 |
رواية ضحايا ورث الديب الفصل الرابع 4 بقلم حور طهالبارت4_من_رواية_ضحايا_ورث_الديب _________🖤🥀🖤🥀بقلمي حور طه🖋_____🖤🥀 ايشان :: فرغلي تعالى فرغلي البواب :: ايوه يا ايشان بيه تؤمرني بحاجه ايشان يشاور بايده وبتساؤل:: اللي طالعه في الاسانسير دي مين؟ فرغلي يبص عليها ويرجع يجاوب عليه ::دي اريام هانم ايشان ::اريام؟؟ تطلع مين يعني؟ فرغلي:: دي محاميه قد الدنيا وابوها يبقى رفعت بيه سياده اللواء اللي ساكنين في السابع ايشان بتريقه:: دي محاميه ؟؟ دي اخرها تقف مكان العسكري اللي بينادي على القضايا فرغلي:: لا ما لكش حق يا ايشان بيه دي ست اريام هانم محاميه شاطره جدا وكمان بتساعد الغلابه وحنينه عليهم وبتشوف طلباتهم ايه وبتعملها لهم من غير ما تاخد منهم مليم واحد ايشان يدي له الخر,طوم الميه بع,صبيه :: طب امسك يا اخويا هجيب لك كرسي وتقعد تكتب لنا فيها شعر فين الست اللي انت قلت هتجيبها علشان تنظف الشقه فرغلي:: ساعتين زمن وتبقى موجوده وان شاء الله تخلي لك الشقه زي الفل ايشان يدي له مفتاح الشقه وفلوس:: المفاتيح دي اديها لمروان لما يجي والست اللي هتيجي تنظف الشقه تفضل معاها لحد ما تخلص وتحاسبها فرغلي باستجابه ياخذ منه المفاتيح :: حاضر يا بيه بس هو انت ايه اللي مغرق هدومك ميه كده ايشان بتلقائيه:: عروسه البحور ثم يشاور على الورود:: وبدل ما انت بتكتب شعر في الست المحاميه تبقى تهتمي بالورود دي علشان انا لو لقيتها دبلانه تاني حسابك هيبقى معايا ينهي كلامه ويسيبه ويدخل عشان يغير هدومه يذهب الى شغله فرغلي ::حاضر يا ايشان بيه؟؟ والله عال لسه مشرفنا ما بقى لوش اسبوع وبيتشرط عليا لا ويقول لك رايح على شغلي ومحدش عارف له لحد دلوقتي هو بيشتغل ايه _________🖤🥀🖤🥀بقلمي حور طه🖋_____🖤🥀 اريام تخرج من الاسانسير وهي تتكلم مع نفسها بنرفزه:: ما هو ده اللي كان ناقصنا في العماره الشقم دي ناس قليله الذوق وبعدين تسكت لما تشوف الشغاله بتاعتها تتصنت على احد شقق العماره تقترب منها ببطء بدون ان تشعر وتضع يدها على كتفها فجاه :: انت بتعملي ايه هنا انت مش هتبطلي العاده الزفت دي عيشه تنتفض فجاه وتضع يدها على صدره::بسم الله الرحمن الرحيم اريام ترفع حاجبها ::لا والله بتصرفي عفريت انت مش هتبطلي العاده الزفت بتاعتك دي ايه االي موقفك هنا عيشه تبلع ريقها وبصوت منخفض :: انا مش عارفه انت ليه مش عايزه تصدقيني قلت لك الراجل اللي جوه ده مش مظبوط كان في اصوات غريبه طالعه دلوقتي من شقته وانا بطلع الزباله اريام تمسكها من ياقه عبايتها وتاخدها ويدخلوا شقتهم:: انت اللي لو ما اتظبطتيش انا اللي هظبطك يا عايشه وعلى الله اشوفك واقفه على باب الشقق تاني تتصنتي عيشه بخوف وتاكيد::يا اريام هانم صدقيني بس المره دي بقول لك الراجل ده مش مظبوط اريام ::انا ما عنديش وقت للكلام الفاضي بتاعك ده انا هدخل اغير هدومي علشان نازله على طول واحمدي ربنا ان انا اللي قفشتك مش سياده اللواء كان زمانك دلوقتي بتلم شنطه هدومك عيشه وهي تبرطم مع نفسها :: انا مش عارفه ما فيش حد عايز يصدقني ليه في البيت ده &كل واحد فيكم بينزل وبتسيبوني انا هنا وانا اللي بشوفه و بسمع كل حاجه اريام تنشف شعرها بالفوطه و ترميها علىها:: برطمي برطمي لحد ما اوديك السرايا الصفراء اطلعي وخدي الباب وراكي علشان اغير مستعجله عيشه:: حاضر يا اريام هانم؟ بس الست ريم لسه نايمه لحد دلوقتي قالت لي ما عندهاش محاضرات اريام:: يعني ايه ما عندهاش محاضرات النهارده يا رب يصبرني على البنت دي عيشه:: طيب بما انك رجعتي تصحيها انت واحضر لكم الفطار تفطروا قبل ما تنزلوا اريام ::انا هدخل اصحيها لكن ما عنديش وقت للفطار عندي محكمه وبعد كده تروح لاوضه ريم تلاقيها لسه نايمه تشد من عليها اللحاف:: يلا قومي قدامك خمس دقائق والاقيك لابسه عشان اوصلك في طريقي ريم بنعس::ما عنديش محاضرات النهارده سيبيني انام بقى اريام ::لا ما عنديش محاضرات دي تقوليها العيشه مش ليا خمس دقائق والاقيك لابسه ريم بضيق:: حاضر ؟؟حاضر مش عارفه الواحد ما بيعرفش ينام في البيت ده ليه هلاقيها منك ولا من سياده اللواء اريام تضربها على دماغها بخفه :: طب يلا يا لمضه عشان عندي محكمه ومش عايزه اتاخر ريم بابتسامه تحضنها:: مع انك على طول مطيره النوم من عيني بس بحبك اريام تحضنها بحنان ::وانا بموت فيك يا حبيبه قلبي بس عايزاك تاخدي بالك من دروسك شويه ريم بمشاغبه تادي التحيه العسكريه:: حاضر يا فندم خمس دقائق واكون جاهزه _________🖤🥀🖤🥀بقلمي حور طه🖋____🖤🥀 باسم ::يعني انت خلاص كده هتعيش مع اخوك مروان:: اه يا سيدي قال قصر عمك لاء هنعيش في الشقه اللي خدها جديد باسم بسخريه:: هو اخوك ده ماله كده عامل فيها الاب الروحي ؟ اللي من عينت اخوك دول انقرضوا مروان:: ايشان مهران تمثال القيم والاخلاق ما زال قائم ولم يهدم باسم بضحك:: مش عارف اخوك ده محبكها قوي ليه كده حياته دي ما فيهاش حاجه غير الشغل وبس مروان:: اهو عايش فيها دور الاخ الكبير اللي بيحافظ على اخوه الصغير باسم بخبث:: تفتكر عنده حبيبه مروان بضحكه ساخره ::حبيبه رافض المبدا اصلا بقول لك ما فيش حاجه اسمها حبيبه ولا صداقه بين ولد وبنت باسم:: اكيد اخوك ده جاي من كوكب ثاني مش من كوكبنا مروان ::فكك بقى من سيره اخويا جبت الحاجه باسم يخرج شيء من جيبه ويديه له :: اتفضل طلبك يا عم مع انه دوخني على ما جيبته بس ما يغلاش عليك مروان يطلع فلوس:: وانت كمان ما يغلاش عليك امسك يا عم باسم ياخد الفلوس ويحطها في جيبه :: عندنا سهره طبعا انت جاي مروان ::مش هينفع الليله لازم امضي حضور عند سياده المحامي باسم:: يا عم زوغ منه ساعتين ثلاثه السهره هتبقى حلوه مروان:: لا فكك مني المره دي انا ما عنديش خلق ادخل مع ايشان في اي جدال او خناق على رايح فين وتاخرت ليه ?يومين كده ونظبط سهره مع بعض باسم::ماشي يا زعيم مروان::يلا انا هقوم بقى علشان ما اتاخرش سلام باسم ::سلام يا ابن اخوك مروان يرفع حاجبه :: ما تظبط نفسك يلا باسم:: على وضعك يا كبير _________🖤🥀🖤🥀بقلمي حور طه🖋_____🖤🥀 ديب:: ابدا من عند مروان عايزه موضوع يبان طبيعي نوح:: وانا شغال على مروان بقى لي فتره لاني عارف انك هتطلب ده الاول وعرفت ازاي هتصرف معاه ديب ::كل واحد حاول يمد ايده على حقي هفعصه تحت جزمتي نوح ::وايشان هنعمل معاه ايه ديب بابتسامه خبيثه:: ايشان ده بقى ليه عندي هديه مخصوصه حبيب قلب عمه الضربه اللي هديها له هتخليه يلف حوالين نفسه نوح:: المحاميه اللي اسمها اريام دي عامله لنا صداع ديب:: لسه برده شغاله في القضيه بتاعه العامل اللي مات تحت المكنه نوح ::قربت تاخد حكم خلاص في القضيه انت ساكت عليها ليه ديب بتفكير ::طيب اسمع اللي هقول لك عليه وتنفذه بالحرف الواحد وخلينا نضرب عصفرين بحجر وحد ________يتبع📜_________ _________🖤🥀🖤🥀بقلمي حور طه🖋_____🖤🥀 خلونا نصلي على الحبيب قلبك يطيب💜 الفصل الخامس من هنا |
بدل ماتدور وتبحث علي الروايات خليها علي تليفونك وحمل تطبيقنا
