رواية ملاك في عالم الشياطين الفصل الخامس والثلاثون بقلم ورد
فى مصر
مليكه نايمة على صدر فهد و فهد بيلعب شعرها بحنية
وبيتامل ملامحهاا وبيلمس شفايفهاا بايدو وبيبتسم اوى
و مليكه بتفتح عيونها
فهد / ملاكى
مليكه بتتنهد اوى وبترفع اديهاا وبتملس على خدو بحنية
مليكه / انت وسيم اوى
فهد بيمشى صباعو على شفايفهاا وبيسحبهاا اكتر بيرفعهاا
على صدرو
مليكه / فه
فهد بيلتهم شفايفهاا �� بقبلة طويلة و مليكه بتتفاعل معاة بمشاعرها وبيبعد عنها لما بيحس انها محتاجة لاوكسجين
مليكه / انت مجنون
فهد بيهز راسو بنعم و مليكه بتضحك وبتحط رسها على مكان قلبو وبتسمع ضربات قلبو و فهد بيضمها اوى وبيتنهد
وباب الاوضة بيخبط و مليكه بتبعد عن فهد بسرعة وبتروح تفتح الباب
نسمة / مش قادرة امنع بابا اكتر من كدة قلقان عليكى عاوز يجى يطمن عليكى
مليكه / ماشى
مليكه بتروح على فهد الى لسة نايم على السرير زى ما هو
مليكه / يلاا بسرعة من هنا اهرب يلاا
فهد / الفهد مبيهربش ابدا
مليكه / بطل البرود بتاعك دة واتحرك يلا روح من هناا
فهد / لا
مليكه بتمسك بطنها و بتتالم
فهد / مليكه
مليكه / ااة شايف دة كلو من العصبية انت مش هترتاح غير لما تجيب اجلى انا وابنك
فهد / خلاص همشى انتى ارتاحى ماشى وهبقي اطمن عليكى
مليكه / ماشى بس يلاا روح
مليكه بتدفع فهد على البلكونة
مليكه/ انت هتنط ازاى
فهد مبيردش عليها وبينط من البلكونة بتعتهاا للبلكونة بتعتو بكل رشاقة وخفة و مليكه بتبصلو بزهول وبتدخل بسرعة وبتنام على السرير
وبيدخل جمال الاوضة وبيبص على البلكونة وبيبص على مليكه وبيروح على مليكه وهى نايمة وبيبوس جبنهاا وبيغطيها كويس وبيخرج من الاوضة
**********************************
بعد شهر
جمال رافض اى تدخل من فهد فى حياة مليكه ولا حتى وجودو قريب منهاا
نسمة بتدخل من باب الشقة
نسمة / مليكه مليكه
مليكه / اووف اية يا بنتى الهيصة دى كلهاا
نسمة / اتفضلى دى كل المحاضرات بتعتك
مليكه / معلش تعباكى معايا يا نسمة يا قمر
نسمة / مليكه هو ريان دة تعرفية كويس يعنى
مليكه / جدا
نسمة / اصلو انسان غريب اوى
مليكه / لية بتقولى كدة
نسمة / وانا خرجة من الجامعة كان فى اتنين بيستظرفو نفسهم وكانو بيعكسونى يعنى كلمتين كدة فجاة ظهر قدمي ونزل ضرب فيهم بصراحة صعبو علياا جدا مكنتش اعرف انو عصبى كدة ولا بالقوة دى
مليكه / لا خدى من دة كتير ومش بعيد فجاة يتقلب للرجل الاخضر
نسمة / ظريفة اوى
مليكه بتضحك
نسمة / وهو بيشتغل اية مع جوزك
مليكه / لا شغلانة بسيطة جدا عادى يعنى بيقولو انو خبير متفجرات
سكينة بتتخض
مليكه / يعنى بيكون مسؤال عن الاسلحة والحاجات دى
نسمة / ياساتر قدرتى تعيشى وسطهم سنة ازاى
مليكه / كانت من اصعب ايام حياتى بس الى عشتو هناك من وجع وحزن وتعب بيهون علياا دلوقتى بالى انا حاسة بية
نسمة / مش هتندمى
مليكه / ممكن
نسمة/ ولية متماسكة
