روايه غيرة حب الفصل السادس و الثمانون بقلم احمد صابر
انا: ربنا يخليكي
والدتي: طب قومي من وشي مش عارفة هتتجوزي ازاي انتي
انا: ومين قال ان انا هتجوز
والدتي: اومال هتعملي اي
انا: هقعد جمبك وجمب الحج انتو محتجني انا عرفة
والدتي: دانا مهصدق اخلص منك
انا: صح يا ماما انا لو متجوزتش وفضلت قعدة جمبك هتعملي اي
والدتي: هسيبلك البيت انا وامشي
مثلت ان هعيط وبمسح دموعي الوهمية: بجد
مني: تعالي ياحبيبتي تعالي ملكيش دعوة بيها انا عيزاكي
روحت حضنتها وانا باكل الموزة: حبيبتشي ياخالتشي
حنين: بت بيئة
انا: الله الواد مزون وحشني
حنين: ايمااااان
انا: حبيبتي عيزه اي
حنين: ومحمد كمان وحشني
شديت السكينة من طبق الغاكها: لا احنا كده هنهبل وانا مبحبش الهبل اعقلي بدل مفصل رقبتك عن جسمك
حنين: في اي مش بتقولي انو عادي
انا: عادي ف الزبادي يابااا
حنين: دانتي بتغيري اكتر منو
انا: حنين ماما وخالتي قعدين اعقلي
حنين: سوري نسيت
انا: تعالي نغلس ع البت ايميلي شوية
حنين بضحك: الي يسمعك كدا يقول انك عرفها من زمان اوي
انا: اومال دا ام احمد دي حبيبتي
انفجرت ف الضحك وانا دخلت لقيتها ماسكة الفون وبتاكل تفاح
انا: Hi
ايميلي: Hi
انا: عليها وحده هاي يختييييي... how are you
ايميلي: fine dear( بخير يا عزيزتي)
انا: طب كويس انها عرفة كام كلمة انجليزي انا كنت بجرب حظي
مني: مرنوش يعني
انا: ممكن يكونو لسا موصلوش
مني: الساعة 3
انا: طب اي رني كدا يا خالتي
جابت الفون ورنت ع مازن بس كان بيدي غير متاح ومعاذ كذالك
مني: وبعدين
انا: يا خالتي ابدام غير متاح يبقى ف الطيارة لسا
هديت شوية وانا كنت بمسك الفون شوفت رقم محمد ف ضحكت وقولت اجرب ارن مش هخسر حاجة ورنيت
محمد: الو
الفون اتنطر من ايدي: ياحزني ياما
مني: دا اي دا دا محمد دا صوتو صح
انا: ايوه انتي سمعتي زيي صح انا فكرت انا لوحدي الي سمعت والله شوية وكنت هفكر نفسي اتجننت
لقيتو بيضحك ع كلامي
مني: هاتيه يا إيمان ونبي
انا: استنى ونبي ... الو يا سطا عامل اي
محمد: ياسطا !! يابنتي بقي يابنتي بقى
انا: في اي يالا انت انا قولت حاجة
محمد: بعد ازن عبده موتة اتكلمي عادي يابا انا مش ناقص والله
انا: لا انا كضاا
محمد بتريقة: انتي كضا!! لا اظبطي بقى بدل مظبطك
انا: امسكي ابنك دا مش عاجبو العجب ولا الصيام ف رجب
مني: الو يا محمد عامل اي ياحبيبي
محمد: الحمدلله يا ماما معاذ ومازن سافرو
مني: اه لسا ماشيين انهارده
محمد: مرنوش
مني: لا لسا رانين بس غير متاح
والدتي: هاتو كده في اي استوليتو ع الفون... الو
محمد بضحك: ايوه يا خالتي
والدتي: عامل اي ياحبيبي
محمد: الحمدلله عرفة يا خالتي محدش وحشني غيرك
كنت بصة وسرحانة لما سمعت بصيت بصدمة للفون لقيتهم كلهم ضحكو
محمد: وعبده موتة دا موحشنيش خالص خالص
انا: ولا انت كمان ع فكرة
محمد وهو بيتريق عليا: حظابط هتوحشني ع فكرة
انا: بجبر بخاطرك ياعنيا
محمد: ارجع بس وهعلقك
انا: تعالي انت بس وملكش دعوة
محمد: انشاء الله يابنت قلبي
الكل/ احم احم
محمد: خدي الفون وادخلي جوه يا إيمان
حنين: اي دا لا كدا ظلم
محمد: اسكتي يابت انتي
اخدت الفون ودخلت الاوضة الي فيها ايميلي
انا: يلا انتي مش هاتفهمي حاجة اساسا
محمد: بتكلمي مين
انا: ايميلي هااا
محمد: اه
انا: الشارع الي وراه
محمد: ان مديتك قلمين ع وشك ع كلامك دا
