رواية بنات الاسد الفصل الخامس بقلم السلطانة نور القمر
بنات_الأسد
الحلقة_الخامسة
🌷🌷🌷🌷🌷🌷🌷🌷🌷🌷
و تصحي البنات الصبح و ينزلوا عشان يجروا ذي كل يوم وبعد كدا يدخلوا البيت و يشوفوا جيهان ذي العاده بتعمل الفطار ومش راضيه تخلي حد يساعدها نوران تشاور للخدم عشان يخرجوا ويدخلوا ليها المطبخ
نورين بهزار : ايه العسل اللي علي الصبح ده صبحك الفل والياسمين علي اميره عز الدين
نور : صباح العسل عسلي
نوران : صباح الفل يا حبيبتي
جيهان بضحك : صباح القمرات يا بنات الاسد
نور بفضول : هتعملي ايه فطار يا جي جي
نورين وهي بتاكل من الزيتون اللي في الطبق قدامها : اه صح يا جي جي هتعملي ايه
نوران فتحت التلاجه وطلعت موزه و بتاكلها : و ابقوا ابعتوا حد من الشغالات والسواق يجيبوا موز مع حاجه البيت
جيهان بضحك : هو انا مربيه قرود موز ايه اللي كل ما حد يفتح التلاجه يقول فين الموز ولا اطفال اللي يشوفكم وكل واحده بتعمل كدا مش يصدقوا أن انتوا اللي الكل بيخاف منكم
نورين بغمزه : انتي غير يا مزه
نور بمعاكسه : هو انتي ايه حد اقسم بالله لولا أنك امي كنت اتجوزتك ومنعت اضراب الجواز
بتاعي
نوران بغمزه : أنا ساعات مش بصدق أنك امي اصلا و النبي خلينا ساكتين احسن
جيهان بضحك جامد : انتوا مش معقولين بقي دول الجبابره
نور بدلع : و حياه عيونك اه
جيهان بضحك : انتوا لغتكم باظت خالص
نوران : أنا احبك يا جي جي
جيهان : عايزين ايه يا بنات اسد اصل انتوا مش بتعملوا كدا غير في حاجه عايزنها اكملت بحزن : الله يرحمه ابوكم كان كدا نفس صفاته خدتوها انتوا التلاته
الثلاثه بصوا لبعض و نورين حركت رأسها بهدوء
نورين بهزار للتهوين : بس عرفتي منين بقي أن احنا عايزين حاجه
نور : مرات الاسد بصحيح
جيهان بضحك: طب عايزين ايه بقي ؟
نوران ببرود : ولا حاجه كل الموضوع أن احنا جالنا دعوه لحفله لأكبر رجال وسيدات اعمال وهي في فرنسا واحنا كل سنه مش بنروح بس آوس هو اللي بيروح بس السنه ديه مش هينفع عشان انتي عارفه أن آوس وجيسي سافروا اول امبارح تركيا وكمان فهد لا عشان عنده عمليه شغل في استراليا فاحنا لازم نروح
جيهان بهدوء : و هتقعدوا قد ايه كدا
نورين بصوت منخفض : والله علي حسب المصيبه اللي هنعملها والوقت
نور اداتها بالكوع في بطنها : أتلمي لحسن تسمع
نوران بصت ليهم بصه ناريه وجيهان باستغراب : في حاجه يا بنات ؟؟؟
نوران ببرود : لا ما فيش انتي عارفه نورين ونور يعني المهم لسه مش نعرف وكمان احنا عندنا شغل في فرع فرنسا
جيهان : بس انتوا اول مره تسافروا عشان حفله وهي امتي اصلا الحفله ديه
نوران ببرود : بكرا واحنا لازم نسافر النهارده و عادي يعني وبعدين هيجي وقت والناس تشوفنا مش هنفضل طول عمرنا مختفين
جيهان : مش عارفه حاسه انكم مخبين حاجه
نور : عيب عليكي يا جي جي احنا برضوا بتوع الكلام ده
نورين : قولي ليها
