روايه غيرة حب الفصل الثانى و الثمانون بقلم احمد صابر
انا:ياما
محمد: يلا نروح بقى عشان نلحق حبة تهزيق
انا: من مين
محمد: من العيلة كلها
انا: ياليلة فل
محمد: ع الكل
مشينا لحد العربية وركبنا وساق وبعد وقت مش كتير وصلنا كان القصر كلوا منور
محمد: مستنينا كمان دا اي الحلاوه دي
انا: انا خايفة اوي
محمد: لا ياحبيبي خيفة ليه داهو شوية تهزيق وقلة كرامة وخلاص خلصنا
انا: انت بتخوفني ولا اي حكايتك
محمد: انتي لسا شوفتي حاجة ادخلي ادخلي يارب يكونو نامو بس
دخلنا احنا الاثنين رن الجرس وحنين فتحت
دخل ونا مستخبية وراه
بصيت ب عين وحده عليهم وكنت مسكة فيه ومستخبية وراه
محمد:اطلعي مفيش حد
انا: هما فين
حنين: الحمدلله جينا لقيناهم نايمين كانو مفكرينا اننا نايمين برضوا
انا: الحمدلله... خوفتني ع الفاضي
محمد: وانا كنت اعرف منين انهم ناموووو
معاذ: بس اتأخرتو كدا ليه انا قولت هتيجي من غيرها قولت رماها من العربية وخلصنا من هبلها بقى
انا: بعد الشر عليا انشاء انت وانا لا
معاذ: اعوز بالله ياساتر اي اللسان دااااا
محمد: بقلك يا معاذ
معاذ: والله هيا الي قالتلي وديني انا قعدت اقلها محمد هيزعق مينفعش نخرج منغير حتى منقول لجدكم مرديوش انا مليش دعوة ياباشا والله
محمد: كان نفسي اقلك اعترف من اول قلم لاكن دا اعترف منغير مقلو ان مكنتش عيزو عشان الموضوع دا اصلا
انا: حيوان
حنين: جزمة
معاذ: حبايبي تسلمو
محمد: انا داخل انام
انا: اي هو معدش فيه دم انا مش جايلي نوم تقولي رايح انام
محمد: اعمل اي يعني
انا: اقعد معانا
محمد: الساعة وحده يا إيمان ادخلي نامي عليكي امتحان
انا: ياهوى تصدق
بيقلدني بتريقة: ياهوى شوفتي
انا: سخيف... انت هتمشي امتى
محمد: 5 ونص كدا
حطيت ايدي ع وشي: بدري اوي
محمد: اممم
انا: هتلحق تنام اي ف التلات سعات دول
محمد: هلحق انشاء ألله... يلا تصبحو خير
الكل/ وانت من اهل الخير
كل واحد دخل اوضتو دخلت الاوضة غيرت هدومي ل بيجامة قطن بينك وعليها فراولتين جيت انام معرفتش ف قومت وفتحت الباب وخبطت ع حنين
حنين بنوم: مين
انا: لحقتي تنامي يابختك... افتحي
فتحت الباب وبصتلي ب استغراب: انتي منمتيش
انا: لا مش عرفة انام
حنين: متهزريش هو انتي جايا عشان نسهر
انا: لا هنام عندك انا خايفة انام لوحدي
ضحكت ودخلت نمت انا وهيا افتكرت الكلام الي قالهولي ف عيطت منغير صوت
حنين: اي دا في اي
فتحت النور وبصتلي: انتي بتعيطي؟ في اي
انا: مفيش نامي واسكتي
حنين: مش هنام الا معرف بتعيطي ليه... اهدي
انا: مفيش يا حنين نامي بقيييي
حضنتني وقعدت تطبطب عليا لحد مانمت صحيت ع صوت قرأن الفجر اتوضيت ووقفت ف البلكونة المنفصلة عن الاوض كلها
محمد: سهرانه ليه
التفت وبصيت لقيتو طالع ع السلم سندت بضهري ع البلكونة: انا لسا صحيه اصلا سمعت قرأن الفجر قولت اقوم اصلي وانت صاحي ليه
محمد: الساعة دلوقتي 4 ونص هصلي وبعدين همشي
رجعت بصيت قدامي وحطيت ايدي ع سور البلكونة
ملك: اوبا بتعملو اي هنا
