روايه غيرة حب الفصل الرابع و السبعون بقلم احمد صابر
*روايـة: غـيـرة الـحـب🤎*
*الـبـارت:الـ74🤎*
تاني يوم
صحيت وكنت بصه لسقف ماما دخلت وقعدت جمبي وحطت ايديها ع راسي اتفزعت بس احاولت تهديني كنت عبارة عن نظارات بس مكنتش بتكلم مع حد لو كلت باكل حاجة بسيطة... كنت بالنسبالي ان اكتر انسان كنت بثق فيه يبقى بيكرهني وعايز يقتلني كانت بنسبالي صدمة انا كنت حاسبة الموضوع من الطريقة دي لان الموضوع كان مأثر فيا وبشكل كبير كمان كان بابا رجع من السفر وطبعا ماما محكتش ليه حاجة وكالعادة مانعني اشوفو ف انا بالنسبالي كان عادي لان مكنتش عيزه شوفو وكنت خايفة كنت ف عالم تاني وهو كان حاسس ب الزنب بسبب الي كنت فيه ومفكر انو هو السبب عدا يومين وانا ع نفس الوضع سمعت صوتو تحت وهو بيتكلم مع بابا ف موضوع الخطوبة قالو يأجلها لحد ما اخلص دراستي بس طبعاً محمد رفض لان 4 سنين
والدي: هو دا الي عندي عايز تستناها كان بها مش عايز انت حر بس بنتي لسا صغيرة وانا عايزها تركز ف دراستها
محمد: بعد الخطوبة تقدر تكمل عادي
والدي: مش عايز حاجة تشتت انتباها وتشغل تفكيرها غير المذاكرة... وانا متأكد ان مش هتستني 4 سنين... كل شيئ قسمة ونصين انشاء الله تلاقي بنت الحلال
محمد: انا لو عايز غيرها كنت شوفت من بدري بس هستناها بنتك مش هتكون لحد غيري ووعد مني وانا عمري مخلفت بوعدي
والدي: غصب عني يعني
محمد: تؤ مش غصب عنك مش انت شرطك ان استناها لحد ماتخلص وانا هستناها
والدي: معتقدش انك هتستني
محمد: يبقى اعتقادك غلط
والدي: انا لو سافرت هاخدها معايا
محمد: نعم
والدي: اي
محمد: تاخدها ليه
والدي: دي بنتي مش خاطفها يا حضرة الظابط
محمد: مقلتش انك خاطفها... انت بتعمل كدا ليه مش فاهم هتبقى مبسوط واحنا بعاد عن بعض انت شايف ان الي بتعملوا دا مش حرام
والدي: فين الحرام ف كدا بنتي وهاخدها معايا فين الغلط ف كدا
سابو وفتح الباب وخرج كنت واقفة ف البلكونة معملتش اي ريأكشن بصه عليه بس بصلي وابتسم دموعي نزلت غصب عني
محمد: عملة اي يابنت قلبي
كنت بصالو ومش برد
محمد: لسا زعلانة مني
كنت عبارة عن نظارات بس مش بتكلم خالص
محمد: عرفة اخر مزهق هخدك ونتجوز وخلاص صح... مش بتردي عليا ليه سمعيني صوتك ع الاقل عشان خطري
بابا نده عليا وهو تحت ف بصيتلوا ودخلت جوه وفتحت الباب ونزلت
والدي: لو عرفت انك شوفتيه او حتى كلمتيه هيبقى لينا كلام تاني وباب البلكونة ميتفتحش... موبايلك هيبقى معايا
هزيت راسي وانا ساكتة ورجعت طلعت تاني بصيت عليه لقيتو دخل قفلت البلكونة وقعدت ع السرير ولقيت دموعي نزلت معرفش ليه
عدا يومين وحالتي رجعت تتحسن شوية وبدأت اروح دروسي عادي ومكنتش بشوفو بصدفة حتى
انا: بابا عيزه تليفوني...
