روايه غيرة حب الفصل التسعون بقلم احمد صابر
نزل وهو بيضحك وانا قعدت اسمع الكرتون فزهقت وطلعت فوق ومسكت المسدس وكنت براجع كل حاجة علمهالي قبل كده
فتح الباب واول مدخل أطلقت النار جمب راسو بص ل مكان الرصاصة وبصلي ورافع حاجبو: لا والله
فضيت خزنة المسدس وحطيت وحده جديدة وانا بصالو ورجعت بصيت للهدف واطلقت النار: اه والله
اخد مسدس وهو بيبصلي ب تحدي وبدأنا نطلق النار ف كل هدف وبعدين وقفت عن إطلاق النار
محمد بستهزاء: اي يا إيمي تعبتي ولا اي
انا: لا يا خفيف خزنتي فضيت
غيرتها وبصيتلو بشر : تيجي نجرب ف هدف تاني
محمد: والهدف دا هو انا
انا: الله ينور عليك لا يا واد بتفهم
محمد: مش حاجة جديدة
وجهت المسدس عليه وهو مرمش حتى وباصصلي بتحدي ف أطلقت النار جمب رجليه
محمد: وانا المفروض ان اخاف مش كده
ضحكت وحدفتلو المسدس وقعدت
محمد: دا اخرك
وقفت وحطيت ايدي ف جيبي: أخرى اي
محمد: تقعدي تتفرجي وبس
وأطلق النار جمب راسي ف ابتسمت بستهزاء عكس الخوف الي جوايا بس محبتش ابين: يا مامي خوفت
ضحك وحط خزنة المسدس وهو باصصلي و بيضحك: هتخافي متستعجليش
وبدأ ف إطلاق النار ف كل هدف وانا وقفة وحطة ايدي ف جيبي وبعدين وقف وبصلي: شيلي ايدك من جيبك
انا: لا عجباني كده
بصلي وشالها من جيبي وهو لسا باصصلي رفعت حاجبي وبصيت ل ايدي: واخد بالك انك ماسك ايدي
ساب ايدي ومسك المسدس رحت ضربة ايدو واخدت المسدس: اتعلم تمسكو كويس بعد كده يا حضرة الظابط
اديتهولو ورحت اشرب... الباب خبط وفتح وهالة دخلت بصيت بطرف عيني وفتحت التلاجة واخدت الازازة
هالة: ازيك
محمد: كويس
هالة: هاي إيمان
بصيتلها ورفعت حاجبي
هالة: سلام عليكم
لفت بضهري وفتحت ازازة الميه: وعليكم السلام
لفت وبصيتلها لقيتها حطه ايديها ع كتفوا ابتسمت وقربت وانا بشرب وعملت ان بتدرب ولفيت وضربتها ب الرجل ف رجليها راحت وقعة ع الارض نزلت الازازة من ع بوقي: اوبس سوري يا هالة يا حبيبتي مكنتش اقصد خالص
بصتلي بشر وقامت ومشيت لحد الباب وانا مراقباها ب ابتسامة سخرية لحد ماطلعت وقفلت الباب
محمد بتريقة: امممم مكنتيش تقصدي خالص
انا: اه مكنتش اقصد
محمد: ياااه لدرجة دي مشيفاها
انا: تقصد اي مش فهمة
محمد: انك غيرانة
بصيتلو وبعدين انفجرت ف الضحك: انا اغير بتهزر صح انت محتاج تكشف ع فكرة بقيت بتتوهم كتير
لفت وشربت وقفلت الازازة وحتيطها وبلفت لقيتو واقف وقريب مني: اي
تجاهلني وقرب اكتر
انا: في اي ياعم بترقرب كده ليييه
تجاهلني وقرب وانا برجع لورا: لا بص هتقل ب عقلك والله هصرخ والم عليك امة لا الاه الا الله
تجاهل كلامي تاني وقرب تاني وانا برجع لورا: اي يابا انت بتسمع دبة النملة ومش سامعني