جيهان بصت ليهم بتفحص لكن ولا واحده باين عليها غير علامات البرود والغرور باحترافيه وجيهان بصت ليهم بتنهيد و هي عارفه أن مافيش فايده في الاعتراض معاهم و لازم توافق ده إجبار مش اختيار ليها
جيهان : طيب ماشي بس مش تتاخروا وابقوا افتحوا التليفونات بتاعتكم ديه اللي دايما مقفوله
نوران باست راسها : مش تقلقي يا عمري
نور : حاضر يا قلبي بس التليفونات ديه بقي مش وعد الصراحه
جيهان : أنا بقلق عليكم وانتوا بتقعدوا بالاسبوعين تلفوناتكم مقفوله
نورين : يا جي جي المفروض تكوني اتعودتي خلاص بقي ريحي
جيهان بصدمه : ريحي طب يلا يا بنت الجزمه منك ليها من هنا و جريت و راهم وهما جريوا
وبعد كدا بصت ليهم ضحكت وهي حزينه أن بناتها اتغيروا بموت اسد بعد كدا كل واحده غيرت هدومها وحضرت شنطه السفر و بعد ما سلموا علي جيهان و جهزت الطياره و سافروا فرنسا ونزلوا فرنسا وخلصوا اجراءت المطار وخرجوا لقوة أسطول كامل من السيارات موجوده والحراس و حد من الحراس فتح ليهم الباب وركبوا بكل غرور وثقه و ليه لا ودول الجبابره واهم من كل دول بنات الاسد
و يرحوا القصر وكل واحده تطلع اوضتها عشان تنام ونوران تنام تلاقي نور دخلت وهي تحس بيها وتقعد علي السرير وتنام و تحضن اختها جامد وهي تبتسم و تبوس راسها وتنام ونور في حضنها
🔥🔥🔥🔥🔥🔥🔥🔥🔥🔥🔥🔥
أما سيف وادهم وياسين وزين سافروا وسيف منع كشماء من الشغل وخلاها تاخد أجازه عشان حاجه في دماغه وهو شاكك فيها وبعد كدا سافر هو وأخواته فرنسا وراحوا القصر بتاعهم هناك وكل واحد يطلع ينام عشان الحفله
🔥🔥🔥🔥🔥🔥🔥🔥🔥🔥🔥🔥
بالليل نوران صحيت بصت لقت الساعه ٧ بالليل ولقت نور نايمه باست راسها و غطتها كويس ودخلت خدت شور وخرجت بعد كدا نزلت تحت لقت نورين قاعده تحت وبتبص بشرود راحت قعت جنبها
نوران بهدوء : مالك
نورين بصت ليها : نوران انتي مش حاسه بحاجه
نوران : ذي ايه
نورين : مش عارفه بس حاسه نفس الاحساس لما اسد عمل الحادثه
و اتكلمت بصوت مهزوز : نوران لو حد فينا جرا ايه حاجه لازم نكمل اللي بدائنا فيه سوا
نوران ببرود: وانا مش هسمح أن حد فينا يحصل ليه حاجه
نورين بضحك : حتي في ديه طالعه جباره
نوران بهدوء : أنا مش بس جباره أنا ملعونه اللي يفكر يجي جنبكم وانتي عارفه اني الامبراطورة اللي بيتكلموا عليها دي جزء من النار اللي ممكن اعملها وباست راسها بحنان و مسحت علي شعرها : متقلقيش ابتسامتي أنا جنبك يلا اطلعي جهزي نفسك وانا هطلع اصحي البت اللي فوق ديه الساعه بقت ٧ كفايه و معاد الحفله
نورين : ماشي يا ستي بس يا إمبراطورة اوعي تنسي أن أنا السلطانه واللي فوق العقرب و الاتنين بنات اسد
نوران بابتسامه : مش ناسيه يا تؤامي وعمري ما انسي يلا ألبرت جهز كل حاجه عرفتي هتعملي ايه بعد الحفله
نورين بخبث : عيب عليكي كله تمام ده احنا هنخلي الكل يلف حوالين نفسه
نوران ببرود : ماشي بس احتمال يجي !!
