رواية غيرة حب الفصل المئه واثنان بقلم احمد صابر
محمد. لا ونبي
انا: اه والله بهزر وبعدين انت الي غلطان حد قالك تمسك ايدي
محمد: اقنعتيني... بس هعلقك برضوا
انا بضحك: لييييييييه هو افتري وخلاااااص
محمد: اه انا مفتري وظالم ومعرفش ربنا
انا: لا انت حظابط مش مفتري ولا ظالم انا عرفة
محمد: ثبتيني بقى ثبتيني
انا: واتثبت
محمد: الصراحة اه
انا: طب تعالي بقى عشان احكيلك
محمد: اي
انا: اقعد بس عشان ده حوار محتاج قعدة وكبايتين نسكافيه
قعد وانا دخلت المطبخ وعملت كبايتين نسكافيه وطلعت: امسك
محمد: شكراً
انا: العفو... اسمعني بقى
محمد: سامعك اهو
وقعدت احكيلو عن مشكلة حصلت معايا وكالعادة لقالي حل: تعرف
محمد: اي
انا: انت المفروض كنت تبقى مصلح اجتماعي والله
ومسكتو من شعرو: شكراً شكراً شكراً يلا بقى باااي
سحبني من هدومي قبل مانزل
محمد: راحة فين
انا: اي ماسكة الحرامية دي ياباشا هروح في اي
محمد: بقى انا مردتش اتعشا الا متصحي عشان نتعشا سوا وانتي عيزه تروحي
انا: عايزه انام
محمد: تنامي اييييييي مشبعتيش نوم
انا: لا والله
محمد: امشي يابت قدامي
انا: مابوراحة ياشبح مش بالزعيق
محمد: يخربيتك وانتي مسترجلة كده
انا: تعالا ورايا يا شيطان
ضحك ودخلنا المطبخ حدفتلو الطماطم وغمزتلو: راقبني بقى وشوف الشيف بوراك
محمد بضحك: لا الله يسترك مش ناقص صويت الواحد مصدع خلقة اصلا السكينة تعورك تفضحيني انا لا تعالي كده
قعدت ع الكرسي واداني جزرة وخيارة: عيشي حيات الأرانب بتعتك دي على ماخلص
انا: طيب
طلعت ع السفرة وقعدت عليها وانا باكل راح حاططلي الموزة ف بوقي
محمد: تاخدي فلفل
انا: لااااااا
حطها ف بقو وهو بيضحك بصيتلوا بصدمة وشديتو من هدومو وانا قاعدة مكاني: يخروبيت سنينك فين يا واد الفلفلاية كلتها ازاي دي
محمد: سيبيني مش عارف اتكلم
انا: اهو
لفت وكمل تقطيع لقيتو حدفلي برتقالة وكان مقشرها: طب فصفصهالي
محمد بضحك: اي
انا؛ فصفصهالي
حط ايدو ع وشو وقعد يضحك وانا هرشت ف شعري
اخد البرتقالة وقطعها بسرعة بسكينة وحطلي فص ف بوقي وادهالي كلها ف ايدي: تؤمريني ب حاجة تاني
انا: لا شكراً... بقلك يا محمد
محمد: قولي يابابا
انا: هو لسان العفثور د....
محمد بمقاطعة: لا ثانيه بس معلش لسان ال اي؟!
انا: العفصور يا محمد اي مش عارفو
محمد: لا الحقيقة مش عارفو الي اعرفو ولحد علمي انو اسمو عصفور
انا: ههههههههه
محمد: جلطيني ياشيخة
انا: طب هو ده لسان العفصور ده ب...
محمد: شوف تاني هتقولي عفصور يابنتي عصفور عصفوووور
انا: مش بعرف انطقو غير كده
محمد: يا حلاوة
انا: المهم لسان العفصور ده قطعو لسان العفاصير ازاي جمعو العفاصير وحده وحده وقطعو لساناتهم يعني ولا اي
بصلي للحظة وانفجر ف الضحك: اه ياماا
انا: هو انا بقلك عشان تضحك
محمد بضحك: بصي كلو كوم وريأكشن وشك كوم تاني خالص اي العسل ده
انا: هاا
محمد بضحك: المهم كملي
انا: العفاصير ب....