ابتسم بسخرية وقرب تاني: بص استهدي بالله كده مش معقول يعني تعمل الحركات دي وانت شخص ليك مركزك واسمك ف الداخلية
مد ايدو ورا راسي: انت بتعمل اي
اخد ازازة الميه وبصلي وضحك وفتحها وشرب
انا بهمث: كنت هتوقف قلبي يا شيخ يخربيت حلاوتك يا جدع اي دا
لقيتو بيضحك
انا بخوف وقربت اعيط ليكون سمعني: يارب يكون افتكر نكتة من اسبوع وبيضحك عليها دلوقتي
نزلنا تحت وكانو كلهم قاعدين وهيا كانت قعدة معاهم بصيتلها وضحكت ودخلت الاوضة ووقفت ف البلكونة ومسكت الفون لقيتها دخلت ورايا ببص لقيتها ف سندت ب ضهري ع البلكونة وابتسمت لقيتها جت وقفت قدامي: اوعي تفكريني مش عرفة انك قصداها
انا: شطوووورة
بصيتلها وضحكت بسخرية وسيبتها وطلعت بره
محمد بضحك: والله حرام عليكي البت بقت بتعرج
انا: يا عيني يابني صعبت عليك
بصلي وهز راسو ب اه: روح راضيها بقى
محمد: اممم هروح
انا: متروح حد ماسكك
محمد: مرة تانيه بقى عشان مش قادر اقوم
انا ب ابتسامة وبحاول مبينش: في اي وقت تحبو انت حر
وسيبتو ودخلت الاوضة وقفلت الباب
قعدت اضرب ف المخدة واعض فيها وحسه ان عيزه اصوت بس مش عرفة حطيت المخدة مكانها ووقف ف البلكونة وكنت بتفرج ع الأطفال وهيا بتلعب اخدت ازازة الميه وقعدت ارش عليهم وانزل ف البلكونة وانا فطسانة ضحك
محمد: بتعملي اي
انا: بسم الله الرحمن الرحيم في ياعم خضنتني... بعمل اي يعني مش بعمل حاجة
مسك ازازة الميه: ودي
انا: بشرب عادي
محمد: دلقتي ع الأطفال الميه يا إيمان والجو برد
انا بضحك: كان شكلهم مسخرة احم انت عبيط أطفال مين والناس نايمين هش امشي
محمد: مهما تكبري مبتعقليش برضوا
اخد الازازة واتجه للباب عشان يخرج: يا بارد طب سيب الازازة طيب
طلع وقفل الباب
انا: اوووف
لقيتو بعتلي مسدج ع الواتس
محمد بتريقة: اوووف
انا: نينيني ظريف
وقفلت الفون وفضلت وقفة ف البلكونة
مني: إيمان
انا: جايا اهو
فتحت الباب وطلعت: نعم يا خالتي
مني: امسكي روحي انتي ومحمد هاتو الطلبات دي
انا: هو فين
مني: هتلاقيه ف اوضتو
اخدت النوتس وخبطت ودخلت لقيتو بيلبس التيشيرت لفت وحطيت ايدي ع عيني: انت يابني عمري مادخل الاقيك لابس
محمد: في اي بلبس بلاش اللبس
انا: لا ازاي مينفعش لاكن تغير ف الاوضة دا عادي
محمد: دي اوضتي ع فكرة
انا: اوووف ماعلينا اخلص عشان ننزل نجيب الطلبات
محمد: خلصت
انا: يلا ياخويا
ضربني ع راسي: قلتلك الكلمة دي بتعصبني ومنك انتي بزات
انا: اوعي ياعم كده
طلعنا ولقيتها قعدة ف مسكت ايديه وهو بصلي بصدمة فبصيتلها وضحكت بستفزاز بصتلي بعصبية رحت ضحكة ونزلنا
انا: سيب ياعم انت مصدقت ولا اي
محمد: اه والله
انا بعصبية: سييييب
ساب ايدي وبصلي بغيظ فتجاهلتو
انا: بقلك
محمد: متتكلميش معايا يابت يا بارده انتي
