رواية بنات الاسد الفصل التاسع بقلم السلطانة نور القمر
بنات_الأسد
البارت_التاسع
بعد مرور شهر
🔥🔥🔥🔥
الاحوال كالتالي
_ نورين عملت علاج طبيعي وبقت مستمره علي العلاج ونور معاها و برضوا بتشتغل وبتعمل شغلها علي اللاب توب و بتبعته علي النت وآوس دائما هو وفهد معاها
_ نور بتعمل علاج طبيعي مع نورين و نوران منعت الاثنين يرحوا الشركه وجيهان معاها فاضطروا يقعدوا في البيت
_ جيسي فتحت فرع جديد في استراليا و معاها ريما عبدون ملكه الاقتصاد
_ نوران مسكت شغل الشركه بايد من حديد لوحدها وماك الاندلسي لما عرف انها عملت الحادثه نزل مخصوص عشانها بطريقه سريه ذي العاده وقعد معاها فتره وبعد كدا سافر روسيا بعد ما اطمن عليها وبقي رعد الحديدي تحت عنيها ودخلت جواسيس تباعها في قصره وشركات الحديدي بتاعته ورعد مش يعرف حاجه عن الموضوع نهائي
_ رعد الحديدي مش ارتاح غير لما شاف نورين بنفسه و راقبها من بعيد ورجعت الحياه له ثاني وعرف الخسائر اللي حصلت ليه و بيحاول يعوض اللي حصل وعرف أن السبب وراها نور و جيسي ونوران وحلف الامبراطورة والعقرب والاميره بالموت لكن اللي واقف في طريقه اسر المنشاوي عشان حاطط حراسه عليهم طول الوقت وعرف أنه ساعد جيسي في الخسائر اللي حصلت ليه غير اللي فهد حاطها بعد ما عرف بموضوع الحادثه بس ميقدرش يقرب منه و بيخطط لحاجه ثانيه عشان هو بعيد كل البعد عن الملك و ميقدرش يقرب منه من الأساس
_ سيف حاول يعرف اي حاجه عن بنات اسد بس معرفش وده سبب خنقه وقرر قرار نهائي و هو ...... .........
_ ياسين كل يوم مع واحده عشان ينسي نورين اللي خطفت قلبه من اول لما شافها ولما حاول يعرف عنها حاجه معرفش غير العادي و اللي الأغلب يعرفه قرر ينسها وبقت حالته اسوء من الاول والكل لاحظ ده
_ ادهم حط كل انشغالته في الشغل وبقي يقعد في الشغل ساعات طويله وهنا حزنها علي اولادها بقي كبير ومش عارفه تعمل ايه
_ كشماء مطلوب قتلها بسبب فضائح لرجال أعمال نشرتها و المخابرات عرفت وجه أمر من القياده بحمايتها و توكيل الحمايه لفهد السوهاجي
_ اسيا بعيده عن كل اللي بيحصل و بتذاكر باجتهاد عشان آخره سنه ليها في الكليه وتبقي معيده
_ أما بنات اسد طلع عندهم شغل ضروري ولازم الكل يروح واضطر الكل يسافر لندن عشان الشغل حتي نورين ونور
_ فهد طلع سفريه شغل عشان يجيب ميكروفيلم من باريس وجابه وجه مصر و خد اجازه شهر بس بعد اسبوعين مديره طلبه وفهد راح عشان يشوفه
🔥🔥🔥🔥🔥🔥🔥🔥🔥🔥🔥🔥
في مبني المخابرات
(فهد دخل بعربيته وكان محط أنظار الضابط البنات والكل بيتمني نظره منه ولكن هو لبس نظارته بكل غرور ودخل مكتب مديره )
رفعت : اهلا بالفهد منور
فهد بضحك : رفعت والله وحشني يا رجل
رفعت بضحك : ياض ده انا مديرك
فهد قعد من غير استاذن وضحك : وخالي برضوا الصراحه مش بالع كلمه فندم ديه ده انا كنت بركبك حصان وانا صغير
رفعت بضحك : طب اتكتم بدل ما كرمتي تبقي في الأرض بسببك
فهد بهزار : وانا موجود ما حدش يقدر ده انا الفهد
رفعت بضحك : تربيه اسد صح امال شمس بكلمها مش بترد ليه
فهد بضحك : طلعت شهر عسل مع رافت ووجد واليف بمناسبه ذكري جوازهم والله أنا خايف ترجع شمس حامل بعد العمر ده و اللي مش عاملته وانا صغير هعمله وانا رائد و اغير بامبرز علي اخر الزمن
( رفعت بصله و انفجر في الضحك و فهد بيبص عليها بابتسامه و رفعت حرك رأسه بيأس )
رفعت : انت كارثه بجد مش عارف اقولك ايه عمرك ما تتغير
فهد بجديه : قولي ايه اللي خلاك تجبني من الاجازه بتاعتي اكيد حاجه مهمه و عايز اسمع و ياترا القضيه المره ديه في أي بلد وايه السبب
رفعت بجديه : مش المره ديه المره ديه غير القضيه مختلفه .
