روايه غيرة حب الفصل الرابع و الثمانون بقلم احمد صابر
انا : ابو شكلك
نزل وقفل الباب وانا قعدت انا وحنين
حنين: هتشقطهم بنت المدايقة
انا: محمد سافر ف الوقت المناسب صحيح منعرفيش الخير فين
حنين: انتي فرحانة انو مشي ولا زعلانة ولا اي حكايتك
انا: زعلانة اكيد بس انتي مشفتيش البت فورتيكة ع رأي الواد معاذ
حنين: والله لخليها هيا الي تهرب من هنا
بعد 4 سعات بظبط معاذ دخل وهيا وراه
معاذ: اهلا بيكي ف مسرح مصر
حنين: يا حزن محزن بحزن
انا: قلبي الصغير لا يحتمل
حنين: اي إلى هيا لبساه دا
كانت لبسه بالطو وبوط ونص رجليها باينة ومسيبة شعرها
انا: هار اسود... هيا معندهاش بناطيل ولا اي... متستوري نفسك يااوختي
بصتلي بستغراب وبصت لمعاذ وبدأت تتكلم ب الروسي
انا: اه يابنت الجزمة اكمني مش بعرف روسي يعني طب والله اخلي حظابط يعلمني
معاذ وهو بيمثل الصدمة: لا ياشيخة مش لدرجة دي
انا: انت لسا هتتصدم ترجم
معاذ: اصل... لا ولا اقلك بلاش
انا: معاذ متعصبنيش قاااالت اييي
معاذ: بصي بصراحة كده بتشتم عليكي بتقول هيا مجنونة ولا اي انا قعدت اقلها يا حجة ايميلي عيب مينفعش كده الي بتقوليه دا إيمي ست عاقلة مسمعتش كلامي
انا: اه يابنت ال....
وشديت السكينة من طبق الفاكهة بس معاذ وقفني
معاذ : استهدي بالله ياسيد المعلمين
انا: ابعد عن وشي يا معاذ بدل مدب السكينة دي ف كرشك ابعد
معاذ: لا وع اي الطيب أحسن شوفي شغلك ياباشا
مسكت السكينة ووجهتها عليها: مين دي الي مجنونة يا بتاعة انتي اوعي تفكريني كيوووت لااااااا ميغركيش المظاهر ياختي
كانت بصالي وخايفة من السكينة وقعدت تتكلم بس انا مفهمتهاش
انا: بجد وبعدين
معاذ: انتي فهمة هيا بتقول اي
انا: لا
الكل/ هههههه
انا: معاذ هو انا ممكن ابوسها
معاذ: ياحبيبتي انتي تعملي الي نفسك فيه
بوستها من خدها لقيتها باستني
انا: هيغمي عليا
معاذ: حقك بصراحة
انا: تعرف يا معاذ انت معداش عليك 3 دقائق تربية والله
معاذ: تسلملي يارب مش عارف منغير تهزيقك دا كنت هعمل اي
الباب اتفتح ومازن دخل: اووووه صنف مستورد ف بيتنا يا مرحبا يا مرحبا
ايميلي قلعت الجاكت وكانت لبسه تيشرت قصير وشورت جينس
الاثنين دارو وشهم الجه الأخرى وادوها ضهرهم
مازن: ياسنة سودا... اي إلى بيحصل دا
معاذ: اي الي انا شايفو دا
مازن: هنهزر !!