حاولت لحد ماقتنع اخت الفون وطلعت كنت فاتحة واتس وكلمت صحابي دخلت الشات بتاعو لقيتو مش اونلاين
عدا اسبوع وانا ملمحتهوش ولا حتى اتكلمنا مع بعض ومحاولتش أكلمو لان كل مافتكر اخاف بس منكرش انو وحشني
حنين: تعالي نتمشى
انا: لا مليش مزاج
حنين: مش هتندمي والله... هقول لعمو اكيد هيوافق
استأذنا من بابا ووافق بس قالنا منتأخرش كنت ماشيا وانا بصه ف الفون وبتكلم لقيتها وقفت رحت وقفة ببص عليها ولسا هتكلم لقيت حد واقف قدامي
انا: محمد
كان هو معاذ كان تقريباً ميعرفش هو كمان
مسكت ف ايد حنين وهو شافني وعرف ان لسا خايفة معاذ وحنين كانو ماشين رحت ماشيا معاهم
حنين: راحة فين اقعدي هنا اهو
قعدنا وهما مشيو كنت خايفة ابصلو وجسمي كان بيرتعش مسك ايدي: اهدي عشان خاطري
اتخضيت وسحبت ايدي
محمد: انا اسف انا السبب ف كل دا
مكنتش برد كنت كل الي ف تفكيري ان اقوم ومشي عندي تهيأت انو ممكن يقتلني واحنا لوحدنا
محمد: لسا خايفة مني
شاورتلو ع طريق بيتنا يعني عيزه اروح
محمد: ليه عشان خايفة مني صح... صدقيني انا مستحيل اذيكي لما بشوف الخوف ف عيونك من نحيتي انا بطحتم
مسك ايدي بس مردتش ابصلو
انا بخوف: ع.. ع عيزة اروح
محمد: مش عيزه تقعدي معايا
انا: لا
محمد: لدرجة دي مش عيزه تشوفيني... يلا هنروح
مدلي ايدو بس خوفت امسكها ف قومت ومشيت منغير مامسك ايدو
محمد: امتحاناتك الاسبوع الي جاي صح
هزيت راسي ب اه
محمد: بتذاكري
هزيت راسي ب اه
محمد: مين الي كان بيراجعلك
انا: ماما
محمد: بتسهري مش كدا
انا: اممم
محمد: ليه
انا: عشان بذاكر
محمد: بتفضلي لحد الفجر صح
انا: لصبح
محمد: بتفضلي صاحيه لحد الصبح!
انا: اممم
محمد: بس السهر غلط عليكي
انا: والامتحان
محمد: ماشي بس مش لصبح... راجعي بليل وقبل متنامي بس متسهريش
انا: مانا مش هعرف انام اصلا
محمد: ليه
انا: خايفة
محمد: من الأمتحانات
انا: اممم
محمد: انشاء الله هيجي سهل وهتحلي كويس... بس انتي شكلك مش بتذاكري
انا: لا والله بذاكر... امبارح ذاكرت العربي كلو كلو ويوم الاربع بليل هراجع عشان منساش
محمد: شطورة بس نامي عشان تعرفي تركزي وعقلك يستوعب اكتر
هزيت راسي ب ماشي
روحنا واول ماطلعت لقيت حنين قعدة فوق مستنياني
حنين: هاا كلو تمام
بصيتلها ورحت قلعت الطرحة وقعدت
حنين: في اي يابنتي... متقوليش انك خوفني منو
هزيت راسي ب اه
حنين: ليه يا إيمان زمانو زعل
انا: اعمل اي يعني يا حنين كل ماشوفو بفتكر وبيجيلي حالة رعب ومش بعرف انطق حرف
حنين: ع فكرة هو مستحيل يأذيكي انتي بس كنتي متوترة من الموقف بس انتي اكتر وحده عرفة هو بيخاف عليكي قد اي
انا: فكك مني يا حنين هتقعدي تراجعيلي كان بها مش هتراجعيلي نقطينا بسكاتك
حنين: هاتي يا وش الفقر
قعدت تراجعلي وبعد كدا مشيت وانا نمت
*تاني يوم*
صحيت اخدت دوش واديت فرضي ونزلت تحت
والدي: امتحاناتك يوم الخميس صح
انا: اممم
ماما جت وحطت الفطار ع السفرة ووقومنا نفطر
والدي: كلمتيه
انا: مين
والدي: محمد
انا: تؤ
والدي: اممم
كملت اكلي وعملت نسكافية وطلعت اذاكر ذاكرت شوية ومسكت الفون وفاتحه واتس سمعت صوت مازن ومعاذ تحت ف طلعت وكنت واقفة ع السلم
معاذ: عملة اي يابت افانيليا
انا: الحمدلله
معاذ: مالك طيبة كدا ليه دا هدوء ماقبل العاصفة
مازن: ياعم اسكت ربنا يهديها بدل ماهيا هربانة منها كدا