فهد : عايز اسمع !
رفعت : احنا جه لينا مهمه وهي حمايه صحفيه وليها اسمها في البلد و مش بس مصر ده علي مستوي عالمي و الصحفيه ديه فضحت رجال أعمال كبار في البلد وهي في قسم جرائم وفضائح رجال الأعمال وهي من عيله كبيره بس حبت تكون اسمها بمجهود وفعلا عملت كدا في وقت قصير بس ده سبب ليها عداوه مع رجال أعمال كبار ومنهم رعد الحديدي ومطلوب التخلص منها مهمتك ديه انك تحميها يا فهد وتبقي ذي خيالها هي و عيلتها 24 ساعه في 24 ساعه
( فهد بص ليه باستغراب من التصرف اللي عملته مافيش حد عاقل يعمل اللي عملته ده )
فهد : وهي البعيده متخلفه في حد يعمل كدا ما في حكومه في البلد عامله نفسها سوبر مان و الهانم أنا مستحيل اقعد معاها في بيت واحد ومع ناس غريبه اه ده شغلي بس انا مش ملزوم وديه إجازتي يعني ممكن تطلب من حد غيري
رفعت : فهد أنا متفهم ده وعارف انك لسه راجع من مهمه كان فيها حياتك بس للاسف التعاليم جت أنك أنت بالذات و بالاسم اللي تمسكها ولو انت في اجازه تتلغي وده امر مش بايدي وعلي العموم مش انت اللي هتقعد معاها هي اللي هتقعد معاك
فهد بسخريه : لا يا رجل احلف كدا وأكمل بجديه : تقعد معايا في يا عم انت
( رفعت بص ليه بثقه هو كان متاكد من اللي ممكن فهد يعمله و عمل احتياطاته و اتكلم بهدوء )
رفعت : في القصر و بعدين مش القصر ده بتاع ابوك كمان ولا انا متهيالي وهو و أليف واسد اللي عملوه عشان يبقوا سوا واولادهم وانت عندك فيلا بتاعتك بس مش بتروحها
فهد : اه فعلا ابويا عمله مع اسد بس ده مش موضوعنا واصلا النسبه الأكبر فيه لاسد وهو مش موجود يبقي لازم بناته يوافقوا الاول وجيسي وآوس
رفعت : أنا كلمتهم وقولت ليهم علي الموضوع وهما وافقوا
( فهد بص ليه بصدمه مش مصدق اللي سمعه لو كان بيفكر يخرج من الموضوع بذكاء أو بدون رفض القضيه شكلي دلوقتي اتقفلت من كل الاتجاهات و بقي قدام الامر الواقع خصوصا بعد ما اخواته وافقوا )
فهد بصدمه : نعم
رفعت : اه المطلوب منك تروح مع حراسه البيت وتاخد البنت وعيلتها
فهد بصله بغضب و اتكلم بصوت حاول يكون هادي مهما كان ده مديره اه خاله و كان لسه بيهزر معاه بس الشغل مالوش دعوه بالعلاقات الشخصيه : طب ايه دخل عيلتها بالموضوع ؟؟
رفعت تتنهد و اتكلم بجديه : عشان هما كمان في خطر وطالما هما في قصر عز الدين مستحيل رعد يفكر يقرب منها أو من حد تابعها غير لما يفكر الف مره واحنا وكمان عشان نورين في القصر يخاف يعمل حاجه غلط عشانها وانت عارف كدا يبقي لازم نستغل النقطه ديه لصالحنا وكمان في نظام حمايه ثلاثي الأبعاد بتاع نور في القصر غير الحراسه اللي نوران حاطها يعني القصر مكان آمن جدا من كل الاتجاهات ولا لا رعد الحديدي ولا غيره يقدروا علي