مليكه / متمسكة علشان لحظة وحدة لحظة عندى بالدنيا كلها
نسمة بتسكت وبتسرح بتفكرهاا و مليكه بتقرب منها وبتمسك اديها
مليكه / حببتى انتى كويسة
نسمة / تفتكرى يوسف كان بيحبنى فعلاا
مليكه بحزن / مش عرفة
نسمة / مكنش بيحبنى يا مليكه انا كنت مجرد عروسة لعبة
هو صنعها بايدو وفضل يكبرهاا بايدو لحد ما اتملكهاا بس للاسف هو كان فاكر انهاا مش هتقول ااة
نسمة دموعهاا بتنزل و مليكه بتحضنهاا اوى وبتملس على شعرهاا بحنية
نسمة / بس انا مبسوطة على الى عملو جوزك فية
مليكه / مبسوطة دة لما ريان قالى ان فهد خلاله يمشى فى الشارع من غير هدوم انا كنت هتجنن يعنى لو كان ضربو ولا حتى قتلو كان هيكون اهون
نسمة/ انتى مش عرفة انا كنت حاسة باية وهو بيهجم عليا
ولما كنت بدافع عن شرفى وجسمى كان بيضربنى يا مليكه
لو ريان اتاخر علياا انا انا كنت موت يا مليكه انتى مش هتقدرى تحسى بالى انا كنت حاسة بية
مليكه / مفيش حد اكتر منى هيحس بيكى
وبيدخل جمال البيت ومعاة شنط كتير و نسمة و مليكه بيروحو علية بسرعة
مليكه / اية دة كلو يا باباا
جمال / عديت على السوبر مركت جبت شوية حاجات
نسمة / ربنا يخليك ليناا يا احن اب فى الدنياا
جمال / نسمة انا جبتلك الشوكولات الى انتى بتحبيها عندك فى الشنطة بس متخلصش فى يوم واحد ماشى
نسمة / حاضر يومين كويس
جمال و مليكه بيضحكو عليها
جمال / وانتى يا حببتى مش نفسك فى حاجة اجبهالك
مليكه / ا
ولسة مليكه هتتكلم والباب بيخبط و مليكه بتروح تفتح الباب
مليكه / ريان تعال ادخل
ريان بيدخل ومعاة صندوق
جمال / ودة اية الى جابو هناا
ريان / النصيب يا حاج
مليكه / باباا دة ضيف برضو
ريان / اتفضلى يا ستى التنين الى انتى عوزاة
مليكه بتاخد الصنوق وبتفتحو وبتتفاجاة بفاكة التنين الاحمر
الى بتتوحم عليهاا
ريان / الفاكهة دى مبتتزرعش غير فى المكسيك ومنو للة بقي قالى مترجعش من غيرهاا سفرت جبتهالك وجيت
مليكه بتضحك اوى
جمال / ولية مقولتليش مليكه
مليكه / بابا يا حبيبى انا شربتهاا مرة فى كافية هناا وعجبتنى جدا يعنى وكل شوية اشم ريحتها بس
جمال بيبص لريان باستغراب و ريان عيونو على الشقة يمين وشمال
جمال / وانت بتدور على اية
ريان / عطشاان
جمال / نسمة هاتى كوبية مياة
نسمة بتخرج من المطبخ وفى اديها الشمال المياة واديها اليمين شوكولاتة بتاكل فيهاا وفى شوكولاتة على خدها
و نسمة بتبص لريان بصدمة مكنتش عرفة انو موجود
وبتكثف اوى وبتخبى الشوكولاتة وره ضهرها بسرعة
و ريان بيقرب منهاا وبياخد منها المياة وبيشاورلهاا على مناخيرها و نسمة بترفع اديهاا على مناخيرها وبتمسحو بسرعة وبتهرب من قدمه وبتروح على اوضتها و ريان بيضحك
مليكه بتضرب ريان على ضهره
ريان / اة اية العيلة الفصيلة دى
مليكه / شيل عينك من على اختى
ريان / اصلها حلوة اوى
مليكه / اوكى هقول لفهد انك بتقولى انى حلوة اوى
ريان / انا بقول عليهاا هى وهو انا جيت جمبك
مليكه / اثبت بقي
ريان / ماشى بتعملى كدة فى اخوكى