انا: مش هرد عليكم
ضحكو وقعدو مع بابا... مش عرفة انا كنت زعلانة انو مجاش معاهم ليه... كانو ماشيين
معاذ: باي يا فانيليا
انا بضحك: باي
مازن بضحك : سلميلي ع صحبتك البارده
انا بضحك: والله مفي حد بارد غيرك
طلعو وانا دخلت
كدا اسبوع فضلت سهرانا بذاكر نمت الساعة 11 وصحيت 3 الفجر اراجع صليت الفجر وكملت مذاكرة ولبست ومشيت ع الامتحان
رحمة: ذاكرتي
انا: الحمدلله بس خايفة برضوا
رحمة: وانا
انا: انا بردانة اوي وحسه ان هعيط
حضنا بعض كنت متلجة بس دفيت كنت وقفة بحفظ ف الخاتمة بتاعة التعبير
رحمة: بس ارميها
انا: استنى بس
رحمة: يابنتي بيفتشو ارميها
شدتها ورمتها
انا: الله يخربيتك ملحقتش احفظ اخر حتة
ندهو الأسماء وكل واحد وقف ف صفو
دينا: إيمان معايا ف اللجنة خلاص مش شيلة هم حاجة
انا: ياشيخة اتنيلي... انتي لجنة رقم كام
دينا: 5
انا بضحك: وانا 4
دينا: يالهوي يا نهار طين
انا: طينتي النهار يامو بوز فقر
رحمة: تعالي يابا تعالي
حضنا بعض
دينا: اوعي اوعي
شدتني وحضنتني
انا: الي يشوفكم كدا يقول جايين تتطمنو عليا اش حال ان كلنا ف الهوا سوا... مرعوبة بصو ايدي همسك القلم ازاي انا كدا
رحمة: وانا
انا: يلا نطلع
كل واحد دخل لجنتو كنت بردانة الورق اتوزع وانا مسكت القلم ولسا بكتب لقيت ايدي وقفت وبترتعش حاولت اهدا
وبعد ماخلصنا نزلت تحت واول ماشفتهم حضنه بعض واحنا بنضحك
انا بضحك: الامتحان كان تافه
لقينا دينا جت وحضنتنا برضوا
انا: عملتي اي
دينا بضحك: غشينا
انا: احيه
دينا بضحك: اه وربنا
انا: اوعو يكونو دخللكم ورق من بره
دينا: اه دخلو بس خفنا نحل منو
انا: ايوه بيبقى غلط احنا اللجنة كانت زبالة
دينا: انتي فارق معاكي اللجنة شده او مش شده دحيحة انتي
انا: أعوز بالله من عينك هو انا عرفة حاجة ف اي حاجة وبعدين الامتحان مش مستاهل اصلا
رحمة: لا كان صعب والله
انا: عملتي اي انتي كمان... هههه شفتو الورق كان عامل ازاي انا شفتو اتصدمت بقولو اي الجرانين الي انتو جيبينهالنا دي
الكل/ ههههه
انا: اللجنة بتاعتنا فيها ولاد
رحمة: يالهوي
انا: اه وربنا مليانا مفيش الا السطر الي جمب الحيطة الي بنات بس مش المفروض البنات لوحدها والزفت لوحدهم
رحمة: احنا الحمدلله بتاعتنا مفيهاش ولاد
دينا: ولا احنا
انا: انتو بتعصبوني يعني ولا اي
دينا: بسملة عملت اي
رحمة: مليتيها
انا: ايوه... دي قعدة ف الاول وانا وراها
رحمة: يالهوي قعدين ف الاول
انا: اه والله
كنا بنراجع الامتحان
انا: الأولى كانت مضاف اليه
رحمة: ايوه
دينا: وانا عملاها كدا... طب التانية اي
انا: فعل مضارع... استنى كان نوعو اي
ولد من الدفعة كان معدي اسمو محمد: مضاف
قال كدا وهو معدي وباصص قدامو ومشي: اي القرف دا هو كان حد سألو
رحمة: مش عرفة انتي مش طيقاه ليه
دينا: محترم والله
انا: اي الهطل دا وانا مال امي انا ل نفسو مش ليا
دينا بضحك: ياريتو ف لجنتي دا
بسملة بضحك: اسيكم
شفتها قعدت اضحك وهيا كمان ضحكت
رحمة: يبقى حاجة حصلت
انا بضحك: ولد من الي ف اللجنة
رحمة بضحك: اه
انا: بسملة متخانقة معاه ف بتقولي لو كنت اعرف انو هيبقى معانا ف اللجنة مكنتش اتخانقت معاه كان زماني وخده كام سؤال
الكل/ هههههه
بسملة بضحك: اه والله لو كنت اعرف مكنتش اتخانقت معاه.... انا مستقبلي ف ايد إيمان دلوقتي
