رواية غيرة حب الفصل المئه والخامس بقلم احمد صابر
انا:ايييي
محمد: نصابين وولاد جزمة يا إيمان مش كمياء هيا
انا: يالهوي
بصيت للحديدة وبصيتلو: الا قولي اسم المادة الي حولتها لدهب دي اي يا حظابط
محمد: ليه
انا: اهو اي حاجة استنفع منها اصل التعليم مبيأكلش عيش وانا حسه ان التعليم ده هيضيع مستقبلي
محمد: صح هو التعليم ده حاجة مهمة!
انا: انا عرفة قولهم ونبي
محمد: خش يابت ذاكري
انا: حاضر بس سؤال
محمد: اسألي
انا: مش الدهب ده عبارة عن ميه دهب
محمد: اه
انا: طب ازاي عملو كده يعني استنى انا نسيت السؤال اصلا
محمد: فاهمك... ماهو ده يعتبر لون مش ميه فيه ناس بتصنع ميه الدهب دي لاكن دي مش ميه دهب ده لون بس مش بيروح ف ساعتها
انا: الله شغلكو جامد اوي طب هو كده هيتقبض عليهم
محمد: اكيد...ادعيلي بس دي تبقي اخر مهمة ليا ف أمن الدولة
انا: اي هتعتزل
محمد: يابنتي انتي مالك انهارده ماتشتغلي مخك معايا كده يا إيمان انا مش قادر اشرح
انا: طب مانا مش فهمة
محمد: ان الأوان ادخل مخابرات بقى ده حلم سنين
انا: وانت فاكر انك لما تدخل مخابرات هترتاح دي خطر
محمد: خطر اي بس ولا خطر ولا حاجة
انا: انت ليه بتستهتر ب كل حاجة انت كده بتعرض حياتك للخطر مليون مره ف الدقيقة عارف يعني اي مخابرات يعني اعداء من كل مكان
محمد: اي إلى اختلف مانا ليا اعداء دلوقتي برضوا مفرقتش كتير
حطيت الطبق ع الطربيزة بعصبية: اعمل الي انت عايزو
وطلعت فوق ف البلكونة المنعزلة عن البيت كلو وانا حسه اني مخنوقة سندت براسي ع الحيطة وعيني غمضت
محمد: بخ
اتخضيت وقومت بسرعة وكنت لسا هصوت: اقسم بالله انت بارد وحيات ربنا
محمد: بس بقى نازلة فيا شتيمة اي ياشيخة مبتزهقيش
بصيتلوا وطلعت شديت الكرسي وقعدت عليه وربعت وكنت بتفرج ع العربيات والناس الي ماشيا لقيتو جاب كرسي وقعد قدامي ف قومت وعدلت الكرسي الجه الأخرى راح قاعد قدامي برضوا كنت لسا هقوم: متتهدي بقى
انا: انت مالك ها انت مالك
محمد: متقومي تديني قلمين احسن
انا: ومالو
محمد: يابت هرميكي من البلكونة صدقيني
انا؛ متقدرش
محمد: طب تعالي بقى
نزلت اجري من ع السلم وانا بصرخ نزلت جري ووقفت وسندت ضهري ع الحيطة وانا باخد نفسي ومسكة رجلي وانا بضحك: مش قدرة اجري ونبي كفاية
محمد: تعالي اوريكي حاجة
انا: اي اي هتوريني اي
شدني من هدومي: تعالي
انا: طب ليه قلة الكرامة فهمني مانا كنت جايا
محمد: بعتزر يا سمو الأميرة
انا: عفوت عنك
وطي عشان يقلع الكوتش: انزلي يابت
انا: نازلة اهو نازلة
نزلنا تحت ومسك الفون؛ اي في اي
محمد: متستني
انا: بتتعصب ليه دلوقتي بتتعصب ليييه
جاب الصوره وحط الفون قدامي
مسكت الفون وانا فطسانة ضحك: احيه متقولش لا هو ده احنا
هز راسو وهو بيضحك
انا بضحك: يالهوي ياما كنا صغيرين اوي الله ابعتهالي
محمد: لا
انا: ليه لاااااا
محمد: هو كده
انا: طب ليه فهمني بس اي المشكلة لما تبعتهالي
محمد: هو كيفي كده
انا: ابو برودك يخربيتك
وبصيت للفون تاني وكنت بتفرج ع الصوره: يختي عليا كنت قمر
محمد: ولحد دلوقتي برضوا
انا: مش فهمة
محمد: كنت عارف انك هتقولي كده
انا: ايوه انت كنت ماسك ايدي ليه ف الصوره
محمد: انتي الي كنتي مكلبشة ف ايدي ع فكرة
انا: كداب
محمد: اسألي خالتي
انا: اممم خلاص
محمد بتريقة: اممم خلاص
ضربتو ع ايدو وانا: هبل مش عوزه
محمد: حاضر
انا: الصوره جميلة اوي استنى فاكر القُصة دي
