رواية همسة وجع الفصل الثالث والثلاثون 33 بقلم اسماء العذب

 

رواية همسة وجع الفصل الثالث والثلاثون بقلم اسماء العذب

لايك الاول يا شطار 

33 

#همسه_وجع

صلوا علي الحبيب المصطفى 

♡_______________♡ 

وفاء كانت قاعده جنب همسه لكن كانت ملاحظه من اول القعده أن سعيد نظرات عيونه ملفته وكأنه بيحاول يتهرب منها وما يبصش عليها

حتي مازن اخد عمر وخرجوا بعد ما بص علي ابوه نظرات زادت الطين بلل 

وفاء برعب وهي بتكلم سعيد: سعيد هو انت عاوز تقولي حاجه؟؟؟

سعيد بص عليها نظره وكأنه بيقولها كان غصب عني واتكلم وقال: هو فيه بس مش هينفع دلوقتي خليها بكره 

وفاء عرفت انه مش عاوز يتكلم قدام مشعل وهزت رأسها بمعني ماشي والقلق والخوف بيكبروا جواها اكتر واكتر  

فجأة سمعوا خبط علي الباب 

بعد شويه دخلت إيمي اللي الكل استغرب من جيتها لكنهم انبسطوا منها خصوصا الأطفال 

وطبعا وعد ووليد عرفو زيد علي إيمي واللي حبت زيد جدا وبقي الثلاثي ده بالنسبه ليها اي كنز في الدنيا لايمكن يعوضه

لكنها قطعت حاله الصفاء اللي في الكل لمى بصت ناحيه الاولاد واتكلمت بطريقه غريبه خلت الكل بستغرب منها

♡_______________♡

عمر بملل: خير يا مازن مجرجرني ليه علي بره كنت عاوز اشوف ابوك هيقول علي موضوعي انا وسمر لماما ازاي 

بعدها سكت وكأنه استوعب حاجه مهمه 

فجأة اتنفض بقوه وهو بيمسك مازن كم كتفه وبتكلم بحده :انت ازاي يا بني آدم انت تقول اللي قلته امبارح ده وقلبت الموضوع جد اوي لدرجه اني حسين أن ابوها واخوها هيولعوا فينا من نظراتهم بس 

مازن بخبث: يا ولا بقي انت مش عراف انا عملت ايه 

عمر بأرتباكمن نظرات اخوه: عملت ايه يعني ديستني غي خطوبه جد يعني شبكه ودهب وموال كبير

مازن ببسمة جانبيه:هو من ناحيه اتدبست فأنت اتدبست فعلا ..بس تدبيسه علي مزاجك 

عمر :ولااا انت قصدك ايه باللي بتقوله ده..انا بس علمت كل ده عشان سمعه البنت 

مازن بجديه :طالما عاوز تلف وتدور انا هتكلم علي المكشوف..انا عارف يا عمر 

عمر بتوتر:عارف ايه بالظبط 

مازن بتنهيده :عارف انك بتحب سمر من زمان 

عمر لسه كان هيعترض علي كلام اخوه لكن مازن منعه وهو بيتكلم بنفاد صبر:متحاولش يا عمر انى عارف وملاحظ كل حاجه ..عارف هي ايه يا عمر انك لحد دلوقتي شايفني مازن الولد اللي علي نياته متعرفش اني اكتر واحد عنده قوه ملاحظة في البيت...يا جدع دي لما بتكون في البلكونه انت بتفضل ملطوع قصادها لحد ما تدخل ولا الاكونت الفيك اللي انت عامله بأسم تاني وحاطط ليها لايكات وريأكتات علي كل حاجه هي بتنشرها حتي لو كانت حاجه هاتفه

عمر بزهول :انت عرفت منين موضوع الاكونت الفيك ده

مازن بأستخفاف: الصوره اللي أنت حاططها صوره صورتك انت لكنك خافي وشك ..