معاذ: حطو حاجة ع المانجا دي استغفر الله العظيم اخلصو
شدت مفرش السفرة وحطتو عليها
انا: يخربيت حلاوتك
مازن: فين جدي
معاذ: طلع من بدري
مازن: طب حطو البتاعة دي ف اي حته ب الي هيا لبساه دا جدي لو شافها هيطردنا كلنا
معاذ: ليه بس دي حتى ايميلي كيوت
مازن: انت تخرس خالص
طلع فوق واحنا واقفين نبص عليها
انا: اطلع ع اوضتك انت كمان يلا... صحيح هو محمد عارف انت البتاعة دي جاية
معاذ: دا عمي الي كان قايلو هو الي يروح يستقبلها من المطار اصلا بس عشان هو مشي ف انا روحت
حنين بضحك: اوووه بعترف الصراحة محمد زوقو اي قشطة
انا: حنيييييين في اييييي عيزه تنقطيني الله ياخدك حد يلحقني ب شوية ميه بسكر يا حرقة الدم الي انا فيها اه ياحوستي السوده يانا ياما الواد اتشقط خلاص... وانت يا جزمة اطلع فوق اطلع
طلع وهو بيبعتلها بوسة ع الهوا وهيا كمان
انا: ياننوس عين ماما اطلع يالاااا
معاذ: يامااااا طاالع
طلع وانا وحنين فضلنا تحت
انا: البت كيوت ياحنين يابنتي بلاش شر
حنين: شر اي يا شيخة طول ماهيا بعيده عن الشباب انا تمام
انا بغمزة: قصدك مين بظبط يا حون هاا مش سهلة انتي ع فكرة
حنين: ايمااااان
انا: خلاص ياختي بلا ايمان بلا بتنجان... بس البت مالها طويلة كدا ليه
حنين: طولي ع فكرة
بصيتلها بقرف
قعدت تتكلم ب الروسي واحنا بصينلها وفاتحين بوقنا
انا: بتقول اي الملبن دي
حنين: اي يابنتي اما انتي تعملي كدا الشباب يعملو اي
انا: عزراهم والله دي البت... وشاورت ب ايديها ... البت موجة البت وتكة كده موزه انا لولا الملامة كنت بوستها من بوقها
حنين: يخربيتك
خالتي طلعت من المطبخ: بسم الله الرحمن الرحيم اي دي
انا: ايملي
منى: وانتو لفينها كدا ليه ب المفرش
انا: شيلي المفرش ياحون
شالت المفرش من عليها خالتي اتصدمت: حطي حطي اوعي تشيليه تاني انتي فهمة
انفجرنا ف الضحك
مني: هيا معندهاش هدوم ولا اي
انا: الكيريلات بتعتها اهي اكيد فيها
منى: طب طلعوها اوضة الضيوف
حنين: لا دا ف الدور الرابع
منى: واي المشكلة
حنين: ماهو مازن ف الدور التالت وهيا ف الرابع
منى: واي يعني يابنتي
حنين: لا ياخالتي البت دي شكلها مش كويسة ممكن تستفرد ب الواد
خالتي انفجرت ف الضحك عليها
حنين: انتي بتضحكي يا خالتي انا بتكلم بجد
منى بضحك: خلاص الي تشوفيه الأوض كتير
معاذ: اوضتي موجودة برضوا
انا: بس يا حيوان انت اطلع فوق..اما دي هتبات ف اوضتي وانا هبات ف اوضت محمد عشان تبقي قصاد عيني
معاذ: عوضنا ع الله ف الشوكلاتاية هنعمل عليها قهوة ساده بكره
انا: ممكن دلوقتي لو تحب
معاذ: دانتي هتشوفي ايام سوده صعبانة عليا اوي حتة المنجايا دي تتمرمط والله
انا: اطلع فوق احسنلك بدل ماطلع افتح كرشك ب السكينة يا معاذ
معاذ: طب سامو عليكو اه اصل العمر مش لعبة برضوا
طلع وانا دخلت لبست بيجامة لونها اصفر وعليها كتكوت لقيتها بتبصلي وبتضحك ومسكتني من خدودي وهيا بتتكلم وانا مش فهمها: بصي بقى يابتاعة انتي عشان حساكي كدا والله اعلم يعني انك بتتريقي هتلمي نفسك معايا انا بزات هنمشيها ودي هتقلي بعقلك هتبقى المعاملة ميري ع رأي حظابط تمام يابا يلا اتخمدي بقى مش عيزة اشوف وشك امك القمر دا