انا: انت كنت عارف ان الملبن دي هتيجي ومقلتليش
محمد بضحك: آل اي يا إيمان
انا: الملبن
محمد: الملبن!!! اه وبعدين
انا: اقلك ع حاجة بصراحة
محمد: قولي
انا: البت فورتيكة
محمد: انتي مبتغيريش خالص كدا يا إيمان
انا: هغير من اي
محمد: انك تقولي ع وحده كده قدامي حتي
انا: اغير هههه مش انا لا غيرة اي يا جدع انت بتهزر انا اغير هههه وبعدين اغير ليه
محمد: صح تغيري ليه فعلاً
انا: هو انت بتكلمني ازاي مش انت ف مهمة
محمد: انا لسا واصل اساسا هبدأ بكرة انشاء الله
انا: طب انت عايز ترتاح صح انا مديقاك ولا حاجة
محمد: انتي تعملي الي انتي عيزاه
انا: احم
محمد بضحك: لا مش وقت كسوف خالص
انا: مش فهمة
محمد: بقيت بسمع الكلمة دي اكتر من سلام عليكم... هو انتي هتفهميني امتى يا إيمان
اخدت التفاحة من ايديها واكلت منها: قول انا فهماك اهو دانا ف الفهم مفيش مني اتنين
محمد: طبعاً دانا اشهدلك ياشيخة الحمدلله ان مفيش ف فهمك اتنين دي الدولة كانت هتنهار
انا: نعم
محمد: هتنهار من الذكاء
انا: اه بحسب
ايميلي قعدت تتكلم وانا مش فهمها: متسكوتي يابت بقى صدعتيني
محمد: يابنتي عيزه تخرج انتي حبسها ولا اي
انا: اسكت دي لو خرجت ب منظرها دا احتمال مترجعش
محمد بضحك: فظيعة
انا: عارف دي باستني وانا بستها
محمد: اممممم
انا: هنام جمبها انهارده
محمد: هيا امك اي إلى هنام جمبها
انا: واي المشكلة يعني
محمد: لا ملكيش الا ف حضنين بس
انا: مش فهمة
محمد: حضن خالتي وحضن جوزك انشاء الله ف اعقلي كدا
انا: وحضن بابا
محمد: ماهو انا بابا
انا: يابني لا بابا يعم بابايا انا
محمد: ماهو هكون ليكي اب وأخ وجوز ف نفس الوقت
بدون رد
محمد بضحك: نفسي اشوف خدودك وهيا حمره كدا
قعدت اتشنهف وعيطت
محمد: إيمان انتي بتعيطي
انا بعياط: انت بارد اصلا عشان قلتلك كذا مرة ان كده عيب ولو فضلت تقول كده انا مش هكلمك خالص ع فكرة والله وانا مش بهزر اصلا اصلا
محمد: طب خلاص اسف والله مهقول حاجة تاني بس متعيطش انا اسف
انا: وعد
محمد: وعد
انا: قولي بقى انت عامل اي
محمد بضحك: انتي بتتحولي يابنتي
انا: ليه
محمد: لا ولا حاجة... انا كويس طول مانتي كويسة
بدون رد
محمد: انا قولت اي يزعل دلوقتي
انا: لا انا اتكسفت معرفش ليه
محمد: هبلة
انا: شكراً
محمد: زعلتي انا كنت بهزر والله
انا: لا مزعلتش عادي هو انت اول واحد تقولي كده
محمد: انا بهزر والله مكنتش اعرف انك هتزعلي مش هقولها تاني
انا: خلاص
فضلنا ساكتين شوية
محمد: انا اسف
انا: خلاص والله مش زعلانة
محمد: ماشي... خلصتي امتحانات
انا: اه الحمدلله
محمد: اخر ماده كانت عاملة اي اكيد كانت حلوه انتي بتحبي الدراسات
انا: اه بس كانت زفت
محمد: ليه
انا: الامتحان جاي بطريقة غير مباشرة وبزات الجغرافيا بجد يعني الرياضة كانت سهلة عنها
محمد: وعملتي اي
انا: حليت الحمدلله.... التاريخ كان حلو شوية لاكن الجغرافيا وحشة أوي انا كنت هعيط ومكنتش عرفة امسك القلم بس قرأتها مره واتنين وتلاته وحليت الحمدلله دا الدنيا مقلوبة بسبب الامتحانات عندنا بزات والله حاجة تقرف
محمد: انشاء الله خير متقلقيش
انا: انشاء الله دوشتك انا عرفة
محمد: مين قال كده
انا: انا
محمد: لأ كملي
انا بضحك: اكمل اي انا خلصت... شكراً
محمد: ع اي
انا: انك بتسمعني
محمد: متشكرنيش ع حاجة بحب اعملها
انا: مش فهمة
محمد بضحك: باي يا إيمان
انا: خلي بالك من نفسك