انا/ محمد: الروتر جه
ملك: اخس عليكم بجد زعلت... قولولي بس بتعملوا اي
محمد: بنلعب
ملك: لعبوني معاكو طيب
انا: لما تكبري
ملك بغمزة: هو اللعب للكبار بس ولا اي
محمد مسكها من هدومها زي الفار: قلة أدب مش عايز
انا: قصدها اي الروتر دي
محمد: مش لازم
معاذ: في ايييي صوتكم عااالي ليه الواحد مش عارف ينام
ملك: انا كنت بشرب طلعت لقيتهم مع بعض
معاذ بغمزة: كنت بتعمل اي يا حضرة الظابط قولي مش هقول لحد
انا: بيغمز ع اي الحيوان دا متحترمو نفسكو ياحلوف منك ليها احنا كنا نازلين نصلي
معاذ: استغفر ألله ان بعد الظن إثم
محمد: دماغك وسخة اوي
معاذ: دانا طيب والله
بصيتلوا بقرف راح رافعلي حاجبو: مش عاجبك الكلام ولا اي
انا: اقعد ساكت يالا
معاذ: حاضر
محمد: بما انكم صحيتو يلا نصلي سوا
نزلنا كلنا وصلينا سوا... وبعد ماخلصنا كان الكل صحي عشان يسلمو عليه قبل مايمشي وكان هو بيجهز حاجتو طلع وباس ايد خالتي وراسها وماما وجدو كذالك وسلم ع اخواتو
محمد: انا مش عارف اي الأوفر الي انتو فيه دا مبحبش الجو دا اوعي ياض كدا
معاذ: محمد
محمد: عايز اي
معاذ: متجيب بوسة
محمد: ولا اتظبط كده انا بقيت اخاف منك
معاذ: والله مابهزر جيب بوسة انت قمر كدا ليه يالا
كلهم فطسو ضحك عليه
معاذ: بيضحكو ع اي هو انا بهزر ولا اي
حضنو وباسو من خدو
محمد: بس بقى بس بقى كفاية انت لو مراتي مش هتعمل كدا
معاذ: اخس عليك هتتجوز وانا موجود
محمد: ماما حوشي ابنك عني بقيت اخاف منو وربنا
الكل/ ههههه
لقينا باب الاوضة الي فوق بيتفتح فضلنا باصين ع السلم مش شيفين حد لان السلم حاجب الرؤية ع اخر درجة لقيتها حد بينزل فطسنا ضحك عليها
طلعت تجري عليه ونزل لمستواها وباسها من خدودها الاثنين وهيا باستو كذالك وحضنتو
حنين بضحك: درة إيمان اهي
معاذ بضحك: اوقات بحس ان البت دي فهمة كل حاجة وبتتعمد تغيظ إيمان
كنت قعدة ع الانترية ضامة رجلي وقف وتجه ليا ولسا هيتكلم
نسرين جت شدتو الكل ضحكو
معرفش عيطت ليه: يا شيخة اوعي بقى دانتي حرباية اوي
حطيت ايدي ع وشي وقعدت اعيط وانا كنت وقفة ع الانترية وخالتي وماما عيطو هما كمان.
مسح دموعي: عاجبك كدا الشلالات فتحت انتو ليه موصرين تشيلوني الهم وتمشوني مدايق
منى بعياط: مش ب ايدينا حاولنا والله
محمد: خلاص يا ماما انتي وخالتي بقى...
دخلو الاوضة عشان ميعيطوش قدامو
بصلي ومسك دمعتي ب ايديه: ليه كده
فضلت اعيطت
معاذ: خلاص يا ڨانيليا حطمتي قلب نسرين
ضحكنا كلنا عليه
معاذ: اه والله بصو عليها بس قعدة ازاي زي الولية المطلقة ومتأثرة راعو مشاعرها واحاسيسها طيب... تعالي يا حبيبتي تعالي
راحت عليه ولسا هيحضنها ضربتو ب القلم
معاذ: شكراً مش عارف منغير القلم دا كنت هعمل اي
مازن: انتو متأكدين ان البت دي صغيرة ومش بتحور علينا
معاذ: اكيد بتحور علينا طبعاً هيا دي تصرفات طفلة
حنين بضحك: بتغير ع محمد موووت
معاذ: يابختك ياعم ماشيا معاك زي السكينة ف الحلاوة مش عارف تلاحقها من دول ولا باقي البنات
انا: باقي البنات!!
