رواية غيرة حب الفصل المئه والسادس بقلم احمد صابر
انا بضحك: عيل متخلف... يلا باي هروح انام
محمد: تصبحي على خير
انا: وانت من اهل الخير
نزل وصلني قدام البيت دخلت وهو وطلع وانا طلعت اوضتي اترميت ع السرير
*تاني يوم*
صحيت من النوم اديت فرضي ونزلت من البيت وانا لابسة دريس ازرق وطرحة لونها ابيض وفيها خطوط زرقاء
طلعت بسرعة وانا برمي الكوتش ع الارض وطلعت اللبسو بره
ندى: اوبااا
انا: اي
ندى: شكلك جميل اوي والله
انا ب احراج: ياحزني خلاص بقى
قعدت تضحك
قابلت حنين كانت جايا من الدرس
حنين: اي دا اي دا اي دا طب وربنا قمر
انا: ياحزني بتكسف اقسم بالله بتكسف مش بهزر ياولاه اوووف
حنين: دانا لو مش بنت كنت عاكستك
انا: امشي يا حنين
حنين: مش هنلاحق ع العرسان انهارده
انا: حنيييييين
حنين: طيب خلاص ثم كملت بصوت واطي محمد لو شافك كده هيغمي عليه
انا: يلا يا ندىيييي
قومت بعد مالبست الكوتش وهيا مشيت لقيتو نازل ورايح يركب العربية بصلي بسرعة وبص قدامو وبعدين رجع بصلي بتفأجئ وفضل باصصلي ومتنح: يخربيتك
اتجهت للمكان الي واقف فيه راح باصص ف الارض
انا: في اي
محمد: ها لا مفيش
انا: شكلي وحش
محمد: شكلك وحش اي بس
انا: اومال اي
محمد: احم انتي انتي راحة فين
انا: الدرس
محمد: طب خلي بالك من نفسك
انا: حاضر
كنت لسا همشي وهو هيركب ببص ع العربية لقيت الاسويرة بتعتي ف مديت ايدي اخدها وهو كان ركب العربية ومفيش مسافه بينا
محمد: بتعملي اي
انا: ناولني الاسويرة بعيدة مش طيلاها
بلع ريقو وبص ف الجه الأخرى وجاب الاسويرة وادهالي اخدتها وبعدت ولبستها: سلاام
محمد: سلام
قفلت الباب وهو اتحرك ب العربية
ندى: هو انتي تعرفيه
انا: ده ابن خالتي
ندى: بجد
انا: لا بزاوية
ندى: يابارده...طب هو مرتبط
بصيتلها بحاحب مرفوع ورجعت بصيت قدامي: ليه
ندى: بسأل
انا: متجوز وعندو عيال كمان
ندى: نعممم
انا: اي
ندى: ده مش باين عليه خالص ازااي
انا: زي مسمعتي كده
وصلت لدرس وطلعت بعصبية
زينب ب تفاجئ: إيمان
انا: يحزني ياما
أميرة: والله شكلك جميل بجد
انا: ابتلاكو بحزن
زينب بضحك: بتتكسفي
انا: ايوه ياستي
زقيتهم ودخلت
الميس: اي الحلاوه والشياكة دي
انا وحطيت الطرحة ع وشي: يالهوي ياميس بتكسف اقسم بالله بتكسف
كلهم قعدو يضحكو رحت داخلة وقعدت
رحمة: الميس عندها غمزات
هاجر: سلفيني غمازة
انا: وانا الغمازة الثانيه
الميس: وريني غمزاتك كده يا إيمان
هزيت راسي ب لاء وانا بضحك
هاجر بضحك: مكسوفة
الميس بضحك: وشها بيقلب اللوان من اقل حاجة
ضحكت وبصيت ف الكتاب
الميس: ايوه إيمان عندها غمزات اهي
حطيت الطرحة ع وشي: يختيييي
قعدو يضحكو وبعدين كملنا الدرس... بعد ماخلصت دروسي كنت ف طريقي للبيت وكان فيه ولاد كتير طالعين من الدرس وقعدو يصفرو حسيت ان هعيط ف اسرعت مشيتي وكنت حسه ان عايزه اجري اول ماوصلت البيت اخدت نفسي دخلت وطلعت ع اوضتي غيرت هدومي لقيت الفون بيرن: الو
