روايه غيرة حب الفصل السادس و السبعون بقلم احمد صابر
*روايـة:غـيـرة الـحـب🥳*
*الـبـارت: الـ76🥳*
دخلت غيرت هدومي ولبست ومشيت ع الامتحان... خلصت ونزلت لقيت رحمة قعدة رحت قعدت ع رجليها
انا: الامتحان زي الزفت
رحمة: اه والله
انا: دا الي حاطط الامتحان حاطو ب مبدأ لو راجل حل... بس الحمدالله وبلا فخر حطمنا امالو وحلينا هععع... هااااجر روحي هاتيلي حاجة
هاجر: انشاء الله
انا: قومي متبقيش بااارده... روحي انتي يا ساميه
ساميه: استنى امسكي يا شهد
شهد: لمين
ساميه: ل إيمان
شهد: اجيبلك اندومي
سامية: لا بتتعب منو
انا: عيزه اجيب وخايفة بصي سيبيها ع الله هاتي ومترجعيش ب الباقي هاتي بيهم اي حاجة
سامية: الفلوس بتاكل فيكي
انا بضحك: اه
جابت كيس اندومي وقعد اكلو وانا قعدة ع رجليها
خلصنا وطلعنا امتحنا الماده الي بعدها وروحنا فتحت الباب وطالعة شميت ريحة البرفان بتاعو مقدرتش اتحرك
محمد: خدي يابت
انا: اممم
محمد: عملتي اي ف الامتحان
انا: اسكت الامتحان كان زي الزفت
محمد: وبعدين
انا: لا متقلقش حليت الحمدلله بس كان زفت اوي العيال كلها طالعين يعيطو منو صعبو عليا بجد لجنة بحالها طالعة تعيط
محمد: خلينا فيكي دلوقتي
انا: ياعم حليت الحمدلله انت مش واثق فيا ولا اي
محمد: لا طبعاً واثق
انا: طيب خلاص سبها ع ربنا
محمد: نعم
انا بضحك: بهزر
مازن: يلا سيبك منها رغايا ومش هنخلص
انا: اتفو عليك مهزأ اخوك الي نداني يا حيوان
مازن: حيوان ومهزأ!!
انا بضحك: خلاص خلاص
مازن: عملتي اي ف الامتحان
انا: كان زفت والله بس حليت الحمدلله
مازن: الحمدلله
محمد: فين الورقة
انا: معايا بس متراجعليش بالله عليك انا مش ناقصة انا مصدقت خرجت متقلبش عليا المواجع
محمد: لما اجي هراجعهالك
انا: لا مش هراجع
محمد: لا هتراجعي
انا: لاااا قلت لا
محمد: وانا قلت اه
انا: طب اي رايك هقطع الورقة
محمد: هجيبو من اي حد
انا: مش هراجع انا حره
محمد: ليلتك سوده معايا
مازن: بسسسس فرجتو علينا الناس اركب وانتي اطلعي فوق فضحتونا
طلعتلو لساني وطلعت
والدتي: عملتي اي
انا: عملت اي ف اي
والدتي: الامتحااان
انا: اه.. الحمدلله حليت
والدتي: الامتحان كان كويس
انا: زفت ياماما زفت دانا لو ف ثانوي مش هيجبوه ب الشكل دا دا 40 سؤال
والدتي: طب وانتي عملتي اي
انا: الحمدلله
والدتي: الحمدلله... افطري بقى عشان مفطرتيش
فطرت ودخلت مسكت الفون وتغطيت ب البطانيه وقعدت اللعب سمعت صوت حد بيطلع ع السلم رميت الفون ع السرير وقومت قعدت ع المكتب وفتحت الكتاب وقعدت اذاكر
والدتي: امسكي
كانت جيبالي نسكافيه: شكراً
والدتي: العفوا... شوفتي ابن خالتك انهارده
اخدت المج وشربت: انهي واحد
والدتي: محمد
انا: اه ليه
والدتي: بسأل عادي
انا: هو بابا هيجي امتى
والدتي: الساعة 2 كدا
انا: اوووف
والدتي: في اي
انا: عيزه اطمنو
والدتي: رني عليه
انا بضحك: تصدقي والله مجت ف بالي يخربيتني
والدتي بضحك: ربنا يهديكي
طلعت وانا رنيت ع بابا وقلتلو اي حصل ف الامتحان بتفصيل خلصنا وقعدت اذاكر: ايمان انا راحة عند خالتك هتيجي
انا: ماشي روحي وانا جايا وراكي