نورين بعصبيه : ده ليه ان شاء الله أنا ممكن لو شوفته ممكن اقتله فيها
نور نزلت و اتكلمت وهي علي السلم : تبقي عمرك ما اتعلمتي من اسد حاجه اول حاجه ابقي بارده وخلي الكل يحلف بجبروتك ولا نسيتي يا سلطانه
نورين : عمري ما نسيت حاجه قالها بس لما اكون عارفه أن اللي قتل ابويا موجود وقدامي اعمل ايه اروح احضنه
نور بضحك : لا هو اللي نفسه يعمل كدا مش انتي ده الواد واقع في حبك لا وايه رايح يجب بنت اسد مش لاقي غيرها جبار رعد ده
نورين بعصبيه : اخرسي يا نور مش ناقصه
نوران ببرود : خلصتوا شغل اطفال بقي و لا ايه و اكملت بحده و تحذير :
مش هتعملي حاجه فاهمه ولما تشوفيه تلمي اعصابك شويه عشان عصبيتك مش هتنفع و نور معاها حق ويلا الكل يجهز عشان نروح الحفله
و طلعت من غير ما تسمع كلمه واحده منهم. نور و نورين بصوا لبعض و اتنهدوا مافيش حل ثاني غير انهم يعملوا اللي اتفقوا عليه
كل واحده طلعت خدت شور و لبست الفستان ونور خلصت الاول وكانت لابسه فستان من خامه القطيفه عاري الاكتاف بفتحه صدره طويله راحت في اتجاه اوضه نورين الاول
نور بخنق و صوت عالي : ما تخلصوا بقي ساعه بتلبسوا انتوا الاتنين هو يوم ازرق أنا عارفه كان مالي ومال الحفلات أنا
نورين خرجت من الاوضه لقت نور وكانت لابسه فستان عاري الاكتاف عاري الظهر و طويل باللون الاخضر الغامق مرصع ببعض فصوص الكريستال من نفس لون قماش الفستان
نورين بسخرية : بالراحه علي نفسك شويه قال أنا اللي هموت وأروح بس أمر الامبراطورة اتكلمي معاها هي
نوران خرجت من الاوضه وكان لابسه فستان من خامه الشيفون مرصع بالكريستال و الالماس عاري الاكتاف و يشبه الفستان الفرعوني الخاص بالملكه
نوران ببرود : خلصتوا كلام يلا عشان نروح
نور بحماس : بس سيبك انتي عايزه اشوف وش الناس لما يشفونا ده احنا هنبقي كلام الصحافه ده فيه ناس فكره اني ولد مش بنت
نورين بسخرية : ده علي اساس أن احنا مش كلامهم من دلوقتي يلا أنا اتخنقت اصلا خلينا نخلص
نوران : معلش خليها عليكم جيه الوقت اللي احنا مستنيه من ست سنين
وجه ألبرت وهو الدراع اليمين ليهم و محل ثقتهم اللي صعب اي حد يحصل عليها و وقف قدامهم
ألبرت : نوران احنا جاهزين
نوران : طيب يلا
وخرجوا التلاته وركبوا عربيتهم ومشيوا و وراهم أسطول كامل من عربيات الحراسه و في جو هادئ نوعا ما كل واحده فيهم مشغوله بأفكارها مره واحده يسمعوا صوت ضرب نار
نورين بصراخ : في ايه ألبرت
ألبرت : شكل في حد يا نورين بيحاولوا يقتلكم و عرفوا انكم هنا
نوران بأمر : كل واحده تطلع المسدس بتاعها من تحت الكرسي بسرعه مافيش وقت
كل واحده تطلع المسدس بتاعها من تحت الكرسي بتاعها ذي ما تولع ثابت و يضربوا باحترفيه شديده ويبدأ مبادله النار بين الطرفين ولكن اللي بيهجموا عليهم ضربوا عربيات الحراسه و ادت لعمل حادثه و انفجار العربيات بعد ما خبطوا في بعض
