روايه غيرة حب الفصل الثامن و الثمانون بقلم احمد صابر
انا:ماشي
وكملت لعب ف فوني
محمد: خلاص هلعب معاكي
انا بضحك: هنلعب مع بعض
محمد بضحك: اه هنلعب مع بعض
انا: طيب ماشي العب انت الاول
وقعدنا نلعب مع بعض
مازن: بتعملو اي
كنت لسا هتكلم
محمد: لا ولا حاجة
انا: لا كنا ب...
محمد بنقاطعة: ابوس ايدك امك تسكتي
انا: في اي يالا
محمد: مفيش مفيش كملي انتي
قعدت اللعب : بص بقى عندها 64
مازن: هيا مين
محمد: مش حد متخدش ف بالك انت
مازن بضحك: انت كنت بتلعب يا محمد
محمد: انا! محصلش انت تصدق عني حاجة زي دي
مازن: عايز الصراحة لا
الجرس رن ورحت فتحت وكانو خلاتي كلهم و كل واحده باستني من خدي
محمد: ما خلاص
هيام: انت مالك انت مدايق ليه
محمد ببرود: هدايق ليه
نرمين: انا مش عرفة اي الواد ده مستحملين التلاجة دي ف البيت ازاي في اي يالا
هيام: تؤ تؤ انتي فهمة غلط هو تلاجة معانا احنا بس لاكن معاها هيا لا
نرمين: تعالي يابت احكيلي
انا: احكيلك اي يا خالتي
نرمين: قولي يلا اصل من زمان نفسي اشوف الواد محمد وهو رومانسي اصلو شغال كوميدي واكشن بس نفسي اشوف النسخة الرومانسية بس عرفة ملوش ف الكوميدي شاطر يقلش ويتريق علينا بس اصل زي مانتي شايفة كده الواحد مبيعرفش يكلمو كلمتين ع بعض من التُقل الي هو فيه... قوليلي بقي اول بوسة كانت فين
انا: هار اسود في اي يا خالتي
هيام: اي يا نرمين الي بتقوليه ده عيب الي بتقوليه للبنت ده عيب يا ماما مش اي كلام بيتقال بصيلي انا يا إيمان ملكيش دعوة بيها دي هتخلي الواد ده يحبسنا كلنا وهناكل عيش وحلاوة وهتودينا كلنا ف داهية قوليلي اول حضن كان فين
انا: اي ده!
محمد: ولله لو مسكتو لالمكم ع البوكس كلكم
انا: انا مالي متكلمتش
محمد: لا انتي تتكلمي زي مانتي عايزة
هيام: قولت اي يا حبيبي
نرمين: الواد طلع بيقول كلام حلو يا نرمين دانا كنت مفكراه جبل والله
هيام: الواد قلب قطة الي مبنعرفش نكلمو كلمتين ع بعض والله انك تاخدي جائزة نوبل يابنتي والله تعالي تعالي
دخلو المطبخ وانا بصالهم بستغراب: هما بيقولو اي دول قسماً بالله مافهمت حاجة
محمد بضحك: ولا هاتفهمي
انا: نينيني سخيف
حنين: ازيكوووو
محمد: اهي كملت
حنين: اوبا اي ده
انا: ايش
حنين: صاروخ ف العباية يابت
بصيتلوا ب احراج وبصيتلها وشديتها من هدومها: اي إلى انتي بتقولي ده
حنين: اي اكدب ياعني والله انك صاروخ دا يابختو
انا: هو مين ده
حنين: الي هيتجوزك
انا: طب احترمي نفسك انتي مش عجباني اليومين دول
هيام وهيا بتاكل الجزر: مكدبتش البت مانتي صاروخ
انا: خالتي هاتي ام الجزرة دي وخشي جوه
هيام: طيب
والدتي: وانا اقول بنتي طالعة هبلة لمين مجبتش حاجة من بره
محمد: طالعة لخالتي هيام لسانها مسحوب منها
هيام: احترم نفسك ياض انت
انا: عيل قليل الادب
هيام: حصل ومعداش عليه 3 دقائق تربية
محمد: لا ده انا بتهزق علننا... سمعيني كده ياخالتي قلتي اي
هيام بخوف: حبيب خالتك ده انا بحبك حب الله العالم والله... طب انا داخلة جوه عيزين حاجة
انا: اي بتبصلي كده ليه... هيااام
ودخلت وراها
انا: يالهوي ياما
هيام: بيني وبينك انتي مش غريبة اهو ابن اختي وأصغر مني اهو وبخاف منو ده عيل ملوش أمان ممكن يحبسنا
انا: هههههه
هيام بضحك: بس يابت
مني بضحك: مسخرة انتو قعدين هنا ليه
هيام: ابنك ياختي عملنا ارهاب ف البيت
نرمين: بس بقى سبوني اتكلم مع البت وافهمها شكلها هبلة وغلبانة وهنتعب معها... بصي بقى متخليهوش يضيع من ايدك اتدلعي مبتعرفيش تدلعي