مليكه / انت صدقت ولا اية يلاا يا باباا من هناا
ريان / انا شامم ريحة طعمية هاتى وحدة
مليكه / اية عاوز تبوسنى
ريان بيبصلهاا بفزع وبيجرى وبيخرج من الشقة بسرعة و مليكه بتضحك اوى علية و بتدخل اوضتها وبتشوف نسمة على السرير بتاكل فى الشوكولاتة
مليكه / يا بنتى انتى كبرتى على الشوكولاتة دى ارحمى شوية
نسمة / مش يمكن عوزة انسي انى كبرت
مليكه / اة انتى هتقلبيها دراما بقي
نسمة / لا دراما ولا حاجة هروح اجهز الفطار علشان عندى جامعة
مليكه / ماشى
نسمة / جوزك مستني فى البلكونة
مليكه بتبص على البلكونة وبتشوف فهد واقف قدمها
و بتبتسم اوى و نسمة بتخرج و مليكه بتروح علية
**********************************
فهد /وصل الصندوق
مليكه بتهز رسها بنعم
فهد / انا لازم اسافر
مليكه / وهتسبنى
فهد بيقرب منهاا وبيلمس خدهاا بحنية
فهد / مقدرش اسيبك مش هتاخر عليكى خلى بالك من نفسك
مليكه / هتروح دلوقتى خليك معايا شوية
فهد/ مش هتاخر عليكى ريان والحرس هيكونو تحت امرك
مليكه بتهز رسهاا بنعم و فهد بينط على البلكونة بتعتو
و مليكه بتبص علية لحد ما بيختفى ومديقة اوى ولسة هتدخل بتبص وره بتتفاجا بابوها قدمها
مليكه/ بابا
جمال / متخلية يخرج من الباب احسن
مليكه بتبص للارض بحزن
جمال / مكنتش اعرف انك متهورة للدرجة دى
مليكه / فهد بالنسبة لياا تحدى يا باباا انا متاكدة ان هيطلع حاجة حلوة اوى منو لما يتغير هيكون مميز بجد
جمال / اة وانتى عوزانى اسيبك للاحتمالات دى مش كدة
مليكه / لو واثق فياا يابابا لازم تديه فرصة
جمال / يلا علشان تفطرى
**********************************
فى الليل
مليكه بتتفزع من النوم على صوت صرخة باسمهاا و مليكه بتحاول تاخد نفسهاا
نسمة / مليكه دة كبوس ولا اية
مليكه / اة
نسمة بتجبلها مياة تشرب و مليكه بتروح على البلكونة
وبتبص على البلكونة بتاعت فهد وبتحس ان قلبها مقبوض
وبتنزل دمعة من عنيهاا
مليكه / فهد
نسمة / مليكه مالك انتى كويسة
مليكه / مش عرفة قلبى مقبوض اوى حلمت حلم وحش اوى يا نسمة
وبيسمعو اذان الفجر بياذن
نسمة / تعالى يلا بابا اكيد هيصحى علشان يصلى الفجر
مليكه / انا هنام حاسة انى تعبانة شوية
**********************************
فى الصباح
مليكه بتفتح عيونها وبتبص فى اتجاة البلكونة وبتسمع اصوات من شقة فهد وبتبتسم اوى وبتجرى على البلكونة بسرعة
مليكه / فهد
ومبتشفش حد فى البلكونة وبتبص قدم العمارة بتشوف الحراسة بتاعت فهد باين عليهم القلق وبيتحركو بالعربيات
و مليكه بتخرج من الاوضة بسرعة وبتخرج من الشقة وبتشوف الحرس بيروحو فى اتجاة سلم العمارة
مليكه / فى اية
والحراس بيشفوها بيقفو قدمها وعيونهم على الارض
مليكه / اتكلمو فى اية
الحرس / سيدتى احنا هناا لحميتك
مليكه بتدفعهم من قدمها بعد ما بتتاكد انهم مش هيتكلمو وبتنزل من العمارة بغضب والحرس وره و بتشوف ريان واقف وحولية مجموعة كبيرة من الحرس وبيتكلم فى التلفون وباين علية الغضب وبيصرخ فى التلفون