ألبرت بخوف : انتوا لازم تنطوا من العربيه حالا
نور بعصبيه و هي بتنزل تحت لتحمي من الرصاصه : مش بنات الاسد اللي يخافوا و يهربوا
نورين بصراخ : ابعد شويه بالعربيه عشان نجبهم
نوران : يلا بسرعه ألبرت
ومره واحده يفرقع عجب العربيه من رصاصه و البرت ينط والعربيه تتقلب بيهم هما و السواق يموت
نور وهي بتحاول تاخد نفسها : لو موت حق اسد لازم يرجع
نورين وهي بتقاوم الاغماق وبتتكلم بصوت متقطع : هناخده سوا
نوران وهي مش حاسه انها قادره تاخد نفسها : استحملوا شويه يا نور
لكن نور ابتسم ابتسامه هادئه كأنها بتودعهم و تغمض عيونها ونورين علي حافه الموت ونوران خلاص الدوامه السوده بتحاول تاخدها تلاقي ضوء ابيض جيه واربع شباب نزلوا وتشوف بعدم توضيح و واحد نزل في اتجاه العربيه قدامها بيكلمها وتسمع صوت الشباب بيتكلموا
ياسين : يلهوي ملائكه علي الارض
زين : اخرس يا شمال دول بيموتوا ومش قادرين ياخدوا نفسهم
ادهم : لازم نخرجهم بسرعه قبل ما العربيه تنفجر بيهم
و يحاولوا يخرجوا التلاته و ينجحوا لأنهم كانوا ورا في العربيه تاثير الخبطه من قدام وياسين شال نورين وادهم نور وسيف نوران و يبعدوا شويه وفجاه العربيه تولع بالسواق والكل يتخض و هو يقعدها علي الارض
سيف وهو بيخبط علي وشها بالراحه ونسي أنه في فرنسا واتكلم عربي : يا انسه انتي كويسه طب سمعاني حاولي تتكلمي وفتحي عينك طب اسمك ايه يا نهار اسود هي ماتت و لا ايه افتحي عيونك طيب
نوران فتحت عيونها وهو يتصدم من جمال عيونها اللي بلون البحر
نوران وهي بتاخد نفسها فهمت انهم مصريين : نوران .... ساعدنا
سيف بصدمه : نوران
زين : مش وقت صدمه يا سيف يلا نركبهم العربيه
🔥🔥🔥🔥🔥🔥🔥🔥🔥🔥🔥🔥
وركبوا كلهم العربيات وراحوا القصر ولقوا الدكتور وفريق طبي هناك ذي ما سيف اتصل بيهم في العربيه وكل واحد شال واحدة وطلع بيها اوضه بس كانوا جنب بعض و الكل برا في حاله من الخوف والقلق
ياسين : هما ليه كدا بالحاله ديه اكيد في سبب
ادهم : شكلهم عاملين مشكله مع ناس كبيره
زين : مش لدرجه القتل الا لو في حاجه كبيره
سيف بقلق : مش عارف ربنا يستر
ويخرج الدكتور والكل يجري عليه ويسأل سيف بلهفه : هما كويسين
الدكتور : مش عارف اقولك ايه سيد سيف كل واحده فيهم تعبانه جدا ويعني الاولي ديه عندها ضلعين مكسورين وكان ممكن يخترق الرئه بس ربنا نجاها علي اخر لحظه غير طبعا الخدوش و التانيه أيدها اليمين مكسوره ورجالها الشمال وطبعا الجروح والكدمات والثالثه ديه بقي يمكن ربنا أنقذها اتخبطت جامد في راسها بس الجرح سطحي و ايدها الشمال بس شكلهم متدربين أو بيمارسوا رياضات عشان جسمهم شكله شديد لو حد غيرهم أو مش رياضين كان زمانهم ماتوا بس ايه اللي حصل
كان لسه ياسين هيتكلم سيف قاطعه ببرود واتكلم : احنا شوفناهم والعربيه مقلوبه بيهم و خدناهم واتصلت بيك علي العموم شكرا يا دكتور بات