والدتي: انتي بتعلمي البت اي يخربيتك
نرمين: سيبك من امك الهبلة دي... اتدلعي عليه يابت متخليهوش يبص لغيرك
انا: اي يا خالتي الي بتقوليه ده انا لا يمكن اعمل كده... وبعدين فكك ابن اختك مبيحبش المياعة انا لو عملت الي بتقوليه ده هيديني قلمين يوقعني ع الارض هو بيحب عبدو موتة والله انا عرفة
نرمين: عندك حق انا مش عارفة الواد ده محترم كده ليه ومبياكولش معاه الجو ده... اقلك انتي مش نافعة انا مش عارفة اوصل لحل ف العلاقة دي تكلمي يا مها
والدتي: اتكلم اقول اي انتي سيبتيلي حاجة أقولها
هيام: سيبك منهم يابت وركزي معايا هنا الواد ده لو وحده لفت عليه هوب الواد ضاع وخصوصاً انو واد عسل وحليوه كده ف انتي تاخدي حزرك
انا: ازاي بقى
هيام: لا هنا استوب روحي لنرمين دي تخصص محن هتعجبك اوي
نرمين: بصي يابت وهو نازل تسأليه رايح فين وهو جاي جاي منين حسسيه انك مهتمة
انا: وانا مالي ياخالتي بيروح فين ويجي منين هو انا لوكيشن
نرمين: شوفي البت هتفضلي طول عمرك هبلة برضوا يابت فكك من الاحترام الي انتي فيه ده معدش بيأكل عيش
محمد: اه واي كمان
نرمين: قلة أدب ومسخرة تدلعي عليه اي وزفت اي عيب اي معدش فيه ادب معدش فيه احترام معدش فيه اخلاق معدش فيه تربية ولا اي
بصيتلوا وانا ع وشك البكاء: والله ماقولت حاجة
بصلي وضحك: هو انا قلتلك حاجة اهدي عارف
الكل/ يا حنين!
محمد: والله محد هيفسد اخلاق البت غيركم... انتو بتعلموها اي!
هيام: احنا مالنا يا اخويا الحق علينا عايزين نوعيها
محمد: لا كتر خيرك بصراحة بتتعبي
نرمين: خليك اتريق كده لحد مقوم اقلعلك شعرك
محمد: بس يا خالتي بس برستيچي عيب كده الله
هيام: البت غلبانة وهبلة لازم نفهمها
انا: جرا اي يا خالتي انا سكتالك من الصبح عمالة تقولي غلبانة وهبلة انا مش كده يا خالتي والله
هيام: الحق عليا صح خير تعمل شر تلقى
محمد: خير!
هيام: اه خير يعني تضحك ع البنيه ونسكتلك
محمد: لا ازاي مينفعش طبعاً...سؤال بس انا ضحكت عليها ف اي
هيام: مش عرفة بس هما بيقلو كده
محمد: يارب الصبر
طلع واحنا طلعنا وراه
لقيناه قاعد وماسك الفون خالتي شدتو منو وغمزتلو: اي بتكلم بنات
محمد بملل: بنات! اه ياخالتي انا بكلم بنات انا عيل متربتش اساساً
ضحكت بصوت واطي
هيام: بيكلم بنات انا لو منك افضها سيرة
محمد: اهي رضوي الشربيني اهي
هيام: اي اكدب يعني اسيبك تضحك ع البت وهيا هبلة وغلبانة
انا: ماخلاص يا خالتي
هيام: ياهبلة بيتسلي بيكي الشباب كلها كده
محمد: اييي يا خالتي فيه ايييي
هيام: اي اكذب يعني
انا: وانا انا انا مالي يكلم مايكلم بنات هو حر انا مالي
هيام: لا مالك ومالك كتير اوي
انا: مش فهمة
هيام بضحك: اسكتي يا إيمان اسكتي
انا: طيب
نرمين: سيبو البت ف حالها بقيييي... عرفة انتي لو كان عندي ولد كنت جوزتهولك
هيام بصوت واطي: بس يا نرمين لا ابن اختك يكلبشك ياحبيبتي واحنا الي نجيبلك عيش وحلاوه
نرمين: عرفة انتي خسارة ف الواد ده تعالي عندي ليكي عريس
أنا: وانا موافقة
محمد: طب وانا
انا: وانت اي
محمد: شوفلي عروسة انا كمان
انا: اممم ومالو
والدتي: بس كده موجوده
محمد: وانا موافق ها خديلي معاد انا قررت هخطب بكرة
انا: وانا كمان يا خالتي هخطب بكرة
نرمين: اتصل ب الواد ده مهيصدق
انا: ماشي
محمد: ماشي اي
انا: اي حد كلمك
نرمين: دي العرسان عليها كده من ساعة مطبت هنا
محمد: خالتي متعصبينيش عشان مش بهزر
