن والسعادة والاكتئاب كذلك واليوم اكتملت

معه حين اتهمته بأنه من أخطأ فى حقه ولكن الآن يتمنى ان تلد بأى طريقة حتى يتخلص من هذه التقلبات المزاجيه التى تخيفه من حين لأخر

=================================

فى الجناح الخاص بجاسر

كانت مريم جالسه أمام مرأة الجناح تعدل تسريحة شعرها ومكياجها بعد أن اخبرتها فرح بتغير لون الفستان الذى اتفقن الفتيات على ارتدائه وهو لون

الأسود..حيث اختارت فستان بلون الأبيض الثلجى

الذى سيكون عليهم جميعاً أكثر من رائع.. وبعد أن 

قامت مريم بوضع اللمسات الأخيره اتجت نحو غرفة 

الملابس تخرج الفستان الأبيض الذى سوف ترتديه

لهذه الحفله وما ان أنتهت أمسكت الحقيبه الفضيه

التى تتماشى مع الحذاء الفضى والفصوص الفضيه

التى تذين الفستان..وحين خرجت مريم من الجناح

متوجهه للأسفل حيث الحفله والمعازيم التى سبقها

لها جاسر حين أدرك أنها سوف تأخذ مده طويله فى

تزين نفسها والذى بهت حين رأها فى مقدمة السلم من الأعلى وهى ترتدى ذلك الفستان الأبيض الذى

يضيق على جسدها ويبرز مفاتنه الذى به فتحه على الكتف ويلحق به كاب به فصوص فضيه تزينه وتزيد من جماله

وحين خرجت مريم من الجناحمتوجهه للأسفل حيث الحفله والمعازيم التى سبقهالها جاسر حين أدرك أنها سوف تأخذ مده طويله فىتزين نفسها والذى بهت حين رأها فى مقدمة السلم من الأعلى وهى ترتدى ذلك الفستان الأبيض الذىيضيق على جسدها ويبرز مفاتنه الذى به فتحه على ا...

لم ينتظر جاسر نزول مريم التى ابهرته كالعادة بسحرها وجمالها الاخاذ فرغم ارتداء بنات عمها نفس

اللون الا أنها هى التى كانت الأجمل به بل هى التى

ذادته جمالاً على جماله اقترب منها ثم امسك كفها برفق يرفعه إلى فمه لكى يلثمه بحنان وحب بينما هى تنظر له نظره مماثل لمشاعره ومكنونه بينما هتف جاسر بعشق وشوق ملحوظ للجميع

جاسر:قمر كالعادة يا ملكتى

ابتسمت مريم وقد تخضبت وجنتها باللون الأحمر ثم

بتسأول تهربا من حديثه الذى يخجلها دائماً

مريم:اه صح هما الولاد فين؟.. أنا مش شيفاهم

إبتسم جاسر ثم تشدق بخبث

جاسر :اممم رجعنا لجو التهرب تانى مريم يا حبيبتى الولاد مع جدودهم فما تخفيش عليهم.. وخلى بالك

هيبقى فيه عقاب على حلوتك إللى زايده عن اللزوم 

دى ماشى.. يلا بقى عشان اعرفك على المعازيم

أخذها جاسر من يدها ونزل للأسفل حيث المعازيم 

وكلما نظر رجل لمريم اشتد من قبضته على يدها بغضب وحده بينما كان مازن ومروان ومعهم مهاب

يتابعون الموقف وهم يبتلعون رقيهم بسبب تحول

جاسر بعد هذه الحفله من غيرته القاتله على مريم

تراجع جاسر عن فكرة تعريفها على المدعوين وقام

بشدها ناحية ساحة الرقص وقام ببدأ الرقصة الافتتاحية وهو يقرب مريم إليه من خصرها وكأنه سوف يخترقه بأصبعه كانت مريم خائفه منه للغاية 

بينما هتف بضيق وغضب

جاسر :أنا هعمل نفسى مش واخد باللى من إللى حوليه بس صدقينى فى بيتنا قلبتى مش هتعجبك

مريم بحزن:طب وأنا مالى يا جاسر ذنبى إيه انا ما عملتش حاجة عشان تعاقبنى بالشكل ده

تنهد جاسر فى قلة حيله فهو بمجرد رؤيته لدموعها

يتراجع عن المواقف التى أخذها فى حقها ويستسلم 

لها كليا أرخى قبضته عن خصرها ثم قبلها على جبهتها متحدثا بأسف

جاسر :أنا أسف يا قلبى أنتى مالكيش ذنب.. الذنب

ذنبى أنا إللى مش بعرف أمسك نفسى لما حد يبصلك بصه واحده بس صدقينى قريب قوى ما فيش حد هيجروء يرفع عينه ويلمحك حتى

ابتسمت مريم على عصبيته التى تتبدد سريعاً بمجرد ان يلمح الحزن بعينها الجميله وتأثيرها عليه

وقررت أنها الليله يجب أن تخبره بذلك الخبر الذى سوف يسعده للغاية انتظرت لحظة انتهاء الحفله ثم

قالت حتى تلفت انتباه جميع أفراد العائلة وأولهم جاسر محبوبها وعشقها الأبدى

مريم بأبتسامه:يا جماعة فى خبر مهم جداً ولازم تعرفوه خاصةً أنت يا جاسر.. امم أنا روحت للدكتور

النهارده وقالى

لم يجعلها جاسر تكمل بينما اقترب منها  هاتف بقلق وهو يتلمس جميع أنحاء وجهها

جاسر :خبر إيه ده إللى يخليكى تروحى للدكتور أنتى

عيانه فيكى حاجه وجعاكى

اوقفته مريم وهى تقول بأبتسامه ماحوله تهدئته

مريم:أهدى يا حبيبى أنا كويسه كل الحكايه أنى حامل بس

صمتت مريم تراقب جاسر بأبتسامه والذى كأنه لم يستمع لكلمتها الاخيره ثم قال براحه

جاسر :يا شيخه خضتينى وأنا إللى كنت فاكر إنك تعبانة تلعطى

لم يكمل جاسر كلامه كأنه قد أدرك الأمر ثم نظر لها ينتظر تأكيد ما سمعه منها بينما اومأت هى بسعاده 

مريم:اه يا حبيبى حامل فى شهرين وقريب أوى هيجى ابن لينا تانى ينور حياتنا ويكملها بضحكته

احتضنها جاسر بقوه وكأنه يخبأها من العالم فى امرأته وملكته الرائعه التى منحته كل شئ قد يتمناه

فى هذه الحياة الحب والسعادة والأبناء وهو ممتن لها

على دخولها حياته واكمالها بذلك الشكل الرائع ولا يعرف إذا كان الحب الذى يغدقها به يكفى عطائها الواسع وحنانها الكبير الذى تغرقهم به ولكن كل ما يتمناه هو أن يتمكن من اسعادها وجعل الابتسامة ترتسم على ثغرها وعينها الساحرة ولكنه لم يدرك أنه قد وصل معها إلى مدى أبعد من ذلك فقد جعل

السعادة تزين قلبها الذهبى ذاك

========

=

=

=

=

النهايه❤️

انتهت احداث الرواية نتمنى ان تكون نالت اعجابكم وبأنتظار اراؤكم فى التعليقات وشكر 

لزيارة عالم روايات سكير هوم 

لمتابعة روايات سكيرهوم زوروا قناتنا على التليجرام من هنا