امبراطوريه عز الدين وعلي فكره اخواتها رجال أعمال كبار وليهم اسمهم وانا كلمتهم وكانوا رافضين الفكره من الأساس بس انا وضحت ليهم ذي ما وضحت ليك بالظبط و عشان هما خايفين عليها وافقوا و غير أنه في حد ضرب عليها نار وهي خارجه من الجريده بس لحظها جات في زميلتها فهد خلي بالك البنت ديه بنتي ابوها الله يرحمه كان صاحبي و هي في مقام بنتي ابوها وصاني عليها قبل ما يموت هي و اختها
فهد بجديه : تمام يا فندم اعتبر الموضوع خلص بس فتره الحمايه ديه قد ايه
رفعت : لحد لما الموضوع يتحل ونشوف رعد الحديدي هيعمل ايه ثاني بعد اللي عمله امبارح فيها
( فهد حرك رأسه بهدوء و هو لحد دلوقتي حاسس بتشويش ، هيتصرف ازاي ، تعامله مع العيله ديه هتكون ايه بس تتنهد بص لرأفت )
فهد : عايز ملف القضيه
( رافت فتح درج مكتبه بهدوء و طلع ملف اسود و اداه لفهد اللي خده من أيده بهدوء و قام من مكانه و خرج من غير ما يقول كلمه ثانيه و رافت ابتسم بثقه و رجع ظهره لورا )
( فهد خرج من المبني و راح في اتجاه عربيته و فتح الباب و حط الملف و دخل العربيه و قفل الباب وراه و تتنهد بضيق و بص علي الملف اللي علي الكرسي اللي جنبه و قرر ياخد فكره عن الصحفيه ديه و مجرد ما فتح الملف اتصدم الاسم و البنت )
الاسم : كشماء المجدي
السن : 23 عام عزباء
الوظيفه : صحفيه في جريده **** في قسم الجرائم وفضائح رجال الأعمال
الاهل و النسب : الابنه الكبري لعلاء المجدي خريجه من كليه الاعلام لديها شقيقه واحده اسيا المجدي و توفي والدها و والدتها في حادث سير تولي تربيتها بعد وفاه والدها صديقه المقرب محمود الجارحي اصدقاء معدودين و ليس لديها علاقات مع أحد
( فهد بص علي الاهم و اكتفي بالقدر ده وده بالنسبه ليه كفايه و قفل الملف و حط في الكرسي اللي جنبه و مسك تليفونه و اتصل علي شركه الحراسه بتاعته و طلب يروح جزء منهم في العنوان المطلوب )
فهد : لما نشوف يا انثي الفهد انتي شكل حكايتك طويله معايا
( شغل عربيته و مشي في اتجاه قصر الجارحي و بعد مده من الوقت وصل هناك و في نفس وصول الحرس )
ودخل القصر بعد ما الخادمه سمحت ليه بالدخول مشيت معاه لمكان تجمعهم دخل لقي الكل قاعد في حاله من السكوت التام و حمم بجديه و اتكلم بصوت رجولي عذب
فهد : مساء الخير
سيف رفع نظره في اتجاه الصوت و لقي قدامه فهد و افتكره و عرف أنه فهد السوهاجي اللي جه عشان ياخد بنات اسد من عنده و بص لاخواته اللي باين علي ملامحهم الصدمه هو بص ليهم بجديه لتمالك نفسهم
و الاثنين اوما بهدوء و فهد بص علي تعابير وشوش الشباب هو فعلا في كان مستغرب و و ماكنش متوقع أنهم اولاد الجارحي و قال يمكن تشابه اسماء لكنه ده دلوقتي بيأكد العكس و هنا بتبص علي اولادها و مستغربه رد فعلهم و بصت في اتجاه الشاب اللي دخل و بعد كدا وجهت انظارها تجاه محمود اللي بصلها بعدم فهم