بات : لا شكر علي واجب سيد سيف بس احنا لازم ناخدهم المستشفى
زين : هو شرط
بات : لا بس اضمن
سيف : هات كل الحاجه الازمه أو اي فريق طبي ومش شرط الفلوس وانت عارف
بات : براحتكم علي العموم هما دلوقتي واخدين منوم و هخلي ممرضه معاهم
سيف : شكرا ليك ياسين وصلهم
ياسين اوما بهدوء ومشي مع الدكتور والفريق الطبي عشان يوصلهم
سيف بعت السكرتيره بتاعته عشان تشتري ليهم لبس ليهم ودخل اوضه نوران ولقي الممرضه بتحط ليها محلول وبعد كدا استأذنت وخرجت وبص ليها
سيف قعد جنبها و بص عليها بصدمه و علي ملامحها و مسك أيدها و هو لسه مش مستوعب : مستحيل تكوني هي بس مش عارف ليه حاسس كدا انتي طلعتي ليا منين و عملتي ايه تخلي حد عايز يقتلك وانتي مين وليه عيونك ذي عيونها اوي كدا نفس اللون ليه لمن لو هي مش عارف هعمل ايه
بعد كدا خرج من الاوضه هو مش قادر يقعد فيها اكتر من كدا و شافه زين وادهم وياسين برا الاوضه لكن هو سابهم ومشي ونزل اوضه الرياضه
🔥🔥🔥🔥🔥🔥🔥🔥🔥🔥🔥🔥
في فرنسا
رعد الحديدي قاعد علي الكرسي في المكتب ودخل عليه مساعده چو
رعد بابتسامه نصر : عملت ايه ماتوا و استريحت منهم ذي ابوهم .
جو بفخر وقعد علي الكرسي : كله تمام يا باشا و اسطوره الامبراطورة والعقرب خلاص راحت
بعت الرجاله ليهم وشويه و جاين ونعرف اللي حصل .
رعد بشماته : ياما نفسي اشوفهم وهما ميتين انت عارف في 6 سنين اللي فاتت حاولت كام مره اموتهم وكل مره بيطلعوا منها ولاد الكلب
جو بفخر : متقلقش يا باشا المره ديه بقي موتهم بس مش تنسي حلاوتي
رعد : ده لو ماتوا ده هتتبسط مني اوي يا چو بس اسمع الخبر الاول
وبعد شويه ودخل كام رجل من رجاله رعد
جو : عملتوا ايه
شوقي : تمام يا باشا العربيه انقلبت بيهم و سبناهم ومشينا بس في كام واحد منا ماتوا واحنا خفينا چثثهم
رعد : في داهيه المهم عاملتوا ايه ماتوا و استريحت اخيرا
غريب : بس يا باشا دول مش بنات دول قناصين كل واحده فيهم بتضرب نار شبه القناصين وبس شكل اللي كان بيسوق حمار لولا كدا كان زمانا مع الاموات
رعد بسخرية : ذي ابوهم وجبروته مش استغرب منهم اي حاجه
ناصر : بس خلاص يا باشا التلاته ماتوا
رعد بخضه و اتمني ما مش يكون اللي في باله : تلاته مين
شوقي بفخر واعتزاز مش عارفه أنه هيعمل ايه فيه : التلاته بنات يا باشا بس الصراحه خساره في الموت التلاته احلا من بعض
رعد بزعيق و نط مسك في قميصه : تلاته مين انطق يا حيوان منك تلاته مين يا ولاد ****
چو بغضب هو خايف من رد فعل رعد : انطق يلا
ناصر بخوف : تلاته بنات اللي شوفناهم في الصور
رعد بقي ذي الاسد اللي بيدور علي فريسته : نورين نورين قتلتوها يا حيوان منك ليه ده انا قولت ديه بالذات لا ااااااااااااه لا يا رب الا هي بالذات ازااااااااي اناااااا قولت اللي هي
چو بخوف : اهدي يا باشا طيب انا هتصرف و اشوف ايه اللي حصل