لسا مكملتش وانفجر ف الضحك تاني
انا: شوف مش متكلمة تاني بقى
محمد بضحك: خلاص خلاص كملي
انا: ال
لسا مكملتش تاني وراح ضاحك: اوووووف
محمد بضحك: عفاصير ازاي يا إيمان
انا: اي حاجة معرفش بقى
محمد: لسان العصفور ده من الدقيق زي المكرونة كده
انا: قول والله
محمد: والله
انا: المستر كان متعصب امبارح اوي
بصلي وسند ضهرو ع الرخامة وضم ايديه: ليه
حطيتلو البرتقال ف بقو: مش عرفة بس كان بيتلكك بص هو مش بيتلكك انت فاهمني انا مش عارفة اشرح
محمد بضحك: فاهم
انا: الصراحة عندو حق العيال قاعدة تتكلم وصوتهم عالي واحنا المفروض بنقعد نراجع لا دول كانو بيتكلمو بس احنا اقسم بالله متكلمنا انا كنت بحفظ بسملة هيا الي كانت بتتكلم هيا والي جمبها ولما جه يكلمها زعلت وقعدت تبرطم بعدين سكتت والمستر كمل شرح وبيقول ان الصوت جاي مننا احنا والي قدامنا وكل مايقول كده بسملة ترد هههههه ف هو بيقولها اشمعنا انتي الي بتردي مانتو 8 ومحدش فيهم اتكلم انتي الوحيده الي بتردي ههههه
محمد: لا ذكي
انا: ازاي
محمد: هو عارف ان هيا الي بتتكلم بس عايز يتأكد فقال كده ولما هيا الوحيدة الي ردت ثبتت كلامو
انا: تصدق
محمد: دوقي
اكلت وبصيتلو: الشيف بوراك ياناس
بصلي وضحك وحطلي الاكل ف بوقي: عليكي امتحان عربي بكرة
انا: ايوه
محمد: ذاكري كويس
انا: حاضر
فونو رن وفتح واتكلم بهدوء وبعدين لقيتو اتكلم بعصبية ف اتخضيت واتنفضت من مكاني وبصيتلو بخوف: اهدي مفيش حاجة متخافيش...ثانيه وجاي كملي اكلك
انا: انا شبعت
بص للأكل وبصلي وقفل الفون: كملي اكلك انا جمبك اهو
هزيت راسي ب لاء وانا لسا بصالو برعب وجسمي بيترعش من الي سمعتو
محمد: اهدي يا إيمان
انا: يقتل مين
محمد: ميقتلش حد يا حبيبي مقيتلش حد كملي اكلك يلا
عيوني احمرت وكنت خلاص هعيط: عيزه ميه بسكر
بصلي وضحك وعملي عصير واداهولي وانا شربت وانا لسا بصالو بخوف
محمد: يابنتي في اي
انا: انا شبعت
محمد: اكلك زي ماهو اكلتي اي اعملك حاجة تانيه
انا: ونبي شبعت روحني
حطلي الاكل ف بوقي: لما تاكلي الأول
انا: مش هتاكل؟
محمد: لا كلي انتي انا شوية كده ونازل
انا: رايح تقتلو صح
محمد: كلي يا إيمان كلي
انا: رايح فيييين
قلتها بصوت عالي ف وقف وبصلي ف بصيتلو بخوف وحطيت ايدي ع بوقي: مش انا والله
محمد: مش انتي اي
انا: الي اتكلمت
محمد: والله! اومال مين
انا: لساني هو لساني ابن الجزمة كنت اتشل قبل ماتكلم اتفضل يا باشا شوف حالك انا هتصرف معاه قليل الادب مترباش ده
اتجه للباب عشان ينزل: حظابط كلمة وحده بس وحيات ربنا معلش لو هزعج حضرتك يعني
محمد: قولي
انا: مش هتاكل؟
محمد: لما اجي
انا: طب اخر حاجة ونبي
لفت وبصلي تاني