مشيت وانا لبست السويتيشرت بتاعو لان نص هدومي بقت عندي يعتبر ونزلت انا كمان
انا: هلوز ب المووز
معاذ: ع عيونك الجوز
انا: بس عشان مش بكلمك
معاذ: ليه بس
انا: اقلك عيزه العب ع الابتوب تكرفلي
معاذ بضحك: كنت بذاكر والله امتحاناتي قربت
انا: اي دا ليه
معاذ بضحك: اي إلى ليه يعني انتي تمتحني وانا لا
انا: هتسافر
معاذ: اه
انا: ليه
معاذ: عشان الامتحانات
انا: مش لازم
معاذ بضحك: مش لازم ازاي بس
وشي احمر وعيوني دمعت: ونبي
معاذ: اي في اي
انا: متسافرش
معاذ: دا هو اسبوعين او تلاتة ب الكتير وجاي مش هتأخر
انا: لا برضوا امتحن هنا
معاذ: ياريت بس مش هينفع
انا: مين قالك كدا بينفع والله فيه عيال من عندنا ف المدرسة اسمهم هنا وهما ف إيطاليا برضوا ولما بينزلو بيمتحنو هنا
معاذ: وهما دلوقتي فين
انا: ف إيطاليا
معاذ: يعني بيمتحنو هناك اهو يبقى مينفعش والله انا اول ماخلص هنزل ع طول
انا: لا برضوا
معاذ: مينفعش والله
محمد: في اي
انا: هتسافرو
مازن: ايوه
انا: ليه خليكو
مازن: قعدنا كتير اوي وبعدين معاذ عندو امتحانات
انا: انقل أوراقو هنا
مازن: مينفعش بدأ هناك يبقى يخلص هناك ومتقلقيش اسبوعين او تلاتة وهينزل هحدفهولك من باب الطيارة يمكن ينزل سريع
ضحكت بعد ماكنت هعيط
معاذ: تعالو داحنا هنضحك ضحك انهارده
انا بضحك: ليه
معاذ: تعالو بس
ببص عليه لقيتو واقف سرحان شديتو من ايدو ودخلنا
قعدنا نتفرج ع فرح خالتي
انا: والله خالتي كانت قمر
مني: قصدك اي
انا: لا مش قصدي حاجة والله انتي طول عمرك قمر طبعاً
بعتتلي بوسه ع الهوا: حبيبتي
محمد: بس انا زعلان منك يا ماما
مني: ليه يا حبيبي
محمد: كدا تتجوزي ومتعزمينيش هو انا غريب
مني: هو انت كنت لسا جيت يابن الهبلة
مازن: انا الي جاي الأول اكيد كنت موجود بس مش فاكر
معاذ: وانا كنت لسا ف بطنها
ملك: انا انهي وحده ف دول يا ماما
مني بضحك: العيال اتجننو... عرفة مين اول واحد سألني السؤال دا وهو صغير
مازن: ودي محتاجة كلام الأهبل دا
محمد ضحك: بس يالا... فيها أي مش بستفسر
معاذ بضحك: قليل الادب
محمد: بس يا ظريف كنت لسا معرفش حاجة
انا: هو سأل عن أي بظبط
معاذ بضحك: مينفعش اقلك
انا: حاجة قليلة ادب
هز راسو وهو بيضحك
محمد: اييييييي انت ايييي قلة أدب اي انتي كمان انتي بتمشي وراه دا كداب
انا: معاذ مبيكدبش
محمد: لا بيكدب
والدتي: حسبي الله ونعم الوكيل فيكو كل ماجي هنا يجيلي صداع
نمت ع رجل خالتي وهو ع رجل ماما وقعدنا نتفرج
انا: تلجت قوم هات البطانيه
محمد: قومي انتي
انا: يالا قوووم
محمد: المفروض انا الي اقلك قومي مش انتي الي تقوميني هااا
انا: ليه انشاء الله
محمد: انا الراجل ياحبيبتي
انا: لا ياحبيبي في مساواة بين الرجل والمرأة ودا حق من حقوقنا
محمد: متتكلميش ف السياسة لا يخدوكي تحري.... وبعدين الرجال قاومون عن النساء
انا: والمرأ تقدر تعمل حاجات الراجل ميقدرش يعملها برضوا والمساواة بين الراجل والمرأة حق وواجب إنساني كما اوصانا الرسول صلى الله عليه وسلم أن نتقي ألله ف الضعيفين المرأة واليتيم وان نعطيهم حقوقهم كاملة وان نعاملهم معاملة حسنه وان تكون المعاملة بيننا وبينهم قائمة ع الود والمحبة والرحمة احنا جوهرة يابني اصلا