محمد: سلام عليكم
انا: عليكم السلام
محمد: اصل قولت ارن اسأل ع خالتي
انا: اممم بجد والله
محمد: اه
انا: ماما كانت عندكم الصبح
محمد: ها
انا: ها اي
محمد: ماهي وحشتني بقى
انا: شوف ازاي طب ومرنتش ع فونها ليه
محمد: اه ماهو انا نسيت يعني
انا: طب تاخد تكلمها
محمد: الله يخربيت دي دماغ
انا: ماتقول انك رانن عشان تكلمني يا محمد اي لزمتها ده كلو
محمد: لا مش كده ده انا كنت رانن أسألك عن حاجة ونسيت
انا: انت بتنسي!! اممم ع العموم ماشي هعمل نفسي مصدقة... البيت عامل اي منغيري عرفة ملوش بهجة كده انا عرفة انا الي بفرفشكو ربنا يحميني
محمد: يارب
انا: انا جعانة اوي
محمد بضحك: لا اجمدي لسا الظهر مأذنش
انا: انت بتحبطني متهون عليا
محمد: الناس بتعطش وانتي بتجوعي اومال هتعملي اي ف رمضان
انا: انا مش عطشانة انا جعاااانة
محمد: تعالي كليني يا إيمان تعالي كليني
انا: لا ممنوعة من الحلويات... استغفر الله العظيم اللهم اني صايمة
سمعت صوتو وهو بيضحك
انا: دانا هدخل الجنة حدف والله ان بضحك واحد زيك
محمد:خليكي معايا ثانيه
انا: ماشي
بعد 5 دقائق
محمد: الو
انا: ايوه معاك.. هو انت ف القسم
محمد: اه
انا: طب مشغول اقفل؟
سمعت صوت ضرب نار
انا: اي الصوت ده
محمد: كلب ومات متخديش ف بالك... ها عملة اي
انا: ياما... قتلت مين
محمد: مقولتلك متخديش ف بالك
انا: طيب
قعدنا نتكلم من الساعة 9 ل الساعة 3
أنا: الو محمد انت نمت
محمد: لا معاكي اهو
انا: بس ياسيدي ده كل الي حصل ده زنبي
محمد: لا
انا: انا مش عارفة احكيلك انت هتبات ف الشغل ولا اي
محمد بضحك: لا جاي ف الطريق اهو
انا: ماشي احكيلك بقى ع ماتيجي المهم بقى
قعد يضحك وانا مستغربة
انا: في اي
محمد: مفيش كملي كملي
انا: ماشي
وقعد اتكلم لحد ماهو جه الساعة 2 بصيت من البلكونة كان هو جه ونزل من العربية وهو ماسك الفون وبيكلمني ف صفرتلو: براحة ع الارض عشان مش بتاعتنا
محمد: الله يخربيتك يا معاذ فسدت اخلاق البت
انا: مش هتيجي
محمد: مش هروح
انا بضحك: الله يخربيت عقلك
طلع ع السلم وهو بيكلمني: بس شوفت وحده النهارده قمر اوي
انا: نعم ياروح امك
محمد: اي
انا: وحده مين يابا
محمد: وحده واخدة قلبي وعقلي
انا: متهبلش عشان مش بهزر وهقفل
محمد: الله اكدب بس كانت قمر انهارده
انا: كانت لبسه أي
محمد: ازرق
انا: محمد
محمد: قلبو
انا: هقفل
محمد: خلاص يا فضيحة
انا: هتيجي معانا يوم الاربع
محمد: اه
اناا: الشارع الي وراه هييييح
لقيتو قفل ف وشي الفون بصيت للفون بصدمة ممزوجة ببعض العصبية ورنيت عليه تاني واول مفتح قفلت ف وشو ورميت الفون ع السرير بغرور: انا طبعي كده وبحب كده
لقيت حاجة بتتحدف عليا من البلكونة: في اي يا متخلف انت
محمد: انا تقفلي ف وشي الفون
