رواية جبروت امراه الفصل الثاني 2 بقلم دودا حوده

 

رواية جبروت امراه الفصل الثاني 2 بقلم دودا حوده 

سعاد 

ومين بس اللي قالك انك هتظلمهم ده انت كده هتحافظ على مالك ياخويا بدال ما يحي ياخد نصيبة ويضيعة على ما تتسمى مراتة وهي لا بتعرف تحافظ على قرش ولا على حاجه 

مصطفى 

هو انتي عايزه ولادك يورثوني بالحيا ياسعاد قفلي بقا على الموضوع ده واسكتي 

سعاد 

ياخويا بعد الشر عليك والله انا مقصد حاجة يامصطفى ربنا يطولنا في عمرك يارب انا بس بقول انك لما تعمل كده ده عشان مصلحتهم وعلى انت عارفه دماغه كبيرة وواعي وبيعرف يحافظ على مالك انما يحي دماغه مش فيه وكلمة بتوديه وكلمة بتجيبة والسخامة نوال ممكن تقوله هات الفلوس نعمل مشروع وتاخده في السكة دي وتخسرة كل حاجة زي ماحصل قبل كده 

مصطفى 

طيب ماهو يحي كده هيزعل لما يعرف ان على بقت كل حاجة باسمة 

سعاد 

مش هيزعل ولا حاجة لا طبعا يعني بعد عمرا طويل على هيدي لاخوه حقه ومش هياكل عليه حاجة وانا اتفقت معاه على كده 

مصطفى 

خلاص سبيني افكر كده مع نفسي واشوف انا هعمل ايه

وفي شقة نوال قالت لجوزها يحي

بقولك يايحي وانا تحت عند امك اسمعتها هي وابوك عاملين يرغو مع بعض بصوت واطي مش عارفه هما كانو عمالين بيرغو في ايه لا وامك كانت موطيه صوتها على الآخر وانا بنضف جوه المطبخ ومعرفتش اسمع برضو هي قالت له ايه ولا كانت بتتفق معاه على ايه حكم انا عارفه امك دي محراب شر 

يحي

بقا انا اني امي محراب شر يانوال طب قفلي بقا على الموضوع ده وخلي يومك بعدي 

نوال 

يوه هو انا قولت ايه يعنى يايحي وبعدين ماهو المفروض نعرف اي حاجة بتحصل في البيت ده 

يحي 

واحنا مالنا احنا يانوال ابويا وامي يتكلمو بصوت واطي يتكلمو بصوت عالي هما احرار مع بعض انتي شاغله بالك بيهم ليه

نوال

مالنا ازاى يا راجل لا ياحبيبي ده مالنا ومالنا كمان هو احنا مش عايشين في البيت ده معاهم ولا ايه وبعدين ده علطول واخدين اخوك علي تحت جناحهم بس هو راجل وليه كلمتة مش زيك

يحي

زي يعني ايه وانا مالي بقا يانوال مش مالي عينك انا ولا ايه

نوال

لا ياحبيبي مقصدش حاجة والله انا بس بقصد انهم بياخدو رأي يحي في كل كبيرة وصغيرة انما انت اللي بتاخد رايهم في اي حاجة وبعدين انا قولتلك كذا مره تكلم ابوك وعلى انهم يخلوك تمسك المصنع الجديد وتبقى المدير العام 

يحي

طيب مانا مرتاح في المصنع القديم وانا برضو المدير انما الجديد ده على اخويا اللي عمله 

يحي 

وانت برضو بيخيل عليك الكلام ده ابوك هو اللي عاملة المصنع ده يعني المال مال ابوك وانت متقدرش تقولهم يعملولك حاجة زيه كده 

يحي 

عشان هما امي وابويا انا مقدرش اقولهم على اي حاجة وبعدين انتي ملكيش دعوة باللي بيدور في البيت هنا امي وابويا واخويا احرار في اي حاجة بيعملوها انا قولت لك اهو واوعي بقا كده خليني انزل اقعد مع امي تحت واشرب معاها الشاي

ويحي سابها ونزل عند امه وقالتلة

ايه يايحي مالك انت في حاجة مضايقاك ياحبيبي

يحي 

لا يا أمي أنا كويس الحمد لله بس كنت عايزك تقولي لعلي يخليني ادخل معاه شريك في مصنعه الجديد او يعيني مدير عنده