محمد: اديكي قولتي ضعيفين
انا: بس يالا يابارد يالا
الجرس رن وملك فتحت لقيت بنت دخلت: السلام عليكم
الكل/ عليكم السلام
مني: يخربيتك يابت وحشتيني اوي فينك كل دا
خديجة: وانتي والله عملة اي
مني: الحمدلله يحبيبتي
سلمت علينا كلنا: إيمان صح
ههزيت راسي ب اه
لقيتها حضنتني
خديجة: انا حبيتك قبل مشوفك والله
انا: ااااه انتي خديجة
خديجة بضحك: اه
انا بضحك: انا جوزتك لمازن
مازن بصلي بصدمة وخبط ع وشو وهيا بصت ف الارض ب احراج
انا بضحك: في اي
خديجة: لا مفيش
انا: تعرفي اني ارتحتلك وانا لو ارتحت لحد بسرعة بيبقى كويس
خديجة: بصي انا مرتحالك من قبل مشوفك والله بس انتي قمر وكيوت اوي
انا: كيوت!! ليه كدا
خديجة بضحك: اي
انا: مش بحب حد يقولي كيوت
خديجة: خلاص متزعليش حقك عليا
معاذ: ماتبطلو بقى مرارتي اتفقت
انا/ خديجة: بس يالا
معاذ: حاضر
انا: انا جوزت معاذ ومازن كدا
معاذ: اه جوزتيني لمين بقى
انا: لصحبتي
معاذ: ياشيخة اسكتي
انا: متتجوزو وحده من إيطاليا عيزه اشوفها
معاذ: نتجوزها مخصوص عشان تشوفيها
انا: اه
معاذ: مازن مش عايز يتجوز دلوقتي خلاص هتجوز انا انا موافق والله
مني: بس يالا
معاذ: مشفتيش انتي البنات الي هناك
انا: اتلم عشان ممدش ايدي عليك... حلوين؟
معاذ: اومال
انا: اوبا طب اي متاخودني معاك
معاذ: بس كدا من عيوني
محمد: اما انتي تقولي كدا سيبتي ل الولاد اي
انا: اصلك مشفتش الأجانب جامدين اوي
محمد: لا شوفت
انا: شوفت اي يا زبالة انت
محمد: البنات
قومت ومسكتو من هدومو وهو نايم: البنات!! اتفو عليك انت والبنات أشكال زبالة وصنف رمرام... واقسم بالله العظيم لو اتكلمت معايا ف اللحظة دي هقتلك سامع هقتلكككك
لقيتو بيغمزلي استوعبت الموقف وبعدت ورجعت مكاني
خديجة بضحك: انتي بتغيري بقى وكدا وبعدين حد يبقى معاه القمر دا ويبص لحد تاني
محمد: قوليلها
انا: بس يالا
محمد: هشششش
انا: ولاااا
محمد: بتتت
انا: في اي ياباشا مالك عصبي كدا ليه دانا بهزر... ياما
الجرس رن وملك فتحت وحنين دخلت: ازيكو... ازيك يا خديجة
خديجة: الحمدلله بخير وانتي عملة اي
حنين: الحمدلله
قعدنا وكان الجو هادي وكنا بنهزر مازن مد ايدو ياخد كباية الميه هو وخديجة ف نفس الوقت ايديهم لمست بعض رحت مصوتة
خديجة سحبت ايديه بفزعة: ف اي
انا: لا مفيش
خديجة: اتفضل
مازن: لا اتفضلي انتي الأول
وقعدو يتعازمو وانا ومعاذ قعدين نبصلهم ونشوف مين الي هيشرب الأول
انا: انا زهقت
معاذ: انتو هتفضلوا تتعازمو كدا كتير متخلصو اي المحن دا
انا: دنيا فيها البدع مفيهاش الغلبان لتعيش طيب جدع يا اما تعيش متهاااان حبل الود اتقطع فوق خليك فهمان
ماما قلعت الشبشب وحدفتني بيه: صوتك وحش
محمد: هيا الي بتخلي صوتها كدا
والدتي: متغنيش تاني
انا: هغني
والدتي: شوفت بتستفزني ازاي
محمد بضحك: معلش حقك عليا
والدتي: عرفة لو سمعت نفسك هقتلك
انا: انا الشيطان يا ملايكة ف بلاش تندبني كل يوم عاركة والجن زاملني عشقاني جنيا بليل بتجيلي وعشيرة حواليا ف الشر بتخودني
والدتي: قومي يابنت الجزمة من هنا
وطلعت تجري ورايا ب الشبشب: الحقوني