محمود بهدوء : مساء النور مين حضرتك
فهد بهدوء : أنا فهد المخابرات المسئول عن حمايه الانسه كشماء
محمود : اه اهلا وسهلا اتفضل يا ابني اقعد
فهد قعد و بص في اتجاه محمود : طبعا سياده اللواء رفعت كلم حضرتك وقال ليك عن الموضوع كله و بتمني تتفضلوا معايا كل حاجه جاهزه برا
( كشماء عيطت وسيف حضنها وفهد اول مره ياخد باله منها أو أنها موجوده معاهم و لاحظ أنها اجمل و احلا من الصوره عيونها البني المحمره من العياط و وشها الاحمر خصلات شعرها اللي واقعه علي عيونها و تلقائي نزل وشه علي شفايفها و لقي نفسه بدون اراده منه مركز معاها و علي كل تفاصيلها و لقي سيف خدها في حضنه و هي دفنت راسها في رقبته و هو بيمسح علي شعرها بحنان )
كشماء بعياط : أنا السبب صح يا سيف أنا اسفه بجد
سيف بحنان ومسح دموعها : مين اللي قال كدا أنا فخور انك مش بتسكتي عن الظلم بس طريقتك كانت غلط وانا ياما قلت ليكي بس انتي عنيده بس مش عايز دموعك فاهمه يا انثي الفهد انتي
( كشماء ضحكت وسط دموعها هو بعدها عن صدره و مسح دموعها بعد خصلات شعرها الواقعه من علي وشها بحنان و باس راسها و فهد بيبص علي اللي بيحصل باستغراب بس سكت )
هنا بحنان : خلاص يا عمري بقي وبعدين مش ممكن يبقي خير لينا
محمود : خلاص بقي يا حبيبتي
اسيا للتخفيف عن اختها و قعدت جنبها و حطت أيدها علي رأسها ب حنان : احنا جنبك دايما يا حبيبتي مهما حصل و بعدين احمدي ربنا انها جات علي قد و صاحبتك اسراء كويسه اهو ماحدش حصل ليه حاجه
فهد : تمام كدا حضرتكم جاهزين و لا لسه في حاجه ثانيه
ادهم ببرود : اه
فهد : طيب اتفضلوا معايا و حاجتكم هتحصلنا
( خرج مع الباقي و سيف لسه واخد كشماء في حضنه و هي ماسكه فيه بخوف و رافضه تبعد عنه هو استسلم لرغبتها اول لما خرجوا لقوا في انتظارهم أسطول من العربيات و الحراس لابسين ذي واحد و الشعار فوق اللبس الاسد )
فهد بهدوء : الكل هيركب معايا في عربيتي هتاخد الكل و هتبقي أمن ليكم و شاور للحراس اللي اوما بطاعة لفهد
( الكل ركب العربيه مع فهد و هو تولي السواقه بنفسه و حاله من السكوت مسيطره علي الكل و فهد كل فتره و الثانيه بيبص علي كشماء اللي في حضن سيف و من غير كلمه و هنا لاحظت التوتر السائد في الجو بينهم و اتكلمت بود )
هنا : احنا مش عارفين نقولك ايه احنا عرفنا انك جيت من اجازاتك عشانا
فهد بابتسامه هادئه : ولا يهمك ده واجبي ومش اول مره يحصل فيا كدا اتعودت خلاص
هنا بابتسامه : اسمك فهد و لا ده اللقب
فهد بابتسامه هو بيرد علي سؤالها و بص في المرايه ليها : لا أنا اسمي فهد اللقب فهد المخابرات .
