رواية حارس المقابر الفصل الخامس بقلم مصطفى عبد الحميد
بعد ان استيقظ عشماوي من حلمه ووجد رأسه تنزف فقام وهو في حيره من امره هل الذي حدث كان حلم ام حقيقه ثم قام وربط رأسه بقطعه من القماش وخرج من غرفته وجلس علي بابها واشـ.عل سجارته وهو مصدوم ومندهش مما يحدث له واذا وهو جالس تأتي الفتاه وتحمل في يدها كيسه سـ.وداء ثم تقترب من عشماوي قائله:خد الفلوس اهيه..يلا بقي عشان تدفن العمل
عشماوي بأندهاش:عمل اي!!هو انتي كل شويه هتيجي ومعاكي عمل وعاوزاني ادفنه
الفتاه بأندهاش:كل شويه اي!!مش انت قولتلي انك عاوز 5000جنيه عشان تدفن العمل؟
عشماوي:ايوه وانا دفنته خلاص..عاوزه اي بقي؟!
الفتاه بأندهاش:انت مدفتنش حاجه
عشماوي بأندهاش:ازاي ده
ثم يتركها ويدخل مسرعاً الي غرفته ويبحث عن المبلغ الذي اخذه منها ولكن لا يجد شئ فينصدم اكثر ثم يخرج هاتفه لكي يتصل بالشرطه ولكن يلاحظ شئ غريب وهو ان تاريخ الامس هو نفس تاريخ اليوم فينصدم اكثر ويجلس علي السرير متسأل نفسه:ازاي ده!!اي اللي بيحصل ده!!هو ده فعلا بيحصل ولا انا بحلم؟!!بس لا انا مش هوافق..ايوه مش هوافق عشان اللي حصل ميتكررش تاني
ثم يجمع اعصابه ويخرج الي الفتاه فتنظر إليه قائله:هاا يلا بقي عشان هتأخر كده
عشماوي:خدي بعضك وامشي
الفتاه بأندهاش:نعم!!
عشماوي:زاي ماسمعتي كده خدي بعضك وامشي عشان مزعلكيش
الفتاه بصوت عالي:تزعلني!!لا بقولك اي دا انا ممكن اعملك فضـ.يحه هنا و....
فيقاطعها عشماوي بأنه يمسكها من طرحتها قائلاً:انا عاوزك تعمليها عشان والمصحف ادفنك هنا ومحدش هيعرف عنك حاجة..يلا غوري
فيلقي بيها علي الارض ثم تقوم الفتاه قائله:ماشي ياعشماوي انا هوريك
ثم تذهب ويظل عشماوي واقف مكانه في محاوله استيعاب ما يحدث واذا وهو واقف يتذكر المكان الذي دفن فيه العمل ويقرر ان يذهب إليه لكي يتأكد وذهب فعلا الي المكان ويدخله ويبدأ يحفر في نفس مكان الدفن فأذا وهو يحفر يجد العمل موجود فينصدم عشماوي ثم يقرر ان يخرج هذا العمل ويشـ.عل فيه وفعلا اخذه وخرج من المكان واخرج ولاعـ.ته واشـ.علها فأذا فجأة يظهر ابيه قائلاً:انت هتعمل اي يابني؟
عشماوي:هولـ.ع فيه يابا
ابيه:اوعي تعمل كده لو عملت كده هتتأذي
عشماوي:علي اساس ان كده مش مأذي
ابيه:اطمن يابني كل اللي فات ده كان خيالات مكنش حقيقة
عشماوي:يعني اي؟
ابيه:يعني كان حلم..اهدي يابني ورجع العمل مكانه
فيهدأ عشماوي ويطمن من كلام ابيه ثم يرجع العمل مكانه وابيه يختفي وبعد ان دفنه رجع الي غرفته وجد حمو في انتظاره قائلاً:اي ياعش كنت فين؟
عشماوي:كنت بعمل حاجه هنا..عاوز حاجه ولا اي؟
حمو:لا قولت بس اعدي عليك..بس كنت عاوز اسألك علي حاجه كده
عشماوي:قول
حمو:انت تعرف واحده اسمها فاطمه؟
عشماوي:مين فاطمة دي؟!
حمو:فاطمة اللي لسه ماشيه من عندك دي
عشماوي:انا معرفش اسمها غير منك دلوقتي
حمو:اه..بس طلعت نمس انت وطلعت بتلعبها خرسه طب كنت قولت لاخوك وكنت هجبلك مصالح احسن من بتاعت فاطمه
عشماوي مندهشاً:مصالح اي انا مش فاهمك؟!
حمو:اعملهم عليا بقي
عشماوي مندهشا:ياحمو والله انا مش فاهمك
حمو:طيب خليك مش فاهم بس كل اللي هقولهولك بلاش شغل فاطمة عشان شغلها كله اذي اللهم بلغت
عشماوي مندهشاً:خد هنا..شغل اي و اذي اي ماتقف كده وترسيني علي حوار
حمو:يعني متعرفش ان الاعمال اللي فاطمة بتجبهالك دي هي اللي بتعملها؟
عشماوي مندهشا:ايه!!!
حمو:اه فاطمة دجاله وبتلف علي ترب اسكندريه كلها وبتعمل عليهم شويتين كده عشان يسيبوها تدفن اعمالها
عشماوي:شويتين اي دول؟!