والدتي: يامو صوت مسرسع
محمد بضحك: خلاص يا خالتي
والدتي: لااااا دلعك فيها دا الي بوظها بتستفزني البت
استخبيت وراه وانا بضحك: استلقي الضرب بقى
والدتي: اوعا سيبهالي
محمد بضحك: ياخالتي خلااااص بتهزر معلش حقك عليا انا المره دي
انا: خلاص والله خلاص
والدتي: ماقلتلك تقعدي ساكتة
انا: هقعد ساكتة والله
لفتت عشان تمشي: حبيييييتك
والدتي: اقسم بالله ماهسيبك
انا: خلاص ونبي خلاااااص بصي هسكت
والدتي: بتعصبيني يابت
محمد: متقعدي سكتة والله اسيبها تضربك
انا: خلاااااص
محمد: وطي صوتك انتي تحت رحمتي دلوقتي
انا: انا اسفه يا استاز محمد حلو كدا
محمد: ايوه كدا اتظبطي
انا: خلاص ياماما بقى
والدتي: تقعدي ومسمعش صوتك المسرع دي الأطفال دا
انا بضحك: حاضر
قعدت وانا بحاول مضحكش: هنزل اللعب
محمد: لا
انا: ليه
محمد: هو كدا مفيش نزول
مني: هتيجو معنا
محمد: فين
مني: هنروح عند عمك وبعدين عند خالتك
انا: اه انا اجي
محمد: انتي شابطة ف اي حاجة... لا
مني: بلاش مشاكل... يلا يا ديچة
خديجة: يلا
نزلو كلهم وفضلت انا وهو ومعاذ وملك والباقي مشيو
انا: حرام عليك كنت عيزه اروح
كان ماسك الفون ومش عايز يرد: هنزل اللعب طيب
محمد: خشي ذاكري يا إيمان
انا: زاكرت يا محمد والله زاكرت وخلصت
محمد: المذاكرة مبتخلصش
انا: انا خلصتها ومش عيزة اذاكر انا زهقت هنزل اللعب يلا يا معاذ
جه يوقفني طلعت اجري وفتحت الباب ونزلت اجري ومعاذ فطسان ضحك: ايمااان
كنت طلعة اجري منو وهو ورايا: ايمان اقفي
انا: لا سيبني اروح اللعب
محمد: طب اقفي طييييب
طلعت اجري بس تعبت ووقفت راح ماسكني من هدومي: همووووت
محمد: انتي هبلة يابت طالعة تجري ف الشوارع زي الأطفال ومجرياني وراكي
انا بضحك: مانت مش سايبني اللعب
كنت باخد نفسي ب العافيه من كتر الجري قعدت ع عربية هناك
انا: يالهوي قلبي مش قدرة اخد نفسي
محمد: من الجري... براحة اتنفسي ع مهلك براحة اهدي
قعدت اتنفس براحة وبعدين قعدت اضحك لما افتكرت انا جريت ازاي ببص لقيت معاذ جاي وهو فطسان ضحك وملك معاه
معاذ بضحك: مش قاااادر مسخره يخربيتك
معاذ حط ايدو ع وشو وقعد يضحك
ملك بضحك: فطست
قعدنا نضحك كلنا
محمد بضحك: عملة ذي الأطفال
انا: عيزه اشرب
راح السوبر ماركت وجاب ازأزة ميه وادهالي اخدتها ولسا بشرب رحت ضحكة الميه كلها جت عليه انا ومعاذ وملك فطسنا ضحك
انا بضحك: اسفه
محمد: اسفه اي بقى انا استحميت
انا: هههههه
محمد: بتضحكي ع اي يلا قدامي
روحنا ع البيت وطلعنا ودخل غير هدومو جبت كبايه ميه وكنت بشرب الا وهو طالع من الاوضة رحت منفجرة ف الضحك والميه جت عليه تاني راح خابط ع وشو
محمد: انتي عايزة مني اي يابت
انا بضحك: كل مشوفك بفتكر وانت بتجري ورايا ومش بقدر امسك نفسي والله
ضحك ف الجه الأخرى ودخل غير هدومو تاني وطلع قعدت اضحك : يابنتي خلاص
قعدت اضحك بطريقة تضحك
معاذ بضحك: اي الضحكة دي
محمد حط ايدو ع بوقي قعدت اضحك برضوا وعيني دمعت
لقيتهم كلهم ضحكو ع منظري: بس بس خلاص مش هضحك
سكت وبصيت قدامي وبصيتلو وحطيت ايدي ع وشي وقعدت اضحك
محمد: خلاص بقى
بدل ماتدور وتبحث علي الروايات خليها علي تليفونك وحمل تطبيقنا