مليكه / ريان
ريان / هكلمك تانى
ريان بيقفل التلفون بسرعة وبيبص لمليكه
ريان / مليكه محتاجة حااجة فاكهة التنين خلصت يعنى ابعت اجبلك تانى
مليكه. /فين فهد
ريان / هاا اا فهد انتى عرفة انو مسافر
مليكه / مسافر فين
ريان / دى اسرار مينفعش اقولك فين دة شغل يا مليكه
مليكه / ريان بطل استهبال وقولى فين فهد
ريان / مليكه لو سمحتى اطلعى على الشقة الجو برد عليكى
مليكه بتسحب السلاح من على خصر ريان بغضب وبتوجها على ريان و جمال و نسمة بيجرو على مليكه بسرعة بفزع
مليكه / ريان فين فهد
ريان / مليكه انا عارف وكل الى موجودين هناا عرفين انك مش هتعملى حاجة بالسلاح دة فنزلى السلاح علشان ميازكيش
مليكه بتصرخ / هقتلك لو مقولتش فهد فييين اتكلم
ريان بيقرب منها وبياخد من اديها السلاح و مليكه بتعيط اوى وبتمسك فى هدوم ريان بقوة ومنهارة من العياط
مليكه / ريان ارجووك قلبى وجعنى اوى والله حاسة ان روحى بتتسحب منى انا عوزة فهد ارجووك فين فهد
ارجووك قولى
ريان بيملس على شعر مليكه بحنية.
ريان / فهد كان بيستلم صفقة على حدود الهند واختفى من وقتها ومفيش اى حد يعرف اى معلومة عنو والرجالة الى كانو معاة لقوهم مقتولين ومدفونين على حدود باكستان
وردة
ملاك في عالم الشياطين - الحلقه ٣٥
مليكه بتصرخ / هقتلك لو مقولتش فهد فييين اتكلم
ريان بيقرب منها وبياخد من اديها السلاح و مليكه بتعيط اوى وبتمسك فى هدوم ريان بقوة ومنهارة من العياط
مليكه / ريان ارجووك قلبى وجعنى اوى والله حاسة ان روحى بتتسحب منى انا عوزة فهد ارجووك فين فهد
ارجووك قولى
ريان بيملس على شعر مليكه بحنية.
ريان / فهد كان بيستلم صفقة على حدود الهند واختفى من وقتها ومفيش اى حد يعرف اى معلومة عنو والرجالة الى كانو معاة لقوهم مقتولين ومدفونين على حدود باكستان
مليكه وقفة مصدومة من كلامو وبتبصلو اوى برعب
وفجاة بيغمي عليها قدمهم و ريان بيلحقهاا بسرعة قبل ما تتصدم بالارض و جمال و نسمة بيجرو عليهاا بسرعة
نسمة / انت غبى اية الى انت بتقولو دة مليكه مليكه اختى ردى عليااا
ريان / اعمل اية هى الى مصرة انها تعرف الحقيقة وانتى شفتى الى حصل قدمك ولا انتى مبتشفيش اصلاا
نسمة / سبحان الله ربنا اداك كل حااجة بس من غير عقل ماشاء الله
جمال بصرخة / اخرص انت وهى انتو هتتخنقو وبنتى هتروح منى
ريان بيروح بيهاا على العربية بسرعة وبيركب معاة و نسمة
و جمال والحرس ورهم
**********************************
فى امريكاا
كنان فى اوضة اوضة التعذيب وفرانكو قاعد قدمه بيبتسملو اوى
فرانكو / يااة اخيرا
كنان / يعنى عاوز تفهمنى انك متعرفش مكان صهيب
فرانكو / ولو حتى اعرف مش هقول طبعا زمان فهد دلوقتى بيتعذب ياحراام
كنان / دة اخوك
فرانكو / ههههههة مش فاكر
كنان بيتعصب اوى ولسة هيقرب من فرانكو علشان يضربو
وبيوقف ايدو فى الهوى