انا: طيب دانا كنت هقول حاجة مهمة اوي
محمد: اي
انا: مش انت قلتلي مكلمكش
محمد: ماااشي
انا: ماااشي
ضربني ع راسي: بس بقى
انا: قد الضربة دي
محمد: ايوه
انا: طيب انا بسأل بس
ضحك وركب العربية.. وبعد وقت مش كتير وصلنا قدام السوبر ماركت ونزلنا وكنا بنجيب الطلبات وانا ماشيا ومسكة المصاصا
انا: يا جاهل مش عارف تجيب التوابل
محمد: حد قالك ان اشتغلت شيف قبل كده... واما انتي فاهمة كده ماتجيبيها انتي يا ذكية
انا: حد قالك ان اشتغلت شيفة قبل كده
محمد بضحك: هبلة
انا: تاخد مصاصا
محمد: الصبر ياااارب
انا: مش عرفة مش طايق نفسو كده ليه
محمد: اهو لقيتو هو دا؟
انا: من خبرتي ف الحجات دي احب اقلك معرفش
محمد: ايوه هو مكتوب عليه اهو
انا: اومال بتسأل ليه اي الغباء دا
محمد: يابنتي احترميني مرة لله
انا: حاضر
محمد: اي الاحترام دا
انا: احترام اي انا هحترمك ليه اصلا انا الي مش قدرة اتكلم
محمد: طب اضحكي عليا وسايريني
انا: هسايرك حاضر
محمد: يلا
جبنا الطلبات وطلعنا وركبنا العربية
انا: عيزه اسوق
محمد: بس يابابا عشان منموتش
انا: مين قالك كده دانا هتعلم بسرعة كداً
محمد: كداً
انا: ايوه علمني ونبي ونبي
محمد: طيب خلااااص
انا: اي موافق هيييييي
محمد: ياااارب انزليييي
انا: طيب حاضر
نزلنا وبدلنا الأماكن :الله علمني بقى اعمل اي
محمد: دوسي ع
انا بمقاطعة: اتس اوكي وبعدين
دوست فجأة ومكملتش الكلمة ولقيت العربية نطت راسي اتخبطت ف الدركسيون
رفعت راسي: صداع ياما عندي صداع جالي ارتجاج ف المخ
محمد: انتي كويسة جرالك حاجة وريني كده
انا: كويسة بس صدعت
محمد: انزلييي انا غلطان مش عارف بمشي وراكي ليييه
انا: ياعم هو دا وقتو
محمد: انزلي
انا: نازلة ياعم...اه يانا ياما يا راسي
نزلت وهو كذالك ورجعنا لأماكنا تاني
انا: ع فكرة بقى انت مبتعرفش تسوق
محمد: عندك حق هبقي خليكي تعلميني
انا: هشوفلك معاد اكون فاضية فيه اصل انا مشغولة مووت
محمد: امممم واضح
انا: طبعاً يابني دانا بسبس ومن
محمد: بسبس اي ياختي
انا بتكبر: بسبس ومن
محمد: بسبس اه إيمان تعرفي تسكتي
انا: مش بعرف والله حاولت كتير ومش بعرف
بص من الشباك وقعد يضحك
وصلنا قدام البيت وطلعنا فوق واداها الطلبات وقعدنا قدام التلفزيون
انا: اوعي تمد ايدك ع الريموت
اخد الريموت وقلب رحت شداه وقلبة تاني
محمد: هاتي
انا: لا انت بتجيب رعب
محمد: هاتي مش هجيب رعب
انا: طب استنى هسمع حلقة ماشا والدب
محمد: كرتون!! انتي بتهزري يا إيمان عيزاني اقعد اسمع كرتون
انا: وفيها اي يعني يا حظابط هو عيب او حرام
محمد: لا بس انا مش عايز اسمع كرتون انا
انا: يعني انت مكنتش بتسمع كرتون وانت صغير
محمد: ايوه بس الوقت بيختلف وكلنا بنكبر بس انتي لا