معاذ: اه انتي متعرفيش ولا اي لا صعبتي عليا... طب اقلك كنت ماشي انا وهو تقوم البنت غمزالو شوفتي وصلت لحد فين
بصيتلوا ب صدمة هز راسو ب لاء
معاذ: اسمعي منى وربنا حصل... وهو فضل متنح بس البت اي فورتيكة كان ناقلصها اتنين فولت وتنور
بصيتلو بصدمة: هارك طين الكلام دا حصل
محمد: انتي تصدقي عني الكلام دا دا كداب
انا: تنحت؟
محمد: تنحت بس مقلتلهاش هاتي الرقم
شديت السكينة الي ف طبق الفاكهة وقربت عليه وهو رجع لورا: انا بقى هشرحكم انتو الاثنين
محمد وهو بيرجع لورا: اي يا ايمان انتي صدقي معاذ ولا اي هو قال اي يعني لكل دا
انا: ولا حاجة قال كل خير
معاذ وهو بياكل الموز: حصل
قربت اكتر وهو بيرجع لورا : سيبي السكينة دي يا إيمان عشان هتعوري نفسك
انا بتأثر مصطنع: خايف عليا
محمد بجدية: اكيد يا إيمان هخاف عليكي اومال هخاف ع مين يعني
ايدي ارتخت وانا مسكة السكينة وبصيتلو
معاذ: ياعيني يابنتي ثبتك بكلمتين افتكري الغمزة
محمد: انت يا معفن يا جزمة انت بتولعها هتبقى السبب ف قتل اخوك ياهبل
معاذ: اسكت كل مافتكر البت اندم ان مرحتش طلبت الرقم أخلاقي منعتني كنت ارمي ام الأخلاق ع جمب بس مفيش غروري وكبريائي مسمحوليش
انا: هيا حلوه اوي كده
معاذ: فورتيكة بقلك
انا: والله لقتلك يابن منيييييي
محمد: وانا ماااااالي
انا: مش انت بصيتلها
محمد: وربنا محصل انا بهزر اتكلم يا جزمة
معاذ: ايوه بيهزر... بس غمزتلو
انا: اهووو
محمد: وانا مالي ب دي كمان
معاذ: دي مش اول بنت تعمل كدا يا ڨانيليا وآلله
محمد: معااااااااذ.... نزلي يابت السكينة السلاح يطول
انا: لازم افتح كرشك انهارده
حط ايدو ع خدي: هاتي ياحبيبي السكينة هاتي
السكينة وقعت من ايدي ع الارض جابها وبص لمعاذ ب شر : هشرحك بس استنى
معاذ: يامااااا
محمد: عيل اهبل
وانا كنت لسا وقفة مصدومة
محمد بضحك: مالك
انا: ها
حط ايدو ع خدي تاني: ها اي
معاذ: اعقل يا ميدو متتهورش
محمد بص الجه الأخرى بعصبية وقلع الكوتش و حدفو بيه جه ف راسو
معاذ: كدا يا ميدو تجيبلي ارتجاج بالمخ... بس اقلك حريف ف النشان
محمد: ياك نخلص
معاذ: تؤ تؤ انا هفضل عشان ازهقك ف عيشتك
أنا: يابني مفضلش الا انت خلي عندك دم وادخل وسيبني اقول الكلمتين دانا قربت انساهم
معاذ: تبقى معانا احنا بارد ومصدر الوش الخشب ومحدش عارف يتكلم معاك كلمة واول ماتشوفها تقلب روميو قلبي وربي غضبانين عليك ليوم الدين يا محمد يابن أمي وابويا
محمد: انت هتدخل ولا اي حكايتك
معاذ: هدخل عشان أنا بحبك بس
محمد: خش ياحبيبي
اتحرك وكان داخل وهو بصلي عشان يتكلم
معاذ: بقلك يا ميدو
محمد: لأ انت جبت اخرك معايا كده
معاذ: خلاص داخل وآلله داخل
دخل وهو بصلي عشان يتكلم لقيتو ضحك: انا نسيت كنت هقول اي وآلله... يلا مش مهم... ذاكري كويس عشان امتحاناتك ومتشغليش بالك ب حاجة غير امتحاناتك وانك توصلي لهدفك... وإنشاء الله كلو هيبقى تمام
انا : هترجع
محمد: انشاءالله
أنا: انشاء ألله
نزل وانا نزلت وراه فتح الباب وطلع وحط الشنطة ف العربية كلهم كانو موجودين
انا: حظابط
كان هيركب بس لفت وبصلي: نعم يابنت قلبي
انا: هتوحشني ع فكرة
محمد: ها
انا: لا مهو انا مش هعيدها تاني
لقيتو باصصلي ومبتسم وساكت ف اتوترت من نظرتو: احم في اي
مكنش بيرد هوشت ب ايدي قدام عينه