كنان / لولا فهد امرنا اننا منمدش اديناا عليك غير بامرو كنت نستفك
فرانكو / الزيارة خلصت ودلوقتى وقت الاسترخاء بتاعى
كنان بيخرج من الاوضة الى فيها فرانكو ومتعصب اوى
وبيطلع على الجنينة وبيشوف مراد قاعد فى الجنينة بيشرب عصير و كنان بيبصلو بغضب ومراد بيرفع العصير قدم كنان
مراد / فى صحتك يا باشااا هههههههة
كنان / حسابك قرب اوى يامراد
مراد / واناا جاهز ما انا تربيتك برضو يا كبيير هههههههة
كنان بيروح على القصر وبيدخل اوضة المكتب ومتعصب جدا ولارا بتدخل
لارا / كنان مفيش اى جديد
كنان بيهز راسو بلاا
كنان / لاول مرة بكون متكتف كدة لاول مرة بكون عاجز
كنان بيضرب التربيظة بايدو بقوة ولارا بتتخض
كنان / انا من غيرو ولا حاااجة ولا حااااجة
لارا / ممكن تهدى شوية وان شاء الله هيكون فى خبر قريب منو صدقنى
**********************************
فى مصر
الدكتورة / هى بخير متقلقوش اوى كدة احنا قولنا مش عوزين توتر
جمال / هى بس سمعت خبر دايقهاا
الدكتورة / هى هتفوق كمان عشر دقايق وهتكون بخير وياريت تهتمو شوية بصحتهاا وفى فيتامينات لازم تخدها
فى ميعادها
وبيدخلو لمليكه الاوضة و جمال بيروح عليهاا وبيبسها من جبنهاا
ريان/ انا اسف بس بنتك هى الى عنيدة اوى اعمل اية
جمال بيقرب من ريان
ريان / اية انت هتتغباا زيها ولا اية
جمال / صحيح الكلام الى قلتو عن جوزها دة
ريان / صح
جمال / وانت هناا بتعمل اية روح رجعلهاا جوزهاا
ريان / مقدرش اتحرك من هناا انا اخر اوامر عندى انى مبعدش عيونى عنهاا واحميهاا
جمال بيمسك دماغو بتعب
نسمة / باباا انت كويس
ريان و نسمة بيخلوة يقاعد على الكرسى
مليكه / فهد
والكل بيبص لمليكه و مليكه بتبدا بفوق وبتعيط وبتنادى باسمو
مليكه / فهد فهد متبعدش عنى فهد
جمال بيروح عليها سرعة
جمال / مليكه بنتى حببتى فوقى ياحببتى مليكه
مليكه بتفتح عنيها وبتبص حوليها بفزع
مليكه / باابااا
جمال بيحضنهاا اوى وبيملس على شعرها بحنية
نسمة / مليكه الدكتورة قالت بلاش التوتر دة
مليكه / انا لازم اسافر بسررعة
جمال / تسافرى فيين مستحيل
مليكه بعياط / بابااا ارجووك خلينى اروح ادور علية الله يخليك سبنى اروح ادور علية
مليكه منهارة من العياط
جمال / مقدرش اسيبك ترمى نفسك فى النار يا بنتى مقدرش
مليكه /اااااة ااة
جمال بيضمها اوى
مليكه / قلبي بيوجعني اوى يا باااباا
جمال / ان شاء الله ربنا هيطمنك علية بس علشان ابوكى متعمليش فى نفسك وفياا كدة اهدى يا حببتى بس
**********************************
بعد يومين
على حدود البكستان داخل قرية صغيرة على حدود غابة كثيفة بالاشجار داخل كوخ كبير
فهد مربود من ايدو ورجلو بسلسلة من حديد ومرفوع عن مستوى الارض و بيدخل صهيب والرجالة الى حولين فهد بيقفو بسرعة
صهيب / اية لسة عايش
فهد / مش هموت غير لما اشرب من دمك ياصهيب
صهيب / ههههههة انت لسة مغروور بعد كل الى عملتو فيك
فهد / لو فاكر ان الى عملتو دة هيعدى كدة يبقي غبى اوى