انا: انا انا شبعت عيزه اروح هو الاكل ب الغصب في اي لا متبصليش كده وحيات امك عشان بخاف اقسم بالله هاكل اهو والله هاكل بص باكل اهو
بصيتلو وانا خلاص هعيط وبعدين بصيت للأكل: هاكل اهو هاكل في أي
محمد: تعالي
نزلت من ع السفرة بفرحة: هتروحني صح
محمد: في اي يا ماما هو انا حابسك
اخد الاكل وطلعنا برة وقعدنا ولسا هتكلم لقيتو حط الاكل ف بوقي
محمد؛ يلا بسرعة خلصي اكلك
كل مابلع الاكل واجي اتكلم يحط الاكل ف بوقي وجه يحط الاكل ف بوقي تاني ف مسكت ايديه وغمضت عيني وانا ببلع الاكل: فيييييي اييييييي مابورااااحة
محمد: يلا افتحي بوقك
انا: شبعت يا محمد شبعت والله هرجع
محمد: طب اطلعي فوق يلا
انا: هروووح
محمد: هتروحي تعملي اي محدش ف البيت
انا: ماما مش ف البيت؟
محمد: لا خالتي فوق
انا: اممم هتيجي بسرعة
محمد: هاجي بسرعة
انا: ماشي
قومت وطلعت فوق وهو نزل بسرعة ع السلم وركب العربية ومشي لسا هدخل من البلكونة لقيت الجرس بيرن: اي ده هو قالي هايجي بسرعة بس معتقدتش بسرعة دي
روحت عند الباب وفتحت
معاذ؛ امسكي
انا: اي ده
معاذ؛ صواريخ
انا بضحك: يخربيتك
معاذ: ايوه انتي كده فرحانة ولا زعلانة يعني
انا: ضحكت يبقى فرحانة اي الهطل ده
معاذ: اومال يخربيتي ليه انتي عندك انفصام
انا: قلة أدب مش عايزه هات بس سؤال هنفرقعهم ف البيت
معاذ: ايوه
انا: متأكد
دخلنا جوه وخلاتي كانو قاعدين ولع الصاروخ وحطو جمبهم وفضلنا نعد راح مفرقع وخلاتي اتخضو وقامو بسرعة وهما بيصرخو
نرمين: نهاركو اسود اي إلى انتو عملتوه ده
مني: ليه كده يا معااااااذ
معاذ؛ ياساتر يارب ف اي ياماما
مني بزعيق: قطعتلي الخلف
معاذ: احسن يا ماما كفاية لحد كده
والدتي: يلا يا جزمة منك ليها بره
مني سحبت معاذ وطلعتو بره وماما سحبتني انا وطلعتني وقفلوا الباب
انا: اوووف اي ده
معاذ: ماما افتحي الباب عيب مينفعش كده انا زي ابنك برضوا
انا: انت السبب
معاذ بضحك: كان شكلهم مسخرة
انا بضحك: اوي... ايوه هنروح فين دلوقتي
معاذ: مش عارف
الجو كان برد وانا كنت بدفي ف ايدي
قلع الچاجت وحطو عليا بصيتلو وضحكت: اي الفيلم ده
معاذ: فيلم اي احنا مطرودين بره البيت
انا: معرفتش برضوا هنروح فين
معاذ: ع باب المسجد
انا: او اي ملجأ يلمنا
معاذ: فكرة برضوا
نزلنا تحت وفضلنا ماشيين ف الشارع: معاك صواريخ
معاذ: ايوه ليه
انا: طلعهم
طلهم واداني منهم وشغلناهم ورميناهم ف الارض الصوت كان عالي ف اتخضيت: هار اسود وملون
معاذ: محمد لو شافنا هيحبسنا
فيه ولد اخنف تقريباً بيتكلم من منخيرو جه وكان بيقول حاجة
انا: هو بيقول اي
معاذ: مش عارف... هو ليه بيتكلم من منخيرو
انا: ده اخنف ياعم
معاذ: متنمرة
انا: احنا لازم نبعد عن بعض ف رمضان صيامنا مش نافع
معاذ: احنا ماشيين نتريق ع خلق الله داحنا هنتسخط
قعدنا نضحك
معاذ: انا رايح اللعب ماشي