محمد: ها في اي
انا: فراخ بانبه
ضحك وبعدين كمل
محمد: خلي بالك من نفسك واي حاجة انا حزرتك منها اوعي تعمليها يا إيمان واعتبرني كأني موجود بظبط
انا: حاضر وآلله مش هعمل مشاكل وهذاكر وهنام بدري وهشرب اللبن وادويتي هاخدها ف معادها
محمد: وعد
انا: وعد هعمل كل حاجة بس ترجع
اخد نفس وراح لحد العربية و ركب وبص ف المرايه وغمز هرشت ف شعري وبصيت ف الارض ف ضحك وساق العربية ضحكتي كانت بتختفي تدريجيا كل ماشوفو بيختفي من قدامي فضلت وقفة وبصة ع الطريق وسرحانة
معاذ: يلا يا رفيقتي ف المصايب
ابتسمت ودخلنا سوا
معاذ: بدأنا بقى مكشرة ليه دلوقتي
انا: مش مكشرة
معاذ: اصدقك واكذب عينيه
انا: كل شي الا الفراق ف متسيبنيش وانا مشتاق
معاذ: عمري ماتخيلت يوم ابعد واسيب قلبي معاك
انا/ معاذ: اصدقك واكذب عينيا دانت شوفت أجمل مافيا ومكنش عندي اي نيه انساك وتضيع من مبين ايديا
انا: يخربيت عقلك صوتك جميل يالا هيا وراثة ولا اي
ضحك وهرش ف شعرو ب احراج
انا بضحك: احيه معاذ بيتكسف
بصلي بصدمة: قصدك اي يا ڨانيليا
انا: ولا حاجة ياسطا
معاذ: طب بقلك اي يا شق
انا: قول يا زميلي
معاذ: متسمعينا حاجة كدا
انا: لمين يسطاا
معاذ: كابونجا دا ولا اسمو اي
انا بضحك: ولله ولا انا فكرة اسمو بس تقريباً كامونجا يالا مش عرفة
حنين: كابونكا
انا: تقريباً
معاذ: اهو اي حاجة يلا
انا: معايا يعني
معاذ: اه بصي انا ف دماغي اغنية وانتي فكري ف اغنيه بس متقوليش عليها واول ماغني لو طلعت هيا الي ف بالي اطلبي الي انتي عيزاه
انا: خلصانة
معاذ/ انا: طب وحشك صوتي ولا اتنسي طب حسيتي ب النار والقسي مرتاحة من بعدي كويسة ولا البعد دا هد ف حيلك اشمعني البعد واجعني انا مش عارف اعيش اه وربنا
معاذ: لا بحييكي ع أداءك الرائع La tua performance è deliziosa
انا: مالك؟ لا بقلك اي كلمني زي مبكلمك كدا اه انا بتكلم عربي ب العافية اصلا ف شغل الثقافة بتاعك دا مش هيمشي معايا خلينا حلوين مع بعض كدا اه متستغلش أن حظابط مش هنا عشان يترجملي
انفجر ف الضحك هو وحنين وعنيه دمعت
انا بضحك: في اي يا متخلف انت
معاذ بضحك: الميه الميه
اديتو كباية الميه شرب وحطها وقعد يضحك تاني
انا: استناك ع متخلص ضحك طيب ولا اي... بتشتمني ب الإيطالي صح ياجزمة
معاذ بضحك: هموووت
انا: اقلك نكتة
معاذ بضحك: انا بضحك من دلوقتي اصلا
انا بضحك: بيقلك ههههه اسمع بقى
كل مانبص لبعض نضحك
معاذ بضحك: هو مين الي بيقولي وبيقولي اي
انا بضحك: بطل استظراف ياعم وسيبني اكمل
معاذ بضحك: كملي
لسا هتكلم بصيتلوا وانفجرنا ف الضحك
انا: بسسس هقول بسرعة... بيقلك مرة طالب دخل للاستينت بيقولها عايز المذكرات ف قالتلو خلصانة بيقولها اشطا يا ميس قالتلو اشطا اي انا قصدي أن المذكرات خلصانة
معاذ: احم فين الضحك
انا: مانت عمال تضحك من الصبح قبل ماتكلم ف الضحك خلص
معاذ: هو انا بشرب اييي الي الضحك خلص
انا بضحك: طب قول انت
معاذ: مفيش نكت ف دماغي دلوقتي وآلله
فجأة انا وهو قعدنا نغني بصوت عالي: طب وحشك صوتي ولا اتنسي طب حسيتي ب النار والقسي مرتاحة من بعدي كويسة ولا البعد دا هد ف حيلك اشمعني البعد واجعني انا مش عارف اعيش اه وربنا
معاذ: في اي بتعيطي ليه
بدل ماتدور وتبحث علي الروايات خليها علي تليفونك وحمل تطبيقنا