صهيب /انت مش عارف انا خسرت قد اية علشان اجيبك هنا
قدمي واقدر اكسرك
فهد / موتك على ايدى اناا
صهيب / ههههههة
وصهيب بيبص للرجالة بتوعو بغضب وبيصرخ فيهم
صهيب / اضربوة مش عاوز حتة فى جسمو سليمة ابدا
فهد / ولية انت متمش المهمة دى بنفسك ولا اة نسيت ان دراعك مشلول ههههههة
صهيب بيفتكر من اسبوعين لما هجم على القصر بتاع الفهد
فى امريكاا و فهد كان فى مصر وقتل مجموعة كبيرة من الخدم والحراسة فهد عرف وقدر يوصلو وفرغ سلاحو فى دراع صهيب الى شاور لرجلتو بية علشان يهجمو.على القصر
وصهيب بينزل عيونو لدراعو الى مبيتحركش
صهيب / هندمك على الى عملتو معاياا وهخليك تندم انك مقتلتنيش وقتها
فهد / مقتلتكش علشان اشوف النظرة دى فى عنيك نظرة العجز
وصهيب بيتعصب اوى وبيمسك سيخ حديد وبيغرزو فى كتف فهد و فهد بيضغط على سناانو بقوة والعرق نازل من جبينو بغزارة ومبيطلعش صوت ودة بيخوف الرجالة الى تبع فهد
صهيب / انا بقي هكون اذكي منك هقتلك مش هسيب فرصة
ليك انك تعيش اكتر
فهد وشو احمر اوى من شدة الالم
فهد / اقتلنى اقتلللنى
فهد بيتحرك بجسمو القوى وهو مرفوع من على الارض
والرجالة الى حولية بيخافو منو اوى وبيرجعو لوره
**********************************
فى مصر
مليكه فى اوضتها و جمال بيدخل عليها الاوضة
جمال / شوفى انا عملتلك الشوربة الى انتى بتحبيهاا يلاا ياحببتى علشان خاطر ابوكى الى قلبو مش مستحمل اكتر من كدة
مليكه مبتردش على ابوهاا وبتنام على جمبها وبتسحب الغطاء عليهاا و جمال بيتنهد بتعب وبيملس على شعرها بحزن
**********************************
ريان بيروح الجامعة لنسمة
نسمة بتكون وقفة مع واحد زميلهاا بيسالها عن محاضرات
نسمة / للاسف يا رامى فاتن اخدت الكشكول منى النهاردة
رامى / فاتن دى مبترحمش ابدا دى بتكتب كل كلمة الدكتور بيقولها
نسمة / ههههة فعلا بس انت عرفها بتحب تتاكد ههههة
رامى / دى طلعة الاولى السنة الى فاتت ونوية تخدها تانى السنة دى
نسمة / ربناا معاها ومعانا بقي عقبالك
رامى / موافق على مقبول والله مش معترض ابدا
نسمة بتضحك وبتتفاجا بريان بيسحبهاا من اديها بقوة
نسمة / ااة انت مجنون اية الى عملتو دة
ريان / انتى ازاى تقفى وتضحكى كدة مع البتاع دة
رامى / بتاع اية وانت مالك اصلاا
ريان بيضرب رامى بالبكس و نسمة بتشهق من الصدمة
نسمة / انت همجى ومتخلف وانت اية دخلك اقف مع مين ولا اعمل اية انت ملكش دعوة بياا ابدا انت فاهم
ريان / يعنى اختك فى المصيبة الى هى فيها دى وانتى وقفة هناا بتضحكى
نسمة بتبص حوليها وبتشوف الطلاب بيبصلها اوى
نسمة / غبى
نسمة بتمشى وبتسيبو و ريان بيروح وره وبيمسكها من اديهاا وبيركبها العربية
نسمة / عاا عاا ابعد عنى يا حيوان
ريان بيسوق العربية ومبيردش باين عليهاا الغضب و نسمة بتخاف منو لما بتشوف العروق الى فى رقبتو برزة اوى من شدة الغضب وبتفضل انها تسكت لحد ما توصل البيت