انا: تلعب اي
معاذ: كورة
انا: وانا
معاذ: كلهم ولاد تلعبي فين انتي
انا: اي المشكلة يعني متبقاش راجعي كده
معاذ: لا اللعبي مع البنات هنا
انا: خلاص هاتلى كورة الأول
راح اشترالي كورة وقعدت اللعب انا والبنات ف الشارع ببص لقيت ملك نزلت جري: عيزه اللعب عيزه اللعب
قعدنا نلعب مع بعض لقيت حنين جايا من الدرس: حنيييين
قعدت تتلفت حواليها ولما شفتني جت: بتعملو اي يخربيتكو
انا: تعالي اللعبي معانا
حنين: نزلتو ازاي ولا مين الي قالكم تنزلو محمد عارف انك ف الشارع
انا بضحك: ولا محمد ولا مازن هنا تعالي
شديتها من ايديها قلعت الشنطة وحطتها ع السلم
وقعدنا نلعب واحنا بنلعب حدفو الكورة بعيد وروحت اجيبها لقيت حد شالها من الأرض واداهالي كنت بصه للكورة ومشوفتش وشو اخدت الكوره وكنت لسا همشي: إيمان
رفعت عيني من ع الكورة وبصيتلو: انت تعرفني
الشخص: ايوه
انا: وانت مين بقى وتعرفني منين ولا عرفت اسمي ازاي اصلا انا اول مره اشوفك
كان لسا هيتكلم بس ملك ندتلي بصيتلو و طلعت اجري وانا معايا الكورة وكملت لعب
انا: مجتش فيا
حنين: لمست طرحتك
انا: مانا محستش بيها
حنين: معرفش بقى بس جت فيكي
انا: اخلصي يا حنين اقفي
وقفت ف النص وحدفت عليها الكورة ومن اول مرة جت فيها
حنين: اي ده دانا لسا ملعبتش
انا: مليش دعوة
ملك: تعالو نعمل فاريق انا وإيمان... وحنين و سهيلة هما قد بعض
انا: يعني انتي الي قدي مبلعبش مع عيال لو سمحتي
ملك: لا والله!
ندى: انا وانتي يلا
انا: انتي ف سنة كام
ندى: تالتة اعدادي
انا: اي ده وانا اسمك اي
ندى: اسمي ندى وانتي إيمان صح
انا: ايوه
ندى: اتشرفت يا إيمي
انا: احيه اقول اي
ندى: وانا كمان
انا: وانا كمان
ندى: يلا نلعب
ملك: طب وانا
ندى: انتي استنى كان اسمو اي إلى هو بيدخل ف كل دور ده مش فكرة اسمو
ملك: طيب
قعدنا نلعب ولقينا الشباب اتلمو وقعدو مع بعض بعيد وهما بيبصو علينا
انا: اعوزو بالله
ملك: نطلع؟
انا: طب فين معاذ
حنين: تلاقيه ف الملعب
ملك: طب يلا هنلعب ع مايجي
ندى: يلا دورنا
انا: يلا
سهيلة: اقفي قصادي يا حنين
حنين:حاضر
انا: متلحقوش تحدفو الكورة انا مش بلحق اجري
حنين بضحك: حاضر
طلعت اجري وهما بيحدفو الكورة بسرعة: براحة ياولاه براحة اي الحزن ده في اي مش بلحق اروح هناك كده انا بفضل ف مكاني ابتلاكو بحزن
سابو الكورة ووقعو ف الارض من كتر الضحك
انا: والله على ما اروح هناك كده الاقي دي حدفت الكورة هو احنا بنعمل ف دوركم كده هاا
سهيلة بضحك: طب خلاص اقفي هنلعب براحة والله
انا: انتي حلفتي
سهيلة: والله هنلعب براحة
كملنا لعب وكانو بيلعبو براحة
ندى: اللعب رخم
حنين: عشان مش سريع
انا: لا ده كده تحفه
ندى: هو انتي بجد ف تالتة
انا: ايوه والله
ندى: عندك كام سنة