محمد: فاكر ودي حاجة تتنسي
Flash back
كان فاضل اسبوع ع العيد وانا كنت عند خالتي وماما وخالتي كان عندي قُصة لحد حواجبي كده وتقيلة ومن الجوانب طويلة اخدت المقص ودخلت الاوضة وقصيتها قدام المراية ولما شوفتها ف الاخر اتصدمت وعيني احمرت وخلاص هعيط ومكنتش عرفة اعمل اي روحت لمحمد الاوضة لقيتو بيذاكر: محمد
محمد وهو باصص ف الكتاب: نعم
انا: اللحقني
رفع عيونو من الكتاب وبصلي: اللحقك ازاي
شيلت ايدي مكان مقصيت وانا كنت حطه صباعي ف بوقي وبصالو بخوف لقيتو من الصدمة مقدرش يتكلم شال صباعي من بوقي: اي إلى انتي عملتيه ده
انا: قصيتو
محمد: مانا عارف انك قصيتيه انتي ليه بتقولي حاجة انا شايفها قصيتيه لييه
انا: هشش وطي صوتك... ونبي متقول لماما ونبي
محمد: عملتي كده لييييه
انا: كانت بتنزل ع عيني وبزهق وانا مكنتش حباها اصلا
محمد: كنتي حطيلها اي حاجة بنس مثلا مش تقصيها ب الشكل ده
انا وع وشك البكاء: طب اعمل اي دلوقتي
محمد: ياعيني دا خالتي لو شافتك هتعمل من وشك القمر ده شاورما ليها حق اي إلى انتي عملتيه ده انتي بصيتي ف المراية بعد ماعملتي المصيبة دي
انا؛ انا مكنتش اعرف انها هتبقى كده والله
مسك ايدي وفتح الباب وبص ملقيناش حد لأنهم كانو ف الاوضة التانيه قفل الباب وقعدني ع الكرسي وشال التوكة وفرد شعري وكان بيحاول يداري مكان القص: عملتي كده ليه يا إيماااان حرام عليكي كان شكلها حلو اوي
انا: مش هيا هتطول زي الأول وهاتبقي زي دول كده صح يا محمد
وكنت مسكة خصلات شعري وبشاور عليها
محمد: انشاء الله... ربنا يستر
ماما دخلت الاوضة بسرعة وانا استخبيت وراه وانا بعيط
محمد: يا ساتر يارب في اي يا خالتي
والدتي: عملتي اي
انا: معملتش حاجة
والدتي: بتكدبي
محمد: اي يا خالتي دخلة المخربين دي استهدي بالله
شدتني من ايدي وانا مسكة ف ايديه ومش عايزة اسيبها وعمالة اعيط وهو كان بيحاول يفك ايدي من ايدي: اهدي بس يا خالتي في اي
شالت شعري من ع وشي وراحت لطمة: ينهارك اسود
محمد: اي في ايييي سودتيه ليه
والدتي: اي إلى انتي عملتي دااااا
محمد: عملت اي الولية ماهي زي الفل اهي
انا: يعني اي وليه
محمد: هو ده وقتو لما تكبري هبقي اقلك
والدتي: قصيتيه ازاي ده ردي عليا
محمد: بالمقص
والدتي: لايشيخ! جلطة يارب جلطة
محمد: ليه بس متقوليش كده هو شلل نصفي بس
جابت المكنسة والا تضربني وهو بيحوش عني عشان العصاية متجيش عليا وكل ماتيجي تضربني تيجي عليه هو وانا اضحك وانا بعيط
محمد: اضحكي اضحكي انتي السبب
انا: معلش بتوجعك
محمد: بتوجعني! لا رجلي وقفت بس
والدتي: اوعى يا محمد سيبهالي
محمد: اسيبهالك اي هتموت ف ايدك يا خالتي خلاااااص والله انا هفهمااااااا
والدتي: ولله ابدا
محمد: خلاص بقى حرام عليكي هتضربي طفلة ب عصاية المكنسة اي انتي من كفار قريش ولا اي خالتي لامو اخذة يعني
والدتي: انت خليت فيها لامو اخزة وانتي مش هسيبك هستناكي برة
محمد: تستنيها بره! اي يا خالتي هو انتو ضاربين بعض ف المدرسة متصلي ع النبي بقى يا خالتي واستهدي بالله كده
والدتي: اي إلى عملتيه ده اي إلي عملتيه داااااا
انا: عيب متعمليش ف نفسك كده
والدتي: انتو عايزين تفرسوني انتو الاثنييييييين
اتخضينا من صوتها ورجعنا لورا: امك بتتحول
ضحكت راح باصصلي وضاحك وقعد يمسد ع شعري وانا بصالو
انا: هتسيبني
محمد: اسيبك اي دي ممكن تاكلك
انا: هتضربني
محمد: لا ياشيخة مش لدرجة دي هتقتلك بس