بعدها كمل بضحك وسخريه: ده انت حتي متصور قدام الشركه اللي شغال فيها بالطقم اللي ماما جابته ليك علي عيد ميلادك 

عمر بدهشة: انت عارف كل ده 

مازن: ايوه ياخويا واكتر كمان عشان كده قولت ده كله عشان تعرف تتجمع بيها ولو حتي لفتره وهي اكيد لما تشوف قد ايه انت شخص محترم ونعم الاخلاق هتفكر فيك ..ده يا عم كفايه نظرات عيونك اللي فضحاك واللي هتعرفها انك بتحبها ومش هتقدر تستغني عنها 

عمر من دون مقدمات كان حاضن مازن وهو بيتكلم بحب اخوي وامتنان :مش عارف اقولك اييه بجد ..بس كل اللي هقدر اقوله ربنا يخليك ليا 

مازن ببسمه :ويخليني لنفسي يارب 

عمر ضحك بيأس لكنه بعد وهو بيسأل بأستغراب: صحيح انت كنت عاوز تقولي ايه

مازن ملامح وشه اتغيرت واتكلم بأرتباك: ا انا عملت مصيبه 

♡_______________♡ 

في الشقه اللي بيتقابل فيها عصام وهشام كانوا الاتنين قاعدين وهشام حاطط راسه بين ايديه وهو بيتكلم بضياع:هتخرج بكره الصبح ..بكره مش هتكون هناك وانا اللي اتعودت كل يوم اشوفها

عصام طبطب علي كتفه وهو بيحاول يطمنه بكلامه:متقلقش اكيد هيكون فيه طريقة عشان تتواصل معاها بعد ما تخرج 

هشام بأنهيار:طريقة ايه بس اللي هتخليني اروح اسأل عليها بعد ما انفصلنا وهي بقت متجوزه ...ده أخواتها يطيقوا العمي ولا يطيقوني ..والواد مازن ده كشفنا وعارف اني بحاول ادحلب ليها من تحت لتحت 

عصام: ييييه هو انت تخلص من عمر يطلعلك مازن 

هشام: لا مازن ده اخطر من عمر عمر عصبيته وغضبه هم اللي سايقينه..إنما مازن ..ده بيفكر في اللي بيعمله مشغل دماغه يعني ممكن يوديني ورا الشمس بمكالمة تلفون للراجل الخليجي 

عصام: بص انت فكك من مازن وعمر والناس دي انت حط همسه قدام عينك ولما يكون أخواتها وجوزها قاعدين متقربش انت منها ...لكن لما يغوروا روح بقي انت عندها وزوح انها بأي طريقه وحاول تلين دماغها

هشام بتوتر: الين ايه بس انا بقولك دي خارجه بكره يعني مش هلق اعمل حاجه

عصام: طب بص انت ممكن ما تقدرش تسيطر عليها تماما..لكن عاوزك تعمل حاجه من هنا لبكره تخلي همسه تقعد تفكر فيك وما تروحي من بالها 

هشام بأستغراب: حاجه ايه دي 

عصام: هو انا بصراحه مش عارفه حاجه ايه بالظبط لكن انت في الرومانسية والكلام المتزوق محدش يقدر عليك ..يعني كام كلمه كده علي كام حركه ولو اضطريت ممكن تتجرأ وتمسك ايدها ولا تعمل اي حاجه لكن ما تزودش احسن تأفش منك 

هشام: وتفتكر حاجه زي دي هتجيب نتيجه 

عصام وهو بيهز كتافه: وليه لا دي واحده خارجه من حادثه مش فاكره منها اسمها حتي ..ومره واحده كده تطلع متجوزه ومخلفه ومش عارف ايه ..اكيد في الوقت ده محتاجه حد يحتويها ويحسسها بالاهتمام والتقدير..وانت بقي يا بوب هتكون الحد ده ..ايه رأيك 

هشام بطمئنان: ماشي هعمل ده كله بس يارب بنفع والبت ما تطرش مني ..بس قولي حني لو حاجه زي دي حصلت وبقت تفكر فيا..بعد كده بقي هروح عندها بحجه ايه 

عصام بثقة: لا سيب الموضوع ده عليا انا هخطط واتكتك واظبط الحوار من أوله لاخره 

هشام اتنهد براحه بعدها قرب علي عصام وحضنه حضن اخو ي وهو بيتكلم بحب اخوي لصاحب عمره:تشكر يا عصام..تشكر يا صاحبي مش عراف من غيرك كنت عملت ايه ولا فكرت في ايه حتي 

عصام طبطب علي ضهره واتكلم ببسمه:يا جدع عيب اللي انت بتقوله ده..انت اخويا عارف يعني ايه اخويا 

يعني مفيش بينا شكر ولا كلام من ده 

سكت بعدها بشويه وبعد عن هشام وهو بيسأله:صحيح انت عملت ايه في موضوع مراتك الاولانيه 