ونزل وكان جاي وانا مش عارفة اروح فين
محمد: انزلي
انا: مش هنزل
محمد: طلعتي فوق الدولاب ازاي انتي
انا: زي السكر ف الشاي
محمد: لا وبتستظرفي كمان انزليييي
انا: استنى مش عارفة
محمد: احسن اي شغل القرود ده
انا: بقولك اي ملكش دعوة بيا دلوقتي عشان انا ف مرحلة الصمود والتصدي هجوووووم
ونطيت ع السرير والسرير عمال يرفعني لفوق وانا فطسانة ضحك
محمد: يخربيت الهبل
السرير وقف وانا فردت ايدي وانا بتنفس وبضحك: اه ياما ضهري
جه يمسكني نزلت ورا السرير بسرعة وفضلت اتسحبت بس لقيتو ف وشي ف صرخت وقومت وطلعت بره بسرعة ونزلت جري ع السلم وهو وقف فوق وحط ايدو ف جيبو ف حطيت ايدي ف جيبي وكنت بقلدو
انا: اخر مره اسمعك وانتي بتعلي صوتك يا إيمان تقعدي هنا متنزليش تحت عرفة لو جيت ولقيتك تحت هعلقك
كنت بتكلم مع الكنبة وهو واقف مراقبي كنت لسا هكمل بس افتكرت حاجة: ماتيجي تدريني ينوبك ثواب فيا
محمد: انتي هتشحتي يا إيمان ياحبيبتي
شمرت كمام التيشيرت بغرور: يلا بينا
محمد: يلا
انا: يلا ياخويا
محمد: اخويا! يلا يااختي
انا: اوختك اوخت مين لامو اخزة
محمد: اوختي الله مش انا اخوكي
انا: لا يابا معنديش اخوات انا مش اخت حد
ضحك وهز رأسو بيأس
مشي قدامي وانا مشيت وراه وانا بغني وبرقص منغير صوت طلعنا ع فوق فتحت كل الستاير والشبابيك: ايوه كده خلي الدنيا تنور... هو اي ده يا حظابط
مسكت حاجة غريبة من ع الطرابيزة
اخدها من ايدي وحطها مكانها: ياريت نهدا شوية
انا: بس كده من عيوني...يلا قولي اعمل اي
محمد: اقفي قدامي هنا
انا: طيب
محمد: اللبسي دي ف ايدك
انا: اي ده الله انا عرفة البتاعة دي... اسمها اي بقى
لقيتو بيحاول يتمالك اعصابو وميتعصبش لبستها بسرعة: ها ياباشا وبعدين
فضلنا اكتر من ساعتين وهو بيدربني
انا: انا كده مؤهلة ادخل شرطة
محمد: انتي مش مؤهلة انك تدخلي مطبخ حتى
انا: الله يخليك
وقفت وكنت بعيد كل الي علمهولي ولسا بلف برجلي راحت جاية ف الكمود وقعت كل حاجة ع الارض بص الحجات وخبط ع وشو وانا حطيت ايدي ع بوقي بصدمة: استهدا بالله صحتك بالدنيا
محمد: يابنتي انتي حد مصلتك عليا
انا: والله ابدا هو انا حد يعرفني اساساً اصلاً
محمد: اومال ليه مبتقعديش هادية زي البني ادمين ليه كل مابتبقي ف مكان لازم تحصل مشكلة
انا: اهدى انا هرجع كل حاجة زي مكانت بس اهدي متعملتش ف نفسك كده مصر محتجالك ياباشا
محمد: بلاش استفزاز
انا: طيب حاضر حاضر مش هتكلم خالص بص اهو حطيت القفل
اخدت كباية الميه شربت وكنت بحطها وانا مش بصه ف وقعت ع الارض اتكسرت حطيت ايدي على ع بوقي وبصيتلو لقيتو حاطط ايدو ع وشو
انا: خدت الشر وراحت خدت الشر وراحت
محمد: عادي يا إيمان ده دي كانت آخر كباية من داستت الكبايات الي كسرتيها مفرقتش كتير يعني
بصيتلو وانا بحاول مضحكش بس مقدرتش امسك نفسي وانفجرت ف الضحك