هنا : بس انتي صغير اوي أنا كنت فاكره أن فهد المخابرات ده واحد خمسيني
فهد بصلها و ضحك : هههههههههههه حرام عليكي خمسيني ايه ده انا 30 سنه بس اهو السمعه ديه بقي دائما مكبراني كدا
هنا بضحك : لا ده انت عسل ماشاء الله ربنا يحميك لاهلك يا رب
فهد بابتسامه : شكرا يا هنا هانم
هنا كشرت بضيق : هنا هانم ايه لا انت تقولي ذي ولادي هنا عادي و بعدين كبيره أنا اوي عشان هانم ديه
فهد بضحك : كبيره مين اللي قال كدا ده انتي حتي شبه بناتك ماشاء الله عليكي
هنا ضحكت : مش للدرجه ديه ده معايا اولادي قدك
فهد : اه ما انا اعرفهم ازيكم يا شباب
سيف ابتسم بهدوء : الحمد الله يا فهد
محمود باستغراب : تعرفوا بعض
سيف ببرود : عادي
( محمود بص ليه و تتنهد بتعب و لف وشه للشباك ثاني و فهد لاحظ رد سيف البارد علي محمود و عرف أن فيه حاجه غريبه بس سكت مالوش حق التدخل و هنا لاحظت أن سيف أحرج قدام فهد و أن فهد لاحظ ده و اتكلمت لتدارك الموقف )
هنا : وانت يا فهد عندك اخوات ؟؟؟
( فهد بصلها لسه هيتكلم تليفونه رن و ابتسم باعتذار وهي حركت رأسها بابتسامه بتفهم و فهد فتح التابلوه و طلع سماعه بلوتوث منها و حطها في أذنه و بعد دقيقه ..... )
فهد : جيجي روح قلبي وربنا
جيهان : بتضحك عليا اجازه ايه بقي و ايه اللي رفعت قاله ده
فهد : الرجل رفعت ده كرهني في الشغل وربنا علي العموم أنا شويه وجاي و نبقي نتكلم يا حبيبتي
جيهان بغيظ : مش تيجي البيت أنا زعلانه منك مش كفايه الحيوانات الخمسه سبوني لوحدي وانت كمان يا فهد !!
فهد بضحك : وربنا يا حبيبتي ما اقدر علي زعلك اؤمري وانا انفذ يا عمر فهد وبعدين أنا خايف من سفريه رفعت لحسن يخلف وابقي علي كبر اغير بامبرز شكلي هيبقي في الأرض يا جيجي وربنا
جيهان ضحكت بدون اراده منها و فهد ابتسم انه عرف يطلعها من ضيقها هو عارف مهما بتحاول تبين القوه و القسوه لكنه متعرفش و مافيش اطيب من قلبها
جيهان بضحك : طيب يا فهد هات شوكولاته وانت جاي عشان أصلحك وبقولك هو في بنات معاك في القضيه ديه عشان اتنوس عقبال ما بناتي الهبل ينزلوا من السفر
فهد : شوكولاته يا جيجي لو حد من بناتك عرفوا هروح فيها انتي ممنوعه منها اختاري غيرها
جيهان بسخرية : خلاص يا فهد ما تجيش البيت احسن
فهد بيأس : يا جيهان لو مش خايفه علي نفسك خافي عليا
جيهان ضحكت : ماكنتش اعرف انك اسم علي مافيش
فهد : بلاش الكلام ده عليا أنا فاهم بتعملي ايه
جيهان بنفاذ صبر : فهد لو مش جيت و معاك اللي طلبته منك ما تجيش البيت احسن انت عارف لو جيت من غيرها هعمل فيك ايه