انا: هسمع شوية صغننين وهديهولك
هز راسو ومسك الفون وكان بيقرأ ف حاجة وانا كنت بسمع ماشا والدب
نسرين: بابا طلعني هنا
ضحك وطلعها قعدها جمبي وقعدت تسمع معايا لقيت حد بيخبط ع رجلي
انا: عيزة اي
نسرين: انا بحب دا
انا بضحك: وانا كمان
لقيتها وقفت وباستني من خدي: حبيني
انا: مش فهمة
محمد بضحك: بتقولك بتحبيني
انا: ايوه
محمد: مش عارف جه ف بالها تقول كده ليه جبتي للبت عقدة نفسيه منك لله مفكراكي بتكرهيها
انا: وانا هكرها ليه انا بقول عميا الأطفال كلهم
محمد: متغلطيش لو سمحتي نسرين مش طفلة دي ست عندها 60 سنة بس اتسخطط
انا بضحك: الزمن جه عليها يا عيني
بنبص عليها لقيناها نزلت وحطت ايديها ف وسطها وحطط ايديها ع بوقها وبتشاور لينا اننا نسكت عشان تعرف تسمع وبعدين رجعت قعدت
محمد: اهو اتفضلي ياستي وتقولي طفلة دانتي الي طفلة
انا: بس يالا
محمد: يابنتي انا اكبر منك شوية احترام لو سمحتي
انا: انا وحده عندي 15 سنة ي....
محمد بمقاطعة: 14
انا: لا 15
محمد: 14
انا: 15 يا محمد 15
محمد: هيا 15 بالعافية!! انتي عندك 14
انا: وربنا انت بارد اقسم بالله بارد
محمد: عارف والله
ضربتو ب المخدة ودخلت جوه
محمد: خدي يا هبلة
انا: اهو انت بس هي
محمد: ههههه مجنونة
لسا بمشي اتخبطت ف رجلي قعدت اطنطط: ااااه رجلي ياما رجلي
محمد: في اي اهدي
انا: رجلي رجليييييي الجو تلج واتخبطت ف صباااااعييييي
محمد بضحك: طب تعالي اقعدي يخربيتك
انا: اوعي ابو شكلك
محمد: وانا ماااالي دلوقت
انا: معرفش هو كده
قعدت ع الكرسي ومسكت صباعي:اه ياما رجلي مش عارفة اشرحلك موقفي ازاي بس انا رجلي متلجة ومش متلجة
محمد: هههههه
انا: متضحكش تاني بقى
محمد: ليه
انا: ضحكتك حلوه
محمد: انا بتعاكس
انا: اااايوا... مش البنات بتعاكسك
محمد: اي الفضيحة دي
انا: خد ب يدي ياولدي او اقلك ناولني عكازي
وطي يجيب حاجة من الأرض بس لحقت نفسي وطلعت اجري
محمد: قلة أدب ومسخرة
انا: هيهيهيهي
محمد: اه يا مايعة لو طلعتلك هحدف من البلكونة
انا: احترم نفسك ياض
محمد: ايوه كده يا شيخة عبدو موتة وحشني دانا ع لحظة كنت هفكرك تعبانة ولا عندك برد ولا حاجة
انا: طب أركن كده يابا
محمد: لا هنقل ادبنا هديكي ب الجزمة
انا وبقرب ب ثقة: تدي مين ب الجزمة ياض
شد سلك الشاحن فطلعت اجري وانا بصوت: الحقوني ياناس حظابط عايز يضربني والله لبلغ عنك يا حيوان
محمد: بلغي وربنا مانا سايبك
دخلت وقفلت الباب وانا فطسانة ضحك: ونبي خلاص مش هقول حاجة تاني بس سيبني اخرج
محمد: خليكي بقى جوه انتي حره
انا: خلي ف بالك انا ممكن اصوت والم الناس عادي
محمد: هما لسا متلموش
انا: ههههه
محمد: اطلعي
بدل ماتدور وتبحث علي الروايات خليها علي تليفونك وحمل تطبيقنا