نرمين: الله هكدب يعني والله حصل
بصيتلها بصدمة
محمد: هو اي ده الي حصل
نرمين: مراد جيرانا ده عرفاه يا منى
مني: اه عرفاه
حنين: عرفاه برضوا
نرمين: مكلمني مرتين عليها وكان عايز يتقدم بس قلتلو لسا صغيرة
منى شاورت ليها تسكت عشان محمد
محمد بطريقة مرعبة: مراد مين
نرمين: ليه
محمد: مراد مين يا خالتي
نرمين: الواد سأل سؤال يا محمد وقلتلو لسا صغيرة وخلاص الموضوع خلص
محمد: وليه مانا اقلو بنفسي قليلي بس مراد مين
نرمين: ليه
محمد: هسلم عليه بس
مني: مستقبلك ضاع يا مراد منك لله يا نرمين
كل واحد راح بيتو
غيرت هدومي ونمت تاني يوم صحيت اخدت دوش واديت فرضى ورحت ع الدرس كان عليا درسين خلصت ولما روحت لقيت خالتي ومعاذ وحنين وملك ف البيت
انا: سلام عليكم
الكل/ عليكم السلام
دخلت اوضتي لان كنت تعبانة
حنين: تعالي نروح المول
انا: لا مليش مزاج
ملك: يلا يا إيمان بقالنا كتير منزلناش سوا اهو نغير جو
انا: روحو انتو بس انا مليش مزاج والله
حنين: مش هننزل منغيرك يلا بقى قومي اللبسي
قومت بملل لبست الهودي الاسود بتاعو ولبست بنطلون اسود والطرحة سوده : يلا
معاذ وصلنا لحد المول وراح يستنانا ف الكافيه
كنا بنتمشي وانا كنت ماشيا بملل فجأة فون حنين رن... ووقفت تتكلم وانا كنت ببص حواليا بملل لقيتها بتبصلي وتضحك
حنين بضحك: سلام دلوقتي يا خالتي
قفلت الفون وقعدت تضحك وانا بصالها بستغراب: في اي
حنين بضحك: اه ياما مش قادرة... عرفة مراد
انا: مين مراد
حنين: يخربيت ذاكرتك... الي خالتي كانت بتتكلم عليه امبارح الي طلبك من خالتي ده
انا: اممم مالو... بتضحكي ع اي انا مش فهمة
حنين بضحك: بيقولو مختفي من امبارح بليل
بصيتلها بملل : ايوه اي إلى يضحك مش فهمة
حنين بضحك: مشكتيش ان محمد هو الي عمل كده انا مش شكة انا متأكدة يخربيتو فظييييع
انا: اكيد لا انتي بتهزري
حنين: طب والله محمد الي عمل كده انا متأكدة
ملك: اصل ب العقل كده كنا بنتكلم عنو امبارح فجأة كده يختفي ف نفس اليوم مش صدفة دي خالص بقى
انا: يالهوي قتلو
حنين: علقة موت وهيسيبو... هههههه يخربيتك يا محمد
انا: هو فين دلوقتي
محمد: هنا اهو
ببص ورايا لقيتو بيقرب من مكان ماحنا وقفين
انا: كنت فين
محمد: ف البيت هكون فين يعني
انا: طب و امبارح بليل
محمد: كنت نايم يا إيمان لاحول ولا قوة الا بالله
انا: بجد والله!
محمد: اممم تعالي بقى اختارلك فستان ع زوقي
مشي قدامي وانا بصيت ل حنين
حنين: روحي انتي لسا هتفكري
روحت وراه وانا بفكر ممكن يكون عمل فيه اي لمجرد انو بصلي بس ف بصيتلوا وضحكت: يخربيت عقلك... استنى ياسطاااا
لحقتو مشيت جمبو ودخلنا محل فساتين وقابلتنا وحده مش فكرة كلامهم الغريب ده بحسها عملة زي الناس الي بترن من الشركات الفدافون ف قعدت اضحك
البنت: خطيبة حضرتك مش كده
هز راسو ببرود
البنت: ليقين ع بعض مشاء الله
محمد: عارف
البنت بصت ب احراج وراحت جابتلي فستان لونو بينك: متأكدة هيبقى حلو عليكي اوي
اختو وكنت داخلة اجربو
محمد: استنى بتعملي أي
انا: هدخل اجربو
اخدو من ايدي ولفو كان الضهر كلو باين: هتلبسيه وهو كده
انا: مشفتوش والله
حطو مكانو وشاور للبنت انها تروح وهو هيختار... وجابلي فستان لونو احمر
انا: مش بحب اللون ده
محمد: لا هيبقى حلو اوي عليكي ادخلي جربيه
اختو ب عصبية ودخلت لبستو وطلعت وهو كان باصص ف الفون رفع راسو وبصلي وفضل ساكت
انا: احم في اي
بدل ماتدور وتبحث علي الروايات خليها علي تليفونك وحمل تطبيقنا