رعد مش ادي كلامه اي اهتمام و كأنه معيب عن الواقع و فتح درج مكتبه ومسك المسدس وعمره في اتجاه واحد منهم اللي رجع بخوف تلقائي
جو : اهدي يا باشا مش كدا
رعد لا كانه سمع كلامه و قتل الثلاثه بدم بارد قدام چو الي بص علي الجثث بصدمه
رعد بضعف : نورين دور علي نورين مش ترجع من غيرها الا هتحصل الثلاثه دول
جو : بس يا باشا
رعد بزعيق : سمعت يلا بسرعه يلا
جو وهو بيجري لبرا : ماشي حاضر
رعد بهستريه : لااااااا اااااااااااااااه الا هي بالذات نورين الا انتي بتعاقب فيكي ليه ليه دايما يا بنت اسد مختاره وجع قلبي
وقعد علي الارض يعيط ذي الاطفال وماسك صوره ليها و بيبص عليها
🔥🔥🔥🔥🔥🔥🔥🔥🔥🔥🔥🔥
عند جيسي و آوس كانت بتشرب القهوه ووقعت منها و حست بقبضه في قلبها
وراحت مكتب آوس بسرعه و دخلت من غير إذن
آوس بخوف وراح في اتجاه و حط أيده علي شعرها بحنان : مالك يا جيسي
جيسي وهي بتاخد نفسها : نورين كلمتك يا آوس النهارده
آوس : لا أنا حاسس ان فيهم حاجه حاسس ان قلبي مقبوض مش عارف ليه
جيسي : يبقي فيهم حاجه
ميك تلفونها حاولت تتصل علي التلاته وماحدش فيهم بيرد واتصلت علي ألبرت ومافيش حد بيرد ذيهم
جيسي بزعيق : بسرعه يا اوس بسرعه علي المطار اوعي يكون اللي في بالي حصل
آوس بصدمه : اكيد لا طبعا
جيسي : مش من رائي بس وربنا في سماه لو حصل ليهم حاجه لخلي رعد الحديدي يبوس رجلي و يتمني الموت
وخرجت من الشركه هي اوس بسرعه و معاها الحراس والكل استغرب أن معروف علي جيسي البرود والغرور ايه الحاجه اللي تخليها تخرج كدا و تروح جيسي المطار وكانت الطياره في انتظارها ركبت هي واوس عشان يسافروا فرنسا
🔥🔥🔥🔥🔥🔥🔥🔥🔥🔥🔥🔥
أما عند جيهان كانت قاعده مع شمس مرات رافت و وجد وحست نفس الاحساس لما اسد مات
وجد خدت بالها أن شكلها اتغير : مالك يا جيهان
جيهان : ولادي حد يتصل عليهم قلبي بيقولي انهم مش كويسين
شمس : طب اهدي طيب
جيهان بزعيق : ماحدش يقولي اهدي نفس الاحساس لما اسد مات عندي و اتصلوا عليهم
وجد بقلق : طب اهدي طيب حاضر
حاولوا يتصلوا ماحدش بيرد ووجد حاولت علي آوس مش بيرد مش استغربت ده عشان اوس دايما مش بيرد عليها لكن اللي قلقها أن جيسي مش بترد وهي عمرها مع عملت كدا في عز لما بتكون مشغوله وماحدش عارف يوصل لفهد عشان هو في العمليه أما جيهان طلعت اتوضت وصلت وقعدت تعيط وهي بتصلي وبتقول
جيهان بعياط : لا والنبي يا رب بناتي لا يارب احميهم مش هستحمل تاني كفايه ابويا واسد ودول من ريحه اسد وبناتي وانا مش عندي غيرهم و النبي يا رب احميهم ليا كفايه خسرته هو مش مستعده اخسرهم هما كمان
وجد اتصلت علي أليف و شمس اتصلت علي رافت و هما الاتنين جم وإحساس القلق سيطر على الكل وماحدش عارف يوصل ليهم حتي جيسي و آوس و اليف خاف علي بنته لحسن امها تحاول تقتلها تاني وخايف علي بناته التانيه
🔥🔥🔥🔥🔥🔥🔥🔥🔥🔥🔥🔥
يتبع
اللي اللقاء في الحلقه القادمه
