روايه غيرة حب الفصل الثانى و السبعون بقلم احمد صابر
*روايـة: غـيـرة الـحـب🌍*
*الـبـارت:الـ72🌍*
زقيتو تاني: مترد
محمد بهدوء: عيزه اي
انا: هكون عيزه اي مش بكلمك انا بتعمل مش سامعني ليه
محمد: ايوه عيزه اي يعني
زقيتو بعصبية: تعرف انك بارد
مسك ايدي الاثنين: بسسس بقى
انا: اوعا
شديت ايدي بعصبية ودوست ع رجلو بعصبية وطلعت
مني: هو فين
انا: جوه
مني: مطلعش ليه
انا: الله اعلم
مني: اتخانقتو
هزيت راسي ب اه
مني: طب تعالي واحكيلنا اي إلى حصل
حكيتلهم كل حاجة بتفصيل
والدتي: انتي الي غلطانة
مني: بصراحة مكنش ينفع تقوليلو كدا عرفة انك بتهزري وهو كمان اكيد عارف بس هيا حاجة تزعل حتى لو ع سبيل الهزار
كنت بحاول معيطش: مكنتش اقصد والله العظيم انا كنت بهزر معرفش أنو هيزعل ب الشكل دا
والدتي: الي حصل حصل متفكريش زعلتيه ازاي فكري هتصالحيه ازاي
انا: ازاي
مني: شوفي انتي بقى
قعدت افكر ف حل بس معرفتش الاقي تريقة خالص فكرت ادخل واحاول أكلمو لقيتو قاعد وماسك الفون وباصص ع الحيطة وسرحان اول مادخلت بصلي ورجع بص ف الفون
انا: بتعمل اي
محمد: ولا حاجة
انا: اممم
فضلت بصالو وهو كان باصص ف الفون رفع راسو وبصلي ورجع بص ف الفون: بتبصيلي كدا ليه
انا: هو انت زعلان مني
محمد: تؤ
انا: كداب صح
رد وهو باصص ف الفون: هكدب ليه
انا: طب بص ف عيني وقول انك مش زعلان مني
مردش وكان لسا باصص ف الفون
انا: هعيط
محمد: ليه
انا: كدا
محمد: كدا ليه
انا: هو كدا
محمد: مفيش حاجة بتتحل ب العياط
انا: اومال بتتحل ب اي
محمد: ممكن اسأل سؤال
انا: اتفضل
محمد: بتحبيني
بصيتلوا بتفجأ لان مكنتش متوقعة انو يسألني السؤال دا ورجعت بصيت الجه الأخرى
انا: تيجي نتمشى
محمد: سألتك سؤال
انا: يالا عشان تفطر
محمد: مش كل مرة تتهربي سألتك سؤال جاوبي بتحبيني ردي
انا: معرفش يا محمد معرفش
وسيبتو وطلعت
وطلعت وانا مدايقة
مني: يختييي انا تعبت مع العيال دي
والدتي: دخلت تحلها عكتها اكتر اكيد اي إلى حصل تاني
انا: محصلش حاجة
مني: طب اندهي عشان يفطر طيب مكلش من الصبح
قلت ف نفسي: هدخل ازاي تاني بعد إلى قلتو دا تلاقيه مش طايقني بس هيفضل منغير اكل
حزمت أمري ودخلت
انا: يلا عشان تفطر
محمد: مش جعان
انا: ازاي انت مكلتش من الصبحححح
محمد: هتفرققق؟ معتقدش هتفرق معاكي
انا: انت عبيط اكيد هتفرق
محمد: والله العظيم مهتفرق
انا: انت دخلت جوه دماغيييييى وشوفت ان مش فرقة... يلا قوووم
قفلت الفون واتغطى ونام رحت شايلة البطانيه من ع وشو
انا: برضوا
محمد: عيزه اييي
انا: عيزاك تاكل
محمد: مش جعاااان
انا: والله
اتغطى ونام رحت شيله الغطا عن وشو
انا: طب اصحى عشان خطري
محمد: مش جعان يا إيمان
انا: محمد العصر أذن وانت مفطرتش
مردش وغطا وشو ب البطانيه
قومت وفتحت الباب وطلعت من الاوضة
وبعد دقائق
اخدت الاكل ودخلت الاوضة
انا: حظاااابط ولا احظابط... حظابط حظاااابط