انا: يعني ده ولا ده
محمد: هو انتي بشتري عصير
انا: انت هتمشي صح
بصلي وهرش ف شعرو: عليا درس
مسكت فيه: ونبي متسبنيش لوحدي
محمد: اسيبك اي ممكن ارجعك ملقاقيش دي مستحلفالك
انا:خلاص خودني معاك
محمد: اخدك معايا ازاي بس
انا: ونبي يا محمد هقعد ساكتة والله
بصلي بتفكير وعدل شعري ومسك ايدي وكنا طالعين شاف شعري الي ع التسريحة راح ماسكو: روحي يا شيخة مني لله مش هقدر ادعي عليكي يلا قدامي
انا: لا اطلع انت الاول ممكن تكون بره
طلع وانا كنت مستخبية فيه وكنا طالعين بره لقيتو خبط ع راسو: في اي
محمد: نسيت الكتاب
انا: ادخل اجيبو
محمد: مش هتعرفيه استنى
دخل يجيبو وانا كنت مستنياه بره لقيت الباب التاني بيتفتح دخلت جوه وقفلت الباب بسرعة: ماما يا محمد ماما
بص ف الساعة وهرش ف شعرو وحط الكتاب بيأس: انا كده كده اتأخرت تعالي
بصيتلوا وضحكت: مش هتروح الدرس
محمد: درس اي بقى مانا اتأخرت...مالك فرحانة كده ليه
انا؛ فرحانة وخلاص
قلتها وانا مكسوفة مش فهمة ليه راح باصصلي وضاحك
محمد بضحك: والله محد هيجلطني غيرك
Back
انا: دانا كنت هتشلوح
محمد: هتشلوح! انتي بتجيبي الكلام ده منين
انا: بسرح بمناديل ف الإشارات اسمع مني واخر النهار بسرح ع عربية فول
محمد: اشمعنا اخر النهار
انا: عشان السحور وكده شغل دماغك انت مش ذكي ع فكرة
محمد: صح انا غبي
انا: هديك شوية ذكاء امسك
حطيت ايدي ع راسي وبعدين حطيتها ع راسي
محمد: اوعي ياشيخة هتعديني غباء الله يخربيتك
انا: مش عرفة اقلك اي انا زهقت المود ده محتاج...
محمد بمقاطعة: اكل مش كده
انا: الله ينور عليك
دخلت عملت ساندويتشات جبنة ولانشون وسندويتشات مربة وطلعت وانا باكل: تاكل
محمد: اكل اي بقى انتي احتمال تكليني
انا: لا ياشيخ مش لدرجة دي
محمد: عرفة بتفكريني ب مين
انا: مين
محمد: ب مي عز الدين ف فيلم حبيبي نائما بس هيا بقى كانت بتتخن انتي عود اسباكيتي يابابا
انا: مش عرفة يالا تقريبة عندي مرض السول ولا اي نفسي اتخن يا جدعااااان
كنت بتكلم وانا باكل وبوقي مليان وخدودي منفوخة
محمد: يخربيت خدودك
انا: خمسة ف عينك
محمد: لو كان ينفع بس مكنتش سيبت خدودك دي والله
انا: مش فهمة
محمد: الحمدلله
انا: عيل بارد
محمد: طب انا دلوقتي الاقيها مش شفايفك ولا من خدودك مش حرام الي بتعمليه فيا ده
انا: انا حسه انها حاجة قليلة الادب قسما بالله يا محمد لو محترمت نفسك لعيط اقسم بالله وحيات ربنا ل.....
محمد بمقاطعة: بسسسسس خلاااااص اييييي بتفصليش ده الراديو بيفصل
انا: خلااااص سكت يا حزني
قعد اكل وكنا بنتفرج ع التلفزيون: اسمعني بقى هقلك شعر
محمد: ربنا يستر قولي
انا: واني ف هوا النوم متيمُ ومالي سوا النوم عشيقا وددت لو اني ف يوم اعانقة واخبره اني ف هواه غريقاااا... ها اي رأيك
محمد: لا بجد من اكتر القصايد ان الواحد يبقى فرحان انو سمعها ولسا عايش
انا بضحك: معنويااااااااتيييييي
محمد بضحك: بقت ف الارض انا عارف
انا: اتدفنت خلاص
معاذ وهو طالع من الاوضة: هيا موهبة تستحق الدفن فعلاً
انا: ربنا يخليكو ليا دايماً رفعين من روحي المعنوية مش عارفة منغيركم كنت هعمل اي
معاذ: عدي الجمايل بقى
انا: ساقطة رياضة
محمد: تربيتي
انا: من بعض ما عندكم ياباشا
محمد: حبيبي
معاذ: حسبي الله ونعم الوكيل
وطلع وهو بيعيد ف نفس الكلمة واحنا بصينلو بستغراب لحد ماطلع وبعدين بصينا لبعض وانفجرنا ف الضحك
الفصل المئه والسادس من هنا