بعد نص ساعة بيوصلو البيت و نسمة بتنزل من العربية
وبتبصلو بغضب
نسمة / امتى اخلص منك
ريان / قريب اوى انا الى هخلص منك ومن غبائك
نسمة / مسمحلكش احترم نفسك
ريان بيقرب عليها خطوة و نسمة بتجرى علي العمارة بسرعة
و ريان بيبتسم اوى
**********************************
نسمة بتدخل الشقة ومتعصبة اوى
جمال / نسمة فى اية يا بنتى
نسمة / مفيش حاجة يا باباا هى مليكه عملة اية
جمال / زى ما هى اختك هتروح مننا يا نسمة عوزانى اسمحلهاا تسافر ازااى يا ناس ارميها فى النار بايدى
نسمة/ بابا اهدى لو سمحت حضرتك تعبان مينفعش كدة
انا هدخل اشوفهاا
نسمة بتدخل لمليكه الاوضة وبتشوف مليكه وقعة على الارض
نسمة / بااابااا
**********************************
فى امريكاا
فى الليل الملك بيوصل قصر الفهد ومعاة فيفيان
وبيكون كنان فى استقبالو
الملك / جهز نفسك انت ورجلتك علشان قريب اوى هتروح تجيب الفهد
كنان / امرك سيدى منتظرين امرك
والملك بيدخل قصر الفهد و بيدخل على مكتب الفهد ومعاة فيفيان و كنان
الملك / مش عاوز الشغل يتاثر مفهووم
كنان / تمام
الملك / فيفيان هتكون مسؤالة عن الشغل فى غياب فهد
كنان / تمام سيدى
الملك بيخرج من القصر وفيفيان بتبص لكنان بابتسامة سخيفة
**********************************
فى مصر
جمال طول الليل سهران جمب مليكه و مليكه متعلقلها محليل وتعبانة اوى و نسمة بتروح لجمال وهو نايم على الكرسى جمب مليكه
نسمة / باباا النهار هيطلع خلاص روح حضرتك نام وانا هفضل جمبهاا
جمال / لا ياحببتى روحى انتى كملى نومك انا كويس كدة
نسمة / بابا حضرتك ماكلتش حاجة من امبارح ولا اخت الادوية كمان
جمال بيبص لمليكه بحزن
نسمة / متقلقش عليهاا انا جمبهاا
جمال / هروح اتوضاا واصلى الصبح
نسمة / وانا هروح اعملك حاجة تاكلهاا علشان تاخد الادوية
وممنوع الاعتراض
جمال بيهز راسو بنعم وبيروح على مليكه وبيبسهاا من جبنها
وبيخرج من الاوضة هو و نسمة و نسمة بتروح على المطبخ و جمال بيروح على الحمام علشان يتوضا
وبعد دقايق جمال بيخرج من الحمام بيتفاجا مليكه قدمه
جمال / ريحة فين يا مليكه
مليكه بعياط / باباا ابوس ايدك خلينى اروح
جمال بيروح عليهاا وبيضمها اوى ومليكه بتعيط
جمال / قلب ابوكى انتى
مليكه / فهد بيتوجع ياباباا انا بموووت ارجووك
جمال / رووحى يا بنتى روحى
مليكه بتبص لابوهاا اوى ومش مصدقة
جمال / اوعدينى انك هتكونى بخيير وهتخفظى على حفيدى
مليكه بتهز رسهاا بنعم وبتخرج من الشقة بسرعة وبتخبط فى ريان واقف قدم الباب
ريان / مليكه ريحة فين
مليكه / هروح لفهد
ريان / ماشى طب يلاا انتى تعبانة ادخلى ارتاحى
مليكه / ررررريان
ريان بيتفزع من صرختها
مليكه / هتيجى معايا ولا اسافر بطرقتى انااا
ريان بيبص للحراسة الى معاة
ريان / جهزو الطيارة هنتحرك دلوقتى
ريان بيتصل بكنان
ريان / كنان وصلت لاية
ريان / ماشى وانا فى طريقى ليك
كنان / .......