انا: الله ياخد إيمان ع اليوم الي شافتك فيه ماتذاكري
رحمة: اه ذاكري دي صحيه من الفجر تذاكر متمليهاش يابت
انا: مش همليكي
بسملة: بس يا بتجاز... دانا صحبتك يا إيمان اهون عليكي
انا: اه تهوني عادي اي العشم دا
فطسو ضحك كلهم
انا: الدييييين خايفة من الدييين
رحمة: امشي يا إيمان امشي
قعدنا ع الكراسي الي تحت وانا قعدت ع رجل رحمة وكانت حضناني
شهد: خوديني ع رجلك يا شوق زي ايمان ورحمة كدا
شوق: امشي يابت
انا/ رحمة: محدش زينا ياختي
قلنها فصوت واحد ورحنا ضحكين
طلعنا ع اللجنة وحلينا الدين وخلصنا وروحنا
رحمة ف الشات: هتنامي
انا: مش جايلي نوم... انتي جايلك نوم
رحمة: انا بنام ع نفسي
انا: ههههه
رحمة: حاولي تنامي انتي انتي منمتيش عشان تعرفي تركزي بس
انا: هحاول
رحمة: هنام ولما اصحى هكلمك
انا: خلصانة
انتهى الشات... حاولت انام بس معرفتش لقيت صحبتي بترن وقعدت اتكلم معاها وبعد دقائق ولقيت رحمة بترن
انا: الو
رحمة بتريقة: الو
انا: بتتريقي
رحمة بضحك: اصلك قلتيها بطريقة حلوه اوي
انا بضحك: عيزه اي يابت انتي
رحمة: علينا رياضة الساعة كام 9 صح
انا: مش فكرة بس الي فكراه انو 1
رحمة: لا 9
انا: هسأل
رحمة: ماشي ذاكرتي
انا: مش قدرة والله يا رحمة انا معرفتش انام لما روحت اصلا وعندي صداع ومش قدرة افكر
رحمة: قلتلك نامي عشان تعرفي تركزي ناميلك شوية وبعدين ذاكري... انتي كلتي؟
انا: لا صايمة
رحمة: اه صح نسيت... اعملي زي ماقلتلك
انا: هحاول
رحمة: يلا باي
انا: باي
وانتهت المكالمة
حاولت انام وبرضوا مفيش فايده فتحت واتس شوية وقومت اذاكر بس مقدرتش ونمت صحيت تاني يوم كان اجازة رحت الدرس وجيت ذاكرت كان الجمعة والسبت اجازة مقدرتش اسهر ف نمت صحيت الفجر ع صوت الفون وهو بيرن
انا: الو
رحمة: انتي نايمة
انا: اه
رحمة: قومي ذاكري الساعة 5
انا: حاضر
رحمة: يلا وانا هقوم اذاكر انا كمان عرفة لو نمتي بعد مقفل
انا: مش هنام والله خلااااص
رحمة: يلا قومي صحصحي كدا.. باي
انا: باي
انتهت المكالمة.. قومت اخدت دوش وقعدت اذاكر والفجر اذن صليت وقعدت اذاكر رياضة الساعة بقت 6 ونص قومت لبست وجهزت حاجتي ومشيت ع الامتحان عدا 4 ايام خميس وجمعة وسبت وحد وكان كل حاجة تمام والامتحانات كويسة كان امتحان رياضة وحاسب الي الحمدلله حلينا وروحت قعدت اذاكر وبعدين روحت ع الدرس الانجليزي
انا: ام الحصة البارده دي انا زهقت وضهري وجعني من القعده
بسملة: الجو حرر
انا: ايوه كفاية يا مستر
المستر: كفاية اي هو احنا لسا بدأنا يا إيمان صحصحي معايا كدا اوعي تنامي
انا: لا من ناحيه هنام ف انا هنام
الكل/ ههههه
بسملة: دا كلو ولسا مبدأش
انا: اي الحصة المبروكة... دي ضهري اتكسر
اخدنا الحصة وكنا مروحين
بسملة: هتروحي تذاكري ولا هتنامي
انا: ياشيخة هو انا هعرف انام
رحمة: انا هروح انام... لازم كل يوم اصحكي معايا كدا اهو
انا بضحك: منك لله ياشيخة
رحمة بضحك: صحيتها الفجر يابت يابسملة
بسملة: حرام عليكي البت تحت عينيها بقى اسود من قلة النوم وخست
رحمة: فترة وهتعدي
انا: يارب تعدي ع خير
كل واحد روح وانا كنت مروحة شوفت معاذ نازل
انا: معاذ
معاذ بضحك: فانيليا اذيك
انا: وحشتني اوي
بدل ماتدور وتبحث علي الروايات خليها علي تليفونك وحمل تطبيقنا