ضرب كف ب كف وضحك وهو بيبصلي بيأس: انزلي يا إيمان انزلي
نزلنا تحت قعدنا ف البلكونة
محمد: بقلك اي
انا بغمزة: اي
رفعلي حاجبو: بتغمزي ليه
حطيت ايدي ع عيني واتكلمت بستغراب: مش عرفة تقريباً عندي مرض كلابي ولا اي
محمد: لا دانا اخاف لتعدي بقى
انا: كده ف اول مطب تسيبني وتخلع
محمد: مطب اي العربية حصلها حاجة
انا: خفة
دخلت حنين بسرعة
حنين: لامو اخزة لو هقاطعكم عن مرحلة القلش والتريقة عيزاكو ف موضوع مهم
حنين طلعت واحنا بصينا لبعض بستغراب وطلعنا
انا: ها
حنين: فكرين اليوم الي ايمان اتخطفت فيه
هزينا راسنا
حنين: لا ده ملوش اي علاقة ب الموضوع الي عيزلكو فيه بس افتكرتو فجأة ف حبيت افكركو
محمد بصلها بملل وانا حطيت ايدي ع راسي ونفسي اقوم اقلع شعرها
حنين: المهم
محمد ببرود: المهم
حنين: العريس جاي بكره وانا مش عارفة اعمل اي
انا وانا بقشر الموزة ومش وخدة بالي: وافقي
محمد بصلي ف اتعدلت وبصيت لحنين بسرعة: اقصد هنطفشو هنطفشو
حنين: وانت رأيك اي
محمد وهو بيهرش ف راسو بتفكير: والله انا شايف انو شخص كويس
حنين: قصدك ان أوافق يعني!!
محمد: دي حاجة ترجعلك لو مش موافقة محدش جبرك وانتي قولتي بلسانك ان والدك قال لو مرتحتيش ارفضيه بس يكون السبب مقنع وبصراحة عندو حق
حنين: انا عايزه اكمل تعليمي
محمد: هو مش ممانع انك تكملي عندو
حنين: عايزه اكمل عند بابا
محمد: انا قولت وجة نظري والي انتي شيفاه صح اعمليه
انا: ماتشوفيه يا حنين مايمكن يعجبك
بصت ف الارض بيأس: ماشي
انا: تاخدي موز
بصتلي بغيظ وبصت قدامها وسرحت
انا: مالها دي
الجرس رن وراحت تفتح وهيا سرحانة فتحت الباب وهيا بصه ف الارض و سرحانة ودخلت وسابت الباب مفتوح ومازن دخل وباصصلها بستغراب وبعدين بص لمحمد: انت منزلتش
محمد: لا تعبت شوية ف معرفتش
مازن: تعبان ازاي مالك انت كويس
محمد: كويس شوية برد بس عادي يعني
انا: بقلك اي يا دكتور
قعد يتلفت حواليه وبعدين بصلي وشاور عليه: بتكلميني انا
محمد: ياعيني يابني مكنش متوقع ان يجي اليوم وتحترميه
مازن بصلو وضحك
انا: ايوه طبعاً بكلمك انت
مازن: إيمان هو انتي تعبانة
هزيت راسي ب اه: وانت طبعاً الي هتكشف عليا ويا مزون يا قمر انت طبعاً مش هتكتبلي ع ابر صح
محمد: مزون!!
مازن: هو بمزاجي اي الهبل ده
انا: شوف انت الي بتغلط اهووو
مازن بتريقة: انا اسف حضرتك
انا: عفوت عنك
مازن: ماعلينا ك....
انا بمقاطعة: علينا ولا عليكم هييييح
مازن: لا كده كتير بصراحة انا قايم
سابنا ودخل اوضتو ف بصيتلهم بستغراب: مالو ده كمان
محمد: تفتكري ممكن يكون من سخافتك
انا: لا معتقدش
محمد: اممم هو كتير فعلاً
وسابنا ودخل اوضتو هو كمان
انا: بقو نرفوزين اوي ليه ميتقبلوش الهزار بصدر رحم... مزوووون
محمد: هطلع اعلقك
حنين: احسن
انا: بقولك يا حنة
حنين: اي ياختي
انا: ماتيجي نتجوز