شيلت الغطا من ع وشو لقيتو مغمض عينو
انا: قوم متعملش نفسك نايم قوم
محمد: عيزه اي
حطيت الاكل وميلت براسي عشان اشوف وشو
انا: اصحى ياض احسنلك
محمد: مش صاحي
طلعت ع السرير وقعدت الشد فيه لحد ما قام ومديت ايدي اجيب الاكل من ع الكومود
محمد: بتعملي اي
انا بضحك: بلاش دماغك الوسخة دي هات الاكل من جمبك كدا
اخدت الصينيه الي عليها الاكل ومديتلو ايدي عشان ياكل اكل وهو باصصلي واكلني هو كمان
خلصنا وطلعت الاكل وعملت عصير ورحتلو
انا: انا الي عملاه ع فكرة اشرب وادعي عليا
ضحك ضحكة خفيفة وشرب منو
انا ف نفسي: الله يخربيت ضحكتك يا جدع
رفع راسو وبصلي وضحك
انا: يلا نخرج بقى
محمد: لا مش هقدر انزل
انا: اوووف
اخدت فونو وقعدت جمبو وكنت بلعب ف الفون ببص عليه لقيتو باصص لسقف وسرحان
انا: يلا ننزل
محمد: حاسس اني تعبان مش هقدر انزل
انا: انت كويس
محمد: مش عارف
انا: طب تعبان عندك اي طيب
محمد: مش عارف
انا: هو اي مش عارف مش عارف... مش عارف ازاي
حطيت ايدي ع راسو لاقيت حرارتو كويسة
انا: طب مالك في اي مانت كويس اهو
محمد: من جوايا
انا: مش فهمة
محمد: مش لازم... الي بيحب حد بيفهمو منغير ميتكلم وانا بقولك كل حاجة بطريقة مباشرة عايز جواب ع سؤالي اي اكتر من كدا انا الي غبي ومختش بالي كل الفترة دي طلعت انا الي مبفهمش ف الاخر مش انتي
مفهمتش حاجة من الي قالها بس مردتش اقلو عشان ميدايقش ف فضلت ساكتة
محمد: مش مستغرب انك مفهمتش بس انا تعبت اقسم بالله العظيم تعبت
انا: عندك اي طيب سخونية ولا برد
محمد: مش عارف اضحك ولا اعيط والله
انا: تعالا نلعب
كان باصص أسقف وساكت رحت بصة لسقف انا كمان
انا: وبعدين... دانا عيني وجعتني
ببص عليه لقيتو غمض عينو ونام جيت اتكلم عشان اصحى لقيتو حاوطني ب ايديه ومكنتش عرفة اقوم وقلبي كان بيدق بسرعة ومش عرفة اجمع كلمتين ع بعض شيلت ايدو وانسحبت ونزلت من ع السرير الجرس رن ورحت افتح
هالة: هاي
بصيتلها بقرف ودخلت وهيا سلمت ع ماما وخالتي
هالة: عملة اي كنت ف الدرس وقلت اجي اسلم عليكي
مني: الحمدلله ياحبيبتي تعالي ف اي وقت تحبيه
هالة: اومال فين محمد
مني: تقريباً ف اضتو ليه في اي
هالة: لا كنت هسلم عليه بس
مني: محمد
انا: نايم
هالة: هدخل انا
انا: بقلك نايم انتي في اي
هالة: في اي... هصحيه الساعة 4 ولسا نايم
انا: ياستي انتي مالك ماتسيبيه نايم هو حر
هالة: طب هسلم عليه طيب
انا: هقلو انك سلمتي عليه متقلقيش
هالة: طب هشوفو بس
انا: تشوفيه تعملي بي أي يا حبيبتي
هالة: هتطمن عليه
انا: بصفتك اي
هالة: بنت عمتو
انا: وانا بقلك انو كويس
مني: خلاص يا هالة لما يصحه
هالة: ماشي
محمد: في اي
هالة: كويس انك صحيت... كنت جايا اسلم عليك وإيمان مش راضية
محمد: تسلمي عليا ازاي وانا نايم برضوا
هالة: عادي كنت هصحيك وبعدين في حد بيفضل نايم لحد دلوقتي دا الساعة 4