انا: 15
ندى: مش باين عليكي خالص طب طلعتي بطاقة
انا: لا
ندى: ازاي وانتي 15
انا: احم هقلك بس اوعديني انك متتريقيش
ندى: والله مهتريق
انا: انا 14 سنة بس قربت اتم ال15 عادي يعني
ندى: امتى
انا: ف 9
ندي: لسا ف 9
انا؛ اممم طب انتي عندك كام سنة
ندى: 15 دانا مطلعة البطاقة
انا: امممم
كنا لسا هنكمل لعب بس لقينا عربية محمد جايا من بعيد: هار اسود اروح فين واجي منين اروح فين واجي منين
ندى: اي في اي
انا؛ دانا هتشلوح
ملك: كلنا
حنين: طب سامو عليكو
وكانت لسا هتتسحب عشان تروح منغير مامحمد يشوفها الا ولقينا عربية مازن وراه
حنين وهيا بتخبط ع وشها: يادي اللبسة السوده
استخبينا ورا بعض جمب الحيط وهما كانو طالعين وقفو مع بعض شوية وكانو بيتكلمو وبعدين كانو هيطلعو بس مازن وقف ومسك الشنطة الي كانت ع السلم بتاعت حنين
حنين: يالهوي يالهوي
محمد وقف وبصو لبعض هما الاثنين
بصيت ع محمد: يختيييي يختي يختي مش بخاف الا من دماغك انت هنتعلق
ملك: انا زنب امي اي ف كل ده انا عيزه اروح انا اي إلى نزلني
انا: اهدي بقى عشان هعيط اقسم بالله
حنين: انا غلطانة ان سمعت كلامك مانا كنت جايا من درسي كافية خيري شري ومروحة
انا: مروحة اي دلوقتي الجو برد
حنين: مِروحة مش مَروحة
انا: اه اهم حاجة الكسرة
ملك: انتو ف اي ولا ف اي ياختي انتي وهيا
بصينا عليهم لقيناهم اختفو بصينا لبعض وطلعنا وكنا رايحين عند الباب لقيت حد بيصفر لفت لقيتو واقف وساند ع العربية وضامم ايديه خبط ع وشي حنين جت تدخل مازن سحبها زي الفار وراه هيا وملك بصيتلهم بخوف ورجعت بصيتلو وابتسمت بسذاجة: حظابط ازيك واحشني ياجدع فينك من زمان
محمد: امممم هقلك دلوقتي فيني
سحبني وراه زي الفار وهو حاطط ايدو التانيه ف جيبو: وحيات امك انا ولية بجري ع يتامي ياباشا لو موت دلوقتي قولي اسيبهم لمين ها عفى الله عن ماسلف عرفاك قلبك طيب وبتسامح خلاص بقى يا حظابط يابو قلب طيب ياقمر انت سيبني
محمد: هنشوف الموضوع ده بعدين
فتح الباب ودخلنا وهو لسا ساحبني وراه: استر يارب اه يا صغيرة ع البهدلة يا إيمي
قعدني وشد الكرسي وقعد عليه قدامي وانا حطيت المخدة ع وشي: شالله يخليلك عيالك ياباشا اخر مرة والله
شال المخدة بهدوء ورماها ع الانترية وبصلي وفضل ساكت وانا خايفة من هدوءو الغريب بص ع چاكت معاذ الي كنت لبساه لقيتو بيتكة ع ايديه جامد بعصبية: نزلتي ليه
انا: هقلك والله هقلك نزلت ليه بص انا كنت انا ومعاذ بنلعب وماما طردتنا واحنا مش عرفين نروح فين ف نزلنا هو راح يلعب مع صحابو كورة وانا كنت بلعب مع صحابي
محمد: استأزنتيني
انا: لا بس انا مكنتش هنزل الا لما اتطردنا صدقني اخر مرة والله
محمد: وانتي تلعبي ليه
بصيتلو وانا خلاص ع أخرى وهعيط: ايوه عايزني اعمل اي يعني