طلعت ورحت الاوضة التانيه بس نسيت الشراب بتاع البيجامة ف رجعت اخدو
انا: اوبااا... اش الصاروخ هاد
حنين: عملت اي بنت ال... يالهوي
بنبص لقيناها لابسة تيشرت قصير ديق وشورت وقعدة بتحط كريم ع رجليها
انا: عرفين احلى حاجة ف الموضوع اي
حنين/ ملك : اي
انا: انها مبتفهمش مصري ف هنشتم براحتنا
دخلنا ولبست الشراب وقعدنا قدامها: انتي بنت جزمة
حنين: وحمارة
ملك: وعبيطة
نزلنا شتايم فيها وهيا بتبصلنا بستغراب وقعدت تورتون بكلمات كالعاده ومفهمناش
انا: ياحبيبتي يابنتي كل دا حصلك
حنين: هيا قالت اي
انا: معرفش
حنين: اومال بتتكلمي ع اساس اي
انا: بدل منفضل شبه البهايم كدا مش فهمين حاجة
حنين: اتكلمي عن نفسك
انا: ع اساسك انك فهمة دانتي حماره انتي كمان
حنين: بت احترمي نفسك انا اكبر منك
انا: ماحظابط اكبر منى وبشتمو وباخد ع قفاية عادي
حنين: يعني اديكي ع قفاكي
انا: انتي لو فكرتي بس تمدي ايدك هكون وكلالها انما هو مقدرش أكلمو عشان بخاف منو اصلو ايدو تقيلة اوي الصراحة
حنين: هههه
ايميلي شافتها بتضحك راحت ضاحكة
انا: من خبرتي ف الناس احب اقلك ان البت دي فهمة كل حاجة وبتشتغلنا
حنين: متشغليش دماغك تاني ابوس ايديك
انا: اوووف... المفروض تقوليلي اه عندك حق يابت يا إيمي ونعمل blan عشان نكشفها وف الآخر نتطردها طردت الكلب من هنا
حنين: اطلعي من الفيلم الي انتي فيه دا احنا ف الواقع ياحبيبتي مفيش من الهبل دا
انا: بس الي بيحصل دا اكنو ف افلام وحده تيجي يقوم البطل يحبها ويتجوزها ف السر ولما البطلة تعرف تطلب الطلاق ويفضلو يجرو ع المحاكم و....
حنين: بسسسس في اي انتي هبلة ها هبلة
انا: اسمعي منى دا الي بيحصل
حنين: يعني الولاد هتتشقط
انا: هتتشقط ياحنين
الجرس رن وحنين راحت فتحت ومنة جت معها
منة بضحك: اي دا جايبين نسوان الله اكبر
حنين بضحك: ناقص الخمرة
انا: والله أبلغ عنكم البوليس يجي يلمكم يا كلاب
حكينالها كل حاجة حصلت ب التفصيل لحد ماهيا جت
منة: والسنيورة هتفضل شهر
انا: ايواااا.... البت دي لو محمد اتجوزها انا مش هعتب عليه البت موزه يخربيتها صاروخ أرض جو صاروخ اي دي قاعدة صواريخ متحرك
الكل/ هههههه
انا: احنا قاعدين نغيظ نفسنا والبت عادية اصلا انا كل مشكلتي بس ف لبسها لو تستور نفسها بس
حنين: اه والله احنا الي بنحب نأفور
منة: اهو بنتسلي
ملك داحنا هنتسلي كل يوم دا شهر
انا : انا هبات هنا الليلة دي
حنين: هو انتي متجوزاها... انا الي هبات هنا
منة: ولا انتي ولا هيا انا الي هبات هنا وف حضنها كمان
انا: نسألها هيا الأول
حنين: والله ع اساس انك هتفهميها وتفهمك
انا: قولي كدا ايمان مرة
كانت بصالي ومتنحة ومش بتتكلم
انا: اقفلي بوقك لا الدبان يدخل
ايميلي: ها
انا: ها انتي.. هيا بتشتم ولا اي
حنين: مش عرفة
منة: اوعي بس انا هنام جمبها
انا: هيا كانت امك يابت اوعي انا هنام جمبها انا
حنين: اوعو اوعو السرير واسع هنام كلنا
انا: بس انا الي هنام ف حضنها... الحقو الجو بيمطر
طلعنا نجري ع البلكونة وهيا كانت قاعدة ع السرير وبتحط كريم ع رجليها
فضلنا وقفين ف البلكونة رفعت ايدي ودعيت انو يكون بخير : ادعي ياجزمة منك ليها