حمو:في اللي بيقول انها بتنام مع حارس المقبره وفي اللي بيقول اللي بتسحرله بس اللي بتسحرله دا حياته كلها بتـ.بوظ وفي الاخر بيسبها تدفن برضو
فينصدم عشماوي ثم ينظر الي حمو قائلاً: تعرف مكانها؟
حمو:لا معرفش بس لو عاوز تعرف مكانها هجبهولك..بس لي عاوز مكانها؟
عشماوي:هات عنوانها وانا هعرفك
حمو:خلاص هروح انا اقلب الدنيا علي عنوانها واجيبهولك
ثم يذهب حمو ويترك عشماوي في حيره وصدمه
..............................................
في الليل:
نجد عشماوي جالس على باب غرفته وحوله الكثير من السجائر المطفيه وفي يده سجاره فأذا بهاتفه يرن فينظر فيه فيجد حمو يتصل به فيرد عليه قائلاً:اي ياحمو
حمو:اي ياخويا جيبتلك عنوان فاطمة
عشماوي:بجد..فين؟
حمو:في بحري لو تعرف تيجي ونروح دلوقتي اوديك
عشماوي:هجيلك حالا دلوقتي
ثم يغلق المكالمه ويقوم مسرعاً يغيير ملابسه ويذهب الي حمو وعندما يصل يجد حمو في انتظاره ومعه دراجه نـ.اريه فينظر إليه عشماوي بأندهاش قائلاً:بتاعت مين دي يلا؟
حمو:اركب بس هفهمك
عشماوي:لا يابا قولي قبل مااركب
حمو:بتاعت الولا سيكا قولتله هاخدها منك نصايه
عشماوي:لا كده يبقي اركب بقي
ثم يركب عشماوي وينطلق حمو الي مكان فاطمه
............................................
في بحري:
يصل حمو وعشماوي الي منزل فاطمه ثم ينظر حمو الي عشماوي قائلاً:اهو هو ده بيتها
عشماوي:طب يلا بينا
حمو:يلا بينا اي الا يكون جوزها فوق
عشماوي:هطلع برضو يلا ياعم
فيصعدوا الي منزل فاطمه ثم يدق عشماوي الباب وبعد لاحظات تفتح فاطمه الباب فتتفاجأ من عشماوي فتغلق الباب بسرعه ولكن يلاحقه عشماوي بيده قائلاً:لا عيب كده تقفلي الباب في وشي
فاطمة:انت جيت هنا ازاي؟
عشماوي:عفاريتك هي اللي وصلتني لهنا
فاطمة:انت هتهزر؟!
واذا بصوت يأتي من داخل المنزل يقول:مين يافوفا اللي علي الباب
فاطمة:دا الزبـ.ال ياحبيبي
عشماوي:زبـ.ال ماشي هعديهالك ياااافوفا
فاطمه:اخلص عاوز اي؟!
عشماوي:عاوز اتكلم معاكي
فاطمة:طب خلاص امشي دلوقتي وهبقي اجيلك بكره
عشماوي:لا دلوقتي
فاطمة:طب خلاص استنوني في ظهر القلعه وشويه وهيجلكم
عشماوي:ماشي بس ماتتأخريش يااافوفا
فينزل عشماوي وحمو ويركبوا الدراجه النـ.اريه ويتجهوا الي خلف القلعه
..............................................
خلف القلعه:
يقف عشماوي وحمو منتظرين فاطمة وبعد دقائق تصل فاطمة فينظر إليها عشماوي قائلاً: حمدالله على السلامه يافوفا
فاطمة بعصبيه:اخلص عاوز اي؟
عشماوي:انتي مجتيش امبارح عشان ادفن العمل واخد منك الفلوس؟
فاطمة:يادي النيله ماقولتلك لا
عشماوي:ازاي وانتي جيتيلي امبارح واخد منك الفلوس ودفنتلك العمل بأيدي
فاطمة:محصلش اكيد حلم
عشماوي:حلم اي دا اللي اتعور فيه واصحي الاقيه دماغي بتنزل دـ.م
فاطمة:عادي ماانا ساعات بنام وبصحي الاقي نفسي متعوره في ايدي
عشماوي:وطب العمل اللي موجود في نفس المكان اللي دفنته فيه ده..ده تسميه بأيه؟
فاطمة بأندهاش:عمل!!عمل اي ده؟!
عشماوي:دا انا جاي وعاوز اعرف منك
فاطمة:انا معرفش حاجه برضو..بس لازم اشوف العمل ده عشان اتأكد
عشماوي:تعالي بكره الصبح وهوريكي عشان مش هينفع دلوقتي
فاطمة:خلاص اتفقنا
.............................................
في صباح اليوم التالي:
نجد عشماوي واقف على باب المقابر وفي يده سجارته في انتظار فاطمة وبعد دقائق تصل فاطمة فيأخذها ويذهبا الي المكان الذي دفن فيه العمل لكن فاطمة لم تستطع الدخول بسبب الرائحه البشعه الموجودة في المكان فيدخل عشماوي ويخرج العمل ثم يعطيه لفاطمة فتأخذه فاطمة وتنظر فيه جيداً ثم تقول:مش معقول..ده هو!!!.......