محمد بتحزير: متعيطيش يا إيمان بكلمك بهدوء اهو اي لزمة العياط
انا: اصل انت غريب لما بتقولي منزلش بسمع الكلام وبقول حاضر اي ومش عاجبك كمان عايز اي تاني نزلنا وخلاص ولعبت شوية من نفسي هو حرام
محمد؛ لا مش حرام بس ان الشباب قاعدين يبصو عليكو وانتو بتلعبو ده الي عادي مش كده عادي ان الساعة 10 بليل وحضراتكم قاعدين بتلعبو ف الشارع عادي صح
انا:مش كنت بتقولي اعملي الي نفسك فيه وانا فضهرك حتى لو غلط مش كنت بتقول كده مش ده كلامك برضوا
محمد:ايوه قولت كده ولسا عند كلامي بس مش معني ان قولت كده انك تعملي الي حزرتك منو كل حاجة وليها حدود ان انتي تنزلي بليل ده مش مسموح بيه وانا محزرك بدل المره مليون يبقى من حقي اتعصب ولا لا
انا؛ ماشي بس منزلناش بمزاجنا
محمد: انتو لو كنتو عايزين تدخلو كنتو هتعملوا اي حاجة مش هتغلبو ف حاجة زي دي صح ولا انا غلطان
بصيت ف الارض وسكت
محمد: هسامحك المرة دي يا إيمان بس لو اتكررت تاني صدقيني مش هتعدي ع خير
هزيت راسي وانا ساكتة
قام وقف ودخل اوضتو فضلت قاعدة شوية وبعدين دخلت المطبخ وبعد دقائق طلعت رحتلو خبط ع الباب وسمح بالدخول دخلت لقيتو نايم وحاطط دراعو ع عينو وايدو التانيه تحت راسو قعدت ع الكرسي وحطيت الاكل ع الكمود: حظابط
محمد: اممم
انا: قوم
شال ايدو من ع عينو بهدوء وبصلي وقعد
انا: انا اسفه... عرفة انك زهقت مني ومن مشاكلي وان ع طول بتعبك وبصدعك ومش بسمع الكلام وزهقت من مشاكلي وخناقاتي وتصرفاتي وبتبقي جاي تعبان وانا بفضل ازهق فيك ومش بخليك تنام وبفضل اعصبك بس والله غصب عني مش ببقى قصدها وحيات ربنا
محمد: قلتلك قبل كده ان عمري مازهقت منك اما بقى ع انك مش بتخليني انام ف انا راضي ياستي لو ده هيخليني اشوف ضحكتك الحلوه دي ع طول
انا: امسك
محمد: اي ده
انا: بيض مقلي عرفة انك مكلتش... معرفتش اعمل غيرو والله
محمد: شيطيه
انا: لا والله المرة دي لا
محمد بضحك: بهزر حتى لو شايط هاكلو برضوا
انا: اعملك مكرونة بعرف اعملها
محمد: لا كده كفاية تسلم ايدك
انا: ثانيه
طلعت ورحت المطبخ وجبت العصير: امسك
اخدو مني: لا إيمان انتي كويسة
انا: اه ليه
محمد: مش عارف اي المعاملة دي هو انا هموت ولا اي
انا: بعد الشر يارخم
محمد: انتي كل حاجة عندك شتيمة كده مفيش اي كلمة حلوه ابداً
انا: معلش كل وانت ساكت بقى
محمد: انتي ماسكة عليا زلة يابت
انا: ايوه ياقتال القتلة انت
محمد: ده شغلي
انا: انك تقتل الناس
وقف وقرب مني وانا رجعت لورا: الي يخالف القانون يستحق الموت بأبشع الطرق صح
هزيت راسي وانا بصالو
محمد: مش سامع بتقولي اي
انا: ب.ب قول صح
محمد: طب مالك متوترة كده ليه
انا: م.م.مش.مت.و.ت.رة
محمد: بتقولي اي؟
انا: ا.ب.ع.د