فهد تأفف بخنق : طيب
جيهان بسخرية : سمعاك مضايق و بتكلمني من تحت درسك
فهد : هو انا قولت حاجه
جيهان : اممم طيب متتاخرش
فهد هو يضغط علي أسنانه : حاضر
( و قفل مع جيهان و شال سماعه البلوتوث بغضب هو بيتافف بنفاذ صبر )
اسيا بضحك : حبيبتك
فهد بيأس : لا والدتي
هنا : شكلك بتحبها اوي
فهد بضحك : اكيد مين مش يشوف جيجي ومش يحبها بس معلش هقف اجيب شوكولاته عشان لو روحت من غيرها جيجي هتخليني مش ادخل البيت اصلا
( الكل ضحك وهو نزل المحل بنفسه وكان باين أنه معروف فيه وخرج بعد شويه وكان معاه علب شوكولاته و حد من الحرس قرب منه و خدها هو ركب العربيه ثاني و ابتسم بأسف )
فهد : اسف يا جماعه علي التاخير بس احب ابشركم انتوا هنشوفوا امثال في البيت ربنا يستر بقي
الكل ضحك حتي كشماء من وسط دموعها وهو ساق العربيه ووصلوا القصر و يقف قدام بوابه شاقه الارتفاع و اقل في ثانيه البوابه تتفتح الكتروني ويبان القصر والكل يتفأجا من فخامه التصميم اللي فيه وكان شكله بيدل انه قصر اثري بس بلمسه تكنولوجيه نادره
فهد بابتسامه : اتفضلوا البيت بيتكم واحنا في ام البيت ده مافيش احراج طبعا
هنا بضحك : اكيد طبعا وكفايه انك موجود فيه
فهد بضحك : ايوا يا هنا خدي علي الجو
( محمود اضايق أنه بتكلم فهد كدا حتي لو قد عيالها بس بتتكلم معاه بحريه زياده عن اللزوم )
ودخل الكل مدخل القصر وكان عامل ذي القصور الملكيه بهو كبير جدا من النص سلم من جهتين مختلفتين و الاول بيوصل الجهه الشرقي و الثاني الغربيه و كل طابق يحتوي علي اكتر من ٢٠ غرفه و اربع اجنحه الأغلب اللون الذهبي الطابع علي الاثاث و النجفه الكريستال اللامعه في منتصف البهو
فهد : جاكي جاكي
جاكي الخادمه جات لما سمعت نداءات فهد باسمها : نعم مستر فهد !
فهد : الحارس هيدخلوا شنط وديهم الغرف اللي في الجهه الشرقيه !! وفين جيجي ؟؟
جاكي باحترام : امرك فهد بيه و الهانم الكبيره في المطبخ .
فهد ببرود : ماشي اتفضلي اعملي اللي قولت عليه .
جاكي : حاضر عن اذنك !
فهد : تعالوا اعرفكوا علي جيجي
آسيا بابتسامه : أنا متحمسه ليها جدا شكلها عسل صح ؟؟
فهد بضحك : احلا من العسل تعالوا
( فهد دخل المطبخ و كانت جيهان مديه ليه ظهرها و شاور للخدم بالخروج و بعد خروجهم فهد راح في اتجاها بخطوات هادئه و محمد و هنا سمعوا صوت مش غريب عليهم و بصوا لبعض بصدمه و القلق بينهش في قلب هنا )
جيهان : صوفي هاتي الدقيق !!