الام

ليه ياحبيبي ما انت مدير عند ابوك في مصنعه يايحي وبتاخد مرتب حلو اوي الحمد لله عايز ايه تاني بقا

يحي

ولا حاجة ياما ده كان اقتراح مش اكتر طيب انا ماشي مش مني عايزة حاجة

الام

رايح فين يايحي خليك ابوك زمانة جاي واتعشا معاه

يحي

لا يا أمي أنا اتعشيت ورايح اقعد في الكافيه مع واحد صاحبي

وعند على في شقتة كان قاعد بيخلص ورق خاص بالشغل مراته رحاب قالت له

انت هتفضل قاعد على الورق ده طول الليل ياعلي مش هينفع كده ياحبيبي انت لازم تقوم تنام ساعتين ولا حاجة قبل ماتروح شغلك

على

اعمل ايه بس يارحاب لازم اخلص كل الورق بتاع المناقصات ده ولازم الصبح يكون موجود في المصنع عشان اسلمة لابويا متظبط بكل حاجة

رحاب

طيب ماتخلي يحي يساعدك فيه هو برضو مش المفروض انه مدير في المصنع ومسؤل عن الأوراق دي

على

والنبي تسكتي يارحاب يحي ايه بس وبتاع ايه هو يحي اخويا ده بيفهم في اي حاجة ده انا ابويا مقعده في المصنع بس عشان خاطر يديلة فلوس والاسم انها مرتب انما هو اصلا ولا ليه اي تلاتين لازمة في المصنع هو بس كل اللي عليه انه يتكلم وياخد فلوس وخلاص 

رحاب

الله طيب ولما هو كده متنقلوه في اي مكان إداري تاني لحسن يعمل حاجة يبوظ الدنيا ياعلي وتيجي على دماغك انت في الاخر

على

لا متقلقيش يارحاب انا صاحي ليه اوي وعارف كويس هو بيعمل ايه

وتاني يوم في المصنع على كان بيزعق لموظف وبيقوله

انت ازاى تاخد الطلبية دي تسلمها من غير ماترجع لي يا حامد هو انا مش المفروض امضي عليها ولا انت ايه خلاص ماشي بدماغك ومش ليك كبير هنا ولا ايه

حامد.

العفو يا استاذ يحي بس والله الحاج مصطفى والأستاذ على هما اللي قالولي اني اروح اسلم الطلبية دي من غير مارجع لحضرتك 

يحي

ااه طيب روح انت وانا ليا كلام مع علي والحاج يلا امشي انت دلوقتي من قدامي

ويحي قال لنفسه يعنى انا مليش اي لازمة هنا في المصنع ده لما اروح اشوف اللي حصل ودخل يحي عند ابوه وقال

ينفع كده ياحاج اتفاجاأ ان حامد يروح يسلم الطلبيه اللي المفروض اني امضي عليها من غير مامضى ويقولي الحاج هو اللي امر بكده هو والأستاذ على

مصطفى

وفيها ايه يا يحي ماهو اخوك علي برضو بيمضي على اي حاجة وانت وهو واحد ايه المشكله يابني مش فاهم وبعدين انا اللي قولت له يخلص الطلبيه ما احنا مش كل يوم هنعطل الشغل لحد ماتيجي يايحي انت بتيجي المصنع متأخر 

يحي

خلاص يابابا اللي تشوفه طالما حضرتك اللي أمرت يبقا اللي تشوفه عن اذنك انا ماشي

ومشي يحي ودخل على لابوه وقاله

هو ماله يحي ياحاج بكلمة واخد في وشه وماشي ومش بيرد عليا هو في حاجة حصلت

مصطفى

لا يا علي ده هو زعلان بس عشان محطش امضته على الطلبية اللي اتسلمت النهاردة

على

طيب ماهو اللي بيجي متأخر واحنا مش هينفع نعطل الشغل لحد مايجي

مصطفى

سيبك منه ياعلي وخلينا هنا دلوقتي انا عايزك تكلملي المحامي عشان عايزة في موضوع مهم كده بخصوص املاكي

على

هي امي قالت لك برضو على اللي في دماغها أصلها قالت لي وانا بصراحة رافض الموضوع ده 

مصطفى

ورافض ليه ياعلي ايوه هي قالت لي وبصراحة لما فكرت فيها يا علي لقيت ان كلام امك صح وانا لازم اعمل كده عشان انت اللي هتحافظ على مالي من بعدي بس طبعا مش هوصيك على اخوك ياعلي