محمد: حاضر وانتي كمان خلي بالك من نفسك
انا: حاضر
محمد: مع السلامة
انا: مع السلامة
وانتهت المكالمة
حنين: اومال اي خدي الفون وادخلي جوه وانا الي قولت فيه لڨلاڨا
انا: لا ياختي بلا لڨلاڨا بلا قرف ملناش ف الكلام دا احترمي نفسك
حنين: ممكن اقلك حاجة
انا: لا قدام ايميلي ممكن تبقى مورشده ولا حاجة
حنين: هههههه
انا: قولي يا حون
حنين: ع قد مانتي لسانك طويل ابت انتي وبدو القطع والناس دايماً فهمة انك دبش وبتحدفي طوب مع ان دي الحقيقة بس والله قلبك ابيض
انا: لا اسود ياختي لسا ملوناه امبارح
انا/ حنين: هههههه
حنين: بس انتي الي صريحة والناس اوقات مش بتحب الصراحة
انا: تحب ولا متحبش اهم حاجة انا احب اي مش هما يحبو اي
حنين: انا بحب اوي الجمبري
انا: يععععع اسكتي استغفر الله العظيم بخاف من شكلو اصلا
بنبص عليها لقيناها بتحط حاجة ع وشها
انا: مش ناقصه امك خالص
حنين: بتحط اي دي
انا: حطي ياختي حطي اجيبلك نص دقيق
حنين بضحك: يخربيتك مسخره
انا: دي بتحط كريم ياهبلة
حنين: الي احنا نعرفو من صغرنا ان الكريم حرام
انا: لا ياختي ولاد خالتك هما الي كانو بيقلولنا كده عشان منحطش
حنين بضحك: عيال مشكلة
انا بضحك: واحنا كنا تافهين وبنصدق
حنين: دا ورق الامتحان بتاعك
انا: متقوليش امتحان بتغلطي فيه والله... دا مش امتحان دي تتعمل كدا بصي ... اخدت الورقه وقطعتها...
حنين: ثانيه بس
انا: اي
حنين: يالهوي هما ازاي يجيبلكم امتحان زي دا دي مناهج ثانوي
انا: مانا عرفة مفيش منو سؤال جه من الكتاب اي كتاب عمتاً دا بقى شغلي دماغ وسيبيها ع ربنا
حنين: الله كون ف عونكو
انا: اوووف متفكرنيش بقى واقعدي ساكتة
حنين: انشاء الله خير
انا: انشاء الله... انا زهقت من ام القعدة دي انا هنزل من بكرة اشتري كتب الترم التاني انا زهقت
حنين: ياشيخة الواحد مبيصدق ياخد الاجازة
انا: هيا دي اجازة ونبي اهو اجيبهم اسلي نفسي
حنين: هيا النتيجة هتطلع امتى
انا: بيقولو لو مطلعتش الخميس الي جاي هتطلع الاسبوع الي بعدو مش عرفة بقى ربنا يستر
حنين: انشاء الله
انا: هتبدئي امتحانات امتى
حنين: يوم الأحد
انا: ربنا معاكي
حنين: يارب... اروح اذاكر بقى
انا: خوديني معاكي
حنين بضحك: تعالي
..........................................
بعد مرور اسبوع
انا: اسبوع مرنش
حنين: انشاء الله هيرجع ب بالسلامة
الفون رن وكان معاذ
انا: الووو
معاذ: ياساتر في اي بتتخانقي مع سماعة الفون
انا: نقصة استظرافك هيا
معاذ: خلاص ياستي... محمد مرنش
انا: تؤ تؤ
معاذ: طب انتو رنيتو
انا: اكيد اي السؤال دا
معاذ: هو كلمكم لما وصل صح
انا: اممم
معاذ: طب خلاص اهدي انشاء الله كلو هيبقى تمام وهيرجع ب اذن الله
انا ودموعي قربت تنزل: ايوه انشاء الله هيرجع انا عرفة
حنين: هيرجع ب اذن الله
انا: يارب
معاذ: انا نازل الاسبوع الجاي
انا: بجد
معاذ: بجد... بس مازن احتمال مينزلش
انا/ حنين: ليه
معاذ: عشان شغلو
حنين: وهو مش قادر يأجل الشغل دا
معاذ: مينفعش يا حنين
حنين: هو فين
معاذ: بره
انا: امتحاناتك هتخلص امتى
معاذ: يوم الخميس الي جاي عشان هنزل السبت انشاء الله
انا: انشاء الله
معاذ: فين ماما وخالتي
انا: جو اهم
معاذ: طب سلام هرن عليهم هبقي اكلمك بعدين
انا: تمام باي
معاذ: باي
وانتهت المكالمة
بدل ماتدور وتبحث علي الروايات خليها علي تليفونك وحمل تطبيقنا