رفعو ايديهم وفضلنا ندعي
بصيت كانو اتنين واقفين تحت المطر وبيضحكو ف ضحكت
انا: ياااارب
فضلنا واقفين لحد مالمطر وقف: يالهوي الجو تلج يلا ندخل
دخلنا وقفلنا البلكونة لقيناها نايمة
انا: اتخمدي لكتم نفسك ب المخدة دي ونخلص بلبسك دا
ضحكو عليا وطلعنا وقفلنا الباب وكل وحده راحت اوضتها
اول مادخلت الاوضة افتكرتو ف ضحكت: والله سأشرحك بس لما تيجي... بقى تبقى عارف ان الموزة دي جايا ومتقوليش تضحك عليا البت حنين ماااشي يابن منى
شديت البطانية ونمت وعقلي قعد طول الليل ف فلاش باك وبحلم بيه... صحيت الساعة 4 ذاكرت شوية وصليت الفجر وفضلت لحد الساعة 6 ولبست هدومي بعد ما رحت انا ومعاذ جبنا كل حاجة من البيت واخدت الكتاب واخدت كباية ميه ورحتلو
انا: انا همشي ب الطيب الأول صحي كان بها مصحيش هصحيه بطريقتي... معاذ... مصحيش
ورحت دلقة عليه الميه قام يكح: يخربيت اهلك ياشيخة
انا: اهلي ياقليل الأدب اصحى ياض عشان توديني
معاذ: روحي ياشيخة منك لله الميه تلج ابو شكلك
انا: والله لو طلعت وملقيتكش ورايا هجيب تلج بجد المرادي
معاذ: فين الشبشب
انا: ياماماااااا
طلع يجري ورايا وانا بصرخ
جدي: في ايييي
انا: الحقني يا جدو معاذ عايز يضربني
جدي: خليه يعملها بس وشوف انا هعمل اي
معاذ: اي دا ع فكرة هيا الي دلقت عليا ميه وانا نايم دا يرضى ربنا دانا قومت وانا بطلع ف الروح وهيا متهزتش جبل واقف انصحك متقعديش مع محمد كتير اتعديتي منو
جدي: دا حصل
انا: اه يا جدو بس انا كنت بصحيه عشان يوديني ع الامتحان وهو صاحي متأخر وانا عمالة اقلو قوم يا معاذ مفيش فايدة ف....
جدي بمقاطعة: ف اضطريتي تستخدمي طريقتك
انا: اي شغل المخابرات دا ياحجوح انا بقيت اخاف منك
ضحك عليا ووجه كلامو لمعاذ: خلص عشان توديها
معاذ: يخربيت الظلم طب عرفة بقي لو شوفت الولاد إلى بيعاكسوكي ف المدرسة مش هسكتهم
انا: هيععع متقدرش
بصلي بعصبية ودخل
انا: واد تافه
جدي: خفي عليهم شوية داحنا هنوديهم مصحة بعد كدا
مازن كان نازل من ع السلم: صباح الخير
الكل/ صباح النور
مازن: ممشتيش ليه
انا: انت بتطردني ولا اي ف ليلتك الي مش فايتة دي
مازن: يابنتيييي قصدي مرحتيش الامتحان لييييه
انا: اه طيب خلاص معلش
مازن: مشكلتك ان لسانك سابقك
ايميلي طلعت وهيا بتفرك ف عينها
جدي: اي دي
انا: اي دي اي ياجدو مش عيب عليك تجيب نسوان البيت مش محزراك كذا مرة انا من الموضوع دا
جدي: انتي بتقولي اي
انا: شوف الراجل عاجبك كدا يا تيتة عشان اقلك الرجالة ملهاش أمان
مازن كان كاتم ضحكتو ب العافية وباصص ف الفون
جدتي: مين دي يا ايمان
انا: خلاص انتو متفجأين كدا ليه الولية دخلت اهي... معتش تجيب نسوان البيت تاني يا جدو انت راجل ليك مركزك واسمك ف البلد عيب الناس تقول عليك اي
وهنا مازن مقدرش يمسك نفسو اكتر من كدا وانفجر ف الضحك اما جدي كان باصصلي بصدمة ومش فاهم حاجة
معاذ: يلا يابت قدامي
انا: باي يا جدو
جدي: خدي هنا فهميني الأول
انا: مازن هيفهمك انا اتأخرت والله باااي
بستو من خدو وتيتة كذالك وطلعت ركبنا العربية
معاذ كان مدايق من الي عملتو ومش بيكلمني
انا: ولا
مكنش بيرد