على

انت بتقول ايه يابابا ده مهما ان كان يحي اخويا وانا عمري ماكل حقه 

مصطفى 

مانا عارف ياعلي عشان كده يابني عملت اللي عملته ده بعد تفكير كتير بصراحة بس لقيت انك ادها وادود 

وعند يحي في شقته نوال قالت له

بقولك ايه يا يحي انا عايزة اروح أزور امي واقعد عندها يومين كده وارجع

يحي

خلاص استأذني من امي الأول

نوال

هو انا كل ما قولك حاجة ياراجل تقولي خودي رأي امي خودي رأي ابويا هو انت ملكش كلمة في البيت ده خالص يا يحي

يحي 

بقولك ايه يا نوال انا مش ناقصك بطلي كلامك ده انتي فاهمة ولا لا وبعدين البيت ده بيت ابويا وامي وهما كل حاجة هنا بامرهم وبس 

وسابها ودخل الاوضة 

نوال 

هو ايه ياختي ده كل حاجة قولي لأمي قولي لابويا وانت ملكش اي تلاتين لازمة 

ورجع مصطفى البيت وقال لسعاد 

انا عملت زي ما قولتي ياسعاد كتبت كل حاجة باسم علي عشان فعلا لقيت ان على هو اللي هيحافظ على المال انما يحي ملوش في حاجة خالص 

سعاد 

ينصر دينك يا مصطفى هو ده الكلام ياخويا ولا بلاش ربنا يخليك لينا يامصطفى بس مش برضو المفروض انك تعرفهم باللي عملته ده 

مصطفى

اكيد طبعا هعرفهم انتي بس جميعهم كلهم على ومراتة ويحي ومراتة عشان اعرفهم باللي انا عملته عشان كل واحد يبقا على نور كده من اولها 

سعاد 

خلاص يومين كده واخليهم كلهم موجودين ونقولهم ايه رايك 

مصطفى

ماشي ياسعاد اللي تشوفيه 

وعند نوال قالت ليحي 

بقولك ايه ياحبيبي انا عايزة اجيب حتتين دهب كده في أيدي يايحي اصل اللي عندي بقا قديم وانا بصراحة نفسي اجدده 

يحي 

تجددي ايه وقديم ايه يانوال هو الدهب كمان في جديد وقديم بقولك ايه انا خلصت الفلوس اللي معايا 

نوال 

طيب ماتجيب من ابوك يا يحي الله مانا شايفه المخفيه مرات اخوك علطول جايبه دهب جديد ولبس جديد واشي ايه واشي ايه اشمعنا هي يعني يايحي هو انا مليش حق ادلع بفلوس جوزي وحمايا زيها ولا ايه وبعدين انا احلى منها بكتير اوي يعنى من حقي ادلع اكتر منها 

يحي

يوووه هو انتي مابتصدقي تتفتحي يانوال حرام عليكي بقا ارحميني ياست انتي ياساتر منك 

نوال 

خلاص يبقا تعمل اللي قولت لك عليه هات لي فلوس خليني اجيب لي دهب جديد 

يحي 

طيب انا هبقا اخد من ابويا فلوس واجبهالك خلاص بقا يانوال 

نوال

لا مش خلاص يا يحيى عشان مش حاجة لازم تعرف ابوك وامك عن حياتنا ماتخلي اي حاجة تحصل بيني وبينك والفلوس اللي انت عايزها تأخدها من المصنع من غير متاخد اذن حد 

يحي 

يعني ايه يانوال وهي الفلوس اللي في المصنع دي فلوسي انا لوحدي ماهي فلوس ابويا وانا بقبض زي زي اي موظف في المصنع 

نوال 

لا ياحبيبي انا بقا عايزاك تبقى الكل في الكل الفلوس اللي تعوزها تأخدها من غير اذن اي حد خالص 

يحي 

والله شكلك مش هتجبيها لبر يانوال انا مش عارف بس اعمل لك ايه اكتر من كده ولا ارضيكي ازاى 

وتاني يوم يحي كان في المصنع وقال لمدير الحسابات 

انا كنت عايز مفاتيح الخزنة ياحسين 

حسين 

طيب هو الحاج يعرف يا استاذ يحي بانك عايز مبلغ من هنا 

يحي 

انت اتجننت في عقلك ولا ايه

              الفصل الثالث من هنا 

بدل ماتدور وتبحث علي الروايات خليها علي تليفونك وحمل تطبيقنا

تعديل المقال