ريان / لما اشوفك هتعرف سلام
ريان بيقفل التلفون وبيبص لمليكه
ريان / حددنا مكانو فين
مليكه بتتحرك قدمه بسرعة
مليكه / يلاا بسرعة اتحرك
ريان / ربنا يستر
ريان بيتحرك ومعاة مليكه والحراسة
ريان / مليكه هقولك تروحى يمين تروحى اقولك شمال تروحى
مليكه مبتردش علية وسرحاانة
ريان / والله عارف ان موتى على ايدك يا مليكه
مليكه / هاا بتقول حاجة
ريان / اقف يا ابنى قدم مطعم ناخد كام قرص طعمية ناكل لقمة
مليكه / دة وقت اكل خليناا نروح
ريان / كدة كدة انا ميت خلينى احقق امنياتى بقي
مليكه / اووف اووووف
ريان / ما انا لو مامتش فى المعركة الى هتحصل دى اكيد فهد مش هيسبنى عايش بعد ما يشوفك معاياا
مليكه / متخفش مش هيعملك حاجة
ريان / وانا كدة اطمنت يعنى
مليكه / ريان اسكت
ريان / حاضر
مليكه بترجع دمغهاا وره بتعب
**********************************
فى امريكا
لارا / كنان استنى انت هتسبنى مع الانسانة المستفزة دى
كنان / لارا يعنى انا رايح للموت وانتى مش همك غير انك مديقة من فيفيان
لارا / لا ما انا عرفة انك هترجعلى بالسلامة معنديش شك فى كدة
كنان بيبتسم وبيقرب منهاا وبيبسها من شفايفهاا وانين بتروح على كنان
انين / بطلى بطلى باابى بتعملو اية
كنان / كنت بقول لارا انها تجبلك الايس كريم الى انتى بتحبية
انين / هههييه هييه باابى بطلى
لارا / طب يلاا اجرى روحى خلى اولفت تجبلك ايس كريم
وانين بتجرى وفرحانة
كنان / خلى بالك من نفسك ممنوع اا
لارا / ممنوع الخروج ممنوع انى احتك بمراد وفيفيان وممنوع اروح الجنينة الخلفية فى اى حاجة تانية
كنان بيبسها من شفيفهاا وبيبتسملهاا اوى و فيفيان بتخرج من اوضتها
فيفيان / كنان القاسى الى بيعشق الدم بقي رومنسى وااااو
لارا بتبصلها بغضب
كنان / لارا شوفى انين و جاك بيعملو اية يلاا روحى
لارا بتتحرك قدم كنان
فيفيان / لما يرجع فهد حاجات كتير هناا لازم تتغير
كنان / اكيد سيدة فيفيان لازم حاجات كتير تتغير بعد ازنك
كنان بيتحرك وبيخرج من القصر و وره مجموعة كبيرة من الحراسة
**********************************
فى الليل
بتهبط الطيارة الخاصة و ريان ومعاة مليكه وباقى الحراسة
وبيكون كنان والرجالة مستنينهم و ريان بيروح على ركن فى الطيارة وبتكون مليكه نايمة وباين عليها التعب من الحمل وتعب السفر المرهق و ريان بيقرب منها و مليكه بتتفزع
ريان / اهدى مليكه احنا وصلناا
مليكه / فهد
ريان / خليناا ننزل الاول يلاا انتى كويسة
مليكه بتهز رسهاا بنعم و ريان بيساعدها انها تقف و ريان بيسحب الشال بتعهاا وبيلفو حوليهاا وبيخرج بيهاا من الطيارة و كنان اول ما بيشوف مليكه بيضغط على سنانو بغضب و ريان بيروح على كنان
ريان / فى اى معلومات تانية
كنان بيبص لمليكه اوى
كنان / اية الى جبهاا معاك هو احنا ريحين رحلة
مليكه / كنان ملكش دعوة بياا
كنان / انتى فكرة نفسك ريحة فين بالظبط احناا فى اى وقت دلوقتى ممكن الرصاص ينزل علينا زى المطر
مليكه / وانا مسؤالة عن نفسى
كنان بيبص لريان بغضب
ريان / يا عم اعمل اية دمغها نشفة زى صحبك
كنان / لازم نتحرك دلوقتى
**********************************
داخل الكوخ
المجرمين بيشيلو من ايد ورجل فهد السلسال الحديدية
و فهد بيقع على الارض ومش قادر يقف على رجلو ابدا
وصهيب بيقرب منو وبيبتسم اوى و فهد بيتنفس بصعوبة وبيفتح عيونو
صهيب / اكيد الدم اتسحب من اطرافك دلوقتى قدمك عشر دقايق والقلب يقف نهائى
فهد بيحاول ميفقدش الوعى ومش قادر يتكلم وبيفكر فى مليكه وبيفتكر لمسة اديها على خدو وبيتخيلهاا نايمة جمبو على الارض و بيبتسم اوى ودة بيعصب صهيب اوى
صهيب / اخرجو كلكو برة واحرقو الكوخ وهو فية
والكل بيبدا ينسحب من الكوخ
الفصل السادس والثلاثون من هنا