محمد: ياستي انا حر انام اقوم براحتي هو انا قاعد ب الإيجار
كنت مسكة الضحك ب العافية
خالتي كانت بتحاول متضحكش: بس يا محمد
هالة: يعني انا غلطانة يعني
محمد: انا مقلتش كده بس ليه الدوشة انا مصدقت انام
هالة: بس الساعة 4
محمد: تاني هتقولي الساعة 4 يعني هو اول ماتيجي 4 محدش ينام السرير بيكهرب مثلا هالة اقعدي ف حتة الله يرضى عنك
مقدرتش امسك نفسي انا وخالتي رحنا ضاحكين
هالة: في اي كنت جايا اسلم عليك بس
محمد: الله يسلمك يا هالة يا حبيبتي
هالة: ها
محمد: ها اي... مالك تنحتي كدا ليه
انا ف نفسي: حبك بورص يابعيد حبك بورص
محمد: انا داخل انام
هالة: طب استنى
محمد : اممم
هالة: عيزاك تشرحلي المسئلة دي
محمد بزهق: هاتي
انا: لا انا هشرحالك
هالة: تشرحيهالي ازاي
انا: بفهم مناهج ثانوي متقلقيش هاااتي ياختي
هالة: ازاي دا
محمد: هيا هتشرحالك يلا سلام
هالة: طب خليك عشان لو مفهمتش حاجة مثلا
قعد بزهق وحط ايدو ع خدو
بعد دقائق
انا: بس
كانت بصالي وبتهرش ف راسها
محمد: اي مفهمتيش!!
هالة: لا... بص هيا شرحتها حلو بس انا بجد مفهمتش حاجة
محمد: العيب فيكي بقى
هالة: خد بس معلش اشرحالي تاني
محمد: اي الفرق ما الي هيا قالتو نفس الي انا هقولو برضوا
هالة: طب اي مانا مفهمتش
انا: بت جناااان مش عيزه مفهمتيش اي
هالة بضحك: وربنا المسألة دي رخمة اصلا
انا: اصلا بقى انتي الي مش عيزه تفهمي
هالة: والله لا
محمد: هاتي هشرحالك بس وربنا لو مفهمتي لحدفك ب الكتاب
هالة: ماشي والله
شرحلها المسألة وراحت بصالي وبصالو وضحكة
محمد: هاا فهمتي
هالة بضحك: لا
قفل الكتاب بعصبية: لا كدا هبل بقى كدا هبل
هالة بضحك: انا فهمت حاجات منها بس
انا: حجات واي بقى الحاجات دي
هالة: مش فكره
انا: ياختيييي
نظر الجه الأخرى وضحك
محمد: مدرس الماده مشرحهاش ليكي ليه
هالة: شرحها
محمد: ومفهمتيش
هالة: ايوه
محمد: صلاة العيد
ضحكنا احنا الاثنين
هالة: انا همشي بقى عيزين حاجة
محمد: حد جاي يخدك
هالة: لا هروح لوحدي
محمد: خلي معاذ يوصلك البيت بعيد
هالة: مانا عرفش معاذ فين تعالا وصلني انت
محمد: معاذ ف اضتو اندهي هيودكي
وكان داخل اوضتو بصلي لقاني متعصبة: او اقلك انا جاي اوصلك
هالة بفرحة: ماشي
بصلي ودخل اوضتو يغير هدومو دخلت وقفلت الباب بعصبية
انا: ليه
محمد: ليه اي
انا: هتوديها ليه
محمد: اسيبها تروح لوحدها يعني
انا: معاذ هيوديها وبعدين مالك قلقان عليها ليه
محمد: مش بنت عمتي
انا: ومن امتى يعني
محمد: من امتى ازاي
انا: تقصد اي ب الي انت بتعملو دا
محمد: مقصدش حاجة هقصد اي يعني
انا: بتخليني اغير مثلا
محمد بسخرية: ليه هو انتي بتغيري اصلا!! هتغيري عليا ليه مش فاهم بتحبيني لاسمح الله
انا: فعلاً عندك حق هغير ليه اصلا اولعو انتو الاثنين ولا فارقلي
طلعت وقفلت الباب بكل هدوء وقعدت وبعد دقائق طلع من الاوضة
محمد: يلا
هالة: يلا
ووجه كلامو ليا: هتيجي