هشام بتعب:اهي قاعده عند اهلها..دي اتجننت خالص قال ايه عاوزه تتطبق مني وبعدها تعمل تلقيح خارجي 

عصام بغباء: معلش ايه التلقيح الخارجي ده اصل صاحبك كان أدبي 

هشام: تلقيح خارجي ده انها تاخد عينه منها وعينه من راجل وتعمل ااا....انا ايه اللي بشرحه ده بجد ..خلاصه الموضوع انها عاوزه تخلف عيال من غير جواز عند الدكتور هو اللي هيعمل كل حاجه

عصام بصد.مه: نهار احوس ايه الكلام ده هو الكلام ده حقيقي بجد انا افتكرته في المسلسلات والأفلام بس ...طب وهي تتطلق منك ليه عشان تخلف لما انت وهي تقدروا تخلفو من بعض عادي 

هشام بغل:لا نا هي مش عايزه تخلف مني وعايزه تطلق مني وإلا قال ايه هتأذي نفسها ...هي تغور في داهيه انا عمري ما اتقبلتها ولا فكرت فيها..انا بس كنت عاوز اوصل لمكانه معينه علي حسابها هي واخوها 

عصام: خلاص اديك وصلت يلا اديها كارت احمر من حياتك وركز علي المهم 

هشام: انا لو أطول مكنتش دخلتها حياتي اصلا ..لكن لو طلقتها وانفصلنا هخسر منصبي في المستشفى لأنها اكيد مش هتكون عاوزه تشوفني هي وأهلها بعد ما ننفصل ..خصوصا انها شريكه في المستشفى 

عصام: انت قولتها قبل كده انك انت السبب ان المستشفى 

دي تتعرف ويبقي ليها صيت ومن غيرك مش هيبقي ليها لازمه ..وبعدين حتي لو سبتها انت نسيت انت بقيت ايه..انت دلوقتي دكتور هشام اللي اي مستشفى في الشرق الأوسط ولا في العالم كله تتمني دكتور زيه 

هشام بتردد: تفتكر

عصام :افتكر اوي كمان..يلا بقي ظبط حالك وشوف هتعمل ايه عشان تجر رجل همسه وتوقعها في حبك من تاني لكن المره دي والصفحه بيضه

♡_______________♡

في يوم خروج همسه كام الكل مستنيها والبسمة علي وشه بالمعنى الحرفي 

التفكير في الموضوع كان بيخلي قلوب الكل ترقص 

انا بالنسبه لهمسه نفسها كانت سرحانه وهي بتفكر في اللي حصل معاها قبل شويه قبل ما يجي الكل 

كانت همسه نايمه بفرحه علي السرير لأنها هتخرج من المستشفى اخيرا 

ووفاء كانت في الكافتيريا بتجيب حاجه تأكلها تسديدها لبقيه اليوم 

لحد ما سمعت الباب بيخبط وهشام بيدخل منه وملامح وشه باين عليها الزعل

قرب منها وهي بيسلم عليها بفتور علي غير العادة 

هشام :انا جيت اكشف عليكي قبل ما تمشي عشان اتأكد أن كل حاجه عندك تمام ان مش هيحصل اي مضاعفات لانه انتي كان مفروض تفضلي كام يوم تانيين هنا 

همسه: شكرا يا دكتور بس انا حاسه اني كويسه وخروجي من المستشفى هيساعد اني اخف بسرعه .

ووو 

همسه سكتت بدهشة وهي بتشوف دموع هشام بقت مغرقه وشه وهو بيتكلم بصوت متحشرج: ربنا يقومك بالسلامه وعلي اد ما انا فرحان انك خفيتي وتكملي حياتك علي اد ما انا زعلان انك هتمشي وتسيبي المستشفى لأنك مش هتسيبي مكانك غداي المستشفى بس انتي كمان هتسيبي فراغ في قلبي محدش هيعرف يملاه 

همسه كانت بتبص عليه وهي مش فاهمه حاجه وليه بيعيط وليه بيتكلم كده 

لكن هشام مدهاش فرصه تفكر وهو بحضنها بالراحه وهو بيتكلم بحنان:كان نفسي اعمل كده من زمان واحس الاحساس اللي حاسه دلوقتي 

همسه: ؟؟؟

باااااااااااااااااااااس 

الفصل الرابع والثلاثون من هنا 

بدل ماتدور وتبحث علي الروايات خليها علي تليفونك وحمل تطبيقنا

تعديل المقال