( فهد ضحك بخفوت وراح خد الدقيق من الرف الثالث و اداه ليها وهي خدته منه من غير ما تبص ليه هو ضحك و حضنها من ضهرها و هي انتفضت بفزع )
فهد بضحك : العسل بتاعي هنا و بيعمل بايده ميه مره اقوله انت والحلويات مش أصحاب أنا لسه صغير ومش عايز اموت بدري
( جيهان لفت ليه و بصتله بغضب من دخوله المفاجئ عليها و هنا بصت لجيهان بصدمه و محمود اللي بيبص عليها باشتياق و لاحظ أنها لسه ذي ما هي جميله و جملها مش أتأثر بالسن بالعكس ده زادت جاذبيه و جمال انتي من الاول و سيف بيبص علي تعبيرات أبوه و أمه و كور أيده بغضب لما شاف شكله أبوه )
جيهان بغيظ : انت كل مره تدخل كدا
فهد بغيظ ليها : و انتي كل مره تخافي مافيش منك فائده مش طالعه ذي بناتك قلبك جامد و بعدين دقيق ايه ده اللي عايزاه ميت مره اقول انتي و وجد و شمس مالكوش اي دخل بالجزء ده من القصر مش مكانكم سيبوا الناس اللي ليها فيه تعمل هي
جيهان : الغلط عليا قولت أرحب بالضيوف بتوعك بحلويات من ايدي
( فهد بصلها بعد كدا بص علي الطبق اللي متبهدل و الدنيا حواليها دقيق و سمنه و سكر و وشها اللي فيه دقيق و تتنهد بأسئ )
فهد : واجبك وصل يا جيهان مش محتاجه تقولي ده باين يا قلبى
جيهان رفعت حاجبها علامه الغيظ : انت بتتريق عليا
فهد ببراءه مصطنعه : ابدا و بعدين احنا هنقضيها خناق جيجي اعرفك
جيهان بصدمه : هنا
🔥🔥🔥🔥🔥🔥🔥🔥🔥🔥🔥🔥
في لندن
نوران قاعده علي المكتب وخلصت الشغل ورجعت لورا بدماغها و بتفتكر اسد وقطع أفكارها اسم اول لما شافته رجعت ليها الحياه و كيما تليفونها بسرعه و ردت بلهفه بانت في صوتها
نوران بفرحه : حبيبي وحشتني اوي
الشخص بضحك : وانتي اكتر اميرتي عامله ايه و ابتسامتي و قطتي بياخدوا العلاج وكله تمام
نوران بفرحه : اها يا عمري كلنا كويسين وحشتني اوي نفسي اشوفك يا غضنفر
غضنفر : وانتي كمان بس لازم نعمل كدا استحملي اميرتي وابقي الامبراطورة دايما وجيهان عامله ايه
نوران بحزن : مش كويسه خالص نفسها اسدها يرجع تاني هي بتحاول مش تظهر قدامنا بس هي زعلانه وانا عارفه
غضنفر : ابقي دايما جنبها انتي وأخواتك و بلاش تسبيها ماشي ابقي قد المسئوليه اللي الاسد حملها ليكم و ابقوا بجد بناته عارفه هتعملي ايه خلاص الوقت قرب
نوران : عارفه وحياه علوه اسد عندي لخلي رعد الحديدي بيشحت ومش ابقي بنت الاسد متقلقش يا حبيبي اه عرفت اللي حصل في القصر
غضنفر بضحك : اكيد مافيش حاجه بتستخبي عني ده انا الغضنفر ماعدا الحادثه بس يا جزمه منك ليها هتتحسبوا
نوران بضحك : قلبك ابيض يا بقي
غضنفر : ماشي يا هانم سلام وانا كلمت اخواتك وجيسي واطمنت عليهم وخلي بالك من الناس اللي في القصر يا نوران عشان رعد الحديدي مش هيسيب كشماء في حلها
نوران بهدوء : حاضر يا عمري كلها يومين و ننزل مصر هبقي موجوده
غضنفر : ماشي يا حبيبتي سلام وان شاء الله نتقابل قريب كلنا
نوران بهدوء : قريب اوي يا حبيبي سلام
و قفلت التليفون وقعدت علي الكرسي
نوران ببرود وخبث : الجد جه والشاطر اللي يكسب
يتبع
اللي اللقاء في الحلقه القادمه
سيف راح عاش مع الامبراطورة ومش يعرف رده فعله هتبقي ايه لما يعرف
الغضنفر عنده خطه و بيساعد بنات اسد يا ترا فيه سبب ولا عادي ولو ليه سبب ليه وايه هو
هنا وجيهان ومحمود ماضي ممكن الماضي يقصر علي الحاضر ولا أشخاص الحاضر اقوي من اهلهم
يتبع