انا: هاجي اعمل اي روحو انتو
وصل عند الباب ووجه كلامو ليا: انزل الاقيقي ورايا
نزلو وانا كنت بتريق عليه: انزل الاقيقي ورايا... باااارد
اخدت الفون ونزلت كان نازل وهيا وراه رجليها اتلوت ع السلم ف مسكت فيه
انا: انتي يامااااا ايديك ياباااا لتوحشك
ونزلت ايديها بعصبية راحت وقعة مسكت فيا وهيا بتقع رجلي انا الي اتلوت وهيا بتشدني راح ماسكني وشدني عليه بنبص عليها لقيناها خدت السلم زي البلونة رجعت بصيتلوا وفطست من الضحك مقدرش يمسك نفسو راح ضاحك
هالة: بتضحكو ع اي
قامت وهيا مسكة ضهرها ومش قدرة تمشي... ف بعد عنو ونزلت ليها
انا بضحك: اساعدك
هالة: تساعديني اي بقى بطلي ضحك... لحقك انتي وسابني انا اخدت السلم كلو
فطست من الضحك عليها
طلعت وكانت راحة تركب العربية
انا: راحة فين يا غاليا
هالة: اي هركب
انا: مكاني!!
هالة: مكتوب عليه اسمك
انا: حاجة زي كده
هالة: فين الاسم مش شيفاه
انا: ابقي اكشفي نظر عشان صعبتي عليا
ركبت وهو ركب وهيا ركبت ورا وساق العربية وبعد دقائق وصلناها نزلت وهيا مسكة ضهرها وانا فطست من الضحك
انا: شكراً
كان باصص قدامو: ع اي
انا: عشان مخلتنيش أقع
فضل باصص قدامو ومردش
انا ف نفسي: تصدق انا غلطانة اني بشكر واحد زيك
وفضلنا طول الطريق ساكتين لحد ماوصلنا نزلنا من العربية وطلعنا وهو دخل اوضتو
انا: ع فكرة يا خالتى مخاصمني
مني: من ساعتها!!
انا: اممم
مني: معلش هو تلاقيه مدايق شوية اكيد مش هيفضل كدا
انا: هو عيل بارد اصلا... بس انا مش مبسوطة وهو مش بيكلمني كدا
والدتي: مش ب ايدينا حاجة نعملها انتي صلحي غلطك ب ايدك
انا: اوووف اضربو يعني ولا اعمل اي
دخلت لقيت الاوضة فاضية كنت هخرج بس لقيتو طالع من اوضة الملابس وهو بيلبس التيشيرت رحت حطة ايدي ع عيني وبصه الجه الأخرى
انا: انت غبي اي إلى انت عاملو دا
محمد: عامل اي يعني اي بلاش اللبس
انا: اللبس جوه
محمد: مانا لابس جوه اهو
انا: لا لبست التيشيرت بره
محمد: انا حر
انا: لا مش حر
كنت لسا بصة بعيد وحطه ايدي ع عيوني جه وشال ايدي وانا كنت لسا مغمضة رحت حطه ايدي ع عيوني تاني
محمد: لبست خلاص
انا: بجد
محمد: والله
شيلت ايدي وفتحت عيني تدريجياً لقيتو لبس فعلاً بصلي وقعد ع الكرسي ومسك الفون اخدت الفون منو بصلي ب ملل وشد البطانيه ونام قعدت ع الكرسي وربعت رجلي ومسكت الفون شدو وهو حاطط البطانية ع وشو ودخل تحت البطانيه
انا: هات يالا
كان بيلعب ب الفون وهو مغطي وشو رحت جيبه فوني ودخلت تحت البطانيه انا كمان
انا: يلا انت دور وانا دور والي يخسر يعمل لتاني قهوة
محمد: لا ياروح امك مش هتشربي قهوة
انا: خلاص نسكافيه
بدأنا لعب وكنت فطسانة ضحك
والدتي: بت
شيلنا البطانية من ع وشنا
محمد: طبعا مش هتصدقيني لو قلتلك كنا بنلعب
والدتي: انتو بتعملو اي تحت البطانية
بدل ماتدور وتبحث علي الروايات خليها علي تليفونك وحمل تطبيقنا
